Salami Restaurant

記得小時候聽同學仔話去荃灣沙樂美鋸扒，四十年後，終於有機會自己去沙樂美，當然要打卡，懷緬一下兒時的感覺!當天小妹大概中午12點前到達，地下層已有數枱客開始午餐，侍應叫我上閣樓坐，所以我就跟他指示行上閣樓! 的確，閣樓相對比較少人，而且環境比較清靜濶落，再加上保留了懷舊的階磚裝修，別有一番風味 !坐好後，小妹當然即時看看這裡的餐牌啦，見到有沙樂美的幾款主打午餐和鐵板午餐，價錢很實惠，雖然款式不及新式冰室咁多選擇，但小妹相信是這間老派港式西餐廳的特色招牌， 所以必定要試試😊!小妹點了一個鐵板午餐「帶子伴美國雞扒拼薯菜(配白菌蒜蓉汁)」! 首先來的是羅宋湯和牛油餐包， 羅宋湯都算足料，味道也可以，但質地較為稀一些；而餐包就沒多大特別，只是一般餐包跟牛油!至於鐵板帶子伴雞扒的確是很抵食! 有兩粒原隻帶子再加兩塊大雞扒，又有薯菜，份量真是非常多! 但小妹覺得塊鐵板唔夠熱，當待應淋汁時，並沒有啫啫聲和煙霧瀰漫，小妹就有少許失望囉:( ! 但塊雞扒很嫩，味道也不錯；但由於份量好多，小妹都係KO唔曬兩塊大雞扒，最後食淨半塊雞扒和薯條呀! 食完主菜，侍應就奉上甜品～自家製朱古力碎碎雪糕，這個雪糕真是無得輸，甜度和硬度適中，再加埋朱古力碎碎在雪糕內，好好味呀! 莎樂美的鐵板午餐售價73元(連餐飲)，加埋服務費都只是80元正，性價比超高，確實是超值!如果大家有機會去開荃灣，不妨到訪這間仍保存閣樓的懷舊港式西餐廳，嘆嘆茶，鋸鋸扒，齊來尋找一下昔日的回憶啦!…Read More

今日出荃灣午飯，同事提意到莎樂美餐廳，即拍板Go Go Go。由細食到大，這裡大件夾抵食，平民西餐，以$70鐵板午餐，食物質數不可太挑剔。落單後，馬上有餐包餐湯自己情有獨鍾必選羅宋湯😋😋😋湯夠熱、味道濃郁，勁好味（兒時回憶）周打魚湯～附送梳打餅😎其他餐廳已經沒有這塊餅了忌廉芝士焗豬扒飯～豬扒夠冧，炒飯底夠乾身鐵板魚柳餐轉碟上～味道一般鐵板午餐～雞扒黑椒汁，兩片雞扒。冧汁吱吱喳喳勁彈汁鐵板午餐～牛肋條黑椒汁仲有餐後甜品😎😎～朱古力雪糕內有碎朱古力😋😋…Read More

尋晚同寶寶喺荃灣談心，聽聞呢間莎樂美都出名，出名特別貴，所以就嚟咗幫襯吓。餐廳都full 咗，要等一陣，估唔到咗咁多人。打開餐牌，其實價錢西餐都唔貴，但以我同寶寶喺懷舊西餐廳縱橫多年，相對下係小貴，仲要加一！寶寶就滿懷希望點咗精選特餐，小弟就叫左夏威夷雞扒餐！先上紅湯，飲落係微辣，開胃嘅！再上寶寶嘅沙律，都幾豪氣，有煙三文魚，食落ok。再上法式田螺酥盒，個盒好鬆，同d汁幾夾！到主菜，寶寶七成熟牛仔骨扒，啱啱好！份扒又大份！到小弟份雞扒，有兩大舊，食唔曬，贏份量！夏威夷汁仲要有菠蘿，正！上埋餐飲同雪糕，滿足。咁多嘢食，寶寶話唔貴，所以都唔錯嘅！不過都係因為太多客，趕客服務，唔會坐得耐…Read More

為了去滿足自己食慾 去左食牛排友人先過我到 幫我叫左鐵板牛柳餐餐有跟羅宋湯/餐包 飯同意粉就唔洗加了因為塊牛已經好大塊餐包方面 店員沒有牛油刀 餐包是冷的 硬的可是羅宋湯比餐包做得好多有肉味和蔬菜味 不算太辣 湯料足夠餐到了 見到兩塊大舊牛柳 已經覺得幾飽友人先講原來幫我叫左三成熟嚇一嚇 個人好怕食 三成熟帶血的牛肉不過黎到切左一下 發現牛柳餐都幾熟錯有錯著 外面就5成 食到入面就得3成牛柳餐質感好有肉感 有嚼勁但不算費力肉裡帶肉根扣少少分 不過都有一點點牛味鋸塊$155肉 雖然味道唔算好正 但計份量是滿意的餐飲方面 飲品好細杯 是水奶茶不過友人叫了生啤 在鋸扒店飲到啤酒真是特別最後仲包一個雪糕小甜品總括來說 喱間餐廳是個頗好的選擇份量大 味道不算大差但如果係細食的人 應該要打包點牛回家了…Read More

今晚和老公選擇西餐作晚餐，選擇了歷史悠久而味道都保持水準的莎樂美。我叫了一個西冷牛扒，七成熟，和羅宋湯。羅宋湯熱辣辣，而雜菜的料很充足，十分好味，十分推介！西冷牛扒明明叫了七成熟，卻是上了三成熟。告訴了侍應，他立即幫我將塊扒拿入廚房再煎過。牛扒肉質很冧，很入味，真是大件夾抵食！套餐附送咖啡奶茶，而凍飲不用加錢。套餐亦附送雪糕一球，非常抵食！可惜我覺得衛生仍有待改善。事緣在我們吃雪糕的時候，有個侍應在我們附近剪指甲！！！雖然有一米多的距離，但這關乎衛生的問題，怎可能在乘客面前剪指甲呢？十分嘔心！…Read More

同朋友去荃灣聚舊, 吃餐豐富D既晚飯, 第一時間諗起莎樂美,依舊鐘意去返舊舖, 感覺懷舊D, 返回那些年既時候...6:15到達, 由於太早, 未開放樓上,唯有係樓下坐啦, 環境有少少昏暗..睇完所有餐牌後, 大家都係決定吃雜扒餐,因為雜扒餐乜都有, 好豐富! 有湯, 有扒, 有甜品, 有飲品, 抵!羅宋湯首先飲個羅宋湯及餐包,好多雜菜, 不過越飲越辣, 唔洗加其他調味料..雜扒餐雜扒餐有豬扒、牛扒、雞扒、火腿、腸仔和雞翼,份量真係好多, 完全唔知點落手吃,最後拎走左隻雞翼, 開始吃腸仔同火腿先..豬扒、牛扒、雞扒塊塊都好大塊,而且好有肉汁, 我最鐘意吃配菜同薯角..最後, 仲有個朱古力綿花糖雪糕, 邪惡既晚餐就完結了!…Read More

住荃灣的人一定會識的老牌扒房，莎樂美餐廳。我每次行山到荃灣都一定會食的扒房，因為它的午餐性價比非常非常之高今晚難得係附近上完堂，第一次試它的晚餐Menu有好幾頁，但大部分人都只會看頭兩版的套餐：餐包，沙律，湯，扒，飯or意粉，雪糕同飲品。價錢由幾十到百幾加一服務費晚餐，黑椒牛扒意粉，凍奶茶係我今晚的選擇出菜的次序，時間非常好，先來沙律，餐包及羅宋湯沙律有波羅，橙片，奇異果，紅蘿蔔薯仔，生菜，種類算多，味道比起同價位的餐廳好麵包暖暖的餐包加埋牛油，我的至愛。放落羅宋湯特別好味羅宋湯有牛腩粒的羅宋湯功架十足，少少辣味，仲有其他配料，好飲當食完以上前菜，侍應會收起，過不久，主菜才會出現。這個安排特別好，唔會有一種趕住走的感覺又唔會整張枱都放滿食物，最重要是主菜唔會因為冷氣而令質素下降黑椒牛扒意粉（碟上）牛扒有兩塊，約半寸厚，份量恰好。不過...肉質非常韌，切開後放入口，要咀嚼很久才可下嚥。意粉反而值得一讚，用茄汁炒底，好香而且就咁食已經好好味。黑椒汁唔錯，少少辣好香差不多食左大半，侍應會問飲甚麼餐茶。叫完後我開始玩電話，侍應問係咪食完惗住收碟，我話等一陣會繼續食，佢大聲同其他侍應講4號枱唔收住，呢樣一讚，因為真係好怕一個輪住一個的侍應問住食完未雪糕當主菜收左之後，雪糕跟住上枱 ，估唔到唔係單一個雪糕球，仲有士多啤梨醬同棉花糖，而且雪糕入面係有朱古力碎，唔錯凍奶茶比茶餐廳的分量細，但夠飲。而且有杯水放係隔離，食完塊扒飲啖水再飲杯凍奶茶相當滿足可能食完雪糕飲埋杯凍奶茶，再加上感覺到風的冷氣，好快我就要叫埋單。細看周圍，兩層大概50座位，中間有張長枱，另外大部分屬於4人卡位，梳化比較殘舊，而且餐巾都是穿洞的，應該用左相當耐的日子服務算不錯而且好有程序，應該老闆有一套法規給侍應遵守食物質素不錯，但主菜牛扒不夠軟熟，好韌。個人認為午餐比晚餐更有水準，性價比更高全單87蚊，一餐豐富的晚餐！…Read More

食lunch當然要搵好平又好食啦落堂去莎樂美食lunch叫左一份串燒大蝦皇伴莎地亞雜扒($55)同朋友兩份分湯有得揀周打魚湯同羅宋湯羅宋湯辣辣地幾好味 但唔食得辣既可能會覺得辣...份扒好大份呀有火腿 一隻大蝦 豬扒雞扒各一大塊 有腸 仲有薯菜😋每個餐加$3可以跟飯或意粉個意粉係茄汁意粉 唔同其他餐廳會就咁俾白烚意粉食晒之後每個餐再送個雪糕球😋大滿足食飽又有力做野啦除返每人先$32 好抵呀…Read More

今日約咗朋友去荃灣lunch. 上次去過莎樂美嘅分店, 感覺服務唔多掂, 食物比老店差一皮. 所以今次寧願行遠啲過老店食.叫咗兩份串燒大蝦伴什扒餐先嚟羅宋湯及牛油餐包--羅宋湯酸酸甜甜, 味道唔錯. 餐包夠熱, 即時搽上牛油, 正!串燒大蝦伴什扒--份量都好多, 有大蝦皇一隻/火腿/腸仔/雞扒/豬扒各一件, 仲有薯條+雜菜.大蝦爽口 (但朋友果隻就唔多掂) 雞扒煎得香口肉嫩 厚切嘅豬扒都唔錯 薯條雖然已被熱汁浸林了, 但起碼食得到 (唔似上次分店咁燶到食唔到)仲有雪糕+飲品 非常滿足!埋單 $117.00 每個餐$58.50…Read More

突然間不知為什麼很懷念小時候難得食到的豉油西餐，長大後才了解到這是我們香港的特式食品，也可稱為港式西餐，這天就拉著太座和肥妹倍我一同重試。因為這餐廳不設訂位，要趁著時間尚早，未到中午十二點就到達餐廳，才不用排隊等位，也剛好開放閣樓，我們就坐上閣樓的卡位。坐下後看到檯上的餐牌已被鐵板餐吸引著，或許是太久沒有食這類鐵板餐吧，結果我點了蒜茸龍脷魚柳扒餐，肥妹就要串燒大蝦皇伴莎地亞什扒，太座怕肥就點了個沙律餐。先上來的是牛油餐包，雖然是外購品，但還算有點心思，麵包微微焗過，有微溫，入口綿軟，算是不錯。餐湯我要了周打魚湯，湯底做得麻麻，用粉開出來再加料，但非常不均勻，入口太稀，但當中又有些未完全溶解的粉漿，味道算是咸淡適中，可惜魚味和忌廉味都極淡，不過就很有誠意地在湯內放入一片梳打餅，懷舊味道十足。太座的羅宋湯我也試了兩口，味道微酸，頗有菜味，似乎比我的周打湯好。蒜茸龍脷魚柳扒，份量十足，我原先估計都是一件普通的龍脷魚柳加幾條薯條和一兩件菜蔬，但上來的龍脷柳竟有兩大件，薯菜等份量也不少，但質量當然不是太高了，魚肉有點散，入口頗削，兼且無魚味，食得出是雪藏材料，而不是冰鮮，蒜茸汁就調得不錯，清淡香甜。太座的燒雞火腿沙律除了份量算是不少外，無論味道和材料都真的十分一般，我試過一點，火腿無特別，燒雞太鞋又無味，沙律醬又杰又不鮮味。肥妹的大蝦伴雜扒份量簡直驚人，要叫侍應多給一隻碟給她分開才吃到，伴菜的蕃茄和薯條也不少，大蝦皇絕對夠大隻，肥妹這蝦痴，見到已非常開心，也不知入口是否美味；雜扒的組合有點跟以前我們食的不同，除了有豬扒、腸仔和火腿外，雞翼就變了雞扒，却沒有了牛扒，我也抽了小小水，嚐試了一點豬扒和雞扒，肉味甚淡，絕對急凍貨式，但汁醬就做得十分香甜味美，兼且夠大件，算有交代了。最後那咖啡就真的不提也吧了，完全只是家中自己沖的普通即溶咖啡；但令人意料之外的是那一球雪糕，雪糕中有點點碎朱古力，朱古力味道香濃，入口香濃順滑，估計是一款D字頭的名牌雪糕。…Read More

難得今天工作清閒，於是即興致電火星，說要請客慰勞他的工作辛勞，我提議到黃金海岸吃泰國菜，但他反建議到荃灣，因我跟他乘車過去也方便。本來我是計劃好到BBQ Military 吃韓燒，已經到達門口，但火星看過餐牌後改變了主意，難道是想幫我省錢? 他想改為到一年前去過的莎樂美据扒。我是沒有什麼所謂，反正這間是老字號，一年前我倆已吃過質素有保證，而且也可以幫我省錢哦! 今天竟然是不用等位，實在太開心了! 卡位已經滿座，但也無損我用餐的愉快心情。 是日晚餐分別如下:由於我不好海鮮，因此選了 A 餐而火星選了 B 餐及一紅一白湯。 莎樂美的餐湯比一般餐廳的大碗，雖然不夠熱( 個人較喜歡熱辣辣的湯，即使夏天也如是) ，加上上桌時碗邊沾滿了點點的湯，扣了點分數。但這羅宋湯材料十足，味道也挺好，而火星也說他的周打魚湯也不錯。吞拿魚沙津的菜也有FRESH 的感覺，因此大家都對主菜充滿期望。正當我們正快樂用餐的時候，後方的桌傳來一位女士的吵鬧聲，內容大致是她旁邊朋友A餐的牛扒太燶，她感到非常憤怒。但她的朋友已吃過，所以侍應不肯換給 他。由於當時我看不到那牛扒，我感覺是她會不會有點小題大造。我的A 餐來了，機警的我先檢查，天呀!! 嚇得我目定口呆!! 有圖有真相，對不起女士我錯怪了你……我吃的是香橙扒並不是黑椒扒啊?並不是希望愈大失望愈大，而是那根本是不能接受及妥協的食物質素。我什少於餐廳更換已上桌的食物，第一是對廚師的尊重，第二是不想浪費食物，第三由其事對這 種小店更應該包容。今次我真的不能接受，火星幫我開口更換了。而我鄰桌的小姐A餐的牛扒也太燶，她也成功提出更換。這時早前那位女士又吵著為什麼換給我們不換給她，但那侍應也是沒有理她。更換後我覺我牛扒本身質素是不錯的，只是師父煎得太久。不過更換後調味依然不足，連一絲香橙的味道也沒。火星的B 餐鐵板極品牛柳粒也果真夠極品，同樣面對是煮太久的問題，但已經沒有再更換了，怕那態度一般的侍應不高興……同時也是對小店的一種包容。火星吃剩了好多「極品」牛柳粒，因為實在很難咬開，對牙齒及腸胃也不好。甜品是雪糕，同場侍應手指加料，雪糕也太冰了，但我還是可以接受。因為最難接受的事在後頭，苦過苦茶的奶茶，為我倆的晚餐劃上了一個「完美的」感嘆號。我相信是晚可能是廚師心情欠佳，或是身體不適，抑或是星期三跑馬日，導致廚師煮食水平失準。我一年後會再來，希望那時可以回愎當年的水平。…Read More

第三度光臨人氣舊式扒房牛扒餐配洋蔥圈 三成熟第一次試三成熟 唔會有出哂血的情況而且牛肉的質感狠不錯值得一試!!:)鐵板牛柳餐 五成熟有兩塊狠大舊的牛柳牛柳的質感好有肉感真係好好味 正啊!!:)豬古力碎果仁雪糕有足夠的果仁同埋豬古力碎還是會有用凍的杯子來放雪糕這樣可以減慢雪糕快溶化的時間good!!…Read More

15-Apr-2012 (SUN)一進餐廳已坐滿食客，我們便在樓梯位排隊等位，這裡有2層，一會兒便有枱空出，而且是Car位，雖然環境擠迫，但坐得尚算舒服。在等位時已看到很多食客都點了什扒大蝦餐，所以我坐下後都不例外，點了試試。還有選了一客焗飯、周打魚湯、羅宋湯和加了意粉。這裡的鐵板午餐價錢最吸引，48蚊一個串燒大蝦皇拼莎地亞什扒(配肉汁)，配餐湯、甜品雪糕和餐飲，加3蚊有飯或意粉，另需加一小賬。什扒裡有一塊雞扒、一塊豬扒、一條腸仔、一片火煺、一片蕃茄和一點薯菜。餐湯材料頗多，周打魚湯清香鮮甜美味，而且有2塊魚肉在湯內。羅宋湯有點偏辣，有很多什菜和一舊牛肉在湯內。餐包軟綿綿微暖。串燒大蝦皇拼莎地亞什扒肉汁濃味，雞扒帶有點黑椒好嘢味，豬扒肉質有點粗，大蝦不太夠新鮮。但我覺得用這個價錢能夠食到大蝦什扒既熱辣辣鐵板真不錯！…Read More

莎樂美，是荃灣老牌扒房。對上一次食，是和一班中學同學的午餐懷舊派對；今天，是和老婆來的晚上鋸扒。很傳統的舊式扒房，跟花園餐廳差不多的燈光格局。連招牌也是廚師在做鐵板餐。侍應服務只是一般，好聽一點是一副久經戰陣的樣子…餐牌其實很多選擇，最後兩人決定一鐵板一咖哩飯，兩樣都試下。先叫了一客鐵板莎樂美什扒餐配肉汁，這裡的扒餐，轉黑椒汁竟要加$3，我都係第一次見，到底值唔值$3？今次唔試了，留待下次吧。餐跟湯和餐包，點了羅宋湯，夠濃味也夠辣，菜也足料，蕃茄、青椒、洋蔥都有，算是不錯。餐包夠熱，也足夠熔掉牛油。什扒鐵板異常大碟，一個人應該未必食得晒。腸仔、火腿、雞翼、牛扒、豬扒、雞扒，是真正什到唔什的什扒。鐵板肉汁夠濃也夠味，但就略嫌少汁了點。腸仔、火腿正常，雞翼本身是炸過的，牛扒有點像快餐店貨色，豬扒、雞扒是整碟板最出色的，煎得香也有豬味雞味。整碟什扒沒失準，如果如此價錢份量的確是超值的。鐵板跟薯條，如果跟飯或意粉也是加$3。我地因為另叫左咖哩飯，所以這個加了意粉。意粉令人失望，凍 + 碎，送都未必想要，更何況要加$3。咖哩牛舌飯不錯，咖哩汁很香，撈飯一流，配菜有蕃茄、青椒、洋蔥，但唯獨欠了薯仔。牛舌很腍，也不失牛味，兩者也不錯，但唯獨是少了點化學作用，感覺是牛舌還牛舌，咖哩還咖哩，不過無可否認咖哩還是不錯的，可能叫咖哩牛腩會入味更結合。驚嚇時間到臨，當小弟叫了一杯餐飲凍好立克，話咁快來到之際，小弟習慣都會了一了個底睇下係咪仲積住一埋粉同埋攪下ｄ冰等佢冷熱均勻ｄ。正當枝筒去到底既時候，竟然遇上阻力，但感覺又不是未溶的holick粉。感覺再從筒尖告訴我，那應該是檸檬啊！馬上告訴侍應，侍應第一時間反應係無可能，好，我就捨命陪君子，一了之下，數塊檸檬盡現眼前。侍應見狀，笑笑口咁以極速收起我杯野，生怕我影相留念般（我放左相機在檯面）話：「個師傅平時好少做錯野架，我換過杯俾你丫。」要知道奶溝檸既化學作用，幾可達致100%痾的命中率，還好我沒先喝一口再攪，不然以小弟一向「直腸直肚」既腸胃，應該必中招無疑。當我見到水吧阿叔笑笑口仲係唔係好相信自己沖左杯咁既野出黎既時候，我個心已經將呢間野暫時blacklist…最後甜品是朱古力雪糕，上淋朱古力醬和花生粒，裡頭更有朱古力碎片粒，作為鐵板餐甜品是非常合格的。莎樂美的價錢定位不高，如此份量味道其實算是不錯了。奈何員工老板思維上跟不是時代的進步。我不是指要轉型成為新式扒房，但起碼都改善下服務，同增進下知識，唔好溝ｄ會危險食品出黎丫……Read More

今晚, 細佬請食飯, 去左'莎樂美', 好彩, 7點前到, 晏少少已經要等位....:)一入門口, D哥仔就叫我地上樓上, 原來已經坐左8成人, D姐姐都算係咁, 見細佬飲左半杯水, 即刻加水, 不過就加到一枱都係囉 我地都係點左一樣既'莎樂美什扒' 我戒左牛肉, 所以改走牛,多半塊雞扒同一塊火腿囉,上菜勁快, 基本上一飲完湯就上扒, 俾D細佬都算食曬呀!好彩到好後先有人點左黑椒汁....咳到呢.....成左杯仔雪糕, 我好快食埋少少, 飲完杯茶就讓位俾等緊既人啦, 返到屋企都好口渴....應該係MSG作怪 :)…Read More