Crystal Jade La Mian Xiao Long Bao

中午約兩位internship舊同事吃飯, 大家不約而同選擇翡翠拉麵小籠包.三個人點了擔擔麵X2, 五香牛腱麵和紅油抄手.我因為不能吃花生醬所以沒有嘗試他們的擔擔麵, 據說是又麻又辣, 光是看到表面厚厚一層糊就知道濃稠度很高 光顧翡翠很多次, 今天卻是第一次吃牛腱麵. 一碗麵有五六塊厚片的牛腱, 非常入味但又不會過於死鹹~ 好好吃呢! 比起那些$30一碗的雙送米線裡的牛腱高班的多!!! 紅油抄手是辣油加醋版的菜肉雲吞. 老實說原版應該是只有豬肉沒有菜, 不過這改良版的味道也算不錯, 應該是醬料調得夠重又開胃, 只是我吃完嘴唇變腫左好耐 …Read More

曾經食過幾次翡翠拉麵，覺得食物普通得不能再普通，實在不明點解成日都排咁長龍。之後都有一段時間冇去過，寧願食啲平啲或者貴啲但更好食既野，而朋友每次話去的時候我都會遊說佢去第二度。是晚係中環見完一班新來的小朋友後，唔知去邊度食好。係國金度如果唔想駛太多，又唔想淪落去老麥或canteen的話，其實都真係得翡拉...。安娜同學話佢食過幾間翡拉，唯獨係中環的較好食，見佢係識得搵食之人，信佢啦。可能當晚係星期日的關係，我地五個人等左大約十分鐘就有位。入面啲枱都排得密密麻麻，而我地都係坐四人枱，再加多張圓凳係側邊...。大家唔係好肚餓的關係，一開始只係叫左雞絲粉皮、花雕醉雞、紅油抄手同一客小籠包。小弟一向好鐘意食雞絲粉皮，但依度的雞絲幼如髮，個麻醬亦不夠香，好一般。醉雞係安娜介紹的，果真不錯。個雞的味道拿捏得好好，花雕味幾重的，但又唔會淨係得酒味。雞肉則較韌左啲，但如果只論味道的話係好出色的醉雞。紅油抄手的精華在於個汁同配料，否則只係普通的菜肉雲吞。依度的汁係冇味的，一啲都唔辣，配料只係得少少的蔥花，即使抄手皮薄餡靚都冇用了。講到小籠包，自從香港多年前興起食依個上海點心，而家要搵出色的小籠包並唔難，而以前覺得好出奇的「爆汁」小籠包亦都好多地方做得到。所以依度的小籠包充滿湯汁並不出奇，驚喜的卻係個餡好鮮味，但個皮就可以再薄少少。之後追加左個咸肉津白同上海炒年糕。咸肉津白不過不失，一碟清清的菜又可以差得去邊呢？但細心食的話會食到有青芥味，超奇怪...-_-。上海炒年糕睇落好對辦，但其實較淡口，炒得唔夠香。最差的係年糕切得好唔規則，又三角形又長方形，又厚又薄，有啲仲要超大舊的...年糕本身亦都有點兒黐牙，好麻麻。最後要了個酒釀丸子做甜品。雖然唔係我杯茶，但酒味同桂花味都幾香的，但個丸子就超細粒同唔夠咬口。整體來講，依度的食物較清淡，違反左上海菜「濃油赤醬」的精神，但有幾樣野係幾出色的，總算比起我以往食翡拉的經驗較好。埋單每人八十幾蚊，如果要好似平時咁等成個鐘的話我諗我唔會來，但如果唔駛等太耐的話係可以一試的。…Read More

星期日, 原本想訂位, 不過原來星期六日不設訂檯... 算了吧, 早點去等位7點半黎到, 人山人海, 拿了3位的飛仔, 就在ifc行了一陣, 隔了十幾分鐘返黎仲係有排...只見2人位既號碼一直入座, 而3人或以上就很慢好啦, 等到8點過少少, 終於都到我地了門口果位知客轉左, 之前果位黑口黑面既員工唔見左, 換上左一位啡色短髮戴眼鏡既女仔, 好似叫RAIN, 禮貌比之前好左好多入到去,等到卡位, 真好~ 好肚餓, 很快就叫野食啦紅油抄手: 紅油雖然稀魎地, 但很辣, 愛好辣味的應該會喜歡. 餡料也味鮮, 保持水準上海粗炒: 麵質彈牙, 炒得有鑊氣, 不過怕油膩的就可能唔啱食了~ 配料有菜及菇... 最離奇是有幾條白菜仔... 小籠包: 一貫的皮薄餡靚, 但其中一隻穿了底, 可惜可惜酸辣湯拉麵: 叫呢個都係貪佢酸辣湯好味, 料足之餘味道酸辣得宜, 相當有水準除了食物水準保持到之外, 服務亦都改善左好多, 換上了幾名新面孔, 有一位叫JOHNNY的男仔同另一位金色短髮既男侍應, 2位既SERVICE都很好, 很有禮貌向我地介紹食物, 而且遠遠一見到我地舉手就立即快步走過黎SERVE我地, 非常抵讚!下次會再黎, 不過應該會揀返閒日訂好位先黎, 始終WEEKEND等得太苦哩…Read More