Susanna's Seafood Restaurant

話說，有朋友到西貢行山，而我跟友人會在水浪窩做支援送晚飯。四點多，已經在西貢Standby，作為support team 梗係要食飽自己先。找一間可以坐得比較耐的餐廳，安頓自己先。找來的是一間已經在西貢很久的蘇珊娜餐廳。十幾年以前，曾經在西貢工作的我，都會在蘇珊娜餐廳吃午飯。印象中的蘇珊娜，雖然是所謂本地化了的豉油西餐，但覺得好好味，份量又大。當年我真心覺得她好吃。每次有同事生日，或公司有什麼慶祝，我們都總會在蘇珊娜餐廳吃飯。今次有幸在西貢輕鬆Hea住等行山隊友，特登再幫襯蘇珊娜。可惜今次有點令我失望，當年的美味不再，換來的只是很普通的，已經快餐化的本地西餐。點了兩個午餐，煎豬扒配洋蔥汁白飯，煎雞扒配蘑菇汁炒飯。附送餐湯、牛油多士，及餐茶。約＄70、80/位。豬扒雞扒普通，炒飯不知是否時間是四點的關係，好似真的是炒冷飯一樣，雖然這個炒飯有蛋火腿等都是足料的炒飯，但是不熱，而且有點乾，像是已經放了一個lunch 咁。失望，可能太懷念以前的美味。反而朋友第一次食，她覺得都唔錯，算OK。餐廳因為歷史，她自稱是1974年。店內的裝修亦有懷舊feel。如果西貢其他餐廳很多人需要排隊，都不妨可以一試這間，普普通通的本地化西餐，唔貴，起碼我又真的可以Hea住慢慢食。…Read More

星期日下午我在九龍「佐敦」裡面，食完擁有雞湯鮮甜味道的日式「雞白湯拉麵」之後，就儘快坐車返回西貢墟，因為要跟阿媽、老豆、細佬在「蘇珊娜餐廳」裡面食鐵板牛扒，跟阿媽慶祝生日跟「母親節」。「蘇珊娜餐廳」一到晚餐時間，就會經常遇上滿座的情況，食客動輒也需要等候一小時左右才能輪候到餐檯，逼使食客需要留下電話號碼，等候餐廳的通知，我跟平日一樣，寧願留下等候座位，也不想等候電話通知。以前我跟老豆光顧「蘇珊娜餐廳」，老豆通常會選擇享用肉質比較肥美的「柳眼扒餐」，而我則會選擇「西冷扒餐」。或許是我經常在九龍的自助石燒牛扒店裡面，食得太多「西冷牛扒」的關係吧，今次我想改食「柳眼扒餐」。至於細佬則選擇享用「牛柳扒餐」配薯條，一向不算熱愛食牛肉的阿媽，則一如以往選擇了不以灸熱鐵板盛載，而是以瓦碟盛載的魚肉食品「龍脷柳餐」。而且在「蘇珊娜餐廳」食牛扒，不像在九龍食牛扒一樣需要自己出錢，在「蘇珊娜餐廳」食牛扒，起碼還有阿媽出錢結賬。所以我今次在「蘇珊娜餐廳」晚餐裡面，選擇食級數再高一點的牛肉，享用五成熟的「柳眼扒餐」。「柳眼扒」有另外一個名稱，叫做「肉眼扒」。相反平日會選擇食「柳眼扒」的老豆，今次在「蘇珊娜餐廳」裡面的選擇，比以前點餐時的要求降低不少，今次只是選擇享用我以前會食的「西冷牛扒」而已。所以今次在「蘇珊娜餐廳」晚餐裡面，我跟老豆對享用「牛扒」的要求，是徹徹底底的互相對調交換，互相食對方平日會食的「牛扒」級數跟種類。經過今次我在「蘇珊娜餐廳」裡面，跟老豆互相對調選擇享用牛扒種類之後，我發現自己對「牛扒」的認識，又被提升至到另一個新的層次。至於今次我由於是在星期日光顧「蘇珊娜餐廳」，所以在選擇晚餐餐湯的時候，不用再介懷食牛肉、雞肉還是豬肉，直接選擇享用屬於「紅湯」的「羅宋湯」。至於「蘇珊娜餐廳」鐵板晚餐裡面的麵包，還是一般的烘烤牛油多士，牛油多士裡面甜味還是以前的「蘇珊娜餐廳」差不多，多士的口感還是依然香脆。至於「蘇珊娜餐廳」鐵板晚餐裡面的牛油多士，牛油多士的實際口感，口感勉強還算是香脆的，不過我覺得多士的實際口感，其實可以烤得再脆一點。至於「羅宋湯」裡面的蔬菜甜味味道，感覺仍然很濃厚，「羅宋湯」裡面的蔬菜實際甜味，足以把「羅宋湯」裡面的牛肉甜味都凌駕過去。至於今次我在「蘇珊娜餐廳」晚餐裡面選擇的「柳眼扒餐」，我發現我今次享用的「柳眼扒」牛肉肉質，比以前食過的「西冷扒」的牛肉肉質更加肥美，「柳眼扒」裡面的油脂比例比「西冷扒」更高。所以我今次「柳眼扒」裡面的牛肉，雖然跟「西冷扒」一樣都是「五成熟」，但是「柳眼扒」的實際口感，卻比以前我食過的「五成熟」「西冷扒」牛肉更加軟，「柳眼扒」口感是更加腍，而且牛肉裡面還食到有甜味肉汁。由於我今次為我在「蘇珊娜餐廳」晚餐裡面選擇的「柳眼扒餐」，選擇了醬汁質地相對比較乾身，但是氣味相對比較濃厚的「蒜茸汁」，所以「柳眼扒」牛肉實際味道，比以前「黑椒西冷扒」有更加濃厚的蒜茸氣味和甜味。至於我今次「蘇珊娜餐廳」鐵板晚餐裡面的飲品，我只是選擇了一般罐裝甜味「忌廉」汽水而已，所以覺得沒有什麼必要再去介紹飲品的味道。我反而想講一下，今次我在「柳眼扒餐」裡面享用的「澱粉質」配菜，以前我在「蘇珊娜餐廳」食「西冷扒」，配菜通常都會是白飯或者意大利麵。但是我見我自己在星期日晚上光顧「蘇珊娜餐廳」晚餐，沒有必要再執著於選擇享用白飯，又或者是意大利麵，所以我今於選擇了享用，有炸薯條在裡面的「薯菜」。炸薯條本身的質地相對於白飯或者意大利麵而言，炸薯條外層的質地比較硬，沒有那麼容易被高溫鐵板燒到變焦變燶，所以我留到比較後享用炸薯條，加上炸薯條本身是炸「粗薯條」，所以薯條實際口感也比較外脆內軟。至於「蘇珊娜餐廳」「柳眼扒餐」裡面「薯菜」除了炸薯條之外，「薯菜」的另一部分是大量的甜味粟米粒，還有口感算是新鮮的西蘭花。不過，相對於脂肪比例高，而且有濃厚甜味肉汁的軟嫩口感「五成熟」「柳眼扒」而言，「蘇珊娜餐廳」粗身炸薯條、西蘭花跟粟米粒的實際味道口感，其實沒有「柳眼扒」牛肉那麼重要。最後我在「蘇珊娜餐廳」「柳眼扒餐」的最後甜品裡面，選擇食肯定沒有提神營養成份在裡面的「士多啤梨」口味雪糕，「士多啤梨」雪糕裡面的士多啤梨甜味算是不差的。經過今晚在「蘇珊娜餐廳」食過「柳眼扒」之後，我發現自己品嚐過的「牛扒」級數又向上推進了一大步。由「雜扒」裡面的「牛扒」到「牛柳」，再由「牛柳」到「西冷扒」，最後由「西冷扒」提升到「柳眼扒」為止。今次在「蘇珊娜餐廳」裡面，第一次品嚐到「五成熟」「柳眼扒」裡面的最軟脆肉質和口感，讓我對品嚐「牛扒」的資歷和經驗又累積提升，升華至到另一個更高的層次。我想我將來如果再光顧一些扒房，享用西式鐵板牛扒套餐，經濟預算又許可的話，我應該知道下次應該點什麼款式，什麼部份的鐵板牛扒餐，食什麼醬汁、配菜、餐湯了。…Read More

今天全家入西貢, 選擇了小學時期常常光顧的<蘇珊娜>.  當年<蘇珊娜>應該是印度人主理, 所以就在這裡開啟了印度咖哩的味蕾記憶. 今天就重臨舊地!   原來裝潢變了, 餐牌也變了! 牆上的印度掛畫都變為淡黃色的牆身.  來到最重要的事:點菜. 下單後, 著小米到洗手間清潔雙手.   餐湯  羅宋湯加了牛肉絲, 肉香加蔬菜, 為羅宋湯增加了鮮甜, 這個湯比高分. 牛油多士    多士原本很正常, 但看到多士上那不規則的牛油, 就令我想起人造植物牛油馬芝蓮.   不過小米很喜歡烤得香脆的多士, 想再添.  反正自己主觀認為這個不是<真牛油>, 就讓對牛奶敏感的小米多嚐一件吧!    煎豬扒  蒜蓉牛油汁 炸薯條   視覺: 豬扒外表似豬鞍, 肉質絲絲纖維明顯 手感: 下刀時要比尐手力   口感&味道: 肉質較結實, 要多咬几下. 而豬扒没有梳打粉/鬆肉粉乸過的痕跡, 也没有那種加左野的梘水味, 所以豬肉味較出.  個人覺得: 這個煎豬扒品質很好.  蒜蓉牛油汁  小碟內的蒜蓉牛油汁, 油份較多, 而且不知道這黃色的油是<真牛油>還是<馬芝蓮>, 所以只挑蒜蓉配配豬扒.    牛柳  小米之父點的. 偷來一件, 味道和口感OK. 下次可能試這個牛柳.   咖哩雞肉   知道這不再是當年的<蘇珊娜>後, 自己放棄咖哩. 反而小米要咖哩雞.  職員表示咖哩是即點即煮, 需要等廿分鐘. 真身: 大大盤淡黃色咖哩. 先嚐一口咖哩! 果然, 不是我當年味蕾記憶中的印度咖哩. 而小米直接把咖哩放在白飯裡撈埋一齊, 很快就把咖哩雞消滅了!   餐飲  熱奶茶  茶和奶分開呈上, 以茶撞奶, 撞出來的奶茶保証滑滑. 可是茶壺內只有一個茶包, 茶味不夠濃. 假如放二個茶包就更完美了!…Read More

這是西貢市中心一間很古老的西餐廳，在1974年已開業。這次我們特意開車過來吃。西冷牛扒及牛柳套餐。每一次喝他家的羅宋湯，都很回味。湯汁濃稠，裏面有很多材料，紅蘿蔔、西芹、香料等，配上他們的牛油麵包，就很好吃。西冷牛扒配炒飯，西泠牛扒配上了黑椒汁，很好味。牛扒的肉有肉汁，有濃濃的肉味。炒飯粒粒分明，和黑椒汁配在一起吃10分美味。牛柳配炒飯，牛柳的肉更嫩，但牛肉味沒有牛扒的濃。最後，喝了一杯咖啡，很滿足。…Read More

去到西貢經常路過都好想入去試吓，但係難得入到西貢食西餐又好似覺得唔岩咁😅難得今日係食生日飯，當然就可以入去試下啦🤣入到去好有懷舊嘅感覺，燈光較暗，幾浪漫咁🤣一行4人，分別叫咗羊鞍，澳洲M5和牛肉眼扒，精選牛柳和安格斯柳眼扒，另外叫咗個炸雞翼，每個餐都會跟餐湯同飲品！羊鞍：平人覺得好騷,喜歡食羊嘅人應該會好喜歡澳洲M5和牛肉眼扒：好油膩，而且有陣燶未精選牛柳：係最好味的！肉質夠林！安格斯柳眼扒：牛味重，有口感！炸雞翼：唔夠入味！整體嚟講，有啲似貴價花園餐廳嘅感覺🤣…Read More

放假來到西貢走走，早已打定主意今天要試試這老字號蘇珊娜西餐廳！weekend lunch時間一如預期全層滿座，好在還有樓上一層不用等就有位子。簡單的兩頁紙lunch menu:- 選了煎雞扒配意粉 $68fillet steak配薯菜 $75 準備開餐羅宋湯餐湯有紅白兩款，早已聽聞這間的羅宋湯很高質，不用想我們兩個都選了羅宋湯。味道濃郁材料豐富，大大舊綿身甘甜紅蘿蔔滋味無窮，冇揀錯！值得一試。牛油多士邪惡多士，蜜糖牛油脆口多士，一咬下第一口就停不下，明知每一口的卡路里爆錶，但美食當前怎能糟蹋食物？😂 devil but yum yum! 煎雞扒意粉雞扒算嫩，意粉份量算多，這價錢有這質素算是不錯！fillet steak 點了碟五成熟的牛，肉質嫩口真的是五成熟，不錯！配上薯條西蘭花，只要$78，抵食！咖啡 餐廳環境不錯，懷舊中食傳統的西餐，頗特別。性價比高，值得一來！…Read More

又到星期五～～又到拍拖食飯嘅時間今晚走咗入西貢食！事源有日見朋友嚟過，見個羅宋湯好正咁，一於喺open rice bookmark 佢！睇餐牌，得前後兩頁，離不開鐵板餐！我哋揀咗鐵板西冷同煎龍利柳餐！餐附送湯、即烘牛油多士、咖啡/茶、雪糕！餐湯，當然係揀羅宋湯啦！好重嘅蕃茄味好足料，仲有牛肉粒！當然，煲湯嘅牛肉粒就唔好有期望了。。。主菜一，煎龍利柳！真係煎，仲要係冇蛋漿冇蛋白就咁煎出面好多都係有蛋漿嘅煎甚至炸⋯⋯呢度係堅係煎！雖然油咗少少，但冇啲蛋漿粉漿已值得加分主菜二，鐵板黑椒西冷！三成熟！因為用鐵板一定會比原本煎好嘅三成再熟，三成就會變五成！不能太熟！黑椒汁，竟然加咗我最怕嘅蒜⋯⋯原本係我食牛扒我男朋友食龍利柳，但依家就要調轉食⋯⋯好彩個龍利柳好味啫⋯⋯講番牛味，說真的不是很有牛味，但就唔會用鬆肉粉「拿」到冇晒肉味同得個林字⋯⋯飲品方面，跟餐加錢轉飲品！最後到雪糕登場，我一個人食晒兩杯因為男朋友太飽！芝麻雪糕真係有粒粒黑芝麻係中間重有雪同唔夠滑⋯⋯總結呢啲舊式餐廳，對服務質素不能太有要求！同埋相信下午時段會抵食好多！…Read More

生日唔知去邊好, 又唔想同人迫, 於是趁係閒日, 入西貢行返轉, 呼吸下新鮮空氣, 順便食埋晚飯先走~入西貢, 好多人會食海鮮, 但我又唔係遊客, 睇過d海鮮餐又唔係太抵食, 又貴又係食d普通嘢, 於是周圍搵下食乜好? 之前行過好多唔同國家的地方餐廳, 但又好貴咁, 行下行下, 見到前面有個招牌係食牛扒, 又行去八下先, 竟然發現寶, 原本呢間餐廳已經開咗好耐, 而且價錢又合理, 雖然望入去只有一枱客人, 但唔理咁多, 一於入去試下~入到去黑忟忟, 非常有情調, 差不多只係靠每張枱的燈去照明, 我連睇menu都要放响燈下先睇到食乜? 見到menu除咗牛之外, 仲有魚同羊, 雖然呢間應該係食牛扒出名, 但見到有羊食, 今次就先試下d羊係點先, 如果ok, 下次就食牛~呢度地方唔算大, 但就分咗做兩層, 侍應就有兩個, 唔知係打工定係老闆? 不過兩個都好有禮貌, 而且落單又慢慢每樣問清楚要咩汁? 幾多成熟等等, 連我地考慮緊兩個羊餐配咩汁好時, 佢就推介就咁點薄荷醬~   羅宋湯超濃超多料, 成碗料多過湯, 而且又唔辣, 只係熱辣辣啫~   牛油多士第一次响餐廳食多士, 係用生命麵包, 搞到好似bbq咁, 好香好脆, 牛油又幫你查埋, 然後再一開二方便食     羊鞍餐配什菜+薯條   估都估唔到會有5舊羊鞍咁多, 仲要唔係細size先比咁多你, 絕對係你平時食開的餐廳還要大少少的size, 真係超級抵食, 而且我地叫7成, 真係啱啱好, 唔會過熟又唔會見血, 不過個邊就肥咗少少, 但竟然唔羶, 通常羊的羶味都係响肥膏果度, 越肥就越羶, 但佢唔會lor~ 再點埋佢個薄荷醬食, 真係一流, 因為佢唔係用果醬果種, 而係用薄荷葉打碎果d, 好香, 同個羊好夾, 我開頭仲以為係佢地自家製, 問起先知其實只係响超市買的, 仲比埋個樣我睇, 又介紹其實有兩種, 唔好買錯tim~  除咗羊多, 薯條都好多, 多到切羊時, 成日整到跌哂落枱~ d薯條係熱辣辣, 脆卜卜的, 份量係出面食開的double~  至於什菜, 其實係粟米粒再加車厘茄/西蘭花, 又係超多粟米~   羊西冷扒餐配什菜+薯條恕我見識少, 真係未食過羊西冷, 通常只係知有牛西冷, 老公一見到, 即刻好興奮話要試呢個, 因為佢又係未試過羊西冷~  超級大塊的羊西冷, 又有大半寸厚, 開頭我仲以為好大厚肥膏响邊位, 但原來唔係, 係一條筋, 但一d都唔難咬, 仲好似好爽咁~ 肉質好嫩, 肉味又夠濃, 最重要係唔羶, 配埋個薄荷醬, 又係一流~  什菜同薯條一樣咁多  凍檸水冇乜特別, 不過就夠大杯, 又唔駛加錢  雪糕是日雪糕有朱古力、雲尼拿同蕃薯, 一聽到蕃薯, 已經唔駛考慮, 就要呢個, 因為好耐冇食過, 而且唔係咁多地方有, 果然冇選錯, 好香蕃薯味, 而且又唔會太甜 呢間餐廳真係令我有一個滿足的生日, 真係好得, 樣樣都正, 我開頭仲預計食唔哂, 因為見到份量咁勁, 可能個薄荷醬關係, 又或者兩個扒都唔肥, 所以唔會濟住, 全部KO哂, i'll be back, 一定要試齊佢其他款的扒至得~ …Read More