Some Day Or One Day Cafe

入到門口全個天花頂垂吊著乾花，而且細心留意還會有輕微的陣陣花香味道，而牆上有月亮和油畫。每個位都是攝影好位置。生日聚會、情侶和朋友gathering都好適合。餐牌有多款飲品提供選擇，而且都有小食品同飯類選擇。北海道帆立貝海膽醬意粉 ＄178意粉有海膽嘅味道帶小小苦和甜味的混合，意粉彈牙，帆立貝大粒。日式原條鰻魚意大利飯＄178鰻魚原條厚肉大條，risotto汁已滲進飯內，還有一些木魚碎在飯上面。香果草莓自家窩夫 配雲呢拿雪糕＄882人份量每人可以吃到2舊，士多啤梨切成星型排在waffle 上，餅底鬆化配上雪糕一起吃好味。忌廉蘑菇湯配蒜蓉包清甜蘑菇味加上蒜蓉包永遠都係最佳組合。…Read More

📍 走過十萬八千里找到你一間以乾花為主題既打卡cafe，餐廳裝潢設計好靚，天花板掛滿五顏六色既乾花💐，亦有唔少既滿天星，令人置身於花海裏面，非常賞心悅目🥰另外，牆身仲畫有摩天輪𤩹畫🎡打卡位好多，啱曬少女心既大家💕🥘餐湯+多士餐湯係忌廉湯，味道正正常常，用個好cute cute既杯裝住；多士有搽蒜蓉再微微烘過，好脆口！🍝北海道帆立貝海膽醬扁意粉 $178木魚絲同紫菜絲鋪左係意粉上面，熱力令佢鬱鬱下幾有動感✌️最引人注目既應該就係帆立貝，總共有兩大粒，煎完之後放喺意粉兩側～食落冇乜雪味👏但海膽醬反而唔係好食到🫣唔夠濃郁，醬汁比較稠身，做唔到creamy掛汁既效果🐟原條鰻魚意大利飯 $178鰻魚原條上，超級大條！🤩鰻魚食落有咬口，唔會太腍，最重要係冇魚骨😌鰻魚汁味道甜甜地，幾好餸飯～飯亦有唔少既配料，有大量木魚絲、紫菜絲、翠玉瓜粒粒，不過意大利飯既質地比較硬身，但鰻魚既味道可以搭救😍♦️紅寶石巧克力草莓鮮奶 呢杯值得一試！Cream 同玫瑰花瓣作裝飾，杯邊仲有粒粒既士多啤梨果粒🍓味道酸酸甜甜，好開胃！無論係味道定係賣相都相當唔錯👍🏻🍹自家製草莓醬梳打超多既草莓果蓉沈澱喺杯底，呈現粉紅色💖味道方面正正常常，梳打味重～仲有塊薄荷葉喺面，用黎打卡係幾靚既📍 走過十萬八千里找到你旺角彌敦道575號Ladder Dundas 10樓 …Read More

之前見到呢間cafe個名咁特別，又有明太子菜式，bookmark咗要去試吓～ 環境唔大，但都幾有特色同打卡able，天花有好多乾花裝飾，牆身又有壁畫！Menu有意粉、意大利飯、主菜、二人餐等，仲有好多飲品選擇～✨明太子岩燒蟹棒貓耳朵 $148衝著明太子叫😂 不過明太子唔算好多呀，味道唔太出，反而蟹肉味道出啲！有兩條輕輕燒過嘅蟹棒、蟹肉、八爪魚仔、三文魚子～ 整體幾鮮味！如果明太子醬再多啲就好啦😂 貓耳朵平時比較少見，值得試吓～ 口感非常有嚼勁，煙韌可口！煙韌控必食！✨日本廣島蠔肉意大利飯 $158平時好鍾意食蠔，所以呢道菜都係見到就想食～有5隻廣島蠔，size唔太大都唔太細，蠔肉鮮甜濃味🤤 意大利飯都唔錯，米粒口感煙韌，加咗洋蔥同瓜粒～整體調味適中，唔會太鹹太淡～🔸加$55跟餐，包是日餐湯、餐包、$60以下飲品餐湯係椰菜花湯，幾特別，幾純粹嘅味道～餐包係蒜蓉包，好香脆，好香蒜蓉味！✨紅寶石巧克力草莓鮮奶原價$68，跟餐補差額～ 呢杯好打卡又好飲！草莓牛奶上面鋪咗玫瑰花瓣，食到草莓肉，奶味又香濃，好飲！✨熱鮮奶抹茶聖誕樹拉花好靚😍 亦都有玫瑰花瓣，好靚好打卡！抹茶味回甘，好溫暖順喉～…Read More

今日去到鬧市中樓上打卡cafe 走過十萬八千里找到你小編俾個咁浪漫既餐廳名吸引左，餐廳成個天花板都用色彩繽紛既乾花做裝飾，就好似入左鬧市既後花園咁!晚市套餐 （主食+$55，包$60以下飲品）🥣是日餐湯+餐包 - 今日係南瓜忌廉湯，個湯好creamy，好濃既南瓜甜味；餐包係蒜蓉多士，烘得脆👍🏻。🦪 北海道帆立貝海膽醬扁意粉（$178）- 有兩大隻北海道帆立貝， 帆立貝燒得幾香，入口亦鮮嫩，配上三文魚籽，木魚碎，🦐蝦仔，蜆肉碎，用海膽醬撈埋一齊食，幾creamy, 🍝扁意粉亦彈牙，份量足，如果加埋新鮮海膽一定更正😁。🦀 酥炸軟殼蟹黑松露扁意粉（$148）- 個扁意粉底由🍄黑松露炒雜菇忌廉煮成，好香口，🦀軟殼蟹炸得好酥脆架，夠惹味，同個意粉底好配搭，如果隻軟殼蟹大隻啲就好啦。（鍾意黑松露嘅小編就鍾意呢個意粉多啲😋）🍹 紅寶石巧克力草莓鮮奶 (+$8)- 餐廳用自家製嘅🍓士多啤梨醬調製而成， 士多啤梨醬少少酸，配上🍫朱古力同埋cream嘅甜味, 中和返成杯唔會好甜，而且飲落口仲有啲士多啤梨肉，幾特別！🍵 鮮奶焙茶- 好濃既焙茶味，鮮奶亦夠滑，食完濃味主菜飲返杯茶，可以解膩。💡餐廳座位不多，記得先訂座呀…Read More

呢間cafe走過十萬八千里找到你 一入到去就有好多乾花嘅佈置🌸💗好適合擁有少女心嘅人去🫶🏻成個氛圍都好浪漫💕晚餐時段都有套餐叫😳套餐只需要加$45 就可以有餐湯 餐包 加飲品😋湯係羅宋湯🧡好開胃🧡主菜我哋分別叫咗明太子岩燒蟹棒貓耳朵🐱同埋軟殼蟹黑松露意粉🖤貓耳朵煙煙韌韌 好夾明太子😋😋而黑松露意粉好夠黑松露味 好香口🔥🔥飲品方面叫咗手工黑芝麻拿鐵同紅寶石巧克力草莓鮮奶💖杯拿鐵同芝麻好夾 有少少似芝麻糊嘅味道😍而杯紅寶石巧克力草莓鮮奶勁靚 好適合打卡 而且味道都好好唔會過甜🥰 呢間Cafe嘅佈置好靚 食物質素幾高😚如果要拍拖或者聚會嚟呢到食都係一個好選擇☺️☺️☺️…Read More

呢一間咖啡室個名好浪漫，叫走過十萬八千里找到你，令我係旺角油麻地衆多咖啡室之中找到來。午餐時間黎到，餐牌有精選午餐，有意粉，意大利飯同主菜揀，價錢由$138至$268不等。任何食品加$55可跟餐，即係包是日餐湯，餐包同$60以下飲品。第一次黎，當然每人叫一個精選午餐試試先。是日餐湯配餐包 先黎是日餐湯配餐包，分別係黑松露野菌湯配小圓餐包。黑松露野菌湯用左隻肥杯裝住，好有家嘅感覺。個湯味道清淡，帶淡淡菇菌味。伴有係熱既小圓餐包，好鬆軟可口，味道少少鹹，配個清淡湯一齊食就剛剛好。日式原條鰻魚意大利飯 $178 另加一日式原條鰻魚意大利飯賣相不錯，大大條原條鰻魚放係隻藍色漸變色碟中間，鰻魚熱辣辣，食落帶豐富鰻魚汁，味道唔錯，口感都彈牙。意大利飯有咬口，撈埋菇片，菇仔，洋蔥粒同翠玉瓜粒，口感唔錯，味道係濃濃鰻魚汁。面頭灑上木魚花同紫菜絲。碟邊有芝士粉，絕對係意日融合菜式。北海道帆立貝海膽醬扁意粉 $178 另加一北海道帆立貝海膽醬扁意粉用一隻中型碗上枱，面頭有兩隻北海道帆立貝，整得好嫩口，啖啖肉。伴有蝦米粒同魷魚仔。扁意粉色水呈橙色，好搶眼，味道都唔錯，帶微微海膽味，質感可以。面頭加上大量木魚花同紫菜絲，又一意日融合菜式。兩杯飲品用木板上枱，伴有乾花小花束一支。紅寶石巧克力草莓鮮奶 跟餐加$8紅寶石巧克力草莓鮮奶係限定。白色鮮奶上面加上士多啤梨醬，再加上大量忌廉，最後灑上花瓣。忌廉份量滿瀉。飲落係香滑士多啤梨味鮮奶中帶甜甜地既忌廉，好飲，仲吸到士多啤梨肉。自家製草莓醬梳打 跟餐加$8自家製草莓醬梳打有好多士多啤梨果肉係底，加上大量冰同一片薄荷葉，見到汽慢慢上升。味道甜甜地，幾好飲，唔會過甜。餐廳環境周圍放滿乾花植物，感覺唔錯呢。…Read More

朋友特登揀左一間用乾花做主題嘅餐廳，一入門口已經見到天花板佈滿左乾花，非常有特色，餐廳名亦都好有意思。餐包麥包上枱仲係熱辣辣，健康得來鬆軟。餐湯是日餐湯係蕃茄湯，稠身，茄味非常濃郁。忌廉龍蝦汁甲羅燒貓耳朵甲羅燒入面都係綿密嘅蟹膏，入口鮮甜，上面加埋芝士焗，十分邪惡，香濃龍蝦汁覆蓋住每一粒貓耳朵粉，高質之選。北海道帆立貝海膽醬扁意粉大大粒嘅和風帆立貝咬落去爽口，扁意粉吸收晒海膽醬味道，配搭好夾。紅寶石巧克力草莓鮮奶 （限量供應）賣相滿分💯，入面加咗鮮士多啤梨醬，飲落去有士多啤梨醬嘅酸味加埋朱古力嘅甜味，唔會太甜。手工黑芝麻（限量供應）黑芝麻Latte上面拉花好靚，口感香醇濃厚，健康有營養之選。…Read More

◌ ◍ 走過十萬八千里找到你◍ ◌ 旺角好多打卡cafe大家都去唔少依間cafe相信好多人都見過佢地嘅野食主打西 日 台 fusion餐廳四周圍都充滿乾花而牆身佢地都畫夜空日落美景成件事都好浪漫 睇得出佢地好有心去設計就算今日閒日都有好多女仔上黎打卡食野食物方面點左兩份意粉佢嘅軟殼蟹炸得好脆香口黑松露味道唔會過濃無油膩感而醬燒牛肉隻汁好好味偏甜 上面加左好多木魚好和風味咖啡都有多款選擇極力推介紅寶石巧克力草莓鮮奶一杯嘢飲賣相好靚打卡必點有少少玫瑰花瓣 飲嘅陣陣花香果醬同朱古力調得好好留意番依款特飲係限定架…Read More

呢間餐廳個名好特別💕一入門口已經見到天花吊滿咗乾花 一大片花海好浪漫好靚 🌸🌺🌼牆身仲畫咗好多好靚嘅畫 而且食物同埋飲品賣相靚 味道都唔錯👍🏻☾˚‧º· ☾˚‧º· ☾˚‧º· ☾˚‧º*̣̩⋆̩*̣̩⋆̩北海道帆立貝海膽醬扁意粉 $178用石盤上碟真係好靚🥰仲可以keep到溫度融合咗西日式嘅fusion 好有驚喜每條意粉都掛滿海膽醬，味道濃郁😎當中仲有兩大粒香煎帆立貝配上好多木魚花同紫菜絲，大滿足😋*̣̩⋆̩*̣̩⋆̩三文魚子海鮮龍蝦汁意大利飯 $178Risotto時間煮得啱啱好 唔會太半生熟😎口感煙韌重點每粒飯都有龍蝦汁加上三文魚籽點綴真係鮮味十足仲有大蝦 青口 同魷魚做配料😋 好新鮮 任何食品可以+$45跟餐 包餐湯同餐包 仲包$55以下嘅飲品（可補差價）性價比非常高！餐湯係忌廉蘑菇湯 味道好濃郁同好creamy🍄而且放餐湯個碗仔係貓貓造型好可愛🐱餐包係燕麥包，重點上枱時仲係微暖😋燕麥味好正!*̣̩⋆̩*̣̩⋆̩ Rose Matcha $56拉花靚賣相吸引💚 仲有個乾花小花束做裝飾💐抹茶latte經常都飲🤣但呢杯會散發出玫瑰香氣同味道🌹成件事好清新 而且用咗丸久小山圓抹茶☺️好好味*̣̩⋆̩*̣̩⋆̩紅寶石巧克力草莓鮮奶 $68賣相真係好靚😋打卡一流襯晒餐廳嘅花花主題杯面上嘅玫瑰花辦用作裝飾又有花香草莓鮮奶味道一樣好香最底層有朱古力碎碎整體甜甜地好好飲🍓 …Read More

📍走過十萬八千里找到你 (旺角) 呢間人氣cafe以花花同特色壁畫作主題，一踏入餐廳已經猶如進入咗個花花世界咁🌸，比好多乾花包圍住，感覺好浪漫！而牆上有著多幅手繪壁畫，整間餐廳有超多打卡位📸！食物款式都好有新意，有融合咗唔同國家嘅fusion菜~ 𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:▪️北海道帆立貝海膽醬扁意粉 ($178) (+$55跟餐)上菜前會先有餐湯同餐包，餐湯係忌廉湯，味道濃郁，而餐包係燕麥包，上枱時仲係微暖，燕麥味香，感覺好健康！🍝主角扁意粉用了石盤上碟，極具心思，可以keep到意粉嘅溫度。呢款融合咗西式同日式嘅意粉好有驚喜，意粉嘅掛汁力強，每條都掛滿咗海膽醬，😍海膽醬好濃郁，味道好鮮美，仲有兩大粒香煎帆立貝，同埋好多木魚花和紫菜絲，超滿足！▪️酥炸軟殼蟹黑松露忌廉汁扁意粉 ($148) (+$55跟餐)扁意粉軟硬適中，煙韌彈牙，🤤啖啖都有好香濃嘅黑松露味。另外配上原隻軟殼蟹，🦀軟殼蟹炸得好酥脆，鹹香十足，超美味！另外意粉入面仲會有蘑菇，好豐富。▪️紅寶石巧克力草莓鮮奶 (跟餐+$8) 呢杯飲品賣相好靚🥰，啱晒打卡，仲好襯餐廳嘅主題！忌廉上面放上玫瑰花瓣作裝飾，感覺好浪漫！🍓🥛草莓鮮奶味道好香，最底層會有朱古力，不過朱古力味就唔算太突出，整體甜甜地好好飲！▪️特濃巧克力 (跟餐) 朱古力味道超濃郁🍫，入面總會有少少朱古力碎，為飲品增添口感。另外面頭仲會有一層忌廉，整體唔會太甜，幾推薦！𝑨𝑫𝑫𝑹𝑬𝑺𝑺:📍旺角彌敦道575號Ladder Dundas10樓10/F, Ladder Dundas, 575 Nathan Road, Mong Kok…Read More

想試呢間好耐㗎喇，終於就到時間🥹點解會試？第一因為個店名（雙魚女鍾意浪漫），第二因為以乾花做主題（仍然有少女心），所以我終於都試咗啦🤫😆明太子岩燒蟹棒貓耳朵，呢個係最受歡迎嘅菜式之一，貓耳朵有嚼感，明太子汁好香好濃郁，加埋三文魚子有豐富嘅層次口感磯燒魷魚筒墨魚汁意大利飯意大利飯加入咗洋蔥，所以幾有口感，魷魚筒切開咗好容易食，而且一啲都唔韌鮮奶焙茶拉花靚，焙茶味香濃，夠大杯，不過對於我嚟講都甜咗少少🤏🏻紅寶石巧克力草莓鮮奶呢個賣相好靚，有玫瑰花瓣點綴，淡淡嘅玫瑰花香，加上草莓果肉，視覺同味覺嘅效果都有✨呢度影相📸️真係好靚，好舒服🍂好啱同friend 喺度傾計Hea下…Read More

香港寸金尺土，99.9%嘅人都唔會有自己嘅花園，但放工去吓花系cafe，唔算係奢求:)油麻地正正有間樓上cafe，環境好舒適寫意冇諗過呢間比較打卡嘅cafe，食物質素可以咁好好似呢碟墨汁risotto，每粒飯都沾滿墨汁，一絲白都唔見，非常入味上面仲有勁大塊厚身嘅魷魚肉，好嫩滑彈牙意粉都滿有驚喜，每條意粉同樣掛滿海膽醬，極之香口上面有兩大嚿帆立貝，煮得好軟熟鮮香跟餐有麵包、湯同嘢飲跟麵包超熱，新鮮出爐，非常鬆軟。蘑菇湯煲得好香濃，一飲而盡紅寶石巧克力草莓鮮奶超有Layer，層層都有唔同嘅味道，最底有好香嘅朱古力，上面嘅草莓cream好開胃玫瑰抹茶沖得好靚，拉花迷人，好香玫瑰花香，抹茶粉都好講究，而且沖得超濃…Read More

成日喺Instagram見啲人去依度食飯打卡，今日就同朋友行完旺角之後去食晚飯。餐廳環境佈置舒適，都幾適合情侶拍拖食飯談心。晚餐menu都幾多選擇，服務員態度和藹親切、準確。安格斯牛肩胛一口牛溫泉蛋茶漬意大利飯夠哂細心嘅意大利飯。將安格斯牛肩胛切成一口size，好方便進食。牛肩胛味香鮮嫩，再加上溫泉蛋蛋漿，非常好味。明太子岩鹽燒蟹棒貓耳朵依個應該都係餐廳最多人點嘅意粉款式嚟。明太子忌廉汁調得好好，濃郁得嚟唔膩，貓耳朵嘅型狀將汁醬保留住，加上煙韌嘅口感，相當好食。紅寶石巧克力草莓鮮奶賣相相當精美嘅一杯飲品。士多啤梨味好香濃，再加上淡淡嘅朱古力味，甜而不膩。玫瑰抹茶一杯大眾化嘅抹茶latte上、散發出玫瑰嘅香氣同味道，成件事好夾好清新。餐廳用嘅係丸久小山圓抹茶，絕對係抹茶嘅保証。…Read More

餐廳以乾花和壁畫做主題，四周和天花都掛了各式各樣的乾花，很久之前來過餐廳一次，當時還未有現在這款壁畫呢～現在的壁畫顏色構圖超夢幻😍感覺更加貼合這個花花世界🌼🌷加上那盞發光的月亮燈，整個畫面都很美呢！令我都忍不住打卡拍照一下📸職員先送上餐湯和餐包，是日餐湯是紅菜頭湯，色澤亮麗😍，顏色超美！紅菜頭營養價值高，有益健康👍喝下去仍是熱的，味道甘甜，質感綿密，輕微帶點紅菜頭蓉。而餐包是燕麥包🌾🫓，包帶點微暖，整個包都是很實在的，不是空氣包💨♡酥炸軟殼蟹黑松露忌廉汁扁意粉$138🥢必點🥢完隻酥炸軟殼蟹🦀上菜，非常吸引～內裡有蘑菇，黑松露忌廉汁吃下好creamy😍扁意粉有質感，每條麵條都帶有醬汁。♡磯燒魷魚筒🦑墨魚汁意大利飯$148意大利飯帶點海鮮的咸味，墨魚汁飯的質感濕潤，飯粒很有口感。墨魚汁吃到嘴黑黑的，很好笑😂同行朋友說我像迪士尼的黑化角色人物🙈♡紅寶石巧克力草莓鮮奶*只有凍飲(限量供應)$68 🥢必點🥢超級精美，打咭一流😍飲品和餐盤都放滿玫瑰花瓣🌹感覺很浪漫💕好像喝不到巧克力的味道，可能被濃郁的草莓味蓋過了🤔而草莓味道自然不造作，加上內裡有點草莓🍓果肉，喝起來口感更豐富～♡鮮奶抹茶(冷)$60抹茶的茶份量是由店主精心調配，難怪甜度適中，抹茶的味道濃郁🍵質感也很幼滑。☑️餐廳設加一服務費…Read More

平日下午要來送別朋友，要找一家可以聊天﹑坐得舒適，又有漂亮的裝潢可以拍照，所以選擇了這家常在IG上見到充滿乾花的Cafe💐餐廳天花板掛了滿滿的乾花束，七彩繽紛，部份餐桌上也有放置乾花裝飾，整體感覺令人十分放鬆。我們一行三人點了兩份意粉跟餐及一份甜品。意粉餐及精選午餐都會包餐湯﹑餐包及$55以下飲品一杯，今天的餐湯的椰菜花蓉打成的白湯，味道非常濃郁，但又不會過於稠杰，用餐包蘸些餐湯吃，令到餐包口感更軟綿～食物擺盤精美，加上漂亮的環境，怎樣拍照都好漂亮😊法式藍蟹肉蝦膏汁扁意粉($148)，蟹肉份量不少，每啖意粉都吃到蟹肉，意粉的口感也煮得剛好也掛汁，醬汁充滿海鮮味香氣，推薦👍🏼明太子岩鹽燒蟹棒貓耳朵($138)，貓耳朵和意粉一樣都煮得剛好，仍然保留了麵條的咬口，不會過淋。明太子醬汁酸酸辣辣好惹味，令人吃過不停，加上大顆的蟹子，增加了貓耳朵的口感。鮮奶焙茶選擇了熱飲，這樣便可以見到咖啡師美美的拉花，這裡的拉花還是彩虹拉花，比起傳統拉花多了漸變的色彩，非常夢幻✨非常適合打卡的紅寶石巧克力草莓鮮奶，搞勻後可以喝到啖啖草莓果肉🍓法式甜品拼盤有鮮果窩夫﹑一球雲尼拿雪糕﹑焙茶口味的切餅及三顆馬卡龍。雖然我們已經吃得有點飽，但有了酸酸甜甜的水果又可以解膩，可以繼續品嚐其他甜點😛窩夫上桌時仍是熱騰騰的，很重蛋香味～馬卡龍有三款口味，朱古力﹑咖啡及檸檬口味，三款都不會過甜，口感不錯。…Read More