Twelve Flavors (WORFU)

自從朋友推介左我食酸菜魚之後，一直對嗰種酸辣嘅味道念念不忘，見到十二味有酸菜魚賣，就即刻買返嚟試吓。外賣酸菜魚配白飯一碗$75 ，見到網民推介紅糖糍粑，就加咗$53買，埋單$128。酸菜魚味道正宗，有好多魚塊，酸酸地又唔會太辣，好開胃，我食唔到好辣，都覺得剛剛好，酸菜湯撈飯食一流❤️紅糖糍粑其實就係炸糯米條，可能攞到返屋企都有一段時間，表面已經彬曬，冇咗脆脆嘅口感，雖然提供嘅甜醬都唔錯，但係味道就一般啦。成個午餐雖然價錢略貴，但係有特色，可以一試。…Read More

如果你鍾意食川菜嘅話，不妨試下呢間連鎖新派川菜餐廳啦💁🏻‍♀️～店內裝潢以木為元素，都幾中國風，但點餐方式就好新穎，只要scan QR code就可自行下單點餐，十分方便👍🏻！🔸[經典香辣鍋🌶🍲] (HK$38)係餐廳嘅招牌自選麻辣香鍋之一，而香鍋又叫做炒出嚟嘅火鍋。首先係揀選鍋底 (經典香辣鍋🍲/ 秘製醬香鍋🍲)，然後揀選5款或以上嘅香鍋配菜，每款配菜額外收費，價錢由HK$28至HK$52不等。妹豬仔同朋友揀咗[經典香辣鍋]，選咗小辣同少鹽。至於香鍋配菜方面，我哋揀選咗：[蓮藕片] (HK$28)、[鮮魷🦑] (HK$45)、[鮮蝦🦐] (HK$48)、[魚腐] (HK$48)、[嫩牛肉] (HK$52)。廚師將所選配菜同醬料炒好之後，香鍋就以一大碗嘅形式呈上🥣。🔸[燒椒皮蛋] (HK$48)除咗[經典香辣鍋]之外，我哋亦點咗一個涼拌小菜——[燒椒皮蛋🌶]，辣度選咗小辣。皮蛋浸喺紅紅嘅辣油上面，賣相超吸引😍！而且小驚喜係，呢啲皮蛋唔同於一般常見嘅皮蛋，係比較晶凝通透😳，食落亦比較彈牙，不過皮蛋味就冇咁重😝。雖然皮蛋味唔重，但味道都唔錯😆。🔸[紅糖糍粑] (HK$48)妹豬仔認為係煙韌控唔可以錯過嘅一道甜品🤤！糍粑其實係似糯米糍之類，經烤過之後灑上黃豆粉，而紅糖漿唔係直接淋喺糍粑上面，而係以一個小碟另上，然後可以隨自己甜度口味再沾上紅糖漿😉。店員端上糍粑嘅時候，仲感受到糍粑係微熱嘅～外皮烤得香脆，內裡就微熱而軟綿綿，而且十分煙韌😍！🔸[慾望酸梅] (HK$28)因為怕餸菜太辣，所以點咗酸梅湯解解辣，但估唔到竟然係超大杯😳！為咗突顯佢嘅mega size，於是將佢同餐廳水杯併埋一齊做比較😆～呢杯酸梅湯面頭有幾片檸檬🍋(遠睇仲以為係凍檸樂😂)，就算加咗檸檬，但味道都冇變得太酸，都係適中嘅酸酸甜甜咁～✨妹豬仔👧🏻💬: 整個香鍋份量好大，而且炒得好香，味道微辣得嚟有啲麻味。而所選嘅每款香鍋配菜都好足料、好入味😋！餐廳食物用料超足，整體水準唔錯👍🏻。鍾意食川菜嘅朋友，不妨試下呢間連鎖新派川菜餐廳啦！…Read More

十二味不知不覺變成一間連鎖川菜代表既餐廳，想食川菜就會諗起十二味，今次已經係第2次食，味道依然! 以為因為肺炎會少左人外出食飯，但估唔到都幾多人堂食lunch...仲見到接不停既外賣單~所以今次等上菜時候係耐左dd!今次叫左2個set lunch + 1份甜品牛肉麻辣香鍋~今次選擇左小辣加麻，小辣都已經幾辣下，牛肉份量有幾大片，除左主角牛肉出色之外，配菜既薯仔片、連藕片、芽菜全部都炒得好入味，成個熱鍋都好岩餸飯!酸菜魚~同樣叫左小辣，酸菜魚反而不太辣，可能因為酸菜份量多，魚片份量都幾合理，另外再加左d菇，增加左口感! 午餐set會跟一個白飯，愈食愈開胃紅糖糍粑~甜品係冰粉同糍粑2者之間不斷爭札，最後都係要encore 返紅糖糍粑，糍粑本身無味，經大廚烤過之後，舖上黃豆粉，再沾上紅糖醬，就會變成1個好滿足既飯後甜品!* 跟餐附送酸梅湯，亦都可以分別加$5 or $8轉汽水或者其他飲品*lunch set 係無加一服務費…Read More

我同啊妹都係好鐘意食辣嘅人😍🌶今日收工就約左佢嚟北角嘅十二味到食正宗川菜😎✌🏻一行入餐廳 就聞到川菜獨特嘅麻辣香味唔係講笑 一聞到依陣咁有層次嘅花椒辣椒味就知道依到幾咁正宗👍🏻👍🏻餐廳嘅座位都幾闊落係社交平台打卡仲有汽水送添!!😍依到係scan qr code落單嘅真係好方便👍🏻👍🏻第一次嚟就叫左招牌嘅人見人愛酸菜魚加粉條💕再加個甜品紅糖糍粑🍬酸菜魚應該係即叫即整嘅等左一陣陣先有得食~一嚟到 我同啊妹都呆左真心勁大碗！！！我覺得4-5個人都夠食我哋叫咗中辣🌶🌶魚上面舖滿泡椒青花椒乾辣椒令我哋兩個辣椒控食欲大開識食酸菜魚第一啖一定係飲湯先😎佢湯頭唔會好油 辣度剛剛好飲落有酸菜嘅開胃酸味同時有魚骨湯嘅鮮甜味可以睇得出鱸魚片嘅份量係巨多🐟魚肉實正 味道鮮甜 毫無腥味薄薄一片絕對無魚骨酸菜嘅份量都係非一般嘅多葉同莖都有 食落酸中帶甜佢哋大大咁提升左魚嘅鮮味魚下面係有超級多粉條🍜我哋專登等到最尾先食佢等佢吸收曬湯底嘅精華先粉條煮得煙韌入味我敢講十二味係係香港食過最好食嘅酸菜魚😋由於份量真係太多 我哋食唔曬打包帶走咗啲😝紅糖糍粑可以叫後上的食完酸菜魚先叫店員上菜😗好似所有四川餐廳都有依個甜品咁~一嚟到聞到好大陣黃豆粉味😚佢係岩岩炸起嘅食落熱辣辣 外脆內軟又煙韌點一點紅糖醬真係好好食🍡下次有機會會再嚟試下其他川菜😆😆…Read More

一向都喜歡吃酸菜魚，尤其是辣辣的，更加過癮。這天和住附近的朋友想不到吃什麼，大家都喜歡吃辣，就去了吃正宗四川菜。難得和朋友都愛吃辣，就點多一個辣辣小食吧！點了這個燒椒皮蛋，一向都很喜歡吃皮蛋，還非常有口感，而且吃進去很香辣椒味我們還點了口水雞，同樣有驚喜的好吃，喜歡吃川菜的可以連調味料一起吃和送飯，雞肉肉質亦很好，$48就有滿滿的辣辣雞肉，很滿足！每次吃十二味都不能少得是酸菜魚，很欣賞酸和辣剛剛好的味道，個人比較喜歡辣多過酸，而這裡做得恰巧。魚很嫩滑，將湯+魚送一口飯，會忍不住吃很多飯。雖然之前吃過數次酸菜魚，但還是第一次吃紅糖糍粑，想不到挺好吃的。脆脆的外皮加上甜度剛剛好的糯米，減肥中的我忍不住吃了很多地點也很方便，在北角和富，吃飽後還可到附近逛逛數間運動品outlet！…Read More

北角呢一個地方真係乜嘢食物都有但最估唔到近期喺和富居然開咗一間好有特色嘅食辣餐廳。 呢一間十二味主打係食川菜，所以一定離唔開辣，因為間鋪好新，大部份嘅嘢都非常乾淨環境都好優美，店入面少少昏暗令到個氣氛更加好，入面仲會播住啲歌。午飯時段同朋友一齊嚟食都係一個幾好嘅選擇！首先要講下呢度其中一個招牌菜就係辣子雞，顧名思義呢道菜就會有辣椒同埋雞粒，唔好俾佢咁多辣椒覆蓋而黑到其實唔算好辣如果平時都有食開辣嘅話呢一疊辣子雞就啱啱好。雞味十足加埋辣椒嘅炮製令到好多鮮味都慢慢滲透出黎，套餐包埋白飯所以呢一度算係家常菜同事又係呢一度嘅招牌菜，最特別就係加埋好多腰果所以又脆又香又辣真係好吸引眼球之餘亦令到胃口大開！！！我自己都經常食四季豆無論係上海菜中餐定係川菜四季豆都係一個幾好嘅前菜，同樣都會有辣到俾你選擇今次要左嘅係中立但其實比起辣子雞來講都冇咁辣， 色香味俱全爽脆新鮮不在話下，同樣都係用嚟配飯一流！甜品就必定要是紅糖糍粑，其實質感同小丸子差唔多或者係糯米糍，一定一定要點多啲紅糖醬，唔會太甜仲要趁熱食先有黏黏韌韌嘅感覺！ 上面有啲黃豆粉配合起嚟甜甜地之餘亦都有少少鹹鹹地， 但都係會越食越鍾意而且食多左都唔會覺得肥膩如果怕泰辣或者怕太重口味嘅話就一定要叫酸梅湯，好特別呢度嘅酸梅湯會加咗檸檬， 本身覺得有少少奇怪本身酸梅湯已經算在家檸檬可能酸上加酸，但試咗之後真係大出所望 完全感覺唔到酸味，比起其他涼茶更易入口更有透心涼感覺！所以係北角搵到一間咁好嘅餐廳一定要推介俾大家試吓， 價錢方面仲要非常合理而且符合性價比…Read More

呢度而家全採用電子落單，QR code掃或者拎個pad落都得，方便。午市實在太抵食，50蚊都唔使就有個餐，不過我都食左個酸茶魚，餐應該有涼菜有飯，但今日仲新張期間，涼菜冇晒，酸菜魚真係完全唔辣，有酸菜同薑粒，好濃味，層油都幾香，魚肉好夠多！餐配酸梅湯，同平時飲開果啲好唔同，呢度冇咁酸，幾特別。散叫左個土豆絲，小辣我都接受到，土豆好爽脆，好惹味！蔥油麵就都幾香，但略嫌麵底有啲散。紅糖糍粑炸得好乾身，豆粉同紅糖勁夾，係好正宗既糍粑。雖然午市好忙，但店員都好好態度，好用心解答客人問題。…Read More