The Red Cuisine (Hoi Tai Street)

相關食物：紅油口水雞（半隻）$118，煲仔酸菜魚（龍脷柳）$158我本身係無辣不歡嘅人，但唔算好食得辣，一般會叫小辣，今次試吓呢間鰂魚涌川菜小店首先，佢個位置真係好難搵，我喺附近兜咗起碼15分鐘先搵到，間店細細地，本身想試佢個煲仔臘味飯，但原來係季節限定，所以最後試咗個煲仔酸菜魚同口水雞，全部叫小辣個煲仔酸菜魚最特別之處係佢用煲仔去煮個酸菜魚，第一次咁樣食法，送到上枱時仲熱辣辣，對於鍾意打卡嘅人嚟講應該係一流，味道就冇話因為用煲仔煮有啲咩唔同，都係gimmick嘢，至於味道，我覺得無出面食嗰啲咁濃，特別係因為我哋個口水雞嚟先講一講個口水雞，呢個雖然我哋叫咗小辣，但我個人覺得係偏辣嘅，味道亦比酸菜魚濃，鍾意食辣啲同濃味嘅人應該鍾意呢個多啲，佢個雞唔屬於啖啖肉嗰種，係細細舊加骨感嘅雞，我哋當日冇叫飯，但相信因為佢比較濃味，所以如果送飯應該係唔錯嘅選擇我覺得如果對川菜有興趣，咁啱經過或者喺附近做嘢的話係可以試一試，順帶一提，雖然佢餐牌上嘅啤酒有好幾種，但當晚佢剩係得青島，鍾意叫啤酒嘅人可以留意返…Read More

⌇紅 館“ 🦪 “ 油鹽水豆腐煮蜆( $ 1 2 8 )蜆同豆腐份量都非常大份 老闆娘話係每日係街市新鮮揀 油鹽水既煮法可以保留翻海鮮既鮮甜 如果覺得味道太淡 豆腐撈埋口水雞既辣油超正啊👅“ 🐣 “ 紅油口水雞( 半隻 $ 1 1 8 )紅油口水雞係佢地既招牌菜之一 可以自己選擇辣度 一尼到睇份量雖然係半隻雞但係份量都吾野小 大量香蔥芝麻調味 好正 一食落已經有辣油既香味 食多幾舊之後 嘴唇同口腔開始慢慢感受到麻麻地 麻香好入味 夠曬過辣癮 而且雞肉都好嫩滑 哩個價錢實在係物超所值😻“ 🍜 “ 清雞湯薯粉( $ 2 8 )薯粉原本都跟雞湯上 加埋口水雞既辣椒油 辣辣地好好食😙“ 🍚 “ 白飯 ( $ 1 2 )口水雞撈白飯一樣好食！朋友係附近返工 介紹話鰂魚涌既紅館好食 餐廳有啲試大排檔飲啤酒既風格 有吾同配啤酒/白酒既組合 而且價錢合理親民 平時出去食川菜真係冇咁抵 食物都選擇都有好多好岩食 老闆好好人 仲請我地飲左兩shot大曲酒 平時小飲中國白酒既第一次試大曲酒 52%酒精飲落都有少少啃嫁 不過食辣野大杯酒大塊肉 確實係幾過癮🤣 瀘州老窖係中國濃香酒既發源地 獨特既醇香 配搭麻辣既川菜非常出色🍻紅館🌶️鰂魚涌海堤街18-22號地下D10號舖🍞#foodraah_qb…Read More

o係呢度返工左幾年, 同居冇咩四川餐廳, 最中意食辣既我平時lunch就食呢間紅館！一直都覺得好出色～ 今晚約左屋企人試下晚餐小菜, 平時我可以食開好辣, 不過今次為左就返老人家所以叫左bb辣餐廳環境乾淨企理, 老板娘都好好人, 價錢親民, 平時出去食四川菜真係冇咁抵,呢度唔算貴！好啱食☺️＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝🥢白酒。🥢香噴噴臘味飯。🥢開胃咕嚕肉。🥢紅館必食口水雞。🥢可樂🥢老板娘送既白酒，未食之前DEP一DEP 好有風味🥢開胃咕嚕肉 ＞ 平時出去食Ｄ咕嚕肉好多都係得炸左既粉，冇肉， 今次呢個啖啖肉，亦都好開胃，味道都是酸酸甜甜，好味到配料都食晒！睇得出廚師冇馬夫，佢Ｄ配料月肉肉粉量都一樣多！🥢紅館必食口水雞 ＞口水雞可以係話MＹ ＦＡＶＯＵＲＩＴＥ之一，今次呢個口水雞味道都剛剛好，而雞既肉質都算唔差，出面好多都有雪味，但呢度D雞件好滑，我叫左BＢ辣岩晒屋企老人家口味，睇相都見到大量香蔥芝麻加左入去D雞件度，好食到清晒！🥢香噴噴臘味飯 ＞今次我地冇叫白飯，老人家見到餐牌有臘味飯話好耐未食過所以就叫左，估唔到佢咁好味！我地仲食到清晒成個煲，好有鑊氣！而且D飯一粒粒咁，臘味多又唔咸，我都好耐冇食過咁出色既臘味飯！超正😋😋食完好滿足！…Read More

前排去鰂魚涌找朋友吃飯，她推介了這間位於比較隱蔽十字路口巷仔轉入的小店，吃過後覺得果然無推介錯！餐廳做了5年外賣，最近才開始做堂食。餐廳是大排檔飲啤酒格局，所以有好多唔同配啤酒嘅組合，而且價錢相當合理！點過菜式後，就會聽到好有鑊氣嘅煮食聲～他們的紅油口水雞超乎意料地出色，可以自己選擇辣度，食唔到辣的可以選擇bb辣！不過個人建議，如果食到辣的話可以點辣一點，因為他們的麻香味好入味，麻得好過癮！而且雞肉都好嫩話，只是$108，媲美其他餐廳幾百蚊的菜色！鑊氣豉椒炒蜆好出色，好夠鑊氣，配上新鮮的蜆肉和麻辣的椒，非常滋味。如果配啤酒一齊點就更抵！發現當晚每枱都有點招牌麻辣大波波魚蛋，大大粒非常彈口，的確食得過癮！😋😋大大碗羊肉湯麵份量的確多，還有好多羊肉，味道不錯。值得一讚的是他們的飲品價錢好合理，是少數餐廳可以做到的，$8罐汽水，好難得！有機會要再來吃辣點！🌶️…Read More

朋友係附近返工，介紹話鰂魚涌間紅館好食，今日去開附近又唔想幫襯大財團，就試下紅館。黎呢度唔食辣點得，奈何自己喜歡食辣，但係又好渣，只係bb班，平時食開譚仔10小辣的我，不敢挑戰重慶水煮系列，於是我點了紅油口水雞，聽說這裡的口水雞不俗。吃第一塊雞，感覺不到辣，只感覺到辣油的香味，多吃幾塊後，嘴唇及口腔開始慢慢感受到麻辣的感覺，好爽。京蔥炒牛肉，牛肉切得薄薄的，很容易咬開，京蔥洋蔥份量很足，芡汁很香甜。另外點了一個本以為純粹填飽肚子的脆皮鍋燒上海湯麵，點知有驚喜，湯底好甜，同上海麵都好夾。最驚喜係啲腩肉，份量多就唔洗講啦，睇相都知，最特別係每一面的腩肉都係燒過，好香炭燒味道，更是完全沒有肥膩感，估唔到佢咁出色。紅館的食物質素很高，可惜自己食辣的level太低，今次不敢試太多辣的餸菜，要練返個食辣的胃再來食呢度既重慶水煮系列！…Read More

「麻辣」呢兩個字，相信香港十個人有九個人都食過。但老套D講句，幾多人食過真正既麻辣？香港想食麻辣，90%以上都係食到辣而不麻既菜式，或者用化學調味料去煮既菜式。點解？快囉丶慳成本囉！所以，今時今日要係香港搵到麻辣菜式，的確唔係咁易！好彩既係，我搵到一間！邊個話大魚蛋一定要入長洲食架？😍我係香港島就搵到一間超好食嘅麻辣小館，入面重有麻辣大魚蛋添😋正宗麻辣煮法，又麻又香，絕對唔係出面靠調味料嘅假麻辣或者死辣🙅🏻‍♂️雖然置身於鰂魚涌嘅小巷入面，但真係識搵食嘅朋友自然識得搵上門土匪雞翼呢家野，相信好多人都係因為食譚仔先開始食到。但係，譚仔雞翼雖然好食，但永遠都食唔到「麻丶辣」呢兩個字呢道既土匪雞翼集齊左麻丶辣丶香既味道，而且雞翼每隻都大大隻，入面好多肉汁。加上臨上台之前再用火槍燒一燒，令到味道勁加香。最後忍唔住Encore左呢隻雞翼一次口水雞半隻，但係份量都好足下。麻香味好正~食落唔算話好辣，但係勁惹味。老老實實，一舊雞夠我食半碗白飯啦。啖啖雞都好厚肉，正！食左咁耐，都係時候食番D澱粉質啦。難得一樣唔辣既野食，就叫左個羊肉麵。麵既味道幾香，湯頭都算甜，係咁多道辣野之中真係特別。羊肉岩我口味，有少少羶，但係好正！食到最後，忍唔到口要叫多道水煮牛肉水煮牛肉同魚肉其實好正，明明見到有勁多油同辣椒去煮，但係口味唔會覺得好重口味或者好辣好油膩。每塊牛肉都充滿左香料既味道，麻辣得黎又唔會冇哂牛肉既香味。牛肉本身煮得唔會過老，但係又入哂味，都幾考功夫架。牛肉有彈性，口味又正，都只係$65蚊咋救命。呢個價錢加兩碗白飯，夠哂兩個人送飯啦！…Read More