Lung Wah Hotel (Ha Wo Che)

整體黎講都不錯去之前以為會冷清冇乜人 點知入到去都坐左半場 到7:30個陣都差唔多滿場（可能係因為紅日）啲職員都好有禮貌 入枱後有主動問係咪openrice book位好快就係app confirm已出席上菜個陣都會講：請慢用間唔中都會有人黎睇下熱水煲仲有冇水冇嘅話就會即刻攞去fill如果咁啱經過沙田都可以去試下見到好多人都推薦咕嚕肉 就叫左一份黎試下擺盤都幾靚 真係有一大個菠蘿係隔離不過個人就鐘意連菠蘿一齊炒多啲（個人喜好）啲咕嚕肉酸酸甜甜 好開胃 不過份量比想像少啲菠蘿都唔錯 好快就比人搶曬黎食鐘意食咕嚕肉嘅都可以叫黎試下呢間餐廳最出名乳鴿 點都要試下佢價錢黎講$128一隻 算係有少少貴落單個姐姐好貼心咁主動問我地想1開2定1開4因為我地4個人就1開4上到黎都幾大隻下 仲要係熱辣辣隻乳鴿都好多肉下 鐘意食乳鴿可以試下呢個雜菜煲對比起其他就較為普通主要就係少少海鮮+菇+菜+粉絲啲菜係偏爽口 屋企人覺得如果再煮淋啲會更好不過份量就真係好足 食完即刻飽左如果想試多啲唔同嘢食 可以留翻個quota食其他上到枱到幾大碗 份量夠曬4個人食啲粥都幾綿 不過略為有少少咸以為啲雞煲完粥會變嚡 點知都好滑温度就算係暖暖地 如果再熱啲就更加好不過整體嚟講都唔錯 值得一試👍🏻…Read More

疫情後相隔四年，都入返去龍華食乳鴿。今次點咗個招牌紅燒乳鴿加埋滑雞粥。總價$230。個滑雞粥可供二人食量。一大碗可分四至五小碗。粥底好綿但入口香滑。雞肉鮮甜可口。紅燒乳鴿好鮮嫩。入口即溶。美味可口。因為採用秘製醬汁。好耐無食，水準無變。…Read More

住咗沙田區30幾年一直都聽到「龍華酒店」，知道佢哋嘅龍華乳鴿🕊️同埋雞粥🐓好出名，但係一直都唔知道原來佢哋歷史悠久，開咗成80幾年，連李小龍、金庸好多明星都嚟過捧場及拍攝取境。除咗嚟食飯之外，都可以欣賞埋超過80年歷史嘅建築物！ 🎖️龍華脆皮燒乳鴿🕊️$98如果未食過佢哋嘅乳鴿就真係唔知道咩嘢先係好食🤤佢哋皇牌乳鴿皮脆肉嫩，唔會硬嗗嗗！肉多又唔會瘦猛猛，乳鴿唔需要配任何椒鹽去調味👏🏻🎖️沙田雞粥🐓 $98 （2-3人）兩個人食每人都分到三碗仲有剩😲，粥底棉滑，放耐咗都唔會出水變稀，雞肉鮮甜，仲有少少生菜同油炸鬼😍🎖️川椒辣雞煲 $198呢道菜雖然唔係主打菜式，但係絕對係好食到不得了，店員提醒要食得辣嘅朋友先好叫！雞煲除咗落足料之外，明顯睇到製作嘅工序比其他雞煲多，雞肉沾滿粉漿炸過再炒！🤤雞肉當然肉嫩入味又肥美👍🏻👍🏻順德海皇雜菜煲 $168雜菜煲是傳統菜式，足料多達十種食材，湯底鮮甜！湯都翻飲兩碗😄🏁總結：乳鴿真係推介俾大家，食過先知咩叫好食嘅乳鴿！食得辣嘅朋友雞煲係不二之選！希望咁好味嘅味道👅同埋歷史可以一路傳承落去！…Read More

香港老子號餐廳-龍華酒店好多人都話嚟到呢度必食一定係乳鴿，其實仲有好多菜式都好好味，佢哋個炸大腸、豉油王炒麵、雞粥都好正👍🏼仲好大碟添。當然最正就係乳鴿，係我食過最好食嘅乳鴿，果然係名不虛傳。我打算中秋節再去影吓相打吓咭，到時我一個人最小要食一隻😆另外，餐廳好大，有亭台樓閣，佢哋養咗隻鸚鵡，叫妹妹，好得意。設有多個打咭位，影相好靚。餐廳嘅代客泊車，係沙田警署旁邊$40就可以由下午六點拍到晚上11點。…Read More

細個已經成日聽龍華酒店食乳鴿好出名🕊~以前住沙田時,成日坐火車經過都見到,好好奇到底點過去🤔~今次趁母親大人牛一,帶佢一齊嚟食佢嘅出名乳鴿😋!呢個就係佢哋超出名嘅燒乳鴿,好多檯都有叫👍~佢嘅皮幾香脆,而且好香鴿味,仲有啲醬料嘅鹹香~除咗燒乳鴿,佢仲有滷鴿,豉油皇鴿同啫啫鴿煲~畢竟呢度都係一間中式餐廳,午市都可以叫點心~我哋叫咗個鮮蝦菜苗餃🥟,入面好多菜,啲蝦肉好爽🦐~佢哋仲有其他點心,例如燒賣,叉燒包等等~可惜當日無腸粉同陳村粉,如果唔係都會想試下~另外叫咗個蝦籽野菌竹笙扒時蔬嚟清下腸胃🍄,份量都幾大~佢啲菜唔會煮到太腍,keep住青綠🥬~而且上面有蝦籽,非常甘香~呢個瑤柱野菌金菇炆伊麵好夠味🍜,加埋不同嘅野菌同瑤柱好鮮香~裏面仲有芽菜,增加個菜式嘅口感~呢間店真係好有歷史,入面有好多相見證住以前係好輝煌🖼~好多啲電視劇集都有喺度取景📺,就連港督彭定康都嚟過😯!咁佢哋嘅乳鴿又真係幾出色嘅😋,而且又有咁多唔同製法~呢次能夠食到,真係一圓小時候嘅想像~…Read More

已有80多年歷史的龍華酒店是香港著名的園林酒店，也是不少香港人的童年回憶。除了食乳鴿，我對它最深印象是動物園裏的的孔雀，鸚鵡和猴子，以及熱鬧的兒童遊樂場和麻雀枱。隨着珍寶海鮮舫的沉沒，這類老少咸宜，有嘢食，有嘢睇又有得玩的餐廳已逐步走向歷史。今日出沙田，不如就行15分鐘過去探下龍華！由迎賓門前往餐廳的路線和景物依舊，隧道左右兩邊仍掛滿寫着「龍華」的紅色燈籠，地上則有新鋪的人造草。入到餐廳範圍，應是翻新不久，一點殘舊的感覺也沒有，不過就保留五、六十代風格，牆上掛滿從前明星幫襯的照片。戶外用餐區和洗手間也乾淨企理，連兒童遊樂場的設施和戶外庭園的佈局都好新淨。我們今天的目標是龍華乳鴿和生滾雞粥，見二人套餐（$498，另加一和茶錢每人$12）有齊「嫩鴿肥雞」，於是不用多想，就套餐吧。🔶龍華紅燒乳鴿2隻乳鴿先用滷水浸熟，再沾麥芽糖後炸，入味得來又保持鴿皮香脆，即炸即食，確是出面食唔到。我們要求開邊，店員提供膠手套，每人一手執半隻，自己撕最開心。🔶生滾沙田滑雞粥粥底綿，雞肉滑，而且雞肉份量不少。可惜是雞粥和乳鴿一同上枱，當食完兩隻乳鴿後覺得雞粥已涼了不夠熱。🔶蒜茸粉絲蒸扇貝蒜茸醬調較得非常惹味，蒜香十足。🔶欖菜肉碎四季豆四季豆香嫩軟身，加埋肉碎和欖菜很香口。🔶金湯海皇魚肚羹雖然海鮮不多，大部份是魚肚，但都幾好味。…Read More

龍華酒店開幕於1938年，至今已有84年歷史。曾經叱咤風雲，與半島酒店齊名。當年嘅沙田尚未開發，山明水秀。好多文人雅士都喺呢度住過。當中包括金庸，佢嘅第一本小說‘‘書劍恩仇錄’‘，都係呢度創作的。1985年開始，龍華酒店因未能符合香港消防條例，轉以餐館形式經營。但酒店兩個字並未因此而抹去。佢哋最出名嘅菜式要數乳鴿，連彭定康亦都係熟客之一。時至今日，因為疫情嘅關係，聽聞龍華酒店都有機會結業。因為呢個原因，我決定要到此一遊，來睇吓呢個地方。喺沙田火車站大約行15分鐘到，就會到達龍華酒店。入口的長長走廊掛滿左紅色嘅燈籠🏮。沿途重會見到有一個古色古香嘅庭園🪷，仲有兩隻孔雀🦚。餐廳室內應該有翻新過，牆上掛滿昔日明星的海報相片。相信好多人都聽到呢度有結業可能，所以當日去到人山人海。嚟呢度一定要叫三寶：🐓沙田雞粥個粥都算煲得綿滑。但食落雞味不是太重。雞件同粥好似係兩件事咁。雞件偏瘦。🦜紅燒乳鴿紅燒乳鴿可以揀原隻上。餐廳提供手套，自己拎住食。即叫即整，上菜時熱辣辣。皮脆肉嫩，保留肉汁。🥄豆腐花豆腐花配有桂花蜜。豆腐花都算好滑，入口即化。整體來講，我覺得呢度嘅價錢偏貴，食物質素尚可。服務方面，可能因為廣告關係，座無虛席。廚房侍應都應接不暇，上菜時間好耐。如果大家都係抱着懷舊嘅心態，可以來呢度一遊。建議飲早茶或下午茶，食豆腐花同紅燒乳鴿。…Read More

其實我都系第一次黎龍華酒店。呢間老字號，聽就聽得多，黎食就真系第一次。呢排見疫情又唔去得邊度，所以咪系香港搵下地方去。今日同左爸爸黎飲個午茶，食下地道野食。龍華酒店出名既系乳鴿同雞粥，所以今日帶埋呀爸黎食下。呀爸當然黎過龍華酒店唔少次，所以佢今日就回味下，而我呢就第一次黎，事事都好新奇。裝修得古色古色，很有中國風，都幾特別，仲有孔雀睇。坐低左，當然點下野食啦。一定必食紅燒乳鴿同沙田雞粥啦，之後仲叫左少少點心食。餐廳都有好多遊客，如外國人用餐，都幾特別。紅燒乳鴿，我同爸爸點了一隻，一人半只。乳鴿啖啖肉，外皮燒到脆脆的，味道唔錯，果然系招牌菜。熱辣辣好惹味，我仲見到其他食客好多都系一人點一隻，不切，用手慢慢撕下來吃，超惹味的。另外沙田雞粥都好好味，可以點一窩或一碗，我們點了一窩，份量很大，我跟爸爸都飲了很多碗，不過真系好綿好香，雞味又濃，所以就算好飽都停不了。而且入面仲有好多雞件，又嫩滑又多肉，滋味。點心方面，每款都不錯的。我最欣賞的是沙姜雞腳。真系十分惹味，沙姜醬沾滿了外皮，雞腳充滿膠質，而且大大腳，又多肉，啖啖都好膠質同好濃味，好正。另外蝦餃都粒粒晶瑩通透，原只蝦，啖啖肉又爽口。正。魚翅餃真系唔系間間酒樓有，呢度有，所以點都要點返籠黎回味下。多餡有咬口，正。陳村粉呢款懷舊點心都愈來愈少見，所以見到點心紙有，當然又要點返一籠。又白又滑既陳村粉，混了排骨蒜香一同蒸，十分惹味，我好鐘意食陳村粉，因為好入味，好正。叉燒包就不算太特別，大大個又有滿滿的餡料。食飽飽仲同爸爸行了一下後花園，影左陣相。…Read More

兒時我住在沙田, 所以特別有感情, 已經10年沒有到過龍華酒店很是懷念｡ 剛巧朋友提起，一於去食晚餐懷緬一番｡😅這裡跟以前裝修沒有大分別，還是古色古香的裝潢｡ 來這裡一定吃最馳名的燒乳鴿，還要原隻上😍，記憶總是小孩時爸爸媽媽帶我來這裡吃這味菜。 乳鴿上檯，蠻大隻呀～😋😋熱辣辣的，帶上手套用手撕開的感覺真痛快🤣🤣。薄薄的皮燒得很脆，肉質嫩滑，醃肉後帶出鴿的鮮味。👍菜膽煎釀手做豆腐，豆腐上面鋪滿豬肉碎，微微煎香，配上特別的獻汁，應該有蠔油，很野味! 另外，不知是否用上山水豆腐，特別香滑，旁邊配上菜心，菜心很幼嫩爽甜。翡翠帶子蝦球，翠玉瓜代表翡翠，煮得爽脆，帶子蠻大隻，鮮味十足😍，蝦新鮮爽滑，份量很多。👍小孩喜愛吃小籠包，我們點了一份4粒，咬一口肉汁滿瀉，肉味十足。😋總括來說，這裏食物質素好，又有傳統風味，難怪這麼多年都可以屹立不倒。…Read More

教友們聚首一堂，一致決定到龍華吃乳鴿餐。紅燒乳鴿乃店之名物，來一客當然是少不了的事情。乳鴿味道是入味的，但又瘦又奀，作為前菜尚可。炸豆腐外皮頗香口，調味亦夠，只是內裏的豆腐卻未見特別水滑。鴿崧生菜包的鴿崧炒得很香，XO醬下得足，還有松子更添口感。生菜新鮮爽脆，大家都很滿意。眾人不想吃齋灼菜，叫來一碟蟲草花菜芯。惟蟲草花發揮不到多少作用，而且幾靭，結果大家都是只吃菜芯，蟲草花留在碟上。雞粥的粥底較烯，不算太綿；雞件雖然件頭小，但亦算多，滑而夠味。席間談談笑笑，總之大家是歡歡樂樂的共晉一餐。…Read More

香港+乳鴿  =  沙田+龍華。龍華的乳鴿，由小時候起計，連外賣相信已吃過近廿次，對一個非沙田友的九龍人來說，倒也不少吧！開幕於1951年的沙田龍華酒店，以色香味俱全的乳鴿最為出名，而他們其他的風味美食也算是可以之上。甚有特色的園林雅趣格調的裝修，無論牌匾或是沿路的裝飾都保留著五六十年代的風格，他們有一個小廳曾是李小龍的《唐山大兄》拍攝地。曾試過在那小廳進餐，可惜樓底低，燈光昏暗，相信會較適合老外。名叫酒店，龍華過去曾是間經營有十間客房的旅館，從新聞節目及報章得知著名武俠小說作家金庸曾於酒店長住來創作小說。龍華酒店的網頁自稱有〝沒吃過龍華乳鴿等於沒有到香港〞的美譽，但我從來都覺得並沒有言過其實，乳鴿真的超好吃啊！龍華的乳鴿是以先滷後炸的方法處理，所以皮脆肉嫩，味鮮而且肉汁豐富，縱使不及從前的美味，但我仍覺得是香港之冠。其他風味美食及小炒全都算是水準之作，椒鹽食品，如椒鹽魷魚鬚等，非常惹味香口。沙田滑雞粥，粥底綿密加滑嫩雞肉，非常鮮甜；另外，炒鴿旦亦是不錯的特色菜式。2015年11月龍華曾因牌照續約問題，差點就關門大吉，所以當時新聞一出，我便立即放工去吃了一次，幸好最後暫時解決了，我還之後多吃了好幾次；很希望這些「很香港」的味道，可以保留和繼續傳承下去！…Read More

今日去沙田龍華食乳鴿。入座時是下午5時半。個場不是太多人。我點以下菜式。紅燒乳鴿 $98沙田雞粥 $68橙汁 $10埋單$202隻乳鴿一開四，好鮮嫩，肉質上等。紅燒後食到乳鴿汁份，混入食鹽同鼓油。特別滋味。個場有免費保鮮手套。方便食客享用乳鴿。個雞粥好大碗，當中有雞肉。雞肉好鮮嫩，個粥好重雞肉味。粥底好稀。入口好似飲湯。橙汁好重汽水味。個味道好一般。下午6時後開始好多人進場。建議食客最好訂枱或6時前進場。…Read More

同朋友做冬至，突然想起龍華酒店 ，便決定去懷舊下，相信很多香港人沒有去過，都會聽過龍華大名，他們出品的乳鴿，更是非吃不可 今次清清地，點了三菜一甜品，在未說食物時，先看看裝修，相信大家未入到酒店前，都會被他的懷舊裝修吸引 入到大廳，會看看一張張不同年代的名人飯照食物方面，先說說乳鴿，今次點了紅燒，和鹽焗，紅燒的，仍保持水準，不會過火，外皮香脆，肉嫩，鹽焗的咸度剛好，野味 雀巢水晶鴿蛋：呢個十分奇妙感覺，蛋白爆至發大，蛋黃仍滑滑的，吃下食像布丁感覺，好味 但雀巢不夠脆冬菇海參扒時蔬：是用來應節的，海參爽口，生菜，冬菇鮮甜美味 桂花糖水豆腐花：桂花香甜，豆花滑，如果是熱一點就更好 …Read More

朋友話小時候黎過呢度…今次特登黎面懷一番…（而我呢…就幾年前黎過）…唔知道大家認為改變左幾多呢？？ 長長既走廊…大紅燈籠高高掛…入黑當然會亮燈…另有一番 風味…（無變）入去之前…沿路有園林亭…似乎多左d小型屋仔…係打麻雀用…依然有內有外坐…外面如舊電影般…雨傘林立… 入面就有不少明人相片掛畫…而呢度既名物>>白鴿，鸚鵡，孔雀都仲係度…今次order既野唔多…招牌乳鴿當然走唔甩…紅燒依然皮脆可以食埋…鹽焗既皮就較肥膩…還是不吃吧…無論點煮法…兩者都保留了肉汁在內…皮唔脆…而內裡旦白位置就真係半透明（似足水晶咁）…旦黃則全熟…口感唔同一般街邊賣既鵪鶉旦咁實…最重要係每人食左3粒都唔滯…雀巢綠色好特別…唔知食唔食得？？即管試下…但可能我地耐左先食…已經唔脆…冬菇非常厚肉…好香菇味…海參有d好爽…亦有d較唸…每樣都有4大件…生菜亦多…相信有半斤…雖然價錢過百…但確實貨真價實…讚最後食埋招牌甜品…小木桶係4碗裝豆腐花…超滑…配上桂花口味糖水…特別……Read More

小時候常常跟家人到處遊...充滿香港情懷的景點成了那時的聚腳地龍華也是其中一個常到的地方...盡是美好回憶這次再臨...只因移民十多年的親人回港渡假心血來潮想找乳鴿回味回味...大家也想起這老地方幾年前...曾踏足過這地吃乳鴿那次甚是失望...水準遠不及以前乳鴿跟想像中的不一樣...魅力已不復存在近年間太多店做乳鴿做得不錯...後起之秀如澳門BB鴿更勝過港式的已沒什麼原因能叫人再回這舊地...好像沒什麼特別理由能留著客人紅燒乳鴿 $68 x 5白灼唐生菜桂花蜜山水豆腐花-凍吃 $58 [小]枝裝可樂 $15 x 3這天...深怕家人滿懷希望...若質素不如以往...定必是個遺憾本想叫兩只乳鴿切件分甘同味...也怕那個萬一幸而...家人太聰明也太懂吃了推介燒乳鴿其實是要一人獨享...還要原只上桌原來...多年來都不懂吃...難怪吃到的都不夠好切件乳鴿需時...上桌已涼掉一半...皮已乾肉已變硬原只乳鴿上桌...狀甚有趣拿起來熱騰騰的...從沒這麼燙手過跟乳鴿近距離親一親...溫意直達我心吃第一口...那種驚艷程度難以形容絕沒有誇張...那個皮脆肉嫩的狀態吃那麼多年乳鴿也沒試過近胸肋位置...沒肉卻有薄薄的一層皮...極其軟滑吃掉整只乳鴿...骨頭間熱度還沒退乳鴿熱度夠...肉汁緊鎖...就是美味的關鍵這裡的山水豆腐花也出名...要點個來試試凍吃豆腐花其實沒熱吃那麼滑...但天氣熱還是涼快一點更暢快木桶上應該曾是賣點...只是後來很多店都以這方式呈上...驚喜不再桂花蜜清香噗鼻...有點晴之效桂花蜜取代黃糖...實在是最適合不過清甜桂花蜜清清的...為這道甜點添一分脫俗感還是上一輩的人懂吃...有能吃出每樣食品的精髓真的要多多跟隨...好好學習…Read More