Cheng Banzhang Taiwan Delicacy (Closed)

.📍 程班長台灣美食📍 #饅頭去荔枝角 #饅頭食台灣菜到底係唔係我味蕾出咗問題？ 我覺得真係冇大家講得咁好食。。------------------------------紅燒半筋半肉麵 ($55) 佢哋湯頭確實係深色兼有好明顯嘅牛骨香味，味帶些少清甜唔會過鹹❤️，辣味好淡，非嗜辣人士絕對可以一試，但佢碗麵真係落得太多油，哪怕係配冇咁掛湯嘅粗麵我都覺得好膩😕；至於手工麵雖然好滑身，味道新鮮，但煮得偏淋，欠缺咬口，我唔太鍾意呢隻質地。餸方面，牛肉砌得太碎，完全冇啖啖肉嘅口感，鞋颯颯咁，感受唔到佢到底煮得夠唔夠軟腍；牛筋嘅情況相對好啲，啫喱狀得嚟帶爽口，煮得幾入味。◾評分：6.8/10------------------------------玉米起司蛋捲餅 ($36)友人呃我話佢係蛋餅🥺，個餅皮明明就係手抓餅加蛋。餅皮感覺有啲厚，不過表面煎得酥脆😍，但就唔係我食過最香口最有層次嘅手抓餅，溶岩車打芝士味道濃郁但不搶，同蛋香balace，可惜粟米粒份量太少且水份不足，欠缺清爽鮮甜，不足以平衡芝士鹹味，令整體味道變得單一。◾評分：7.1/10------------------------------蚵仔煎 ($36)唔好見佢體積咁大就好impressed ，因入面主要嘅成分都係生菜🥬，蠔仔數量得好少，size ok飽滿但冇話好鮮甜；我覺得佢甜酸醬份量唔係好夠， 而且我食慣潮式蠔餅，感覺呢份相對冇咁香口。 可以讚嘅係佢嘅生菜真係好新鮮爽脆😆，而且粉漿唔多，冇好重嘅鼻涕質感，感覺比較健康啲。◾評分：6.5/10------------------------------🔸整體評分：6.8/10🔸小編回頭率：6/10其實味道上又唔係話難食嘅，但水準唔需要畀人吹到天上有地下無咁，令我對佢有期望， 結果就換嚟我嘅失望。…Read More

呢日忽然心血來潮想食台灣野，男朋友推介我試呢間「程班長台灣美食」！ 「程班長台灣美食」係一間由台灣人經營嘅台式餐廳，各類台灣麵食、便當、夜市小食、台式飲品都可以係呢度搵到！食物質素相當高，價錢唔貴，真係又平又靚又正！ 星期六餐廳開舖無耐我哋去到已經好多人，12點頭開始要等位~不過上菜速度都幾快，同埋餐廳裝修唔係適宜長坐嗰種，所以都唔會等好耐~ 🧡紅燒半筋半肉麵（$55）試過好多間餐廳嘅台灣牛肉麵，我最鍾意呢間個湯頭，味道好香濃，但因為無落味精，所以飲落好舒服！牛肉都煮得好腍，好重牛香味，咁嘅質素先至$55，性價比相當高！ 🧡蚵仔煎（$36）佢個蚵仔煎真係不得不試，份量好大，煎得好香，蠔仔好鮮好嫩，入面夾咗勁多生菜，啖啖都可以食到，超正！ 🧡泡菜香豆腐（$28）泡菜酸甜解膩！香豆腐外脆內嫩，個醬好好味，配個豆腐一流！ 🧡玉米起司蛋捲餅（$36）呢間餐廳個蛋餅比較特別，餅皮係用手抓餅，個人就麻麻地鐘意，太dry同埋搶咗芝士味！ 🧡山粉圓（跟餐+$10） 黑糖水沖山粉圓，唔會好甜，都幾潤喉！ …Read More

紅燒豬腳乾麵🍖 💰60新嘗試！有驚喜！初初睇個名，以為係乾撈麵，點知撈完之後係濕撈😂😂 個汁好好味！🤤 加埋啲肉操同埋蔥好香口，而且兩件豬腳都大大件🍖 骨膠原滿滿~ 推薦大家試下👍🏻❗️-紅燒半筋半肉麵🍜 💰55每次嚟到都會叫呢個牛肉麵，雖然菜式好似好普通，但係好友正宗台灣嘅味道😆 而且牛肉同牛筋都好淋，寬面亦好有咬口👍🏻-滷豬扒便當🍱 💰47大家就咁望可能以為係一塊炸豬扒上面淋咗啲滷水汁，但其實係成塊炸豬扒拎咗去滷水，超級入味同鬆軟😳😳 用筷子輕輕夾一夾就可以分開到~ 成塊滷豬扒非常入味，用嚟送飯一流🤤-玉米起司蛋捲餅🫔 💰36心心念念想食咗好耐😍真材實料，餅皮、蛋同芝士三層都好平均，如果粟米粒可以多少少就好🤪 呢個蛋捲餅一定要同朋友share，如果自己一個食會好滯😏-豆乳雞🐥 💰32呢款係朋友推薦台灣必叫，可能都真係唔多人試過。外表望落去同繼光香香雞嗰啲雞粒差唔多，但係佢用嘅調味粉就相對上冇咁濃，感覺上好似健康啲咁😂 但係都好好食👍🏻-蚵仔煎🫓 💰36程班長呢度嘅蚵仔煎會加咗生菜🥬同蛋比較多，相對上麵粉感會比較少，食落都好健康~ 蚵仔分佈平均，醬汁撈埋好有台灣味~ 止到一下台灣引🤣-柴魚皮蛋豆腐💰22口感幾得意嘅一款菜式，係冷盤嚟，口味好清新，值得一試👍🏻-台灣黑豬肉香腸 💰40食過咁多次，第一次發現到程班長都有微伏嘅菜式🥲 朋友想食台灣腸所以叫左試下。。點知上到枱係咁樣😂 好細碟🥲 將一條普通size嘅台灣腸切開，旁邊放咗幾片生蒜頭🧄🤔 第一次有呢個配搭。台灣腸味道係ok的👌🏻 外皮都幾脆口~ 只係性價比好低🙃 💰40 我同朋友都預期份量多d或者款式特別d😂-冬瓜茶 (跟餐+💰10）私心推薦🤓🤓💛 每次嚟到都會叫嚟飲！係偏甜少少，但係香港好難飲到台灣嘅冬瓜茶味道👍🏻 -冷泡四季春 (跟餐+💰12)有點普通，如果想清淡少少都可以試吓👌🏻-鳳梨冰芋圓 💰28呢杯冰芋圓有兩種食/飲法，如果想當甜品，可以係一上枱嘅時候當刨冰🍧加芋圓咁食~ 如果想當飲品，就要等一陣子，等到啲冰開始溶化先飲🤣 冰底都有少少鳳梨味，幾特別👍🏻 芋圓都好好咬口😋-人均消費: 💰109-環境:💛💛💛服務:💛💛💛💛推薦:💛💛💛💛💛…Read More

荔枝角高質台灣菜💁🏻‍♀️荔枝角食野不嬲都係臥虎藏龍 而程班長絕對係區內台灣野既首選 雖然位於工廈之內 但一路以黎人氣不變 每次都大排長龍 我地都等左半個鐘先有得食🥲.🎈紅燒半筋半肉麵 ($55)其實已經食過好多次 覺得佢水準好穩定🧐湯底係牛骨熬製 飲落好順喉唔係味精湯牛就係用牛肋條做 燜得好淋好入味 而且仲帶少少辣 好惹味😋牛筋味道一樣係超淋 係一口即溶個隻 不過個人就比較鐘意硬番少少既牛筋麵條係自家製 偏淋不過勝在掛湯 好襯個麵評分: 7.5/10.🎈玉米起司蛋捲餅 ($36)非常足料仲有流心芝士🤤餅皮就好鬆脆有層次 入面有粟米粒 一入口就食到滿滿嘅粟米味不過餅皮捲番後有啲厚 真係需要啲牙力🤣評分: 7/10.🎈綜合盤 （豆干 百頁豆腐 豬耳）($28)佢地既台式滷水相較起其他食物就比較遜色 佢嘅滷水有別於港式個款好重花椒八角嘅醬香味呢到嘅滷水味道偏甜少少 再配上點點麻辣醬但個人就略嫌唔夠惹味🧐.👉豆干冇乜豆味 不過都叫煮得入味呢個價錢嚟講收貨🤣評分: 7/10.👉百頁豆腐 少少q彈既感覺 食落唔似豆腐 咬落個texture比較似魚片🤣幾特別個人就幾鐘意呢種口感評分: 7/10.👉豬耳 有幾片切得太薄 少左d口感 評分: 6/10.🎈蔥抓餅 ($22)非常推介呢一度嘅手抓餅 $22大大份 😋真係抓到鬆晒 煎得又好香脆加埋少少嘅淮鹽 好香口惹味👍評分: 8/10.🎈黑糖芋圓 ($25)講到台灣菜又點少得芋圓🤤黑糖味好出 唔會太甜但亦有黑糖嘅味道最後我地成碗湯飲哂架 好消暑嘅感覺💁🏻‍♀️芋圓好q彈甚至可以話有點空氣感🧐冇乜蕃薯芋頭碎 份量都唔少幾抵食評分: 7.5/10.🎈總括而言區內台灣野佢實在係首選😋價錢唔算太貴但質素都唔錯！而且不論主食 小食 定甜品 選擇都幾多👍不過就真係好多人🥲有耐性排隊嘅都不妨一試評分: 7.5/10…Read More

幾年前程班長係香港開舖已經想試，但知道開業到宜家日日都大排長龍就有啲卻步🙈有日俾個frd捉去附近嘅D2PLACE限定巿集，終於下定決心早啲去排隊食。我地嗰日係星期六，大約12點就到門口攞飛，好彩呢日唔算多人，大約等咗15分鐘左右就可以入座。我地2個人一共叫咗5款食物🤣1·紅燒半筋半肉麵湯底濃郁，麵都有韌度，唔會煮得太淋，重點係牛肉嘅份量都足夠，入曬味👍2·肉燥乾拌麵麵同牛肉麵嘅質感一樣，醬汁都足夠，滷蛋好食😋4.柴魚皮蛋豆腐柴魚鋪滿在豆腐和皮蛋上，醬汁略濃5.鳳梨冰芋圓鳳梨汁好飲，味道唔似甜水，芋圓亦唔會因為放係冰上面面過硬👍總括而言，有機會會再想食多次，見到隔離個排骨便當好吸引🤣…Read More

自從無得去旅行🧳感覺已經好耐好耐無食到正宗嘅台灣美食啦🙈有時見到台灣網友們post食夜士小食嘅相，真係流曬口水🤤🤤一於喺香港試下捐窿捐罅，找尋台灣美食 🇹🇼 😋食咗乜：紅燒半筋半肉麵 HKD$55😋早前聽朋友介紹，呢度嘅麵喺好味到可以連湯都飲曬✨一試之下發現湯底真係幾清，帶紅燒一貫嘅濃郁，但卻唔會太油膩😋面質適中，牛筋牛肉炆得入味爽口👍🏽豆乳雞 HKD$32😋有別鹽酥雞，豆乳雞醃得十分入味，酥脆嘅外皮不帶顆粒，內裡肉汁鮮嫩🐥蚵仔煎 HKD$36😋蚵仔煎配海山醬就喺美味🤤蚵仔份量十足，黏稠的煎餅配上橙紅橙紅嘅海山醬🦪地道👍🏽阿嬤傳統乀鳳梨冰芋圓HKD$28😋一絲一絲嘅土鳳梨肉+挫冰+芋圓😋甜度平衡得剛好整體嚟講，食物好地道👍🏽店員帶濃厚嘅台灣腔，讓您仿如置身台灣地道小店✨雖然店內只有簡約裝修，但風味十足…Read More

還記得上年大約這段時間在台北，誤打誤撞行進窄巷內竟然發現到一間獲得米之蓮的牛肉麵店。餐廳有不少台灣當地人來食，該不會錯了。味道果然不錯，讓我留下了印象，以香港人的角度更是抵食，所以久不久我都會懷念那種地道的氣氛和味道。這天在荔枝角，決定要試這間聽過很多次、由台灣人主理的台食店，試試有沒有台灣食過的味道。食物款式十分多，初次來到要試試他們的牛肉麵。先到櫃檯下單付錢，店員便會為你送上食物。紅燒半筋半肉麵($55)，看樣子不是很大碗。湯底香濃，飲得出是用時間熬製的，但濃得來帶有少許輕盈，不會感到油膩。麵是刀削麵，沒有煮到很淋所以有保留了適當的口感。本身刀削麵不如其他麵食那樣會吸收湯底得很厲害，所以寬面的麵只能夠掛上少許牛湯味，還須額外飲才能食到較濃的湯底。麵的質地是不錯的，只是台灣牛肉麵的精髓在於湯底，選用的麵食若能吸收更多湯底的精華會較突出，更能帶出整碗麵的牛肉味。牛肉有大約5至6細件，怕會硬但質地入味鬆軟，調味濃郁牛味適當，沒有太淡。而牛筋也做得算淋，大部份質地是淋得來偏爽口的那種，有一件有少少起膠。來食牛筋則要看看大家的口味了，但都是淋和入味的。在香港食程班長都食到類近在台灣食到的味道。倘若要比較，程班長的紅燒牛肉麵比台灣食到的淡一點，後者更重口味，不過味道頗為接近。雖然份量不算大，但是以在香港食一碗台灣牛肉麵動輒也要$60、$70來說，這碗頗為地道的牛肉麵已算不錯。這裡還有各式各樣的台灣小食，下次來要試試，尋找台灣的味道:)…Read More

紅燒半筋半肉麵The red-braised beef noodle is superbly delicious! It has an amazing mix of beef briskets and tendons - absolutely a nice choice for people who’d like to munch on both firm and soft, gelatin-like beef. The pickles also add much flavour to the already savoury broth, though I’d like it to be a bit spicier!…Read More

朋友之前黎食過勁推薦，所以呢日專登帶小弟黎試😂我地呢日6點幾黎到，門口已經排左條長龍😱等左15-20分鐘就到我地喇～小弟都好中意去台灣旅行，最近我諗大家都好想去旅行😔入到去餐廳即刻有好濃烈既台灣味😍唔止因為店員都係台灣人，餐廳既裝修亦都好有台灣風味😌不過就坐得逼左少少~~紅燒半筋半肉麵 - $55一飲個湯底就更加覺得自己好似去左台灣咁！！d味好地道，好正宗！牛肉同牛筋既份量都幾多，牛肉都幾淋～湯底好香濃不過就有dd油，整體都算唔錯，真係好地道😍泡菜香豆腐 - $28呢個豆腐就同係台灣夜市坐係度食個d臭豆腐一模一樣，只係呢個豆腐唔係臭豆腐😂😂豆腐炸得好香脆，好好食😍😍😍旁邊既泡菜酸酸地好開胃👍🏻👍🏻雖然依家無得去台灣住，但係可以食到咁好食又咁地道既台灣菜真係可以頂住先😂下次要再去食過！…Read More

朋友到訪，記得我話過未食過程班長，專登帶來外賣程班長嘅牛筋肉麵，好有愛冇得去台灣，食住牛肉麵止住痕先朋友帶來嘅係半加工嘅紅燒半筋半肉麵冷凍包，$68一包，買3包$200先將麵煮熟，舀起，再將湯同牛筋牛肉加熱，放上酸菜，熱辣辣香噴噴，好吸引湯底好濃嘅牛骨味，有好輕微嘅辣，唔會死咸，牛肉係用蝴蝶腩，煙煙韌韌，好好食，牛筋入口軟淋，但不至於化開，恰到好處，麵條煙煙韌韌，掛上湯汁好惹味，回味無窮，下次要去堂食，因為牛肉麵之外，有好多其他嘢想食…Read More

在同事熱切推介之下終於試了這間位於荔枝角工廈內位置相當隱蔽的一間台灣小食店，據聞店員全是台灣人，食物保留台灣原味。店內不大，卻坐滿了人，門外大排長龍，另設一室作等候室，在內先選好要點的小食，選擇真的很多，樣樣都想試。最後三人點了一個手工麵及六個小食，手工麵相當彈牙，湯底濃郁，店內標示麵條每日新鮮製造，由於數量有限，為求更多人可嘗到，故不設加底，食客需留意。小食方面，我特愛他們家的台灣腸，大腸包小腸及豆乳雞。台灣腸味香，一口肉一口蒜，滋味無窮。大腸包小腸為糯米飯包台灣腸，糯米香軟，飯中加了醬，很香口。豆乳雞除惹味外，表層穌脆，雞肉軟口。我也喜歡他們的冬瓜茶，少少甜，說不出的清，甚為止渴。看見他們店獲得不少獎項，實至名歸。我相當之推介，並有意再光顧，且帶朋呼友去嘗一嘗。…Read More

剛好和朋友有事做而來到荔枝角這邊一處我很少會前往的地區於是就來著名的程班長吃一頓晚餐～置於工廈裡的程班長並沒什麼特色裝潢是很草根式的飯堂樣貌～所以座位算不上舒適好坐，較為擠擁有著一種速食的感覺！兩位朋友分別選了紅燒牛肉麵及紅燒半筋半肉麵我就要了手工滷肉飯～另外點了些小吃，有紅油抄手﹑豆乳雞及蚵仔煎我們三個都是喝冬瓜茶丫～手工滷肉飯，明顯的半肥瘦的滷肉配滷蛋還有青瓜滷肉質感夠軟稔，但份量不算多，而且不夠甘香滷肉汁的份量及濃度尚可，仍夠撈一碗飯吃！朋友說她的紅燒半筋半肉麵，牛肉牛筋都夠入味牛筋稔滑得來又帶點咬口！豆乳雞，$32的價錢，但份量偏少炸得夠香脆，脆漿不會太厚內裡的雞肉夠嫩滑還帶有肉汁！面層撒上鹹香的味粉，夠惹味～～～紅油抄手，有10粒，size不算大，剛好是一口的份量肉餡不算多，皮的厚度尚可微微的辣，配上略香甜的醬汁，味道不錯～蚵仔煎，蛋香不太明顯蚵仔szie都算大隻但量不多質感軟稔煙韌，餅底配有生菜沾醬汁吃的味道夠滋味！冬瓜茶，沒加冰的凍冬瓜茶，夠原汁原味，味道夠濃甜度剛剛好，不會過甜～～～總的來說，小食的味道挺好朋友都說她們的牛肉麵好吃～就只有我覺得滷肉飯較為一般所以尚能給予一個笑臉啊～～～…Read More

好耐冇黎啦以前總會有個人陪我四圍搵食，但而家冇啦。雖然自己一個但總有d地方係好食而值得再三回味嘅。夜晚六點幾的程班長開始多人，所幸永遠有張bar枱提供比一個人嘅食客。一個人食得唔多，要碗紅燒半筋半肉仲要少麵，食唔到豆乳雞同蛋餅有d可惜慶幸有要求少麵，因為湯已佈滿豐腴的油脂，加上膠質甚重又煮得非常入味嘅牛筋同牛肉，食完真係剛剛好。上枱時候仲可見到成碗麵出住煙，加上湯頭滿滿的香料味，暖暖咁有種小確幸嘅感覺。冬瓜茶仍然係至愛，如果大杯d就仲好啦…Read More

去朋友屋企玩，佢好驚訝我居然無食過佢屋企附近嘅程班長。其實好早已經係openrice見到佢嘅台灣美食好出名，只係地方太偏僻一直無機會去食，今日終於有機會一試。店面不大，人好多，超級無敵逼，結果我同朋友兩個排排對住牆邊坐。點餐方法好獨特，係過膠餐牌上面用蠟筆填好，然後親身派對等落單同俾錢，過程都幾耐，雖然環保但派咁耐隊有d辛苦。同朋友叫左一個湯麵一個乾麵一個包一杯飲品share黎食，價錢合理，味道比一般台灣菜高質。呢個價錢呢個質素都幾抵，仲有好多好多樣菜式好想瘋狂試曬佢，不過無奈地點唔就腳，加上實在太逼啦😂希望有機會係無乜人嘅時段舒舒服服食多次啦…Read More

話說琴日去美食展，其中一檔係食台灣野個蚵仔煎吸引我過去，檔嘢叫 “程班長“一食之下十分好味，蚵仔大大粒，都係36蚊之後我就上OPENRICE搵，原來喺荔枝角有店今晚即刻上去食原來喺工廠1樓，好似觀塘駱駝漆格局7點去到已經好多人等緊位... 要等十幾張枱不過流量好快，等左15分鐘有位(我2個)店內簡約，幾張長枱有啲長枱要 “面壁思過“ 好有台灣感覺因為我得兩個人，有好多野想食，但無理由眼闊肚窄。最後埋單都係164蚊。抵食!仲要外賣一個紅豆芋圓，好好味…Read More