Idou Dessert (Ping Shan)

【天水圍隱世甜品鋪🚗揸車必到！豆腐花+流心Baileys震撼味蕾】估唔到天水圍工業區暗藏呢間寶藏甜品店！門口大把位泊車，揸車友超方便～ 今晚試咗四款招牌，款款有驚喜！木桶豆腐花：一上枱就聞到濃郁豆香，口感滑溜～不過食之前唔記得影相🤣所以放咗舊雪耳遮醜（本身無的）Baileys心太軟：切開那刻真係哇出聲💥！濃郁酒香朱古力漿澎湃湧出，配埋冰凍雲尼拿雪糕，冷熱交纏簡直完美！ 抹茶心太軟：🍵流心效果同樣震撼，微苦回甘的京都抹茶味好高級，茶控必試！ 紫薯湯圓：🍠咬開軟糯外皮，流沙紫薯餡香濃自然，碗底仲有淡淡薑湯，食完成個人暖晒～雖然位置隱蔽，但絕對值得專程揸車入去encore！以後深夜甜品癮起終於有好去處啦～ 🏆…Read More

天一商城晚飯後，大家想食甜品， 但係附近搵唔到甜品店。 朋友力推西鐵站嘅一堂， 興之所致，大家就乘輕鐵到天水圍西鐵站 ，沿著小路跟著紅色旗幟 不難找店址。5個人叫左5份甜品， 拿了自助餐具，大家一同分享。鮮芒果河粉 ，椰汁味唔夠，份量少。綠茶心太軟配雪糕，綠茶味夠香濃，夠甜榴槤心太軟配雪糕，流心榴槤帶輕微苦味，唔會係😎貓山王卦，食甜品美好幻覺多左。 紫薯窩夫配雪糕，切下窩夫，又搽下d紫薯cream，再伴d雪榚食，真係好正。mocha脆脆麻薯窩夫配雪糕，少少脆多多甜。食甜品果然係會開心既，大家坐戶外，食得輕鬆自在，笑住離開，有下次。…Read More

呢間店開係天水圍西鐵站隔離，如果唔係朋友揸車帶我黎，真係完全唔知呢到有間糖水店夜晚10點左右已經人山人海，原來咁多人都識，係我孤陋寡聞完全無聽過整體都幾好食，絕對會再黎…Read More

收到風話菠蘿山可能會封，所以趁有時間就再行多次以免之後真係無得再去影相。本身諗住慢行一個下午，但點知落雨就影完相早早下山了，搭小巴返到天水圍見呢度啱啱開就順便歇下腳，醫下肚。落到山先黎出太陽，真係天公造美呢。但估唔到啱啱落完雨呢度都咁多人，唔計店內，淨係出面都有十多二十人坐左係度等食。牆身呢幅塗鴉一睇就知係打卡必影啦，畫得真心唔錯。同埋咁啱有幾個單車人黎食，所以兩架＂跑車＂做左幅畫嘅點綴。餐牌主打係紫薯，所以點左個紫薯窩夫同埋綠荼心太軟。因為即叫即整嘅關係，等下係無咩所謂的。雪糕球配左士多啤梨味的，因為心太軟係女友嘅至愛，所以佢見到都會一定點。整體唔會好甜，但綠荼味十分香濃。麵團偏薄同乾身，但因為綠荼餡夠多可以補足濕潤嘅口感。紅豆係綠茶嘅最佳拍檔，呢度紅豆煮得軟綿又入味，糖嘅甜完全滲透入紅豆入面，混和心太軟同忌廉真係絕配。紫薯窩夫真係超啱行完山食的，因為佢份量真係幾大。同埋佢絕對無額外添加過多嘅糖，全部都係由紫薯本身甜度所引出黎。紮實嘅感覺令一日嘅疲勞一掃而空，同埋窩夫入面都包左啲紫薯蓉，所以蕃薯嘅香味由頭到尾都好足。烘乾嘅紫薯片濃縮左香甜，同冰凍嘅紫薯雪糕糯米糍令窩夫增加另一種風味。溶化嘅雪糕再為窩夫提供額外水份，令佢食落唔會太乾。呢度嘅位置其實幾方便，下次行完山或者去完下白泥影日落，都可以過黎歇下食個甜品先回家。…Read More