TeaWood Taiwanese Cafe & Restaurant (Zone A, Lok Fu Place)

其實茶木係香港都開咗咁多年同咁多分店，已經好多人都去過同食過，食評都應該冇咩人會睇我仲係想寫因為唔同分店，個質素真係可以差多遠。第一唔同區價錢係會唔同，就算同區係唔同商場開，個價錢都可以唔一樣。第二同一碗牛肉麵，可以一間可以用帶軟骨部位牛肉去煮超淋，阿婆都食到，另一間又可以用超韌牛展肉，後生仔都唔會咬得開。差就唔提，等各食家自己慢慢摸索，而樂富分店係其中一間能保持質素分店台灣店就緊係食紅燒牛肉麵一來佢用我偏愛嘅粗麵，二來個牛肉煲得夠入味又淋身，三來個蘿蔔又係夠晒味，大滿足午市跟餐有呢個凍紅豆薏仁水，呢個又係必食，紅豆又甜又淋，薏米加薑好夾，夏天飲真係好消暑記得要少冰，如果唔係會太淡味。始終食set係最底。…Read More

昨日（17/10/2020）來樂富，以往來食飯，一到六時多就要搵定地方，唔係就要等位，昨晚七時多，所有餐廳都可以直入。在餐廳門口貼有台灣烏龍茶春雞的宣傳單張，好吸引，一於要入去試下，入到餐廳內，已見有多枱客進食中，賣相都好吸引。點了春雞，都幾大隻，侍應放下，已聞到有茶香，用刀叉都好容易切開，雞好入味，配料既汁都可不用，雞肉好軟滑，唔錯紅燒牛肉麵，招牌菜，幾乎次次都叫另用積分換了黑糖珍珠奶茶埋單$151…Read More