Lung Mun Cafe (Closed)

今日工作關係黎到香港仔，晚餐約左住香港仔既好友，推介到龍門冰室晚餐。裝修頗有格調，好乾淨企理，地方夠哂寬敞，卡位坐得好舒服。晚飯時間接近坐滿，不過店員好有效率，一坐底就拎兩杯水黎，又幫手推介野食同埋落單。本餐牌好厚，原來中西合璧，有好多選擇！除左茶餐廳一般既炒粉麵飯，仲有西式意粉、鐵板餐、小食等，連全日早餐同埋韓式飯都有，而且價格相宜，真係好抵食！好友叫左星級雜扒餐，餐牌寫清楚包含d咩，令人一目了然，讚！份量十足既雜扒餐用鐵板上熱辣辣夠哂滋味！有大大塊西冷牛扒，牛味濃郁，有咬口；雞扒肉質鬆軟夠JUICY；英式腸口感彈牙；仲有煙三文魚同脆卜卜既炸帶子。配菜可選飯/意粉/薯菜，薯菜份量都唔少，薯條新鮮炸好香脆，仲有大大舊西蘭花、蕃茄同粟米粒，呢個價錢真係超值，好抵食！餐湯係好大碗既蕃茄雜菜湯，夠哂足料，有大量雜菜，真材實料，酸咪咪飲完好開胃~ 我叫左鮮茄汁焗雞扒飯，即叫即焗，香噴噴熱辣辣，賣相好吸引！茄汁酸甜香濃好開胃，大量芝士拉絲，雞扒鬆嫩有肉汁，而且炒飯夠乾身，正！小食方面叫左薯蓉焗青口、蜜糖雞翼薯蓉焗青口薯蓉幼滑，青口鮮甜，仲有香濃芝士同火腿，好邪惡好好味！份量仲有成6大隻，抵食又足料！蜜糖雞翼雞翼醃得好入味，煎到外層脆卜卜，啖啖肉好嫩滑，香脆又可口！紅豆冰椰奶好香，紅豆大大粒夠軟綿，甜度剛好，正！綠茶鮮奶估唔到冰室竟然有綠茶鮮奶！有抹茶甘香，牛奶味濃滑又香甜，有驚喜！龍門冰室環境企理舒適，食物種類選擇繁多，而且價錢相宜，性價比高，下次希望有機會可以試下其他野食！…Read More

香港仔係一個令人唔知點嘅地方，搭巴士怕塞車，搭地鐵又要行半個鐘先到，仲要咁啱撞正落雨，真係攀山涉水喇今次，拿拿臨搵間冰室避雨先大胃鍾意食啲地道嘢，「滷水」加「秘製」字眼，想唔嗌都難啦:)嚟冰室冇奶油唔嗌返個西多士嘅，佢啲西多幾多款吓，淨係諗揀咩都花咗啲時間行咗咁遠水路，整返個檸樂回氣，如果唔係就真係大檸樂喇大胃好鍾意啲餐廳用呢種杯裝住啲凍飲，感覺好飲啲，不過杯奶茶的確好有茶味椰汁撞紅豆冰飲落好惹味，好快就飲晒好少見到冰室烚得碟意粉啱啱好彈牙食飽之後，雨就停咗，旅程又要繼續…Read More

星期六由灣仔行山去到香港仔，行到香港仔已經好肚餓，見到附近有呢間冰室，門口有餐牌見到佢有好多野食揀又唔貴，而且唔使點等位，於是就入左去試下，D座位好闊，唔使食餐飯都拎住個袋迫住食餐廳環境都好乾淨，因為坐得近出菜位，見到侍應傳菜都好企理衛生，侍應見到出菜位有鐵板餐d汁多到瀉左都即刻抹乾淨，好多餐廳都未必做到。因為好肚餓就即刻點菜，我地兩個人點左焗鮮茄汁豬頸肉意粉、魚柳鐵板餐、蜜糖雞翼同黑松露芝士焗雜菌西蘭花，等緊既時候發現好多人都有叫鐵板餐，份份鐵板d排都勁大份我地既鐵板餐好快就出現，因為鐵板夠熱汁又夠多所以出晒煙咁先有食鐵板餐既感覺，魚柳有兩大塊，兩塊都好厚，魚柳炸得好脆又唔乾，而且好欣賞佢個燒汁唔會好咸，唔會蓋過魚柳既味道，重點係$65真係好難得。焗鮮茄汁豬頸肉意粉都係抵食之選，豬頸肉有差不多10塊，蕃茄芝士都好足料，最抵讚係佢真係一焗完就上菜，意粉一叉開就感覺到熱辣辣。兩個小食都唔錯，蜜糖雞翼既擺盤好有心思，雞翼腌得入味又嫩滑黑松露芝士焗雜菌西蘭花就出乎意料咁好食，黑松露同西蘭花既味道好夾，黑松露有好多，每啖都食到黑松露既味道，如果西蘭花再切細粒d會食得更方便。紅豆冰有d驚喜，好香椰奶味，唔似一般既快餐店個d得甜味，紅豆又大粒又腍，好正最估唔到係佢呢度竟然有all day breakfast食，而且唔貴，出邊食一個都過百呢度都係70蚊炸…Read More

前幾日去到香港仔做野過左午餐時間心思思想食個下午茶近年好多新式既茶餐廳都有好多特別野食一於去試下呢間先~響門外已經睇到餐牌可以慢慢諗好食咩先入座入去即刻落單 可以唔洗等咁耐下午茶時間都好多人睇黎係受街坊歡迎既鋪頭好彩岩岩好有張卡位坐可以闊落啲野食好多選擇 諗來諗去最後揀左個雞脾撈丁呢到特別在有得揀唔同汁我揀左比較特別既龍蝦汁個汁做得唔錯 唔會稀過到質感有點似龍蝦濃湯咁撈落個面到 每條麵都可以索到汁嫁雞脾都整得好入味貪食既我仲叫左個芝士咸牛肉脆豬個包真係超脆 不過又唔會𠝹口個餡都勁足料 啲咸牛肉成2cm厚芝士有別一般坊間做法 係用芝士片既食落會無咁漏杯紅豆冰好正好夠凍 岩哂前幾日好熱既天氣奶底係用椰奶 好香濃椰子味而且飲落不會覺得淡口紅豆仲好大粒圓潤 粒粒分明 唔會煲到爛哂一撻野咁 高質特別要讚既係呢到店員既服務雖然下午茶時間都比較多人客但店員做野都好爽手 出菜又快仲不時留意到客人既需要會即刻幫手呢樣相信都係大家鐘意呢間既原因…Read More