Let Go Vegetarian (Closed)

近排食得太多肉，想食番d健康嘅素食，上網搵下見到位於銅鑼灣登龍街嘅”放下素”，價錢幾抵所以去試試。因為有預約，所以唔洗等就有位。餐廳以自助餐形式提供素食，琳琅滿目。服務員提醒每人只提供一份餐具，減少多餘嘅浪費👍🏻個人推介爸爸煮蛋角，味道完全好有家嘅感覺，令人懷念。香菇粟米炒飯，飯粒粒分明亦唔油膩。咕嚕麵根，麵筋吸收咗芡汁食落味道酸酸甜甜，非常開胃，配埋白飯一流。驚喜嘅係新派嘅墨西哥捲餅，餅皮軟軟的不會硬，配合新鮮嘅蔬菜配料，非常惹味，辣味出眾。仲有素漢堡扒，用豆製成，味道黏韌，另外可以盡情發揮DIY創意去創造一個屬於自己嘅漢堡包，非常好玩。沙律吧，有多款新鮮蔬果，還有自家焗製的新鮮果乾，非常健康。另外仲有湯、糖水、甜品、多款冷熱盤、天婦羅、薄餅、窩餅........提起素食，好多人會覺得味道又淡，菜色又dry，唔飽肚，但今次嚟呢到食過之後有所改觀，呢到嘅菜式選擇多，由午市幾十至晚市百幾蚊價錢就可以食盡多款嘅健康素菜，價錢親民之餘，款式又多，所以一定飽肚。餐廳概念以社會責任、簡約食法減少浪費為主，另外佢地亦都聘請弱勢社群令佢地有就業機會，所以大家嚟食飯記得多d關懷同耐性比佢地嘅員工，另外佢地嘅廚師曾經為法師主理素菜多年，所以味道及用料上與外面嘅素食自助餐廳有所不同，品質亦有保證。…Read More

朋友是素食者，今天約她食飯自然都是吃素！我這次預先已經Book了頗多好評的放下素餐廳，餐廳是素食的自助餐，我們book 了7.15的時段，我和朋友7點上到去的時候已經見到不少人在等候。差不都可以進去的時間餐廳員工先做了一段少少的餐廳簡介。員工表示，餐廳響應環保知會提供一套餐具，而且員工大部分是弱能人士，餐廳為他們創造了工作和展示能力的機會，同時希望我們能都包容他們。自助餐主要分成三區。中菜區，沙律區和甜品區。中菜區的選擇最多很多熱盤，而且味道一點都不比酒店的差！其中XO醬蘿蔔糕、天婦羅、和涼拌青瓜等等我最喜歡。素XO醬的腸粉和普通XO醬味道沒有任何不一樣，讓我食不停口。而涼拌青瓜味道酸酸甜甜，清甜多汁十分開胃。沙律吧有很多款時令蔬果，而且還有自家焗製的新鮮果乾，可已當成小食，有可以製成水果乾麥皮。同時也有一些西式的pizza 和中式的馬蹄糕等等。餐廳的素菜漢堡味道極好，内餡材料豐富，雖然看不出有多少款的食材！但是口感確是很有層次的。另外餐廳還有一些滋潤的湯水，粥品和糖水等提供，保證健康又沒有味精！朋友吃得相當開心，還說以後自己也會光顧。餐廳7：15-8：30PM時段的自助餐只係$128(位)，性價比係非常高的。連我平時沒有食素的人也覺得非常美味。值得推薦！…Read More

放下素係登龍街的一棟食廈內新開的餐廳，係素食自助餐！新張期內價錢頗吸引，素食人士又多一個好選擇😃餐廳面積頗大，摩登中式風格，我今次來食7:15時段，坐下不久便幾乎全場爆滿了！有不少中年人士，也有扶老攜幼的，估唔到嘅係都幾多男士食素。自助餐區有沙律bar，提供超多款沙律選擇，很喜歡它有提供不同水果，呢晚有菠蘿、香蕉、紅蘋果、青蘋果等，也有多款豆類，凱撒沙律個醬甜甜地也不錯吃。沙律bar旁邊除了有烘麵包機，更有一部風乾機，即時在風乾蔬果，很特別呢！平時出面買一包仔都好貴，我第一次見自助餐有呢啲嘢，當中我最喜歡蕃茄乾和冬菇乾！然後就是西式素區，有素漢堡扒，可以自製素漢堡呢！也有意粉，薄餅，但我最喜歡的是這個墨西哥辣餅！！！除了賣相吸引，仲非常惹味，超辣的很過癮！之後一個L型就是中式素區，選擇頗豐，由涼菜、到天婦羅、炆素菜類、菜蔬類、飯麵粥麥皮、連炸香蕉、苦瓜蛋、薑醋蛋都有！！ 要食晒都好唔容易，我幾喜歡呢度的素菜味道自然，唔濃味，沒有用過多調味汁醬，有點家常味道，感覺非常健康。最後一區，有粥有湯有甜品。總括而言，我覺得這裡的素食選擇頗豐，雖然沒有較貴價的食材，但已在一般蔬果中製作出中西選擇、煎炸炆灼、已且普遍都唔太油膩濃味，味道ok，性價比是不錯的。想食素又想食飽既話，呢度係一個唔貴既選擇。唯有一就是初段時自助區真的很多人，也有refill唔切的情況，而且飲品只有水，其他要另費。PS. 這裏更加是社會企業呢，聘請弱勢社群成為部分員工。如果有接觸過弱勢社群，就會知道，提供弱勢社群就業機會，是一件非常有意義、有價值、值得支持的事。…Read More