Sandaime (Island Place)

2023年1月3日 (星期三) 7:00pm 16°C 店內環境以紅黑色調為主，入門即見大大店名旗幟，餐廳有吧台位、卡位提供，採用開放式廚房設計，客人可以看到即燒串燒過程。 餐廳主打拉麵，亦有拌麵、丼飯、炸物、燒物、一口壽司等美食提供。 環境光亮整潔，餐具乾淨。 人數：2人 HK$57X 不用等位 海之天婦羅 - 蝦、鯛魚、黑松露帶子、墨魚和紫蘇菜都炸得香脆，皮薄內鮮，完全保留食物原味道，毫無油膩之感，可惜份量太少了。 鰻魚雙霸 - 淺色的是野生鰻魚，深色的是人工繁殖鰻魚，前者味道偏淡多細骨，後者味濃啖啖肉，魚肉滑溜不腥臊。【推介之選】❤❤❤ 紫蘇燒豚梅肉拉麵 - 豚梅肉經過炙燒，重油香味，表面塗了紫蘇汁，帶來清新香氣，中和油膩感。豬骨湯底每日新鮮製造，熬製超過10小時，精華所在。【推介之選】❤❤❤ 芝士蛋糕 - 芝士味非常濃郁，質感厚實，甜而不膩。整體來說，質素亦屬高水準！【推介之選】❤❤❤ 抹茶蛋糕 - 日本抹茶味道濃厚《 環 境 》：《 餐 牌 》：…查看更多

三代目係北角少有嘅日式居酒屋，上網見到佢哋嘅正面評價都幾多，經過呢區就決定去試吓。今次叫左兩款主食，分別係鹽燒牛舌飯同埋紫蘇燒豚梅肉拉麵，兩款味道都算唔錯，而且價錢非常合理，日本居酒屋嚟講性價比好高！🍜紫蘇燒豚梅肉拉麵嘅豚骨湯底算濃郁，食落有少少豬骨嘅香味，配上面頭嘅蔥同埋紫蘇葉，成個配搭算係幾夾。拉麵嘅配料有糖心蛋，燒豬腩肉同埋筍，全部都幾高質素，尤其是係燒豬腩肉，肥瘦非常適中，面頭有輕輕火炙燒過，有少少入口即溶嘅感覺。拉麵算係幼身嘅質地，食落都算爽口彈牙。🍛牛舌飯反而比較有驚喜，飯上面鋪滿左滿滿嘅燒牛舌，牛舌燒到啱啱好，免頭有少少燶燶哋，但係入面嘅肉汁依然鎖住，仲有少少彈牙，有牛香。飯嘅面淋上咗燒汁，燒汁甜甜鹹鹹咁，好惹味，送飯一流☺️🍗我哋亦都嗌咗炸雞軟骨做小食，雞軟骨嘅咋份唔算太厚，食落酥脆，調味亦都啱啱好，不過可以大份少少嘅話會更好！…查看更多

.📍$98 紫蘇燒豚梅肉拉麵豚肉外層燒到微焦望落肥瘦比例平均食落相當軟淋之餘，又重油脂香🤩拉麵方面，麵質係偏硬身個種，所以食落好彈牙配埋個清清地的豬骨湯一齊食認真唔錯溏心蛋煮到岩岩好，食個時仲係流心狀態🙆🏻‍♂️🙆🏻‍♀️.📍$92 豚肉醬油魚介拌麵配料相當豐富，有櫻花蝦、蔥花、洋蔥粒等將所有配料同拉麵拌勻後，配合埋面頭個蛋黃汁令到成個麵有個種杰身的感覺🤩而且味道係較湯拉麵重味，所以食落幾惹味😍塊豚肉就同湯拉麵唔同，比較似係泰式豬展咁.📍$118 海之天婦羅份量相當豐富，有蝦、鯛魚、黑松露帶子、墨魚等全部炸粉厚薄都岩岩好，唔會過厚同行友人反而覺得個天婦羅金菇最盞鬼炸到成朵花咁，打卡一流🤣.📍$108 燒喜之次食落魚肉幾嫩滑外層唔會燒得太過乾身同埋都比較多碎骨，大家食個時要小心啦🙆🏻‍♂️.📍$38 白桃疏打 & $32 綿綿朱古力疏打好重桃味，而且又唔會淨係得死甜🤤朱古力就飲落好濃郁，面頭仲有粒粒綿花糖😆.…查看更多

住北角咁耐一直都覺得同區比較少高水準得來，價錢又ok的居酒屋🏮。前排經過港運城見到呢間格局好日本風嘅餐廳，就約了朋友去食。餐廳內幾多位，而且坐得舒服，還有清酒放題。不過同朋友都prefer簡單食。🦀️味噌甲羅燒烤得剛剛好，散發了蟹膏的香味，配上鮮甜蟹肉同蟹子，啖啖濃香鮮味😋撈埋飯+紫菜就perfect match🦑照燒魷魚筒同樣係幾有水準的小食，魷魚新鮮厚肉，配上檸檬同芝麻+醬料，香口得來有嚼勁😋拉麵方面，點了一個辣，一個不辣的。🌶️辛燒豚梅肉拉麵係鍾意食辣嘅我幾鍾意的，因為好夠辣，滿滿都係辣粉，惹味得來不會太刺激的辣，好易入口。拉麵麵質彈口，吸曬啖啖辣香精華。另外拉麵配了厚切肉，肉質軟嫩，肥肥地幾好食。朋友就點了紫蘇燒豚梅肉拉麵，湯底比較濃香，可以邊飲湯邊食～飲品方面，綿綿巧克力真係好吸引，面頭係滿滿的棉花糖，好有幸福感💕☺️軟綿綿半溶棉花糖配少甜的朱古力，啖啖甜香味😍同朋友講，下次可以試下sake放題！…查看更多

今日忽然拉麵癮起, 所以就去咗 ❥⧽三代目 ❥⧽ 食拉麵喇。餐廳以紅, 黑色為主, 走型格路線, 裡面有好多卡座位, 幾闊落所以坐得好舒服。𓊈海之天婦羅𓊉天婦羅有蝦, 鯛魚, 黑松露帶子, 墨魚同紫蘇葉, 外層全部都好酥脆。蝦好大隻, 肉質結實彈牙。鯛魚新鮮嫩滑。帶子中間加咗黑松露, 味道好香有層次感。𓊈照燒魷魚筒𓊉一上枱就已經好香喇, 魷魚筒脹卜卜超級爽口, 個人最鐘意食魷魚鬚位, 比較煙韌有咬口, 照燒汁比例剛好, 唔會太甜蓋過魷魚味。𓊈紫蘇燒豚梅肉拉麵𓊉好欣賞塊豚梅肉, 好肥美, 脂肪同肉嘅比例好平均, 唔會太肥膩/ 太瘦乾爭爭。溏心蛋好流心, 蛋黃大大粒, 好好味。𓊈辛燒豚梅肉拉麵𓊉如果鐘意食辣嘅話, 真係可以試吓呢個辛燒拉麵, 個湯底好香濃惹味。𓊈巨峰梳打 ✧ 白桃梳打𓊉本來以為係機出嘅梳打, 點知係原支樽裝梳打, 喜出望外, 一扭開樽蓋已經有陣陣香味, 加埋冰一齊飲, 唔會覺得太甜, 好好飲!✧✧ 餐廳食物種類真係好多, 座位又好舒適, 好適合想靜靜地食飯傾計嘅朋友。…查看更多

見開左幾個月，今日lunch唔算好多人排隊，入去試下，等左20分鐘度入座，我地兩個人order左午餐「紫蘇燒豚梅肉拉麵套餐」、「吉列豬扒廣島蠔定食」、跟餐「青森縣蘋果汁」、「荔枝培茶」。套裝跟「3小卷」先到，跟住飲品，個人覺得比較甜，定食睇落好豐富吉列豬扒是細細件的，好好味，咬落有層次，蠔都有蠔味，唔鯹。豚肉拉麵個豚肉好有驚喜，一碗只有兩片，有少少厚度，所以好有口感，肉質和味道都100分，拉麵湯底好濃，個人覺得拉麵唔夠淋身，整體唔錯。…查看更多

北角新開張嘅居酒屋——三代目🏮之前大排長龍就係因為佢嘅清酒放題🍶$188就任飲，佢哋嘅食物質素亦相當出色🌟燒喜之次($108)廚師好有技巧咁將一條魚打開咗嚟燒，魚皮嗰邊就好脆，而入邊啲魚肉非常嫩！點左旁邊類似柚子豉油嘅醬，非常開胃😍😵大推大推！紫蘇燒豚梅肉拉麵🍜($98)見到佢地話自家製豬骨湯熬製咗10個鐘㗎！第一啖湯已經覺得好驚艷，湯頭好濃之餘我好鍾意佢呢度嘅紫蘇葉碎令到佢個香味昇華咗😍三盛燒肉井($108) 包括煙燻雞、五花肉、牛舌。全部都煎得剛好，色澤勁靚，所有肉都好嫩滑🥳其中又係好鍾意用嚟撈飯嘅汁！有七味粉嘅香同埋甜味~海之天婦羅🍤($118)除咗有天婦羅，比較特別嘅就係黑松露帶子🤤一咬落去啲黑松露味飛晒出嚟😙紫蘇葉亦都炸到薯片咁脆，亦好香口~白桃梳打🍑($38)職員我好細心咁幫你打開咗到埋落個冰杯度，仲要留返個杯俾我哋打卡! 果然個味道真係好好飲令我想影低呢隻牌子自己買😍唔似一啲好假嘅白桃但有微微嘅梳打，唔會令人覺得好有氣泡感🤤蘋果焙茶($38)好少喺其他餐廳見過呢一個配搭，焙茶味會比較重，亦有微微嘅蘋果甜味🍎🍵…查看更多

位於北角海運城的三代目，是拉麵+居酒屋的日式料理，午市期間也有提供很多居酒屋的燒烤小食。味噌甲羅燒$98～必食大量蟹肉、味增、蟹膏、蟹籽及鵪鶉蛋放在蟹殼上，拌勻後單吃口感豐富，味道非常甘甜，再配一碗日本米飯及海苔食用，更滋味滿足。鰻魚雙霸$128鰻魚用了兩款不同方法燒製，一款彈牙有口感，一款肉質柔軟棉滑，非常適合拌飯羅配酒食用。紫蘇燒豚梅肉拉麵$98～必食燒豚梅肉肥瘦分布相當均勻，燒得香口油脂令肉質更順滑。因為用上瓦碗的關係吃到最後湯仍然是冒煙的，湯底以新鮮豚骨熬製超過10小時濃郁滋味，而且溫度相當足夠。再加上紫蘇的清新，中和麵湯及豚肉的油膩感。三盛燒肉丼$108一次過可以享用到豬牛雞三款燒肉，滿足了三個願望。煙燻雞肉質嫩滑多汁，調味稍為鹹了一點；五花肉燒到香脆，拌飯一流；牛舌肉質柔軟，充滿牛味。巨峰梳打$38黑糖鮮姜（熱）$36除了單杯飲品外，加$188還有90分鐘清酒放題，可以無限享用三種主題系列清酒。午市時間看到很多人點啤酒，原來啤酒也有再做第二杯半價的優惠。…查看更多

🇭🇰三代目·呢間我之前搭巴士經過既時候已經見到架啦 見佢裝修好似幾靚咁 難得個日我個朋友仔想試就去左😈·海膽一口壽司$68 l 火焰牛一口壽司$48佢呢兩個壽司都幾好味 佢個海膽都幾甜 而且完全唔會腥都唔錯 不過我自己更中意佢個牛肉 佢個牛肉燒到岩岩好 配埋佢個醬漬wasabi味道好好🤤·紫蘇燒豚梅肉拉麵$98 l 吉列牡蠣$72之後佢個拉麵都唔錯既 麵質幾好 不過個湯底就無咩特別咁🤭反而佢個豚梅肉好好味 佢係真係肥瘦相間 而且個豬肉一D都唔韌 之後佢隻雞蛋都好糖心🐷佢個吉列蠔都唔錯既 熱辣辣 而且入面隻蠔都大隻🦪😈·#rbyeat#rby日本菜#rby北角·📍北角英皇道500號港運城地下11-13號舖…查看更多

店有💰188 自助任飲清酒🍶9⃣️0️⃣分鐘好hoisum，有9️⃣隻款🥰，忍唔住試吓呢間新居酒屋😍✨日本清酒🍶 💰188(90分鐘任飲)💫評分: 8.5/10📝先係座位scan QR code，再出面自助拎酒，有3️⃣種主題清酒各有特色，「薰酒」類有果/花香，啱配搭較清淡嘅菜式，e.g. 一口壽司丶沙律🥗、「爽酒」類啱配較油膩嘅食物，e.g. 串燒、「醇酒」類口感濃厚啲，啱配拉麵，我仲跟住咗清酒5️⃣部曲，飲得好盡興🥰✨🐚醬漬螺 💰72💫評分: 7.5/10📝螺肉入味彈牙無沙，京蔥同蘿蔔清甜，有風味，送酒一流👍🏼 ✨雞之拼盤🍢（雞胸軟骨、雞腎、雞肉京蔥）💰98💫評分: 7.2/10📝雞胸軟骨有咬口、雞腎爽口、雞肉嫩滑配好嫩嘅京蔥， 串燒同清酒都係絕配，仲要喺即叫即燒 ✨一口壽司🍣火焰牛（配醬漬山葵莖）💰48 + 海老·膽 💰58💫評分: 7.7/10📝火焰牛燒得嫩，海老炸到金黃脆口、海膽鮮甜配埋爽口青瓜🥒，放喺小鋼架好cute cute，因為紫菜擺耐咗唔脆所以唔好打咁耐卡 ✨紫蘇燒豚梅肉拉麵🍜 💰98💫評分: 7.5/10📝湯底濃郁有淡淡紫蘇味中和油膩感，燒豚梅肉肥瘦適中，流心蛋好流心，拉麵+湯底都係即日新鮮製造，麵底係微粗，喺我鍾意嘅有咬口texture ✨一口燒牛丼🐮 💰95💫評分: 7.3/10📝牛柳粒配洋蔥、青椒🫑溫泉蛋，同照燒汁，撈飯一流三代目 𝕊𝕒𝕟𝕕𝕒𝕚𝕞𝕖📍北角英皇道500號港運城地下11-13號舖(北角🚇B3 出口行1分鐘就到) 💫評分: 7.4/10💬清酒放題抵飲，玩得好開心🤣，自己真係好鍾意去日式居酒屋🏮 #三代目 #sandaime #北角美食 #北角 #醬漬螺 #拉麵 #sake #壽司 #一口壽司 #一口燒牛丼 #清酒 #清酒放題 #香港美食 #串燒 #居酒屋 #followforfollow #foodieblog #instadaily #hkfoodblog #foodiehk #居酒屋🏮 #居酒屋メニュー #居酒屋料理 #日本菜 #日本料理 #日本…查看更多