Rock Salt Japanese Restaurant (MOKO)

今晚的飯局由朋友話事，選擇了旺角MOKO新世紀廣場的「岩鹽日本料理」用餐。「岩鹽日本料理」原來有2間分店，今次到訪的是旺角店，裝潢華麗，座位闊落。精選壽司分別有中吞拿魚腩、赤身、三文魚腩、油甘魚、赤蝦、帶子和海膽軍艦等款式。剌身食材都頗為新鮮，其中中吞拿魚腩和三文魚腩入口肥美，帶有魚脂香；而海膽亦質感creamy。除了壽司，定食還包括了所有沙律、味噌湯、漬物，以及一碗牛肉烏冬，非常豐富。餐廳出名在日本釜飯，今次試了這款銀鱈魚釜飯。釜飯上枱後先等待1分鐘才可食用，甫開蓋已經飯香撲鼻。先把日本米飯、銀鱈魚、栗子、菠菜、枝豆等拌勻，雖然配有醬油調味，但覺得所有食材加起來已夠味。銀鱈魚肉質感十分嫩滑，配搭熱騰入味的米飯，令人胃口大開。因為是定食，所以同樣附有刺身、沙律、味噌湯和漬物。邪惡的鵝肝伴法包！鵝肝煎得很香，伴隨獨有的細膩口感和濃郁味道。配上法包同吃，麵包的鬆脆更能突顯它的軟滑質感。舖在飯面上的三文魚經炙燒處理，入口可強烈感受到它的魚油香味。另外，三文魚籽的爆珠口感更是畫龍點睛。而壽司飯部份更加了蛋黃醬，美味又邪惡。第一次試豆腐炸物，幾特別。豆腐外層被滿滿的鰹魚片包裹着，咬開酥脆的外皮後是滑溜的豆腐，截然不同的2種口感。不過就稍嫌有點油。點了2款飲品，碟豆花的一款顏色很漂亮。…Read More

晨早流流去旺角有野做，搞掂之後去moko食個飯，朋友想食日本野，周圍望左幾間，見到哩間午市未開門已經好多人排隊，而且午市套餐好多選擇，有刺身、壽司、釜飯、火鍋、燒肉等，所以就決定排隊等候入座。因為我地之後重有野要處理，所以我地冇叫到燒肉／鍋物，叫左壽司定食，貪佢快得黎又可以一解對日本美食嘅思念，但估唔到哩餐係咁唔滿意。一落單後，侍應好快就上左前菜，包括茶碗蒸、味噌湯，牛肉烏冬、沙律同漬物，但係我冇諗過除左茶碗蒸外，其餘所有野都係唔合格:茶碗蒸：正常發揮，但材料唔多味噌湯：淡而無味牛肉烏冬：比味噌湯更淡，而且牛肉片非常簿，湯又唔夠熱，有食緊「暖麵」既唔好感覺沙律：好少汁，冇味精選壽司定食咁個前菜我都可以算，因為重點始終都係壽司。但侍應既上菜速度好急，可能係有用餐時間上限嘅緣故。壽司有中吞拿魚腩、赤身、三文魚腩、油甘魚、赤蝦、帶子、海膽軍艦同其他卷物。壽司只係一般新鮮，但重點既中吞拿魚腩偏薄同冇咩油脂、帶子細隻兼失去左豐富既鮮味，好似收左水咁、海膽味道..好一般。重點，油甘魚有條3-4cm長骨，好彩未吞。最後餐廳只可以選擇雪糕或者咖啡/茶。杯熱咖啡好早上，已經變左苦澀凍咖啡。總結，性價比低，唔知點解咁多人願意排咁耐隊試，可能係我唔好彩吧。餐廳：岩鹽日本料理 (新世紀廣場) Rock Salt Japanese Restaurant (MOKO)地址：旺角太子道西192號新世紀廣場3樓367號舖  Address：Shop 367, 3/F, MOKO, 193 Prince Edward Road West, Mong Kok #instagramhk #instagramfood #food #餐廳 #香港美食 #香港餐廳 #灣仔 #觀塘 #屯門 #旺角 #早餐 #午餐 #晚餐 #hongkong #hongkongfood #hongkongfoodie #hongkongfoodblogger #food #foodie #foodiehk #wine #winelover #winelovers #steak #灣仔lunch系列  #旺角lunch系列 #岩鹽日本料理…Read More

星期五收工之後同阿媽行街，行行下突然心血來潮想食，而之前試過覺得唔錯，所以決定再幫襯。好彩唔係好多人，唔駛等就有位。定食好豐富，包前菜、牛肉烏冬、湯、主菜、飲品/甜品；牛肉烏冬嘅牛肉好嫩滑，烏冬好彈牙👍😋，至於重點所在嘅定食，以$200多少少嘅價錢可以食到有帆立貝、牡丹蝦同海膽嘅壽司定食，絕對係「物超所值」👍👍😋😋價錢唔貴，大部份套餐都唔超過$250，以日本餐廳嚟講，晚市呢個價錢唔貴，身處旺角可以用咁嘅價錢食到更加係 「抵」…Read More

今天在太古城食完午餐，逛街逛到差不多黃昏時間，轉場到旺角MOKO。由於午餐吃得很飽，原本打算輕食便算。經過岩鹽日本料理，想試試這間餐館，心想吃日本料理都不會很飽，便決定一試。雖然今天是假期，但人流不算多，等了一陣便有位。我們被安排坐到最入面的角位，是一個風口位。我們三人點了兩個定食：1)  精選壽司定食和 2) 安格斯牛扒定食。精選壽司定食有一個牛肉烏冬和壽司十貫。我不吃牛肉，所以給了同行的父親吃。他的評價：份量少、味道一般。壽司款式不錯，有中拖羅、海膽、蝦、帆立貝、吞拿魚、三文魚、白身魚、卷物等，算新鮮，味道都不錯。安格斯牛扒定食的安格斯牛扒超多肋，吃的大概只有一半，另一半要吐出來。反而定食的飯有少少驚喜，很有飯味，麵豉湯也不錯。我們吃完後準備埋單時向店員反影意見，告訴她那塊牛扒，她二話不說便幫我們取消了。我們有點不好意思，因為已經吃完，純粹只是想反映意見，沒有想過她會直接幫我們取消訂單；這個值得。定食包飲品或雪糕，我們點了熱咖啡，不錯。整體經驗不錯，有機會可以再光顧。…Read More

最近都好想食日本野，於是同朋友一齊嚟到新開嘅岩鹽日本料理。環境都幾靚，一入門口已經放咗好多海鮮選項，令人好期待佢嘅魚類。晚市menu都好多選擇，由牛排到刺身到咖哩都有，我同朋友揀咗好耐，結果大家都揀咗「精選壽司定食」，包咗中吞魚腩、三文魚腩、時令魚類等12件壽司，再加上牛肉烏冬同沙律。野飲方面，我地因為好口渴揀咗橙汁，後尾先發現有Haagen Dazs雪糕！好可惜。終於到喇！沙律嘅醋偏多所以比較酸，但整體都豐富清新。牛肉烏冬嘅肉有啲硬，似係為令人食飽而設多啲，無咩特別。壽司方面，賣相算係幾唔錯既，要讚係個set 包左大部份港人鐘意食既魚類，可惜食果日既味道唔算話好新鮮，只屬於普普通通既水平，依個價錢黎講算ok。不過個中吞魚腩都幾香口，一個set會包埋中吞都幾有良心，不過都係略為有少少惺，總體而言還可以既～…Read More

之前曾在銅鑼灣利舞臺的岩鹽日本料理品嚐過日式釜飯和數款小食刺身，一直以來印象甚佳，最近在新世紀廣場MOKO竟發現原來已經在此開設分店，尚未到六時門外已經有數位客人排隊等候餐廳開始營業。打開餐牌除了發現釜飯款式比以往更多之外，就連其他小食、刺身、一品料理等都變得更加多元化，而且更有多款晚市定食。金平牛蒡絲 ($48)牛蒡絲加入麻油、味醂、砂糖和醬油等調味，口感爽脆之餘酸甜清爽，份量亦比預期中多，作為前菜無疑是開胃之選。精選壽司定食 ($208)壽司分別有中吞拿魚腩、赤身、三文魚腩、油甘魚、赤蝦、帶子、海膽軍艦、時令魚兩款以及卷物三件，另外更附上一碗牛肉烏冬、味噌湯、沙律及漬物，相當豐富划算。壽司飯握得恰到好處不會過份結實或鬆散，惟美中不足之處在於沒有充分加入壽司醋調味，味道比較淡薄有如一般白飯一樣。刺身新鮮質素出色，赤蝦晶瑩剔透、鮮美爽彈，中吞拿魚腩油潤豐腴、入口即化。海膽色澤金黃飽滿、鮮甜甘香，亦是另一款個人最愛。牛肉烏冬份量十足，牛肉肉味濃厚、肥瘦相間，而且烏冬質感亦保持煙韌彈牙。菠蘿青檸特飲 ($38)梳打配以青檸酸香突出，舒爽開胃。這次來到旺角分店，感覺上服務與環境一如既往出色，但相比壽司之下始終覺得店方招牌的日式釜飯更勝一籌呢。…Read More