Li Ji

平時好少黎將軍澳呢頭，今日中午黎左呢間禮記食點心。呢度裝修新潮摩登，絕非一般中式酒樓可相比。唔知道野食方面又如何呢？點心紙一目瞭然，有禮點，蒸點，炸點，包點，腸粉，同甜品，選擇唔算太多。茶位每位$13。點心價位分別係：超點 $58頂點 $48特點 $43大點 $39中點 $34小點 $25周末假日貴$1。今日第一次幫襯，點左幾款點心試試。點心全部即叫即蒸。焗雪山叉燒包 頂點焗雪山叉燒包一客3件，外燙內暖既包，上碟前應該輕輕拖過一下油，所以有脆皮。餡料係粒粒叉燒。禮記黑金蝦餃皇 超點禮記黑金蝦餃皇一客3件，餃皮唔問都知係加咗墨魚汁，有陣特別既海鮮甜味，亦都令餃皮更富彈性。另外就有食用金箔劃了一筆，成為黑金皮，就成為一件高檔次點心。每隻蝦餃皇入面有兩隻全蝦，不負所托既超點！紅菜頭松露野菌餃 特點紅菜頭松露野菌餃一客3件，餃皮用左紅菜頭一齊搓，天然水晶紅色賣相一流！裡面塞滿野菌，混入黑松露醬，香味四溢。小雞雞 大點小雞雞一客3件，今次帶咗小朋友嚟，叫咗個小雞雞即係豆沙餡包，賣相很可愛，小朋友好鍾意。期待下次試小菜。…Read More

行donki之前比我發現一間新派茶樓 ～ 禮記， 就一於入去嘆返一盅兩件先🥢。 店內裝修時尚優雅， 不算太肚餓，所以只點了四個點心，茶芥每位$13， 京滬觀湯小籠包$43、 紅菜頭松露野菌餃$43、 香茜叉燒腸粉$39、 酥炸順德鯪魚球$25。 🔹京滬觀湯小籠包 ～ 小籠包有三隻， 入囗爆肉汁，幾好味。 🔹紅菜頭松露野菌餃 ～ 紅卜卜賣相幾吸引， 野菌味道很香，有輕輕的松露味。 🔹香茜叉燒腸粉 ～ 腸粉的皮夠薄，口感又滑。 🔹酥炸順德鯪魚球 ～ 三粒脹卜卜的鯪魚球，酥香美味。 這裏的點心熱辣辣新鮮出爐， 即叫即蒸☺️。…Read More

放假嘆一盅兩件, 嫌去得太多傳統酒樓食點心開始覺得悶, 今日就去咗間新派酒樓, 賣相同味道都很有驚喜, 價錢相對亦唔會太高。餐廳環境闊落舒適, 入座先送上熱茶,點了好幾款點心share試試【禮記黑金蝦餃皇】HK$58黑金色蝦餃皮更顯貴氣, 皮好薄, 足料蝦肉餡鮮甜彈牙, 但稍為有d偏鹹。【紅菜頭松露野菌餃】HK$43皮同樣薄, 一咬落去, 粒粒野菌餡令口感更有層次, 兼很重松露香。【黑金流沙包】HK$39流沙包軟熟, 流沙餡澎湃湧出, 奶黃味濃郁【奶皇炸煎堆】HK$39炸煎堆外層不油, 表面很有芝麻香兼鬆化, 中層好似湯丸嘅口感, 再包住流沙奶皇餡, 正! 推介! 【香茜叉燒腸粉】HK$39腸粉皮晶瑩通透, 好滑, 叉燒切成細粒, 有層次得黎又唔會好硬, 仲加咗少少莞茜, 多一點清香。 …Read More

今日到將軍澳穩朋友，到禮記食下午茶，餐廳寬敞舒適，水壺同杯子都好有特色。紅菜頭松露野菌餃：餃皮以紅菜頭打汁搓成水晶皮，鮮豔剔透，外皮Q彈，菇菌內餡加入松露醬同松露油，松露並未蓋過菌香，反而豐富了口感，清爽怡人。京滬灌湯小籠包：呢道好有顏值，且好新穎，可以提嘅小籠包，皮薄餡大，汁多味美，肉香四溢。黑金蝦餃皇：外皮加入黑蒜和竹炭粉，咬落Q彈，內裏蝦仁鮮甜爽口。小貓咪奶皇包：造型好得意，外皮軟綿，內餡奶皇多且有一股濃滑奶香味。…Read More

放假想行吓激安，近近哋去咗將軍澳嗰邊，順便食個午餐。好耐無食心點(小新叫法🤣)，於是就揀咗去「禮記」開餐。小店環境唔錯，面積幾大，有著新派嘅裝修，估計配合返附近嘅年輕住户🏡。餐廳其實同酒樓無乜分別，日間做飲茶，夜晚做小菜晚飯🥢。定價我認為都算頗為進取，星期六日點心價錢如下：小點$26、中點$35、大點$40、特點$44、頂點$49以及超點$59。未食點心前，先嘆返啖茶🍵，我哋要咗普洱(茶位每人$13)，味道幾清香，仲意外地帶點荔枝味。值得一提嘅係茶杯花紋好靚，細細隻似飲緊功夫茶。鮮蝦米網春卷(頂)，呢個係進化版嘅炸兩，滑溜嘅腸粉皮包住米網蝦春卷。🥠米網皮好酥脆，而內裡就有蝦膠同翠玉瓜粒，整體唔錯。黑金流沙包(大)，流沙包造型精美，店員提醒小心流沙餡燙熱，佢果然冇講錯，因為入面真係非常流心，蛋黃味濃🍳。紅菜頭松露野菌餃(特)，加入紅菜頭整成嘅水晶餃皮又靚又好食，口感煙韌，🍄而野菌餡本身就好香菇味，頗惹味的。禮記黑金蝦餃皇(超)，蝦餃皇3+1，中間嗰粒都食得㗎。蝦餃用上原隻爽彈鮮蝦🦐，正，但我就略嫌餃皮偏厚。香茜咸水角(大)，咸水角外皮綠綠的，有啲似啤梨，因為係採用咗芫荽🌿，但唔使擔心會太重口味，OK的。總括嚟講，點心大大粒，即使只係食咗五款都飽哂👍。我唔熟呢區，但相信佢做新派中菜點心，應該都會吸引到一家大細嚟幫襯。…Read More