LEM GA Noodle Shop

麵食離唔開米線，食得多有少少悶😅配料來來去去果幾款 。呢區近酒店，遊客比較多，餐廳好旺場，連遊客及本地客都幫襯，應該唔會太差👍🏻台灣紅燒牛腩麵 $56足足有四大條牛腩，炆得入味又鬆軟，不失牛肉質感，配上台灣扁粉，煙煙韌韌好順滑。湯底超濃，吸盡湯汁，好惹味🫰🏻臨家牛腱撈麵 $52牛腱厚切，味道調校剛剛好，乾撈有加入肉碎，唔會太乾爭爭🫰🏻配飲品加$8，價錢合理 。台南鹽酥雞 $42外脆內軟又多汁，我皮唔會炸得太厚，雞肉肉汁豐富 。麻辣大腸 $32辣到屬於BB辣😆大量蒜蓉配上特製醬汁，軟糯入味。…查看更多

來到大霸享和搵食, 唔係好餓, 本來想去越男仔, 點知反方向行, 經過呢間先, 好似係新開, 睇落ok, 就試一試。一入到去, 係一位廣東話唔正既哥仔, 唔通真係台灣人班底? 我知我諗多咗。食麵既過程中, 聽到職員之間亙講國語, 不過好明顯冇一個係台灣口音。 湯: 麵來到, 第一時間飲啖湯, 😋係Good既! 望落唔似台灣牛肉麵咁清, 不過味道叫做接近。麵: 有台灣朋友講, 牛肉麵唔應該用幼麵。 雖然佢唔係扁闊麵, 至少都粗粗地, 質感比上海麵彈牙, 👍合格!牛肉: 餐牌話係牛腩, 但好明顯, 一眼睇得出係牛肋條, 南美個D, 巴西定阿根庭就睇唔出啦。 肉味? 無乜。 仲有, 可以再炆淋D。配料: 👍要讚! 兩棵小塘菜, 仲有兩大舊紅蘿蔔, 顏色組合同纖維量都照顧到。可取之處: 夠飽, 56蚊包凍飲, 算抵食。 哥仔收錢識講多謝。進步空間: D牛肉.....…查看更多