SUO SAEN

最近發現左呢間高質小店真係要推介比大家
一入去已經見到廚師滿滿既獎狀就知唔會伏得去邊
坐低一試真係愛上, 呢間絕對會encore!

✨慢浸五香無骨清蔥油海南雞飯 $96
(配黑蒜姬松茸燉湯,蠔油菜心,手打香水檸檬茶)
呢個價錢可以食海南雞飯配埋菜心,燉湯仲有飲品, 絕對係性價比之王!👍🏻
燉湯既黑蒜味道濃郁, 有養生滋補既感覺
菜心新鮮清甜, 好快掃曬成碟
海南雞既雞件肥瘦勻稱, 加上慢煮變得滑嫩juicy, 唔蘸任何醬都已經好食
油飯好出色, 夠乾身, 夾雜住雞同鼔油香另外手打香水檸檬茶好fresh, 唔會苦澀

✨綿綿魚肚雲吞黃金雞湯麵 $114
(配黑醋雞胸玉子沙律,仙草奶茶)
魚肚大大塊,勁滿足! 入口軟綿綿仲要勁索湯
湯底濃郁,吸收曬雞既精華變金黃色, 唔會太咸
餐廳仲要主打無味精, 飲落放心
上海幼麵麵質爽彈仲要掛曬湯, 正!
雞件新鮮嫩滑, 雲吞正常

🍀有三款前菜揀，個人唔太建議揀黑醋雞胸玉子沙律，
雞胸冇湯麵同海南雞咁出色
咬落唔新鮮 一pat pat既感覺
食左兩啖已skip🙂‍↕️✨鹽酥七味花枝丸 跟餐+$20熱辣辣新鮮炸起特別好食食落唔覺油膩 一啖接一啖好快清曬…查看更多

土瓜灣絕對係好多隱世美食，而呢間雞湯麵絕對係土瓜灣名物之一！坐鎮主打係唔加味精新鮮熬製，我地今日試嘅就係佢出名嘅雞湯麵同海南雞飯～ 坐鎮嘅雞湯麵絕對係雞湯fans 必試！個湯非常濃郁，味道好有層次，魚肚亦吸晒雞湯精華，非常入味 🤤 另外雞同雲吞嘅份量都好多，所以呢個係超飽肚之選！至於海南雞飯多數係雞髀肉夾左兩舊雞胸，份量好足，肉質非常嫩滑，唯一少少不足就係我轉左白飯，但其實佢白飯都有撈蔥油，會覺得有少少heavy (因為我本身expect 嘅係淨白飯) 但整體都係好食嘅！對於佢冇味精都做到咁入味我地係相當驚喜，絕對係誠意滿滿嘅餐廳，而我地食完都完全唔覺得口渴！絕對推介大家去開土瓜灣一定要試下呢間馳名雞湯麵 🫡…查看更多

咁岩行開土瓜灣睇下threads 有咩平民美食推介，新開既#坐鎮 呢度出名系雞湯麵，土瓜灣站步行約5分鐘路程。一到晚飯時間，多人到要到2樓用餐。✅綿綿魚肚雲吞黃金雞湯麵湯底有濃厚雞湯味，湯頭味道適中，仲見到D雞油系湯面。呢碗既雞就非常滑，而且唔會太肥膩，肉質嫩滑但唔韌。魚肚都大大塊，膠質感極彈，麵質 Q彈。飲番啖雞湯滋養下身心靈。✅黑醋雞胸玉子沙律新鮮沙律菜拌雞胸及玉子，加上黑醋味道調得適中，甜而不酸，一流開胃前菜。✅素燕紅棗桂圓杞子茶特式花茶，清香宜人。✅慢浸五香青蔥無骨海南雞飯雞肉顏色偏白， 鷄皮就好似水晶皮，去晒脂肪，飯粒煮得剛好，粒粒分明，又吸晒雞油精華， 想增點味道的話，可配上特製豉油，薑蓉等，真係越食越上癮😍。✅黑蒜姬松茸燉湯味道偏咸，搭配著松茸，讓整碗湯充滿了滋補的效果。✅西瓜仙草撈起仙草涼粉蓋上西瓜和爽滑豆腐，多重口感，系呢度都食到出色台式甜品。✅手打香水檸檬茶非一般檸茶口味，清爽清甜。✅蠔油菜心…查看更多

呢間餐廳由前酒店中廚開設，主打港式鮮熬無味精湯麵🍜更有多款創意小菜同小食😋💗綿綿魚肚雲吞黃金雞湯麵（$92）雞湯每日以十多隻鮮雞、雞腳，西班牙火腿同赤肉熬煮，湯底呈鮮黃色而且唔油膩，呷一口湯充滿鮮雞味🍲 配搭幼身彈牙嘅淮山麵🍜雞件用上三黃雞，預先去骨非常貼心，肉質嫩滑有雞味🐔仲有吸滿湯汁嘅爆沙魚肚同自家製鮮蝦豬肉雲吞🥟💗坐鎮紅蝦油櫻花脆蝦湯麵（$90）蝦湯以龍蝦頭、蝦殼、蟹殼等先焗後炒，再熬煮四至五個鐘，所以湯底富濃郁嘅蝦味🦞係湯麵舖上5隻炸過嘅大蝦，肉質爽口彈牙🦐再加上櫻花蝦、木耳絲、洋蔥、香蔥等配料，口感豐富🍜💗金沙黃金粟米（$58）炸粟米香甜多汁，粒粒飽滿🌽每件都掛滿起沙嘅鹹蛋黃醬，不過鹹蛋黃香就未算超濃🍳💗金牌咸香海山炸雞（$45）無骨炸雞先用南乳同腐乳醃製，再炸至焦脆，內𥚃雞肉依然保持嫩滑Juicy，食起嚟鹹香惹味🍗…查看更多

又到咗晚飯嘅時間🍴✨️諗住explore吓附近有咩餐廳好食見到有foodie介紹呢間餐廳嘅滑雞金湯麵係全港最濃🤩感小姐係一個雞湯愛好者隔一陣就會想飲雞湯滋養下身心靈🧖🏻‍♀️就決定一試 ⛳️六點幾去到，門口嘅店員好落力同路人介紹餐廳當時都好幾個人圍住menu研究緊🔎我就直接攞位入座首先講吓環境好多木系元素，燈光充足除咗有啲小清新嘅感覺，佢嘅裝飾(包括牆邊掛住嘅外賣紙袋🤣)亦帶少少“homey”嘅溫馨感2個人叫咗1個小食，2個主食，2杯飲品小食：脆炸玉子蛋配芥末沙律醬 3.5🧡/5初頭以為係炸玉子豆腐(自作多情咗🫢)原來係一粒粒正方形嘅日式玉子蛋坦白講唔係好脆更加似係每邊都認真煎香咗嘅玉子係同想像中有啲出入，但係都幾得意玉子甜甜地，點埋個芥末沙律醬，都幾開胃冇記錯只係$28，性價比算係唔錯主食1： 綿綿魚肚雲吞黃金雞湯麵 3.5🧡/5上菜嘅賣相幾好，熱辣辣嘅湯的確幾濃幾香亦乎合個名叫金湯，因為真係全碗黃色嘅飲落濃得嚟唔會好咸，都幾好飲不過個人比較喜歡creamy啲，乳化咗嗰種雞湯(純屬個人喜好)麵質我幾鐘意，唔會太淋，有al dante感覺唔算好掛湯但因為好多時中式湯麵都係咁，又唔會覺得好影響口味同埋啲蔥絲係欣賞嘅，帶起個麵嘅味冇咁單一不過!!! 啲餸係扣分位⚠️因為感小姐係感覺行先一夾起舊雞見到雞皮上面有條好粗嘅雞毛🥲雖然其實雞肉幾滑，但食慾頓時減20%而雲吞比較似水餃，係冇蝦同有木耳，普通魚肚正常主食2： 原隻鮑魚汁煮洋薏飯 4🧡/5呢個幾好食🥰雖然佢叫洋薏飯，不過我估係飯base再加洋薏米？(又係同想像有出入)好多汁嘅燴飯啲菇幾好味，入面亦有連皮嘅滑雞粒，唔錯！只係鮑魚得一隻，但佢menu張相都係一隻，所以冇投訴嘅飲品：暮色 3🧡/5其實仲叫咗杯茶，但冇咩特別就冇影暮色係益力多base嘅mocktail見隻色同個名好優雅(喂)就叫咗第一啖飲覺得好味嘅，有啲爆珠喺底但有啲細杯，唔算好特別📸🟡總結🟡 4🧡/5雖然今次只係叫咗一個小食，但就咁睇menu，啲小食都算細價，叫多幾款食都冇乜壓力😃感受到佢嘅滑雞係主打，係滑嘅湯係濃同好味嘅，但話全港最濃我又唔知算唔算只可以話唔係creamy濃嗰種綜合嚟講，食物係中上精緻，但又未到好wow，算係不過不失反而令我印象好深刻係店員嘅服務態度好埋單有逐個item同我對單🥰 加分可以回頭，但期望之後食物水準會更進一步💪🏻…查看更多

日式嘅雞湯拉麵就周圍都可以食到啦，而北帝街呢到就開咗一間有得食粵式嘅特濃雞湯拉麵，呢個濃郁湯底係用咗十幾隻三黃雞、老雞、豬赤肉、雞腳、金華火腿等多種選料上乘嘅食材而去熬製嘅～綿綿魚肚雲吞黃金雞湯麵💰HK$92個湯啖啖飲落去都係充滿骨膠原嘅感覺，呢一碗麵嘅材料亦好豐富，有兩粒鮮蝦雲吞、一塊軟綿綿嘅魚肚同雞肉！雞肉同雲吞都正正常常，最有特色嘅就係魚肚，佢吸收晒湯底嘅味道，非常之入味！而麵底就係用咗上海幼麵，掛湯能力極高～秘製無骨海南雞飯配青蔥雞油飯💰HK$72份量超多，雞肉好滑冇雪藏味，有三種醬可以點，隻辣醬嘅味道有啲似泰式果種，用埋佢嘅豉油同埋薑蓉嚟撈飯，連啲飯都變到好惹味，忍唔住食哂成碟啊～阿里山珠露💰HK$15係台灣引入嘅冷泡茶，飲落去係好清新嘅綠茶～高海拔蜜香紅茶💰HK$15同樣都係台灣引入嘅冷泡茶，聞落好香嘅紅茶，帶點淡淡嘅甜味～…查看更多

鄰近港鐵土瓜灣站嘅《坐鎮飲食》，位於北帝街，從朋友口中得知原來係一位前五星酒店大廚主理，放工後，就跟朋友去試菜，地方簡潔舒服，侍應招呼有禮，重點係食物質素真係非常出色，我哋點了兩個主菜，一個小食，兩杯餐飲及一個飯後甜品蛋糕，我自己比較喜歡<原隻鮑魚•汁煮洋薏飯>及<金牌咸香海山炸雞>！可能係我喜歡比較濃郁口味之緣故，將幾種味道混合，而且調配得宜，配合得好好！我朋友對招牌甜品<富士山爆漿蛋糕(海鹽)>讚不絕口，份量剛好，而且價錢真係唔貴！其餘兩杯飲品都各有特色，中式茶飲或西式飲品都應有盡有，可以用一個非常合理嘅價錢，食到一餐豐富而難忘的創新粵菜，都非常盡興，非常推薦的一間用心製作餐廳。…查看更多

主打超級濃郁雞雞湯麵 同埋海南雞飯🐔 餐廳食物種類都幾多 又有好多款小食同埋甜品🍮菜式比較新榮 有少少fusion 好似又有少少新加波 配中式料理👀？今次第一次過來 決定食佢兩款廚師推介 我覺得幾值得食🫶🏻綿綿魚肚雲吞黃金雞湯麵 ($92) 呢個真係好值得試 個雞湯底係超級濃郁 好香雞湯味 而且都好重雞既骨膠原 飲落去個湯好厚 而且飲完既時候嘴唇都會有少少痴立立😛 麵底係幼麵 超級掛湯 一啖湯配一啖麵真係完美！🍜裡面仲有少少洋蔥、芽菜同埋蔥 增加碗麵既口感 同埋味道👅 最後仲有超級嫩滑既海南雞 雞肉超級重雞味 而且好香同埋好滑 絕對唔會柴🤩秘制無骨海南雞配青蔥雞油飯🍚($72) 呢個油飯超級想 側邊仲有少少蔥油同埋薑蓉 真係做到畫龍點睛既效果🐉 而且醬油甜甜哋好夾 雞肉應該同上面個個一樣ʕ •ᴥ•ʔ味道：💛💛💛💛/5 📍坐鎮 (土瓜灣)地址：土瓜灣北帝街19號地舖…查看更多

朋友吹雞去食飯，搵到呢間主打食中式 fusion 菜嘅餐廳，叫［坐鎮］有傳統嘅黃金魚肚雞湯麵、海鮮湯泡飯、猴頭菇雜菌湯麵等等；亦有融合咗唔同食材嘅特色主菜，而且價錢親民，CP值高。 位置座落於北帝街17號，土瓜灣站步行約5分鐘路程，期間路經一間人氣小菜店楚x記見到大排長龍，但兩間路線不同，楚店主打穫氣小菜，坐鎮有滋補養生、fusion 菜等等。 是夜一行12人，開飯前先飲吓台灣得獎功夫茶，邊飲茶邊傾偈等人齊先上菜，因為人多留了間VIP房比我哋，還有得可以點好多款，樣樣試下，先上枱是［黃金魚肚雞湯麵］雞湯十分濃郁張口，以為是花膠雞湯麵，睇真d是魚肚雞湯麵，但卻有花膠煲雞湯的濃郁張口口感，渴一口湯心裡感覺是：好味呀～ 好幸福呀～ 好溫暖呀～麵條是幼絲麵跟雞湯十分夾，軟硬適中。推介 ［海鮮湯泡飯配脆飯焦粒］海鮮豐富，有兩隻鮮蝦、魷魚鬚、卜卜大蜆，海鮮湯底充滿鮮味，估計是以海鮮熬煮，配以有味道飯焦，整個泡飯充滿誠意，而且價錢好似是90多元。［猴頭菇雜菌湯麵］相對前兩款味道較清新，可能是雜菌類別，素食人仕可以一嘗，另外有幾款主菜都是素食，可以照顧素食者與食肉獸一起用餐。 其他小食點了炸雲吞、脆炸魷魚鬚、竹炭豆腐、酸辣凍豬手、沙律、京葱炒魚肚、叉燒刈包、蝦醬南乳炸雞、芥末脆玉子、主食口水西施牛坑肉。 ［炸雲吞啖啖肉］店方指自家親自用料包，非叫返來的貨； ［竹炭豆腐］是黑色脆豆腐，外脆內十分軟心，跟台灣深坑臭豆腐外形相似，但使用正常軟豆腐，可能我對黑色豆腐既有印象是臭豆腐外脆又臭又可口，純粹自己的情意結所以唔臭但脆的豆腐有落差。 ［蝦醬南乳炸雞］南乳味突出，脆卜卜雞肉好嫩 Fusion 菜 ［口水西施牛坑肉］西瓜夾一塊牛坑肉配口水汁，少許辣汁配西瓜甜味又口感清涼再加牛坑部位，從未嚐過特別菜式，卻又出奇地夾。 無酒精飲品與水果茶，老闆娘來逐一介紹，我們點了晨曦（菠蘿味特飲）、山吹（芒果菠蘿檸檬特飲）、星河（利賓納蝶豆花特飲）色澤鮮豔，啱哂打卡 因為老闆娘自製芝士蛋糕已經好出名，是夜甜品是唔同口味嘅芝士蛋糕，有原味、伯爵茶、焙茶、咖啡味，各有特色，配茶一流。 因為餐牌價錢十分親民，而味道又好，尤其是湯麵足料又大碗，整體CP值十分高…查看更多