Sun Moon Church

之前嚟附近shooting 已經食過一次，今次帶阿仔去完playgroup再食過😁呢度位置於觀塘興業街，地鐵站行過嚟幾分鐘就到，係一間的台式餐廳。今次點咗紅燒半筋半肉麵，湯頭濃郁，肉質軟嫩，微辣開胃食到停不了。牛肉葱油拌刀削麵好麵彈牙，搭配香氣四溢葱油香，阿仔聞到都流口水。小食當然要點酥炸魷魚鬚啦～外酥內嫩，加埋鹽酥粉最正。蚵仔煎餡料豐富，未去台灣可以食住蚵仔煎回味先！今次配選配仙草奶茶，清新解膩仲有柑桔檸檬綠茶，酸酸甜甜性價比高、位置方便、選擇又多，返工放假都食到👍🏻…查看更多

今日同朋友去咗觀塘工廈搵食😋牛三寶麵⭐️⭐️⭐️⭐️牛三寶麵有牛腱肉、牛筋、牛肋條，超大碗，好多料🥩！同埋有好多麵，食到好飽🍜！不過啲湯就偏鹹🫡，唔鐘意食濃味嘅人就要注意啦，可能揀便當類會好啲🍛！紅燒半筋半肉麵⭐️⭐️⭐️⭐️牛筋同牛肉一樣有好多，牛筋比較爽口，牛肋條都唔係好韌😍。呢度嘅麵係油麵，可以加錢轉刀削麵同新竹米粉👍。炸鹽酥雞⭐️⭐️⭐️⭐️⭐️呢度嘅鹽酥雞好juicy🍗，炸到好鬆脆，枱面仲有額外嘅鹽酥雞粉可以俾大家落🧂，鐘意鹽酥味多啲嘅朋友記得落多啲喇🥳麻辣鴨血⭐️⭐️⭐️⭐️⭐️呢個係我全餐飯最滿意嘅🥹！一份有好多舊鴨血，鴨血加埋麻辣汁直係絕配🥰！珍珠百香果紅茶⭐️⭐️⭐️⭐️⭐️椰果荔枝紅茶⭐️⭐️⭐️⭐️⭐️食麵記住叫飲品，可以中和下啲湯麵嘅重味道！🙌🏻…查看更多

🇭🇰 Kwun Tong 觀塘｜Sun Moon Church 日月堂When my friend asks for a recommendation for great Taiwanese 🇹🇼 beef noodles, this is the place I always suggest them! Not only do they have great beef 🥩 and broth, their other Taiwanese dishes are mouth-watering too! Here are what I’ve tried: •𝐁𝐫𝐚𝐢𝐬𝐞𝐝 𝐡𝐚𝐥𝐟 𝐭𝐞𝐧𝐝𝐨𝐧 𝐡𝐚𝐥𝐟 𝐦𝐞𝐚𝐭 𝐛𝐞𝐞𝐟 𝐧𝐨𝐨𝐝𝐥𝐞 紅燒半筋半肉麵The meat is so soft, which is made with hours of cooking! The broth also tastes amazing! I can’t stop drinking it! 🥹•𝐇𝐚𝐧𝐝𝐦𝐚𝐝𝐞 𝐛𝐫𝐚𝐢𝐬𝐞𝐝 𝐩𝐨𝐫𝐤 𝐫𝐢𝐜𝐞 手工滷肉飯(大）The ratio of meat to rice is perfect! Every bite is filled with a mouthful of braised pork, which serves better with the other side dishes! 😋 It comes in two sizes as well, you could order a small one if you aren’t too hungry! •𝐅𝐫𝐢𝐞𝐝 𝐩𝐨𝐩𝐜𝐨𝐫𝐧 𝐜𝐡𝐢𝐜𝐤𝐞𝐧 炸鹽酥雞This is always a must-order for me! They shine even brighter with adding their homemade salt and pepper powder! 😍 You cannot miss this out! •𝐌𝐞𝐚𝐭 𝐟𝐥𝐨𝐬𝐬 𝐎𝐦𝐥𝐞𝐭𝐭𝐞 𝐰𝐢𝐭𝐡 𝐂𝐡𝐞𝐞𝐬𝐞 起司肉鬆蛋捲餅Another traditional Taiwanese dish that you have to try! Remember to get the one with cheese 🧀 for extra flavor! •𝐁𝐫𝐨𝐰𝐧 𝐒𝐮𝐠𝐚𝐫 𝐛𝐮𝐛𝐛𝐥𝐞 𝐦𝐢𝐥𝐤 & 𝐓𝐚𝐢𝐰𝐚𝐧𝐞𝐬𝐞 𝐋𝐞𝐦𝐨𝐧 𝐓𝐞𝐚Their drinks are on the sweeter side, which is perfect for the savory meal! Taiwanese lemon tea had sugar in it by default but not too sweet, it comes in hot/cold. You can also add extra ingredients for more flavours and texture! 🧋…查看更多

今日去觀塘接朋友放工，之後就一齊喺觀塘覓食。之後發現工廈入面有一間人氣台菜，於是就試吓係咪真係咁好食！紅燒半筋半肉麵$75湯底非常濃郁，牛肉亦都炆得好腍，份量都非常之多。麵條非常之有咬口，好有質感。麵條吸晒湯底味道，食起上嚟尚算濃味。蚵仔煎$42蚵仔煎份量啱啱好可以兩個人一齊share，蚵仔份量都唔少👍🏻蚵仔都幾新鮮，非常重蚵仔味😋同蛋味互相配合，好好食起司雞扒便當$63雞扒份量非常之多，又非常厚切！上面鋪滿拉絲芝士，非常邪惡🤤滷肉飯非常入味，滷肉脂肪同肉嘅比例啱啱好，唔會俾人覺得太過肥膩👍🏻仲有半隻滷水蛋同酸蘿蔔做配菜，好豐富👍🏻虎咬豬(刈包)$36喺香港比較少餐廳有得食刈包，所以一見到就即刻叫咗一個！刈包質感比較似中式蒸包，入面包住一塊五花肉，非常之香😋刈包都非常飽肚👍🏻飲品可以有微甜少甜走甜嘅選擇，今次就叫咗兩杯飲品！茉香奶綠走甜茉莉香味好濃，每一啖都充滿濃郁嘅茉莉花香，令奶綠充滿淡淡嘅清香，非常好飲仙草奶茶少甜仙草份量非常之多，同奶茶非常之夾👍🏻甜度啱啱好…查看更多

話說我平時都鍾意食台灣菜，幾享受果種既美食，所以以耐唔耐都會搵一間新既台灣美食去試下😆今次比我發現左，觀塘有呢間隱世台灣美食，朋友都好推薦，於是就黎幫襯下✌🏻🌈紅燒半筋半肉麵 $75紅燒既煮食方法的確好夠火候，肉味完全香噴噴到極致！🌈清燉半筋半肉麵 $75估唔到肉味又不輸紅燒！夠咸之餘仲可以用另一個角度品嘗佢既牛肉鮮味👍🏻🌈蚵仔煎 $42蚵仔🦪既濃味，同煮蛋既香味融為一體，相輔相成嘅效果冇得彈！🌈台灣香腸 $40肉質好爽，好埋又好彈牙。用黎做小食同朋友share最合適不過！🌈黑糖珍珠奶茶奶（凍）$34未攪拌既時候飲，可以享受到清香既奶茶味。攪拌之後，黑糖加強左奶茶既香濃味道，冇得頂！🌈桂圓紅棗茶 $20最鍾意香甜既桂圓味道，用黎襯托呢一堆台灣美食一流，食得更加滋味😜…查看更多

日月堂觀塘興業街14號永興工業大廈4樓C2室味道評分:☄️(必食之選)>☀️>🌤>⛅️>💨☀️紅燒半筋半肉麵 $75味道非常濃厚的牛肉麵~有淡淡的藥材香氣，麵條彈牙，筋同肉都足夠淋同入味👍🏻☀️起司雞排便當 $63起司雞排炸得卜卜脆超大塊，面層仲有好厚的芝士，好邪惡🙈滷肉飯非常入味，肉感滿滿(肥瘦比例大約是7瘦3肥)滷肉的份量都好多，夠餸完碗飯有餘~☀️起司肉鬆蛋捲餅 $40我最愛的鹹甜組合，蛋皮有非常驚喜好煙韌~搞到我唔小心食左3舊，剩翻一舊比男朋友🙈☀️蚵仔煎 $42肉眼可見的蠔👍🏻啫喱口感，順滑彈牙~☀️凍黑糖珍珠鮮奶 $34黑糖味濃，珍珠彈牙~☀️凍香芋奶茶 $26香芋奶茶唔洗少甜都得~✅想睇更多食評就要follow @gulugirl102 🐰…查看更多

觀塘工廠大廈一向有好多美食，今次就想試下台灣野。餐廳環境整潔，夜晚嚟到非常多人，但座位都算闊落，唔會太有壓迫感。麻辣牛肉麵 $75非常之推介👍🏻👍🏻👍🏻麻辣湯底做得好好，唔算太辣太油，食落味道岩岩好。麵質非常彈牙，牛腱都好好食，口感嫩滑，仲有幾大嚿 ，好滿足😍😍😍紅燒半筋半肉麵🥩 $75(另加$5轉左冬粉)湯底好香牛肉味，筋好大嚿，牛肉份量都多，一啖筋一啖肉，食到舔舔脷。轉左冬粉估唔到都咁適合，冬粉非常之掛汁，正😍蚵仔煎 $42 睇落份量就爭少少，但原來蚵仔都有好多粒，味道十分好食，入口煙靭加埋少少辣醬好有台灣風味🤭起司肉鬆蛋捲餅 $40 睇到材料充足，整到好飽滿。有4大嚿，外層蛋餅熱辣辣，內層有好多芝士🧀、肉鬆，食完好滿足😚😚😚凍黑糖珍珠奶茶🧋 $34台灣飲品一定要飲黑糖珍珠奶茶，雖然係黑糖但係都唔算太甜，珍珠方面煙煙韌韌都有好多粒珍珠喺度凍柑桔檸檬綠茶 $12 (跟餐半價)好大杯，味道不錯，酸酸甜甜好開胃日月堂 (觀塘)觀塘興業街14號永興工業大廈4樓C2室…查看更多

今日同大大細細去咗觀塘海旁走走，玩完一輪，兩個又開始肚餓。於是上網睇吓附近有咩好食，就行咗嚟依間小店。呢間小店，好有台灣小店嘅風味，並排嘅木桌同木櫈同燈籠掛燈，都具有台灣特色。炸排骨便當炸排骨即叫即炸，熱辣辣又香，店員話唔夠味，可以再落味道，但塊扒外脆內軟，已經好夠味，所以我哋冇再落調味粉。個滷肉飯有半隻流沙滷蛋，滷肉飯肉碎又夠多，非常豐富，非常正。紅燒半筋半肉麵湯底味道濃郁，個湯底辣辣地，好醒神！牛肉炆得好腍，d筋富膠質，麵底少少彈牙，整體味道好好。酥炸魷魚魷魚新鮮彈牙，非常香脆，加埋調味粉食，令你食唔停口。滷水雞翼滷水汁香濃，仲有少少酒味，雞肉嫩滑，不錯！凍鳳梨紅茶茶味香濃，有淡淡鳳梨嘅甜味，清新解渴。凍百香果紅茶嘢飲大大杯，紅茶配百香果，甜甜地，又不失茶味，好飲！…查看更多

呢間工廈小店以一貫台式簡約風格作裝潢，主打台灣牛肉麵及各類台式小食，非常地道😋🐂牛三寶麵 ($80)牛三寶分別係牛腱肉、牛筋、牛肋條，好有牛味～牛腱肉厚肉嫩滑；牛筋Q彈、滿滿骨膠原；牛肋條肥美軟腍，配埋粗麵條，口感不錯🥰不過湯底偏濃郁，要配飲品比較好～🐂紅燒半筋半肉麵 ($75)呢碗麵嘅牛肉係牛肋條，無論係牛肉定牛筋都炆得好軟腍，伴隨白蘿蔔、娃娃菜，減低油膩感～🦪蚵仔煎 ($42)食台灣野絕對不能錯過蚵仔煎😍蚵仔煎面頭鋪滿秘製醬汁，外皮煙煙韌韌，內裏係鮮美的蚵仔，而且份量不少！🫔玉米起司蛋捲餅 ($38)蛋餅外皮酥脆、充滿蛋香，裏面甜甜的粟米粒，搭配濃郁起司，非常足料，口感好豐富🤤仲有拉絲效果好邪惡！🧋凍黑糖珍珠奶茶 ($26)甜度剛剛好🥰珍珠Q彈口感與奶茶的濃郁香味相互融合，值得一讚👍🏻🍹凍鳳梨紅茶 ($15)呢杯都唔會好甜，清新解渴👍🏻跟餐有半價優惠！總結：價錢親民，掛住台灣嘢可以嚟試下～…查看更多

觀塘有幾間出名CP值高嘅台灣菜 呢間日月堂系其中一間 喺openrice攞咗最優秀東南亞菜餐廳同觀塘最熱門開飯店 一於等我哋試吓咩質素先😜-♥︎ 紅燒半筋半肉麵 $75我哋嗌咗走辣 湯底比較杰身 入味得嚟又唔會太鹹 都唔會太油😆飲咗半碗都冇話好口乾👍🏿麵系幼麵嚟嘅 麵質有少少彈牙😚亦好掛到湯🤤牛肉超驚喜😳系牛肋條嚟嘅 炆到好淋好入味 基本上系入口即溶嗰隻😍但食完又唔會覺得好油膩 牛筋一樣都炆到超淋 食落好有膠質 小妹好鐘意😝另外講埋佢嘅蘿蔔 索晒啲湯又淋又惹味😜入面完全冇渣 值得一讚🙌🏿碗麵好大碗 呢個價錢呢個質素 抵啦😛味道: 9/10性價比: 8.5/10-♥︎ 牛三寶麵 $80呢個同頭先個麵嘅湯底麵質都一樣 而且都有牛筋同牛肋條 只系冇咁多 因為佢仲有牛腱肉啊😝同埋都唔系少架 每樣最少都有三件🤩仲要大大件 牛腱肉又系好淋 中間有少少似啫喱狀嘅嘢 入口即溶🤤但唔油膩 真心唔錯😆味道: 9/10性價比: 8.5/10-♥︎ 起司肉鬆蛋捲餅 $40呢個真系不得不讚♥️有成4件大大件嘅 嚟到嘅時候熱辣辣 系即叫即整架🥰雖然芝士唔系好拉到絲 但食到好濃芝士嘅鹹香😋同肉鬆一整食 鹹鹹甜甜好過癮 外皮有咬口 亦都食到蛋香😚加埋上面淋咗少少醬 鹹度啱啱好 大推😍味道: 9/10性價比: 9/10-㋡ 炸鹽酥雞 $48份量都幾足 炸粉好薄 咬落去唔算話好脆口😗另外枱面上有鹽酥粉提供 可以自行調味 幾appreciate佢呢個做法 不過佢個鹽酥雞本身都有調味 而且調得啱啱好🤤唔使額外落調味粉 都幾好食 但小妹比較鐘意脆口啲嘅 略嫌未夠脆😜味道: 7.5/10性價比: 8/10-㋡ 麻辣鴨血 $48份量都幾多 數到有10件 鴨血好滑😚索晒個湯好正 只系少少麻辣 連我哋唔系太食得辣都食到 唔錯嘅😝味道: 8/10性價比: 9/10-㋡ 仙草奶茶(凍) $24大大杯 仙草都比得幾多 睇下佔咗半杯😛奶茶甜度適中 唔會太甜 正常發揮啦味道: 7.5/10性價比: 8/10-呢間CP值好高🤩所有嘢都大大份 我哋食到好飽🤰🏿小心唔好眼闊肚窄🤪超推薦食牛肉 值得一試🙌🏿回頭率:8.5/10…查看更多

日月堂位於觀塘工廈樓上鋪，所然隱世，但也有很多捧場客。餐廳簡潔、闊落、光猛。牛三寶新竹米粉 $80+$5我將麵轉新竹米粉，米粉幼滑，索晒香濃嘅湯，好好味。牛腱肉好焾，牛肋條軟硬適中，牛筋彈牙，一碗米粉配有三種食物非常豐富。紅燒半筋半肉麵 $75牛肉焾，牛筋彈牙，台灣麵條爽滑，再配埋香濃湯底和蔥花，呢碗紅燒半筋半牛肉麵幾好味。蚵仔煎 $42蚵仔煎用滑蛋方法煮成，粉漿、小白菜加埋鮮甜嘅蠔和海山漿汁比例恰到好處，入口滑溜。起司肉鬆蛋捲餅 $40用豬肉鬆和雞蛋做餡，入口相當豐滿，啖啖都有好多豬肉鬆，仲有捲餅有好香煎過既味道，好好食！凍荔枝紅茶 $15(半價優惠)非常香濃嘅荔枝味加上紅茶好好飲。凍百香果紅茶 $14(半價優惠)百香果配上紅茶係好配搭。…查看更多

三訪* 去觀塘想食台灣菜好自然就會去日月堂今晚唔洗等位👍🏻—————————————————————中島今晚想食麵所以整個牛三寶先三寶有牛肋肉 牛筋同牛𦟌妹就叫左碗紅燒半筋半肉牛肉麵兩碗湯底濃郁清澈但唔鹹有濃濃嘅牛肉味個麵底同樣都係幼麵好滑身同掛到湯本身中意食幼麵一定岩晒口味！👍🏼牛筋食落好有膠質，會漿住個口😂但係同牛肋一樣入晒味，重口味之選！只得中島有嘅牛𦟌非常淋口牛筋位一咬即斷 正之後就各自揀左款小食 一段時間無去好似出左啲新野？蚵仔煎份量適中，啱兩個人食蚵仔唔係全熟保留到少少生蠔嘅味道🤤爽脆生菜軟淋餅身加鮮味蚵仔多重口感喺台灣食過聞唔臭入口超臭同聞落少臭但入口正常嘅臭豆腐究竟今次會食到咩呢？答案係聞同入口都正常嘅麻辣臭豆腐🤣豆腐成蜂巢狀所以吸汁一流另外加多個芝士肉鬆蛋餅咸香芝士配肉鬆幾時都係最佳配搭滿足飽肚的一頓飯❤️—————————————————————⬘ 紅燒半筋半肉麵 $75⬘ 牛三寶麵 $80⬘ 麻辣臭豆腐 $38⬘ 蚵仔煎 $42⬘ 芝士肉鬆蛋捲餅 $40⬘ 黑糖仙草鮮奶 $38⬘ 桂圓紅棗茶 $20…查看更多

觀塘出名多樓上餐廳今次去左呢間位於工廠大廈既日月堂🌞🌜「縱未知明白福禍仍約定你下月平安相聚」餐廳裝修簡約 · 座位寬敞主打台灣牛肉麵 ｜ 台式小食🍘點左兩個麵食🍜同兩款小食🥨♡ 麻辣牛肉麵 （$75）牛肉係牛𦟌部位未食已經加左分💯牛𦟌切得厚身 · 軟腍得黎唔會無哂口感而麻辣湯底好惹味🤤不過辣度唔會嗆口 · 只屬微辣🌶不得不提裡面既蘿蔔 清甜得黎煮到完全入哂味💓♡ 紅燒半筋半肉麵 （$75）半筋半肉既牛肉係牛肋條🥩望樣以為會好韌 但估唔到又炆到幾淋身✨紅燒湯底好濃郁💓但完全唔油膩我飲左大半碗都無口乾🧏🏻‍♀️♡ 麻辣臭豆腐 （$38）臭豆腐成個小型海綿咁🧽吸哂湯汁 · 超惹味😈♡ 麻辣鴨血 （$48）鴨血好水嫩水嫩咁💦麻辣唔算好辣 · 調味岩岩好✨༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞(๑•́‧̫•̀๑)ఌ小小總結：CP值高 · 食物質素唔錯💯絕對值得回訪👍🏻温馨提示牛肉麵份量都幾多細食/女士可以叫少麵🥢ꕁꕀꕁꕀꕁꕀꕁꕀꕁꕀꕁꕀꕁꕀꕁꔅꕤ ꕤ 日月堂 ꕤ ꕤ📍 觀塘興業街14號永興工業大廈4樓C2室☏ 63719639最新優惠 ఌ 🈹…查看更多

今日係觀塘區一日遊😌 上晝去完樂感食Lunch 之後去左揼個骨揼完之後Vivian表示又肚餓了😂 日月堂位於觀塘永興工業大廈 佢同另外個工業大廈連住 之後又會見到有A同B咁😅總之見到入口好似寫字樓嗰度就係啦😂行到門口位置 不見色彩繽紛嘅台式擺設🚂只見两句窩心句子💛 ▫️紅燒半筋半肉麵 ($75)湯底帶少許藥材味 飲落清而不膩牛肉炆到好腍好入味 牛筋就好彈牙蘿蔔好腍好甜 超鍾意😍 麵質係偏幼身食落好滑溜🤤▫️滷肉葱油拌麵 ($54)麵質截然不同 選用刀削麵 口感煙韌🤩滷肉大大粒 醬汁較為杰身 剛好適合拌麵隻滷水蛋就爭啲 唔夠入味▫️台灣香腸 ($40)口感扎實 面頭嘅生蒜片入口帶微辣😛剛好中和香腸油膩感▫️炸鹽酥雞 ($48)雞肉都算Juicy 唔會有乾柴嘅感覺調味唔錯 鹹味恰到好處👍▫️黑糖珍珠鮮奶 & 冬瓜茶 ($32 / $20)見好多人都嗌生果系列嘅飲品😂黑糖珍珠鮮奶甜度較重 珍珠都幾煙韌冬瓜茶唔會太甜 送鹽酥雞唔錯👍…查看更多

觀塘有好多工廈，當中隱藏好多美食。今次聽朋友介紹，食一間台灣美食日月堂。日月堂係永興工廈4樓C2室，係The wave 隔離，容易搵到。雖然係食台灣野，但日月堂既裝飾好有香港本土風格，但都唔影響到佢嘢食既質數，仍然好有台灣地道既味道。餐牌種類都多，有麵食，有便當，有小食，基本想食嘅台灣嘢食都有。每次食台灣嘢，我都必點牛肉麵同地瓜條，因為真係好好食，同食依樣野最睇到功架。兩個牛肉麵既湯底都係酸菜牛肉湯，好開胃，而且D牛肉都好腍，好入味，當相出色。然後小食點個拉絲肉鬆蛋餅同梅子地瓜條，兩樣都好出色，尤其地瓜條脆卜卜加梅子粉，相當好味。介紹依兩個比大家一定要試下。飲品就正常發揮叫左一杯冬瓜茶同香芋奶茶，可以叫極微甜，減肥人士就岩啦。餐廳好有本土味，值得支持，而且嘢食都好好味。 評分味道⭐⭐⭐⭐⭐環境⭐⭐⭐⭐⭐服務⭐⭐⭐⭐衛生⭐⭐⭐⭐抵食⭐⭐⭐⭐⭐…查看更多