Happy Together Hotpot

最鍾意就係放工無嘢做，屋企又無飯食，可以即興約🐽朋🐶友————今次，邊邊佢。邊爐必備嘅配料+豉油餐廳嘅裝修擺設都以懷舊為主，比較年輕嘅 可能都未見過綠色果舊嘢———信箱。花雕醉美人鍋（醉雞鍋）超濃花雕酒味，落雞煮熟之後 緊係飲啖湯先再慢慢食雞。 湯好正😌 雞又好滑有雞味成個人覺得好na補😂😂胡椒豬肚少爺雞湯好夠胡椒味 飲落辣辣哋但係舒服嘅我地每人都飲咗一碗胡椒豬肚湯之後先再落雞，之後再飲湯😆😆 都係嗰句，好na補！！我唔食牛，但朋友試完，話左上角嗰碟好正 ——— 牛胸爽 鴛鴦滑 、 梅花黑豚肉叫咗個賣魚勝推介，有4隻八頭鮑魚、6隻海蝦、大元貝，幾款都好新鮮，蝦肉爽口唔會梅大魚大肉之餘 都要留少少位食菜罪惡感會少dd尼款鯉魚糖不甩，會用返打邊爐果窩嚟煮之後再’嬸‘番啲花生、糖上面撈撈就食得味道幾得意 裡面咸外面甜(唔會好似一般咁 用清水煮 裏面冇味 就咁一舊粉)好耐冇玩過呢款遮仔啦☂️細個勁鍾意食啫喱（都係尼款杯裝）仲要加勁多花奶 。 就算已經食到好飽 都要食埋😆題外話：有一位男侍應服務好好 仲好貼心食飯期間我哋自己講笑，笑個朋友發燒(其實無)有病啊唔好出嚟食飯累人啦, 佢應該咁岩聽到就好貼心咁問我朋友係咪怕凍使唔使比多件外套佢😂😂 分別問咗三次 佢以為我朋友真係病 利申：朋友喺男仔🧍‍♂️…Read More

【九龍城懷舊海鮮火鍋🍲同撈同煲】-自從屯馬線開通之後去九龍城真係方便好多😝係宋皇臺站落車行幾分鐘就到😋今日就同大家介紹呢間係九龍城嘅懷舊火鍋❤️‍🔥同撈同煲❤️‍🔥-火鍋店嘅裝修好懷舊💖充滿玩味除咗有紅綠霓虹燈招牌❤️💚仲有好多懷舊玩具🪀裝飾同埋綠色格仔地磚好似返咗七八十年代🤣呢到打邊爐係用gas爐唔係電磁爐真係有feel~店員嘅服務態度都好好😌除咗好熱心咁教我地唔同海鮮煮熟時間仲好勤快咁換碟同撇油😝仲好主動幫我哋落墨魚滑🤣同埋服務員都幾幽默😂朋友跌咗筷子🥢佢行咗過嚟問：係咪「快樂」（筷落）咗？好搞笑😆店員周到嘅服務令我地成程飯都食得好舒服同歡樂🥳-😋胡椒豬肚少爺雞湯 $238+1呢個係【期間限定】架🫢個湯底好足料😝除咗有豬肚外仲有兩大嚿豬骨髓😋個湯好重胡椒味😍飲落好暖胃豬肚軟嫩唔腥🥰唔錯！店員建議等湯滾咗落雞煮5分鐘啲雞肉煮到啱啱好😝好嫩滑-😋鴛鴦滑 $108+1💁🏻‍♀️三揀二✔️家鄉鯪魚滑✔️黑松露墨魚滑✔️蟹籽蝦滑❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥推介‼️我哋揀咗墨魚滑🦑同蝦滑🙆🏻‍♀️前者爽口仲有啲花枝粒☝🏻重點係個黑松露味好香🤤仲好夾！好味！至於蝦滑勁彈牙😻仲有啲蟹籽增加口感😳一定要試！-😋「賣魚勝推介」海鮮餐 $398+1睇緊餐牌嘅時候😂有個著住圍裙嘅店員行咗過黎原來佢係「賣魚勝」！佢推介我哋嗌呢個海鮮拼盤😝包括：✔️❹隻8頭鮑魚✔️❷隻大元貝✔️❻隻海蝦我哋見價錢合理😛佢又咁賣力推銷🤣於是點咗一份海鮮勁新鮮🤩見到啲海蝦腳仔仲郁下郁下鮑魚己經去除殼同處理乾淨😙淥4分鐘就食得😜食落鮮中略帶韌脆，有嚼頭元貝煮到離殼就可以😗食落鮮甜海蝦好大隻😝食落好彈牙-😋shake shake手工炸魚皮 $78+1💁🏻‍♀️口味六選一BBQ ｜蜜糖｜芥末 ｜孜然｜麻辣 ｜蕃茄呢個食法係全港首創架😝將新鮮炸出嚟嘅魚皮😍仲係熱架放入紙袋😛再加埋調味粉搖均炸魚皮食落好脆😋加咗孜然粉就別有風味😝更加香口惹味-😋醬爆瀨尿牛丸 $48+1呢個大推❤️‍🔥真係超級爆汁！入面仲有啲芫荽嘅香味😛-😋本地手切牛肉（細）$278+1牛肉色澤紅潤😗店員話呢個部位牛味濃啲😜不過唔可以煮太耐😖會老-餐廳敬送飯後甜品二揀一😙1️⃣啫喱🍋杯裝啫喱真係好耐冇食😭啫喱撐住把紙傘🤩充滿夏日風情凍L 凍L咁😋仲淋咗花奶🥳係童年回憶啊！2️⃣糖不甩🍡呈錦鯉形狀😝非常精緻🤩店員即場用個湯底煮熟😳同埋撈埋芝麻花生碎🥜本身都驚佢會有啲胡椒豬肚味😰但turnout係好食嘅😋丸子好煙靭🍡甜甜地同鹹鹹地😝唔錯！-😋時令菜🥬 $38+1今日係西洋菜💁🏻‍♀️（茶芥同醬油每位$30）-整體來講，同撈同煲走懷舊風格幾有特色😚服務好周到😝食物都新鮮🤩仲有海鮮食🦞呢個價位都差唔多😎-📍 九龍城同撈同煲 九龍城：九龍城打鼓嶺道70-72號地舖銅鑼灣：銅鑼灣堅拿道西10號冠景樓2樓B號舖💸人均消費：$670…Read More

成日聽人講九龍城打邊爐正，但我又未試過，所以尋晚就特登去九龍城試下打邊爐啦。其實我都唔知九龍城最正嘅邊爐係邊間，不過我食完之後覺得呢間都幾正。呢間火鍋係sell懷舊風嘅，店內裝修好似幾十年前啲舖頭咁，都幾得意。同埋注意，佢係懷舊唔係殘舊，所以雖然設計懷舊，但啲檯凳其實係新淨乾淨嘅，所以都坐得舒服。仲一路播住啲懷舊歌曲添。食食下聽到佢突然播生日歌，應該係有人生日，睇黎呢到幾適合同朋友慶祝生日。不過壽星啲朋友好似真係唔太識做，播生日歌嗰陣都唔拍手，又唔一齊唱嘅，尷尬。定係其實係壽星想低調呢？所以我都唔知係邊檯有人生日。入返正題，講講我食左啲咩先。🥣老港沙嗲鍋 $108沙嗲鍋好濃味，濃到唔似沙嗲湯，似食嘅沙嗲汁多啲，好正。湯入面會食到有花生，湯嘅味道已經好足夠，唔需要再點豉油，用唔著我親自精心調配嘅醬料。裝湯隻鍋好寬好大隻，比較平身，啱晒用嚟打邊爐。🦐芝士蝦丸（半份）$58芝士蝦丸有四粒，蝦味十足，好彈牙。咬落去會爆芝士，芝士好香，同時唔會蓋過左蝦嘅味道。🐮安格斯牛肉（細）$168牛肉係有驚喜，雖然作為一個窮學生嘅我揀咗最平嘅牛肉，但係出嚟嘅牛肉好靚，每片嘅牛肉厚度切得非常工整，雪花牛肉食落好好味，牛味極濃。有十四片。🐔鮮雞件 $68雞肉食到幾新鮮，份量幾多，好有雞肉嘅鮮味，呢個價錢算係幾抵食，幾高質。🥠生根 $38生根真係俾咗好多，我數過有成十一舊，我就最鍾意食生根，因為佢好吸湯，生根吸晒沙嗲啲湯之後真係好正。🍜出前一丁 $18沙嗲湯我自己就覺得最夾出前一丁，麵會吸收晒啲沙嗲湯，加上呢個湯底咁濃，煮出嚟嘅出前一丁完全係好似沙嗲撈丁咁，正啊。🍭糖不甩 $0糖不甩形狀好似一條魚咁，有兩條糖不甩，會放入沙嗲湯入面煮。煮完之後再撈花生同埋砂糖。糯米好有咬口，配埋花生糖，鹹香加甜味嘅味道十足，好食。🍮啫喱 $0最後食完有啫喱送，啫喱上面嘅傘好得意。有一層花奶，個人認為啫喱比較偏硬身，但味道都唔錯。‼️注意每人要加$15醬料茶芥。話說我同朋友兩個都傻傻地著左白色衫去打邊爐，仲要係食沙嗲湯底，好彩最後啲湯冇彈到件衫姐。但建議大家打邊爐要著深色衣物。…Read More

我很久沒跟閨蜜吃火鍋了，所以今晚閨蜜特意約我去她公司附近的懷舊火鍋店吃火鍋。她說她和同事吃過好幾次，這裡裝潢充滿昔日香港情懷，播放著耳熟能詳的舊歌，我們雖不是這個年代出生，不過就能在這感受到電視劇所看到的舊香港氣氛。這裡店員非常友善，主動問我們是否需要她幫忙拍照，而在我點火鍋配料時，我想了解各種牛肉的種類特色，她都一一詳盡解答我，十分專業稱職。吃火鍋前當然要準備好自己那碗火鍋醬料，待會吃火鍋時就有用武之地，各式調味我都要一些，個人比較喜歡多重口味的醬料。火鍋湯底未上桌，先來即炸響鈴一份。這可是真正的即炸響鈴，一般的店都是用現貨的，沒有溫度，即炸的可感覺到響鈴那股熱騰騰的酥脆，豆香緩緩升起，沾上甜酸汁吃別具風味。當然亦能將響鈴放進湯鍋輕涮，微微濕潤，稍稍吸附湯精華。湯底我就挑了冬甫美人鍋(雞湯)，近半年來愛上美人鍋，主要因為湯頭好喝之餘又能滋補一番。冬甫美人鍋以雞，金華火腿，花膠，桃膠，蟲草花，紅棗，乾瑤柱等熬煮，再加入冬瓜，娃娃菜，集各方之精髓，濃醇甜美，有益脾胃。雞肉滑嫩，雞味顯現，花膠和桃膠富含膠原蛋白，養顏保健。美人湯裡盡是蔬菜，我們覺得還不夠，多添一份油麥菜。油麥菜挺適合放進冬甫美人鍋內涮煮，讓菜帶有金華火腿與雞肉的香氣，不用涮太久，油麥菜咬下有新鮮的脆度。芝士蝦丸上頭撒上脆脆的蟹籽，裡頭滿滿的熔岩流心芝士濃厚無比，一咬就爆漿，蝦丸緊實富彈性，現在想起還會口水直流，這兒的芝士蝦丸已經被我列為必吃之一。黑松露餃全是純手工製作的，餃皮厚度適中，豬肉餡料飽滿多汁，味帶鮮甜，盈盈的黑松露香氣與肉餡相輔相成，越嚼越香，在口中輕散著。聽過店員的牛肉詳解後，我決定要大份的極級封門柳。極級封門柳油脂相對比其他的牛肉油脂少，但卻是牛肉味最濃重，若喜歡吃重肉味的話，極級封門柳絕對是不二之選。牛肉只需涮數秒，變作粉色就可品嚐，千萬別涮過頭，否則就浪費這好牛肉，封門柳甘甜肉香，又不油膩，超棒。平常吃火鍋我都會喝些自家製飲品，今次我不喝，反而喝綠寶橙汁。在小時和弟弟喝過幾次後，從此沒再喝過，難得在火鍋店「重遇」綠寶橙汁，當然要回味兒時味道，哈哈。閨蜜問我吃珊瑚蚌好，還是象拔蚌好，我說不用二選一，點鴛鴦蚌最好，一次可吃兩種蚌。半透明的象拔蚌和橘紅的珊瑚蚌輕輕一煮就可撈上來，煮熟後的象拔蚌與珊瑚蚌仍保持肥滋滋的原型，口感爽脆，充斥海味，讚。吃完火鍋後，我們肚子尚有空間吃甜品，所以追加糖不甩一份。在等待糖不甩的時候，店員給我們送上啫喱杯，她說每位客人餐後均可獲贈一杯。插著紙傘的啫喱又是童年在酒樓吃點心的回憶，記得當時吃完啫喱後一定會把紙傘拿回家玩上一整天。這裡的糖不甩造型有趣，以金魚型態示人，起初我以為將「金魚」沾上花生碎吃就可以吃，店員說不是「生」吃它，要約它煮熟才可吃，我滿腦疑惑金魚本身不是熟的嗎?店員開著火爐，美人湯再一次滾動，店員把「金魚」放進湯鍋裡煮，金魚「熟」透後撈至碟上，此是金魚身子水汪汪，軟腍腍的，我才恍然大悟，糖不甩是軟身的，怎會硬邦邦就可吃，我果然是傻瓜一名。店員將金魚剪開，沾滿花生碎，成功把金魚大改造成糖不甩。這時我又想，糖不甩以火鍋湯底滾煮，那麼它便會鹹鹹的? 當我吃進口中，糖不甩一絲鹹味都沒有，溫熱的糖不甩煙韌彈牙，與花生碎摻和著，甜滋滋的，可口極了。第一次嚐到眼前即煮即吃的糖不甩，不得不說這是有趣的體驗。…Read More

今日約咗朋友喺九龍城打邊爐呢到啲裝修好靚 有舊香港嘅feel呢到就主打打邊爐嘅 我地就叫咗個醉雞湯底想講下呢到啲湯真係真材實料，加上其他食材都好新鮮，打完邊爐一定要飲個湯，係超級好飲佢個煲個湯底同雞係分開上嘅 水滾咗先落雞煲咗一陣已經聞正好香嘅雞同酒味 店員有提我地啲雞要分2次落唔係啲肉會老打邊爐嘅主角當然就係牛肉，我地叫咗碟特級手切牛肉同安格斯牛肉，手切牛味夠重脂肪比例幾靚，食落好嫩囗 安格斯牛就脂肪比例再豐富啲食落會多啲油香但肉味就冇手切個款咁濃。其實兩碟都好好食，係睇你偏好食邊一種，我個人就鍾意手切牛河畔多啲丸類食品都叫咗好多，呢到啲丸全部都係新鮮手打，唔同出面啲急凍貨，食落個texture同味道真係差好遠而且呢到有好多特色丸類，我地叫咗鵝肝墨魚丸梅菜豬肉丸同火爆牛丸，我自己就特別鐘意佢個梅菜豬肉丸同火爆牛丸 不過要提下佢個火爆牛丸係麻辣嘅。唔係個個受到，我自己就覺得好過癮黑松露墨魚滑食落好滑口，而且好有鮮味同出面食開嘅都幾大分別蝦多士我都係第一次食，炸得好鬆脆好香蝦味超好食呢到啲響鈴係即叫即炸嘅 好香好脆又唔覺佢油膩我平時冇食開都覺得好好食甜品我地叫咗個糖不甩，佢係 佢整到成條錦鯉咁，放落個湯正煮完再幫我地剪返開撈啲花生嚟食，佢食落個texture好香煙韌好好食 佢吸埋啲湯嘅味簡直一流佢另外仲有送甜品，係花奶啫喱嚟仲插咗把遮係到唔好話小朋友我自己都好鐘意…Read More

呢兩年好興回到60年代，呢間九龍城同煲同撈火鍋，亦以60年代既裝潢為主，門口更為突出，以霓虹燈刻劃出店鋪既話，令人留下深刻既印象，幾經回想都令人諗起呢間火鍋店！今日終於下決心要過黎試一試呢間九龍城同煲同撈火鍋內部環境都充滿了60年代的味道，甚至歌曲都係播緊60的上海灘、陪著你走等等懷舊金曲！睇下有咩食先，原來呢間係用環保餐牌，呢點要讚一讚先我就簡左我最鍾意既 醉雞煲 湯底 另外仲叫左安格斯肥牛、蝦滑、脆鯇魚、冰豆腐、響鈴、同埋糖不甩湯底 - 醉雞煲如果選擇呢個湯底會附上半隻醉雞架！底湯由紅棗、杞子、 紹興酒、淮山、圓肉等等炮製而成、係非常足料！等待湯底滾起時，一陣陣醉雞香味飄過，店員教導湯滾左先飲一啖，再落半碟雞，味道會更好！頭啖湯實係唔同啲，好濃厚醉雞味係口中散去，呢個醉雞不管是視覺既享受，味覺嗅覺都享受緊呢個醉雞鍋雞件附送既半隻醉雞由紹興酒一直浸住，連紅棗、杞子、薑片，令到每件雞都有酒味！煮好後，由於雞件有少少脂肪，令到肉質嫩滑，酒味唔再係口中散去而係由雞件散發出酒既香味！安格斯肥牛（小）好美，師傅將一片片既安格斯肥牛鋪設得好美係擺設上，更砌出一朵花，好美！每片唔奢太大塊，可以令人一口氣食哂全片，肥牛除左有豐富既牛脂肪，切得唔會好薄，有一定既厚度，滾一滾，20秒就食得！人口即溶既感覺，唔係一般既肥牛！正蝦滑對我黎講，蝦滑係火鍋必點既食物。可以睇到有蝦係當中，蝦滑好厚身，偏透明。蝦滑經過醉雞煲之後，唔單至有蝦滑既爽口彈牙，仲有 紹興酒既味道，提升了蝦滑既層次！冰豆腐冷豆腐唔同普通豆腐，普通豆腐當滾既時間耐左就會碎會爛，而冰豆腐唔會，就算滾耐左都唔會散哂，仲會吸左醉雞既味道，有豆味有酒味，就係好味！響鈴響鈴係吸湯既皇者！響鈴係新鮮炸起，會比較熱，要注意燙口，炸完之後有兩種食法，第一種係就禁食，炸完之後好鬆脆香口，配上酸酸既醬汁，增添了唔少口感；第二種係浸湯底，吸湯底可以食盡湯底既味道！可以品嚐到醉雞鍋既特點糖不甩兩條鯉魚游呀游呀！呢間既糖不甩好特別，係將兩條鯉魚放落火鍋度煮，游下游下禁，目的應該係將兩條冰凍既鯉魚煮到軟化，變番淋滋滋既口感，仲可以吸埋湯底既味道，令到糖不甩有醉雞味，同坊間既糖不甩好唔同！店員會剪開條魚4舊，混合埋花生碎、砂糖、椰絲，湯底既味道令到鯉魚帶著醉雞味禁送入我個口，好味整體黎講，九龍城同撈同煲火鍋既服務好好，好主動幫手加湯，又見我地食哂啲野就問我起唔起埋甜品，讚…Read More

係門口見到已經好鐘意啦，係6，70年代既風格，由裝修，餐具，連音樂都充滿懷舊味道一嚟就即刻點咗佢個冬甫美人鍋，湯底係好鮮甜嘅雞湯， 配料有大大個冬瓜，桃膠，蟲草花等，佢哋嘅火鍋配料有好多種，時令海鮮，手打丸樣樣有齊，每樣都好新鮮最正嘅係啲小食，嗰款煎午餐肉外脆內軟，嗰陣香味真係食唔停，仲有個咸蛋王魚皮，脆卜卜，啖啖咸蛋蓉，正到爆，食到最後，點埋個糖不甩，鯉魚形狀嘅糖不甩放入鍋度煮一煮，再撈啲花生碎，煙煙韌韌咁，好過癮😆仲有佢成間餐廳周圍都係影相位，成餐超滿足呀…Read More

而家365日都會打邊爐，食來食去都係差唔多野，要在眾多火鍋店突圍而出，真係少啲心機都唔得，今次食呢間同撈同煲真係做到創新之餘又懷舊，岩哂有經歷既人緬懷一翻，食得多火鍋既人又可有新鮮感店內既裝潢是7-80年代既香港社會縮影，用既碗係好傳統既碗，成間店本身就勁多影相位，如果係遊客來，好可能影裝修多過影食物🤣眼見令人有選擇困難症既湯底餐牌，最後揀左似乎不起眼既咸蛋芥茶湯底，誰不知有驚喜， 呢個咸蛋芥菜鍋飲落去完全是家的味道，仲要係勁足料的家味道，湯好甜，侍應在加湯前都特別叫我地飲多啖湯先，呢個湯係下火好選擇有時叫最普通既食物先食得出間店是否用心，所以今晚都食啲大路火鍋野。係點菜方面，要一讚係用膠餐牌，可直接畫上去，唔駛浪費好多紙張，環保♻️，👍🏻👍🏻黑柏葉—😋😋呢個係我在火鍋店食過最好食既黑柏葉，淥熟後唔會縮得太勁，好鮮甜，唔會韌到似橡筋👍🏻👍🏻推介鱔片— 鮮‼️唔會有泥味，正。鐘意食鱔既人必點炸魚皮— 雖然魚皮度度都有，但唔係度度都好食，呢個炸魚皮唔會好硬，好鬆脆，齋食又得，浸湯又得🉐鴨血—正常🆗桂花蚌—新鮮✅美人餃— 特別❗️叫美人餃係因為裡面有桃膠，口感特別，唔錯唔錯☺️☺️重頭戲— 飛驒牛🐮係呢度可食飛驒牛🐮堅有驚喜，店員送來時特別提我地可當刺身食（店有有張貼證書證明那牛可刺身食），如火鍋就淥幾秒，飛驒牛油花分佈平均，入口即溶本身我地無叫甜品，但店員力推我地試個糖不甩，所以我地就試下，呢個糖不甩賣相非常靜，係兩條鯉魚🐟，重點係店員會幫我地處理，放湯，再撈返上來撈花生，估唔到火鍋都可做埋糖不甩🤣呢餐真係好滿足喔…Read More

終於冬天，上網見到同撈同煲好似幾得意，相約朋友一試。環境懷舊有特色！打卡好地方！同撈同煲有多款湯底選擇特別，是次選了冬甫美人鍋＄188，湯底有原隻鮮雞、桃膠、紅棗等材料，湯底清甜可口，店員先為我們剪開雞肉，分了每人一碗湯，暖一暖胃。半打生蠔 $98店員告知like facebook有優惠，我們點了半打生蠔，肉質爽口，鮮甜富海水味。特色蝦米腸份　$38用腸份打邊爐還是頭一次！腸份很滑，盡吸湯底精華！日本飛驒牛 $328打邊爐少不了牛肉，我們點了日本飛驒牛。飛驒牛充滿油香，捨不得淥太熟，淥了數秒肉質軟滑細膩，齒頰留香。刺身食法沾上柚子醬汁，肥美得如吃拖羅一樣！必試！最後點了糖不甩，店員在面前親手泡製，花生新鮮沒油味，香甜可口！還有懷舊紙傘啫喱！…Read More

今日咁啱經過九龍城，天氣又轉涼，不如搵下有咩火鍋食，最後決定試下呢間充滿古式文化、7,80年代嘅舊式茶餐廳。今日可能係平日，不用等位就可入座，7,80年代除左從播嘅歌可以感受到，裏面嘅裝修亦能睇得出。火鍋湯底嘅重要性，相信中意打邊爐嘅人絕對明白。一輪選擇下，揀左冬甫美人鍋，店員話要先飲湯再食野。湯底因爲有雞嘅緣故，加上冬瓜、蟲草花、紅棗等嘅緣故，飲落好清甜，雞味好足，值得一試。打邊爐點可以冇牛呢，最後揀左安格斯牛小排。牛味雖不算重，但入口即溶，肥瘦適中，like，真係好食過任食肥牛好多！韭菜餃，唔算係好大隻，不過皮嘅厚度啱啱好，最重要係個餡，韭菜味好突出，對於韭菜控來講，不能錯過。老友鬼鬼，佢係新鮮炸起，油炸鬼配上墨魚滑，彈牙可口，加上醬料，配搭更佳。店員建議亦可放入湯裹，嘗試另一種口感。個人覺得即炸即食為佳。田園拼盤，都屬於正常，為整個火鍋平衡一下。不過佢入面竟然有大豆芽，有點意外，食落好爽口。紅薯粉，唔算十分特別，正常味道，不過份量好足，食完一定覺得好飽。最後店員話like facebook可以半價魚狀糖不甩，不可不試。出乎意料原來先將魚放入湯，再剪開同糖、花生配合，味道食落好特別，唔算好甜。最後，還送左甜品，即係今晚食左2樣甜品，邪惡呀哈哈！PS: 一邊打邊爐一邊聽老歌，感覺好懷舊👍🏼…Read More

天氣涼左，就心思思想食飽d食暖d，友人LDM近排發左達，話請我食飯，咁我就當然唔同佢慳啦！間中都會lunch過去九龍城食既，咁就search下晚餐有咩好去處啦。就發現左呢間 「九龍城同撈同煲」，見到飛驒牛做緊十月半價優惠既，我就同友人講：「我想食日本飛驒牛啊！好唔好啊？」其實我諗住試下佢既，但點知，佢好爽快咁話：「好啊，你想食就叫啦！」我即刻心心眼，估唔到佢又真係對我咁好！咁我都待佢不薄，見做緊特價先話想食，正價成5百蚊個牛，依家半價勁吸引！平時叫碟牛都二百幾，今次係日本飛驒牛！GO GO GO！離遠就見到好sharp醒既店面，睇得出裝修方面好用心，努力重演80年代既香港情懷，招牌燈，地下磚仔，音樂，牆上掛畫，全部都係睇電視見到既野！座位方面，都坐得幾鬆動舒服，我地2丁友都有卡位坐，如入無人之境，密密傾密密講！慢慢玩壞隻LDM!本身我地打算叫個花雕醉美人鍋，不過店員就推介我地試冬甫美人鍋($188)，話有半隻雞連鍋上，用料比較滋潤，岩依家轉天氣時飲，仲有養顏功效咁話！講到咁好，為左美人著想，try try no harm！黎到發現湯底都幾多料，有冬瓜、蟲草花、桃膠同紅棗，個湯飲落無味精，幾鮮味，而且幾膠下，唔錯喎，美人都話好飲。日本飛驒牛(半價$249)難得有個半價優惠，當然要好好再把握，叫份大嘅。一黎到識噴煙都幾型，因為牛肉比較薄身，輕輕淥一淥就食得，一入口就溶化左，搞到好快就清左一碟。肉質係嫩嘅，油味重但完全不膩，食完都唔夠喉呀！之後我地叫左個老友鬼鬼($68)，佢係油炸鬼包黑松露墨魚滑，點酸甜醬食，好有錦鹵雲吞嘅感覺，都係好脆口，但裏頭墨魚滑比較煙韌，有d咬口。至於放落去打邊爐又得，油炸鬼索左個湯，又係另一番風味！一向打邊爐都鐘意叫百葉豆腐($48)，貪佢滑得黎又有口感d，仲有最大優點係唔會煲爛！傳統布巴豆腐，放湯一陣唔夾就碎晒，百葉豆腐放左落去想幾時食都得，輕鬆！特色腸粉($38) 有個篩隨碟附上，話比我地用黎淥腸粉喎。一向食開都係蒸同炒，淥就第一次，本身預期會又爛又無味，又無喎！反而索左個湯嘅味，又幾有趣！質感比河粉厚實，但滑身好多，都係個幾有趣嘅體驗。之後仲叫左個Shake Shake 魚皮($78) ，個玩法有d似shake shake 薯條，都係倒粉再shake下佢。呢度有6種粉可以揀，包括麻辣、孜然、芥末、蕃茄、蜜糖同BBQ，而我就揀左孜然！依家拍條shake shake片上fb 即減$50，就黎平過魚蛋粉叫碟魚皮，仲要即炸！我就覺得香脆好多，必叫之選！因為之前like左佢地fb page，仲有甜品送呀！甜品雖然免費但絕不馬虎，啫喱仔上面插住紙遮，好似舊式茶樓個d甜品咁，係懷舊呀！至於個鯉魚形糖不甩係即叫即整，用返雞湯黎淥，煙煙靭靭口感，加上自家制花生糖碎（老闆話係炒過架），甜得黎又唔會膩，好味道！總結黎講，今次埋單4百令蚊個（最後都係夾反錢比隻LDM，下次食貴d先叫佢請），係散叫火鍋餐廳入面都屬於正常價位。但呢間就勝在老闆n員工夠用心細心，周不時主動幫我地撇油加湯較火力，又幫我地碎上隻雞！員工又會留意住我地食到咩level，見我地停哂手，就主動問我地上甜品好唔好，我地飽到都冇左件事，但甜品就有第二個胃既。下次要叫多d frd黎一齊食，又可以試多d款啊嘛！…Read More

今日同朋友係九龍城附近上完成日堂，餓餓地，天氣又涼涼地，所以就決定係九龍城打個邊爐暖一暖胃先！九龍城多火鍋店相信就係人都知，但通常行黎行去都係喺南角度到城南度附近搵食，行到後面打鼓嶺道食就真係比較少d。不過今日朋友帶路，話嗰度有間裝修玩味十足，走70年代懷舊風嘅餐廳，食物高質之餘，仲有d懷舊食物咁話。聽落幾有趣，緊係試試佢!門口望到個鋪頭名 同撈同煲，配上霓虹燈嘅招牌，再加上旁邊標籤住 賣魚勝 嘅魚缸，一樣樣代表住香港特色嘅配置，令我非常期待餐廳裏面係點樣。當推開門嘅一瞬間，個刻我呆左，望住個裝修，耳邊隨即傳黎一句 「懷緬過去常陶醉 一半樂事 一半令人流淚」，彷彿令人回到過去一樣，一入左餐廳，就好似入左另一個空間，淨係裝修，已經感受到老闆嘅用心！餐廳食物種類都非常多，足足2頁近百款，單單係湯底都已經有7款，仲有新鮮海鮮刺身！不過朋友對於海鮮有少少敏感，所以今日就skip左！店員話每個月都有唔同優惠做，咁岩10月就做緊牛牛半價優惠，每叫一個鍋，就可以半價叫一款牛，而係名單上，竟然有日本飛驒牛！不得鳥，唔洗諗，食個靚牛補返數先！冬甫美人鍋($188)首先鍋底我地叫左個冬甫美人鍋，佢一上黎有半隻雞放起面，湯底係雞湯加上一片大冬瓜係底，另外有蟲草花、紅棗同娃娃菜，仲有非常養顏嘅桃膠！我地先裝碗湯黎飲，膠質幾重，雞味濃，真材實料呀！店員之後仲幫我地將雞同冬瓜碎上，方便食呀。日本飛驒牛(特價$249)食物方面我地都叫左幾多，揀幾個特別d嘅講下啦！第一樣一定要講日本飛驒牛，我地叫左個大嘅，黎到非常震撼，霜降油花非常靚，店員仲話係刺身食用級數，我地忍唔住即食塊試試，好似魚生咁滑嫩，同真係入口即溶，好香牛味！之後放湯淥，亦唔會硬，依然係油香陣陣，肉質鮮嫩，好滿足呀！Shake Shake 手工炸魚皮($78) 一共有6種粉可以選擇，我地就選左籽然粉，平時串燒就食得多，估唔到同魚皮都咁夾！味道非常惹味，而且魚皮係即叫即炸，大塊又非常脆口！仲有依家做緊推廣，只要shake 嘅時候拍片放上餐廳fb專頁，就可以減$50，即係講緊$28 乍，有得食又有得玩，就咁食又得，放湯又得，得左！老友鬼鬼($68)係另一款特色小食，佢係油炸鬼包黑松露墨魚滑，都算係工夫野。本身以為係放湯度食，點知原來又係可以即食！油炸鬼表面炸得好鬆脆，但墨魚滑又出奇地彈牙，好矛盾嘅口感，但又好好味，配埋個甜酸汁更開胃！特色腸粉($38) 又係值得一試，一般都係隔水蒸，佢反而玩自己用個 西 ，放落湯淥。蝦米腸食落又幾滑口，仲要吸收左個雞湯嘅味，幾有風味！不過記住唔好放太耐，會爛晒！一開始無注意，拎返上黎就出事了。養顏美人餃 ($78) 食得美人鍋點可以無美人餃！美人餃用料十足，豬肉餡配蟲草花、紅棗同桃膠。食落甜甜地，口感幾好，味道又幾夾，不過塊皮可以薄d！食到7788，又有新野店員話只要like佢地fb，就有甜品送呀！甜品係糖不甩同啫喱~糖不甩 係成條鯉魚形，仲要放湯煮熟佢，好似條魚游緊咁，好得意。而個花生碎好香口，仲食到一粒粒花生，甜甜地，又煙靭，非常好味呀！啫喱見到把遮仔，好有童年回憶，諗起細個酒樓食甜品咁。兩個人埋單都唔洗一千，坐得舒服唔在講，食物質素非常高，飛驒牛真係無得頂，入口即溶，Shake Shake魚皮同老友鬼鬼又夠特色，糖不甩做個完美結尾，下次會叫多d朋友一齊黎，試埋個象拔蚌刺身先得呀！P.S 打邊爐點少得啤酒，呢度飲酒係用戰鬥碗飮，好過癮架！…Read More

深藏於臥虎藏龍的九龍城，這裡絕對是一家值得回頭的火鍋店！嚐得出真材實料的湯底，食材不算非常多但卻都是優質精選，連傳統小食與甜品亦同樣十分有心思、處處有驚喜。雖是火鍋店卻每顯廚師功力與創意；懷舊的氛圍加上友善的店員與貼心的服務；實在抵贊^^Great quality of soups and ingredients topping with innovative traditional snacks and dessert. Good vibe with friendly staff. …Read More

今日黎到出名多野食既九龍城打邊爐呢間一入門口 已經好似回到過去 好有50 60年代感覺 仲要播埋音樂 超真實叫左個醉雞湯底 d雞係自己落既 可以煮到岩自己既熟度 唔怕滾到鞋十十 同埋都好多雞架 好足料 個湯底有紅棗、杞子同大蔥 好甜好養生👍🏻叫個美人餃 原來入面係豬肉 同紅棗 食落甜甜的 豬肉夠新鮮 正叫左個麥魚丸 入面有小小鵝肝 都幾精緻特別呢個豚肉就不得了喇 出乎預料之外 個肉質好嫩 煮完就夾埋片青瓜 點少少特製醬汁 有d豆味 好惹味 爽爽嫩嫩的口感👍🏻呢個安格斯牛 要滾一滾就立即拎返上黎 以免過熟 口感軟軟的 好香牛脂味 又睇得又食得加個米粉索埋d湯一齊食 超滿足 個米粉唔易斷 連埋個打邊邊精華湯底食 一流呢個一上檯 估唔到係糖不甩 超可愛 望住佢係個煲度煮熟既時候 好似真係有條魚係度游甘 好有觀賞性 點埋個花生食 熱熱地軟軟的 好好味呀 童年回憶返晒黎 👍🏻再加埋呢個啫喱傘 連花奶食 感覺好似回到過去 真係好開心既一晚 …Read More

女朋友話好想打邊爐，於是喺OpenRice搵吓搵吓就搵到呢間裝修懷舊嘅同撈同煲，再望下食平又唔錯咁，於是就拍板去試吓佢。同撈同煲就喺九龍城角落頭果間黃珍珍轉入去嘅街尾對面，因為位置比較偏僻所以可能未係咁多人發掘到佢。坐底要揀個湯底就已經有啲困難，因為佢頭嗰三款都幾吸引，不過今日突然間好想食醉雞所以就揀咗個醉雞鍋。水滾後鍋底發出陣陣嘅花雕香味，咁就梗係即刻落個半隻醉雞落去啦，話咁快啲雞就熟咗，個夥計亦都好有心機咁提示我哋可以試吓個湯底。唔試還好，一試真係好飲到停唔到口。我從來都冇試過打邊爐會將個湯底當湯咁飲，飲落去一啲都唔覺喊，就好似飲緊熱sake咁美國筒蠔亦都好出色，唔單止有大半隻手掌咁大，淥熟咗之後唔會點樣縮水，鮮甜得黎仲好juice，真係必食推介。夥計仲推介左貴妃旁俾我哋，兩隻都係$58，見佢咁大隻冇理由唔食呀。夥計又好溫馨咁提醒我哋，肉一離殼就可以食。真係未試過咁鮮甜彈牙嘅貴妃蚌，真係好想食多幾隻啊。我哋重點左個鴛鴦手打滑，黑松露墨魚滑同蟹子蝦滑。蝦滑味濃郁，墨魚滑彈牙又重松露香。兩人一碟好快手就KO左成碟。養顏美人餃子用料特別，有豬肉、蟲草花之餘仲有桃膠，但你就估唔到幾樣野加埋個味道夾得來又好突出，出面真係食唔到。 咁啱我哋去嘅時候有個特別優惠，就係消費滿$500再買like埋佢Facebook就可以獲贈安格斯牛。分量唔算多，但好濃牛味又唔肥，晒我哋兩口子鍾意食瘦嘢。最後夥計送嘅甜品都為我地帶嚟驚喜，就係糖不甩。唔好以為佢係一般嘅糖不甩，佢係每日新鮮製成鯉魚型狀，然後再係你面前放入湯底煮冧佢。起初以為鹹湯配甜食會好奇怪，但原來煮出嚟只有軟熟而無湯嘅味道，配合花生砂糖撈埋一齊食真係為呢餐畫上一個完美嘅句號。夥計同我地講優惠會隨時變，遲啲會唔送糖不甩，睇嚟我哋要快啲再計劃幫襯佢先得喇！…Read More