今日收工後同男朋友喺屋企附近食嘢見到呢間都幾多客 咁啲嘢食應該好食原來係食台灣菜嘅 食完冇令我哋失望餐廳風格係以木系、白色嘅質樸感為主入面牆面有啲乾花裝飾好靚 適合聚會- - - - - - - - - - - - - - - - - - - - - - - - 1. 紅燒牛三寶湯麵
湯頭唔會好多油花 適合飲返一啖牛筋半透好似啫喱 入口即化牛腱帶有油花紋理 纖維吸飽湯汁牛肚層次分明 咬落軟中帶韌搭配粗麵、青蔥 湯頭醇厚回甘2. 蟹肉明太子炒新竹米粉
雖然賣相唔夠驚豔 但估唔到係咁好食見到米粉根根分明 明太子都粒粒分明而且好似寶石咁鑲嵌其間 分布平均食落覺得米粉乾爽唔會黏糊 少少邪惡間中有啲明太子喺齒間輕爆好正3. 黃金鹹蛋黃雞翼
聽個名都夠晒吸引 邪惡鹹蛋黃味雞翼包住厚薄均勻嘅鹹蛋黃沙層邊緣微焦痕跡證明恰到好處火候咬落明顯感受到鹹蛋黃顆粒沙感因為啱啱炸起 所以有啲燙口不過個皮炸到好脆 仲有好多雞汁4. 大腸包小腸
台灣必食小食 實物比想像更飽滿糯米腸嘅外皮煎到變咗脆殼切面露出油亮香腸同埋芫荽配料最鍾意係香腸嘅脆腸衣爆開之後香腸肉汁同埋糯米嘅黏糯感結合中間可以加啲脆爽酸菜 中和油膩5. 椒鹽魷魚鬚
魷魚鬚嘅炸衣唔會好厚 清楚見到魷魚鬚肉外層炸到酥脆 內裡魷魚保持溼潤彈牙感覺都係啱啱炸起 熱氣騰騰咁好脆口6. 木玥黃金水果茶（鳳梨）
杯底沉積住啲西柚肉粒 面頭有啲鳳梨果肉重點超級大杯 色澤係天然水果嘅澄澈金黃飲落都係天然鳳梨甜香 同埋天然茶香…Read More
