Mak's Noodle (Wellington Street)

慢活系列之《細蓉 x  細蓉》帶移民美國既中學同學兼好朋友來PMQ慢活一下，順路緊係要帶她來一轉麥奀雲吞麵世家，嘆下《細蓉》啦！行完PMQ都差唔多5點半了，好朋友話要返屋企食飯，唔可以食太飽，所以就 ...... 伙記，唔該黎兩碗《細蓉》啊！雲吞雖然細細粒，但食到裡面既餡料有好彈牙新鮮蝦同好香既大地魚味，湯底話係用大地魚及蝦子餚製而成，味道好鮮甜，而麵條都好彈牙同索晒湯個種魚鮮味。美中不足既係好細碗，但又好配合朋友話食完仲要返屋企食飯。朋友食完都大讚好味，最後埋單兩碗細蓉就$84。貴唔貴見人見智啦！最緊要係朋友讚好食！…Read More

香港不缺俱有代表性的食物. 如菠蘿油, 鮮油多, 蛋撻, 砵仔糕, 雞蛋仔 臭豆腐 , 魚旦粉, 雲吞麵等…多不勝數! 記得在那些年…. 雲吞麵統稱” 細蓉”, 當年” 細蓉”成為香港人不為求飽, 只為辰時卯時閒來過過口癮. 所以小巧精緻. 雲吞麵愛好者該不會對當年廣州雲吞麵大王”麥煥池”的名字陌生, 香港多間馳名雲吞麵家, 直接或間接都和他有點淵源. 本人在麥兆記食評也早有提及, 在此不作多說.該有十多年沒光顧麥奀記中環老店, 年前得知在佐敦開設分店, 歡喜若狂, 但卻失望而回! 麵質, 湯底, 雲吞全不對辦! 以致一直誤會是A貨麥奀記. 今午路經中環老店, 遠在街頭已被雲吞麵獨有的湯底味吸引, 我和男友像著魔似的進入內, 各自點了”細蓉” , “筋蓉” 再加一碟蠔油芥蘭.沒多久伙計端上雲吞麵, 一隻細小的米通碗(比我家飯碗還小), 十分講究的以雲吞麵傳統方式鋪排, 次序分明, 先是麻油、豬油及韮黃等配料置碗底, 然後放上湯匙, 雲吞放置中層, 麵放上層, 最後加入熱湯. 雲吞皮薄, 蝦肉爽脆味鮮, 保持一貫包法, 別俱特色的金魚散尾, 麵質蛋味香爽口, 最重要沒鹼水味. 大地魚湯底咸鮮味適中. 感覺找回童年回憶!很多食評投訴麥奀記的雲吞麵細碗, 價錢又不平宜, 但一碗用心炮製的雲吞麵和一碗$10大大碗的雲吞麵比較, 實在有點對它很不公平.很欣賞Openrice一位殿堂級食評家給它的評語 "就是愛它小" "吃米要知價" 說得真好!這裡服務也不差, 相比一些名食肆老伙計的服務態度好多了! 我和伙計閒聊間, 証實了佐敦分店不是A貨, 一直以來老店也收到不少投訴, 原因.....?  我只知道日後要食一碗有那些年....味道的雲吞麵, 只好移船就磡了! …Read More

同朋友咁岩經過附近, 又好肚餓就入左泥呢間麥奀度食野坐低見無乜客人 我地2個都好驚會中伏於是2個人都淨係叫左碗細蓉試下碗麵泥到 我同朋友都打左個突細碗到不得了, 個度差唔多一啖就食哂但係點知食落好好食! d麵好彈牙, 配埋d湯汁3粒雲吞 粒粒都好足料一啖麵一啖雲吞 食到我地lam lam 利因為唔係好夠喉 所以我地每人再叫多左一碗個店員都笑左：「下? 再叫多2碗?」其實有乜咁出奇 佢碗麵咁細 宵夜都唔夠不過就貴左少少 印象中好似32蚊一碗但係作為小食就係唔錯既推介…Read More