Veggie One

前兩日姪女send來介紹一間自助餐素食店嘅片段，睇完都想試一吓，先想試吓lunch，適逢今日星期六係十五，都怕多人，早餐都冇食，所以早啲去，當brunch吧！由香港站搭西鐵線在南昌落，地步話D1出口，其實我覺得如果識行，應該D2出口會快啲，不過我哋第一次去v walk（大鄉里），所以都係跟指示行，商場有部touch screen指南機，按舖頭類別及名稱，就會指示你所在位置及目的地位置，讓你大概會知個地點如何前往！我哋一行三人11:45到，吾駛等好快入座，店舖幫你量體溫及派一個用紙摺成嘅口罩套比你，提示你離開座位出去攞食物時都要戴上口罩，好貼心，又會令大家食得安心啲……因為LUNCH BUFFET 時間得75分鐘，一攞好位就出去攞嘢食，擺放食物嘅地方吾算大，都算整潔，簡單分咗前菜 (沙律、小吃炸物)、熱葷 (蔬菜、粉麵飯)、蒸品類 (饅頭、豆沙飽)、冷盤(壽司、糕點)、湯品(糖水、湯)、茶水等.....我哋各人食咗3-4轉左右都飽了，時間又過得好快，75分鐘好快到了，離開時已企滿等位嘅人龍喇....第1次嚟食，我覺得D食物味道仍有改善空間，可能係新派，D熱葷未夠鑊氣味道，湯可以煲濃D，我最欣賞個豬仔豆沙飽，好CUTE，出籠趁熱食好好味.....環境乾淨、有魚缸擺放，感覺清新、有生氣，不過D枱距離就擺得密咗D......…查看更多

素一本身係我好期待去食既本地素食自助餐之一，我之前分享過去銅鑼灣素一的超正體驗！當時去到無論侍應、野食、地點我都好滿意！不過估唔到南昌素一係好差，完全推翻我對素一的體驗！適逢母親節，所以專登帶晒一家大細去試V walk素一！地點嚟講好方便，係D2出口一上電梯就係。一開始我預約咗11:45，當時11:20一上到去都奇怪唔知點解有班人排緊隊。去到11:40分我哋就入咗去食，當時先發覺嘢食方面同銅鑼灣果間有啲出入。好似素壽司咁，最正個兩款素肉鬆壽司同素鰻魚壽司係完全無，不過Refill算快。壽司方面無咩揀，所以就去咗食炸物同熱食，以下係必食推介。馬拉糕好味，不過接近無Refill過，唔明點解蒸嘢食都會無得食第二次桃膠糖水好味！炸物都唔錯，款式算多，不過Refill都幾慢，出去拎梗有兩三款唔見晒。冷烏冬好吃，但都見過無晒。糖水、湯品的確比銅鑼灣分店多大概一倍。除咗素壽司無咗兩款、炸物無銅鑼灣分店咁多、蒸嘢完全無refill、其他嘢食refill速度慢之外。令我哋食到最嬲係趕客走！我哋11:40入去食，照計食75分鐘，應該都食到12:55分先完。點知有位應該係經理的人士，12:35就開始催人走，我哋本身以為催緊11:30入嚟的客人。當時我拎完最後一輪返埋位先12:39分，已經見到佢係我哋張枱附近望嚟望去，過咗唔夠一分鐘，跟住佢又催，之後我就話我哋11:40先入嚟，正常都未洗走住。點知經理即刻答「今日只有一輪時間，所以全部都要係第一輪時間計算之後走。」佢意思指無論我哋11:30還是11:45入，都係要11:45走。個位經理由電話預約到入場完全無同我哋講過，客人比咗75分鐘的價錢就應該食返75分鐘。就算係節日，都唔應該係咁樣無端端比人趕走，仲要因為你個唔知咩時間計算。如果照上面咁講得一輪時間，我再遲吓11:50至12點先入場食，咁咪連一個鐘都食唔到！我食咁多間素食自助餐都無試過有一間係咁差咁樣趕客走！！依間真心唔會推薦大家去食，以後再食只會食銅鑼灣素一！！…查看更多