J-City

丼瀛有多間分店，每間都各有特色，觀塘工廈既依間除左可以室內食野，仲有露台空間可以比客人選擇係室外食S2築地壽司杯$138一杯杯排列得好靚，每杯都唔同口味，我個人鐘意食海膽杯厚切三文魚爆丼$138超厚既三文魚滿滿咁放係上面🤤睇都覺得好吸引香桃蟹籽沙律$78食個青瓜蟹籽沙律好開胃依到串燒好好食，1次過叫左幾款鹽燒雞腎$18好爽脆，而且有嚼勁牛舌$38 厚薄適中，咬落去肉汁爆哂出黎大蔥燒黑豚肉$24黑豚肉油脂感有入口溶化感覺，加上大蔥帶出鮮味厚燒玉子$24甜甜既玉子，口感香滑，蛋味濃郁本菇牛肉卷$30 金菇牛肉卷食得多，本菇牛肉卷第一次食，味道不錯，菇味更香濃…Read More

星期3晚朋友仔帶左我黎試新野為食mode啟動鳥....今次由朋友仔發板，先黎個油甘魚牛油果海膽沙律，好fresh喔，油甘魚切到細細粒，配埋沙律菜放入口，好正喔💕之後送上熱辣辣鍋燒烏冬，有炸蝦炸雞蟹柳，個人喜好鍾意食較淋身嘅烏冬，呢個簡直係我嘅favorite 串燒雞軟骨同雞腎燒得爽口，一口和牛好有牛味同好Juicy....朋友仔誠意推介嘅築地壽司杯，我見身邊每枱都有嗌呢個，應該都係食店嘅皇牌做型好靚喔💕❤️💕最愛佢地嘅蝦好鮮甜肥美，吞拿魚蓉亦屬佳品最後黎埋個厚切三文魚飯，配埋蟹子北寄貝，嘩嘩嘩，超滿足嘅一餐要讚下呢度d員工超細心同好人，見到我響度影相，就拎盞燈過黎幫我打燈好貼心嘅服務喔…Read More

難得同男朋友一齊放半日假 我地就落觀塘拎番之前訂既野順便食個晚飯 發掘下工廈小店今次食日本野 係樓下已經有見到寫住「丼瀛」既紅燈籠築地壽司杯 ($138)見到好多人推介呢款 賣相確實唔錯 用一個個小杯裝住壽司然後拼成一列都幾養眼一系列共有六款壽司 分別係三文魚、海膽、魷魚、魚腩蓉、甜蝦等等不過食起上黎都有d難搞 因為好難夾起成舊壽司岀黎食其中三文魚就最吸引 肥美厚切 上面仲鋪左層爽口爆汁的蟹籽北海道海膽油甘魚爆丼 ($148)油甘魚鋪滿整個丼飯 中間放左隻半流心既溏心蛋 旁邊就有甘甜既海膽 再配上一小撮既洋蔥絲 感覺好豐富原燒玉子($24) 鹽燒雞腎($18) 雞軟骨($18)玉子同雞軟骨火喉岩岩好 玉子燒食落好juicy 雞腎反而就燒得太過火 食落比較乾同硬身 金菇牛肉卷 ($28) 大蔥雞肉 ($18) 大蔥燒黑豚肉 ($24)上碟之前加左好多調味粉 所以食落特別惹味 另外洋蔥燒到特別香 男朋友好中意食另外 呢間餐廳成日都有訂座優惠 可以試一試…Read More

今日同男朋友去觀塘食飯，揀左間樓上日本野，門面都幾靚，有花心思去裝飾一下。<築地壽司杯，$138>呢度嘅築地壽司杯好出名，所以我哋都特登點左一個試吓。總共有七個杯，其中一個杯係放芥末同埋姜，一杯係吞拿魚蓉手卷，其餘有五杯都係迷你嘅刺身丼，包括三文魚、海膽、吞拿魚蓉、蝦子墨魚同甜蝦。每款都唔錯，都幾新鮮。但係海膽同吞拿魚蓉最令我難忘，海膽都幾鮮甜，無腥味。吞拿魚蓉配聰粒好正，仲要一個手卷一個係迷你刺身丼。呢個價錢絕對對得起價格，而且每款都可以食下，性價比夠高。<鍋燒烏冬，$98>呢個鍋燒烏冬有炸蝦又有炸雞，仲要有隻蛋，都幾多材料。烏冬都唔錯，但個湯略嫌偏咸。<一口和牛，$38>呢個一口和牛燒得唔錯，好腍好香牛味。<厚燒玉子，$24>一見到佢嘅時候，我好似第一次咁樣食玉子，係有少少失望嘅，但係食落又好好食，燒得啱啱好，好juicy。<明太子雞翼，$18>呢個明太子雞翼整得好好食，燒得啱啱好，而個明太子嘅份量恰到好處，小小辣，好滋味。<芝士雞翼，$18>男朋友食咗呢個芝士雞翼之後完全唔覺得自己食咗芝士，所以我估芝士味不足，不過佢又話都幾好食。<鹽燒雞翼，$36>另外我哋仲點咗個鹽燒雞翼，同之前嘅雞翼都一樣燒得啱啱好，外脆內juicy，好食！整體而言，其實呢間都唔錯嘅，食物質素中上，但都幾抵食。…Read More

今日觀塘接女朋友收工,正好元宵佳節👫緊係要食返餐好!😋不過每逢大時大節,裕民坊呀APM呀果邊都係人山人海😵所以今次決定搵樓上舖隱世美食🤟🏼今次去到一間叫丼瀛既日式餐廳🇯🇵.APM後門果到一出就係巧明街,話明搵樓上舖就緊係抬頭望,呢個時侯你就會發現萬綠叢中一點紅🏮.搭LIFT一上去到就知佢係邊,可能因為近農曆新年既關係,仲有好多紅當當既裝飾.入面地方好大有分室外都室內位,室外位有臨時帳篷做頂,女朋友第一時間話坐室外,我一望到D裝修就明白了🌸室外座位有好多靚花,小燈飾同手作裝飾品,打咭指數💯!不過始終重點都係食野,伙記話佢地呢到海膽出名即刻叫左個海膽沙律先!沙津入面唔止有大舊海膽,仲有油甘魚魚生🥑,一個字:新鮮!基本上唔洗點咩都已經好好味.個沙律用左少少醋調味，酸酸地幾開胃.之後仲order左個築地壽司杯，用酒杯仔既形式載壽司，一行6杯壽司加一杯wasabi.海膽份量依然超多!仲有各種經典壽司，但我最鐘意既係吞拿魚卷🐟紫菜包住滿滿吞魚生，一啖食哂😋不過元宵都係涼涼地🌬點都要叫返個熱食🔥甜甜地既壽喜燒幾乎都係我地去日式餐廳必點! 熱辣辣上枱，牛肉份量超多!雖然已經飽飽地，但都忍唔住叫左幾串串燒為食下🤤最推介玉子燒!好香蛋味，成4層厚👍🏽做甜品一流🍡…Read More

朋友在觀塘上班，約了在觀塘食日本野，在工廈的，叫丼瀛。觀塘的放工時間人多得有點恐怖，五分鐘的路程也要花上雙倍時間。清酒煮大蜆 $78，入口嚐到好濃的清酒味，蜆大大隻，間中一兩隻有沙。串燒點了厚燒玉子$24，蛋味好香，還有一口和牛 $38，肉嫰。串燒即叫即燒，熱烘烘的，不會放到微溫才上枱。北極光海膽杯 $168，裡面有海膽、松葉蟹、海葡萄、黑魚，最底部是紫薯，好特別的配搭。築地壽司杯 $138，壽司以杯上，先來視覺享受，再以味蕾品嚐，壽司沒有冷藏味，但不算很鮮味。龍蝦刺身爆丼 $218，非常吸睛之選，龍蝦拆肉拌以沙律醬，刺身有不同款式的魚，還有配上溏心蛋。…Read More

❣️呢一日約左係觀塘既朋友食飯，因為我收得早d，就去觀塘join佢啦。同埋一直都聽人講，觀塘工廈有好多正野食，一於叫朋友帶路啦。📍位置朋友叫我係搭地鐵，話驚收工時候會塞車。我地係觀塘站A2出口會合左，穿過APM，黎到巧明街，右轉，榮昌工業大廈，5樓A，離地鐵站10分鐘路程，都幾方便喎。❣️環境&座位呢度除左有室內座位，仲有outdoor座位架。雖然依家係冬天，但其實outdoor都加哂膠簾，阻擋左9成9既風啦，都見到餐廳係outdoor座位裝埋冷氣機，就算夏天黎，都唔洗怕熱既。❣️Menu 晚市冇set既，以散叫為主。可以留意下牆上既告示牌，會有時令海鮮推介。✨龍蝦刺身爆丼 ($218)造型十分震撼，除左有原隻熟龍蝦、仲有多款不同既白身、紅身魚刺身，塊塊新鮮厚切，2個人share食都好滿足。✨清酒煮大蜆 ($78)大蜆粒粒飽滿，肉質爽口，食落有清酒味，又冇沙。✨築地壽司杯 ($168)有6款壽司，分別係甜蝦、吞拿魚蓉、魷魚、海膽、三文魚，造型精美。海膽同吞拿魚蓉最深得我心，海膽size夠大夠creamy，吞拿魚蓉拌埋蔥一齊食，好香好好味。✨北極光海膽杯 ($138)一層疊一層，顏色鮮豔奪目，真係好似北極光咁震撼。有黑松露、海葡萄、三文魚籽、蟹肉、紫薯，每一層都有驚喜。✨一口炸芝士 ($34)炸既時間掌握得幾好，粒粒色澤金黃，冇過多既油份。咬落口，d芝士多到滿瀉，好治癒啊。✨一口和牛 ($38)有濃濃既牛味，食得出係上乘既牛肉，好juicy。✨厚燒玉子 ($24)甜甜既厚燒玉子，配埋餐廳既特製醬汁，食唔停啊！❣️總結呢間餐廳情調幾好，暗暗地，又有足夠空間，幾岩收工之後黎輕鬆下。而室外座位都掛滿左星星燈，好岩打卡。…Read More

以往去觀塘，只懂得在地鐡站連接的商場，但自從知道附近的工廠大厦隱藏了不少跟大商埸內的連鎖食肆有別的餐廳，令我更想去試試尋寶，發掘一些臥虎藏龍的地方。這是我第一次去觀塘工厦吃日本菜，所以都滿心期待，入到店內，地方寛敞開揚，最特別是店內竟然有室外有蓋的用餐區，兩種不同格調，各適其適。香桃蟹子沙律（$78）👍👍👍👍👍沙律用了蘋果和青瓜，並切成幼絲，再加上蟹子和香桃。蘋果絲入口芳香清甜，跟清新爽脆的青瓜絲味道互補，加上爆脆的蟹子和香甜的香桃，整個沙律十分討好，亦為我們的晚餐作一個甜美的開始。龍蝦刺身爆丼（$218）👍👍👍👍👍原隻的龍蝦放在丼飯的正中央，除此之外還有多款時令刺身，有帶子、三文魚、劍魚腩、三文鱼子、北寄貝等等，各款刺身都很鮮甜，上面還有一隻流心蛋。再説丼飯裏的主角，原隻龍蝦 - 龍蝦尾已起肉，並切成丁方狀，配合了沙律醬和蟹子，就是一個美味的龍蝦沙律；巨型的龍蝦㟛，去殻後，肉質鮮嫩多汁；最後龍蝦頭𥚃面的蝦膏，可以拌以白飯放在紫菜上，自製一個龍蝦膏手卷。築地壽司杯 （$138）👍👍👍👍👍這個築地壽司杯既可獨食亦十分適合和朋友分享，每杯壽司杯都放了不同的材料，有海膽、牡丹蝦、蟹子魷魚、拖羅蓉、三文魚子三文魚、拖羅蓉小卷。細細杯壽司杯，吃完都很飽肚。安格斯牛肉壽喜鍋（$118）👍👍👍👍安格斯牛肉壽喜鍋材料十分豐富，有牛肉和雞蛋，下面更有金菇、冬菇、大蔥、洋蔥、小棠菜、旺菜、粉絲和豆腐，十分健康。鹽燒雞翼（$36）👍👍👍👍雞皮燒至香脆，雞肉仍保持細嫩，一人一隻，份量剛剛好。牛舌（$38）👍👍👍👍牛舌一串有三件，厚切的牛切入口彈牙多汁亦不會靱。簡單以鹽調味，已能夠帶出其美味。一口和牛（$38）👍👍👍👍一口和牛入口軟滑並帶有油香，一口一粒，吃得盡情。大蔥燒白鱔（$38）👍👍👍👍新鮮的白鱔，魚皮燒至香脆甘香，跟大葱一起吃更能夠帶起白鱔的鮮甜，亦可平衡鱔肉的甘膩。門面內在環境室內用餐區室外用餐區餐牌…Read More

今日收早無咩野做就係𝕒𝕡𝕞行下街，順便約埋朋友食下飯聚一聚👭朋友係觀塘既地膽，她知道我想食日本野🇯🇵就簡左食丼瀛～位於榮昌工業大廈好近amp果邊店內既環境都好寧靜💕龍蝦刺身爆丼$218這個爆丼好吸睛呀👀有原隻龍仲有三文魚、帶子、油甘魚、三文魚籽等刺身新鮮美味😗糖心蛋都煮得剛剛好又好好味，夠晒流心既效果😻龍蝦🦞超大隻又超鮮甜，龍蝦每個位置都有野食到，龍蝦頭入面有膏，可以撈飯食🍚兩隻龍蝦鉗大大隻，折埋食仲有好多肉係入面，而且食到咸咸地好重海水味👍🏽🌊龍蝦身既肉已經切好了一粒粒，有沙律醬和蟹籽係面，肉質鮮甜彈牙~鍋燒烏冬 $98由於朋友夜晚唔想食咁多飯，所以叫左個烏冬俾她食....有個生蛋係中間，烏冬軟軟的 。炸雞肉浸住個湯，都唔會太冧築地壽司杯 $138很精緻吧😻有7個杯裝著壽司，除左第一個係壽司薑片，其餘果6杯是舖滿了各種不同的刺身，刺身下就是壽司飯，分別是三文魚三文魚籽、魷魚、甜蝦、海膽、吞拿魚、拖羅蓉手卷。海膽食落去好肥美鮮甜，溶係口度🤤刺身好新鮮啲飯既份量岩岩好，一口就食到串燒點了牛舌$38、一口和牛$38、日本蕃薯$16、大蔥燒黑豚肉24，整體燒出黎唔會燒到好乾身，鎖到🔒肉汁🤤，肉質仲好嫩~平時小胖子見到有大蔥係唔會食的，見到呢個大蔥燒黑豚肉燒得好靚就連埋豚肉一齊食啦，哇...好多汁🙊大蔥味好重但燒過既味道好味過平時就咁食牛油果藜芴沙律🥗 $88用牛油果做沙律係能最直接吸收到營養的，加上又有藜麥岩曬減肥人士，又可以無咁罪疚感。菜既份量都很多，牛油果🥑和汁係底，所以食之前要撈好啲。汁係酸酸底好開胃~…Read More

丼瀛日本菜位於觀塘工廠區，在工廠區開餐廳好處是租金平，所以會令成本大大降低 ，食物質素提升價錢會便宜一點首先介紹餐廳丼瀛是中環區日本餐廳S2 Kitchen旗下的，師傅自十五歲開始研究鐵板燒，亦曾在松菱、有馬等知名日本料理店工作，中環總店以新鮮刺身作賣點，後來大膽改變風格，專注創作海膽菜式，聽聞餐廳曾創下單日26萬的網上點擊率地址不難找在地鐵站天橋一落直行巧明街轉左邊行一分鐘不用便見到榮昌工廠大廈內有房間，用來公司食飯也滿方便餐牌選擇非常多款香桃蟹子沙律 $68用料：蘋果絲，青瓜絲，蟹子，香桃份量是3-4人份量，真的想不到那麼大份食落味道比較清新，食完還想再食的感覺，沙律醬不會過多，用來清清口腔也可築地壽司杯 $138三文魚魚子/蟹子帶子/甜蝦/黑魚子海膽/吞拿魚壽司杯有7隻杯，其中一個是芥末三文魚比較肥美還配上魚子海膽原本已是一款令人覺得矜貴的刺身，還放上了黑魚子，令到壽司更加凸顯了海膽的身份爐端燒 order了5款日本番薯 $16 燒到外脆內淋，非常香口的蕃薯 一口和牛 $38和牛入口即溶大約5成熟，不會燒太熟鹽燒雞翼$18肉質鮮嫩，雞翼尖濃左燒黑豚肉$26菠蘿燒$28 菠蘿比較酸，但個人喜歡酸的食物安格斯牛肉壽喜鍋$118 甜甜的鍋底配上白飯真美味，牛肉過火 有一點硬味道 賣相衞生服務抵食推介…Read More

觀塘工廈一直都是小弟的飯堂，唔單止選擇種類多，而且食物也不錯。今次來到這家日本餐廳丼瀛，想必這裡主要以丼飯為主。餐廳的裝修以居酒屋和棕色木系為主題，也充滿和風，令人感覺舒適。油甘魚牛油果海膽沙律 油甘魚味道新鮮，份量都很多，反而牛油果太少，牛油果香濃細膩，吃起来口感嫩滑。海膽甘甜軟綿，帶些少海水鹹香，也算鮮甜。而蔬菜為整碟沙律添了幾分清新，食多也不覺油膩。築地壽司杯一共有7個壽司杯，除了第一個是壽司薑片，基本上每款個壽司杯上面舖滿各種不同的刺身，而下面則是壽司米飯。其餘6款壽司杯分別是拖羅蓉手卷、蟹籽帶子、海膽、吞拿魚、三文魚和三文魚籽、甜蝦。海膽同樣甘甜軟綿、肥美鮮甜。三文魚籽晶瑩飽滿，咬下去口腔充斥住鹹鮮！拖羅蓉入口軟滑脂香，細緻滑溜，非常豐富，十分滿足！龍蝦刺身爆丼很精緻的賣相，最吸睛莫過於是龍蝦了，色澤橙紅。而色彩繽紛的刺身鋪砌到滿一滿，幾乎放不下。有龍蝦、三文魚、帶子、油甘魚、八爪魚、希靈魚、糖心蛋等，但我個人就不喜歡希靈魚，其他的都非常新鮮美味。而主角龍蝦刺身亦不令人失望，龍蝦肉已挑出並與蟹籽製成沙律，蝦肉肉質鮮甜彈牙，沙律帶甜而不失原有之龍蝦味，很不錯。而龍蝦鉗肉有很重的海水味，齒頰生香。芝士飛魚子軍艦牛油炒大蜆 牛油的香氣非常香，一上碟已不自覺就垂涎三尺了！蜆肉很多，亦都算肥美，配上白飯一流！今次的丼飯和壽司杯最為深印象，賣相吸睛，食物質素也不錯，可謂色香味俱全！…Read More

之前見到openrice有好多人話呢間唔錯，同埋見到佢既龍蝦丼都幾吸引,所以就來左呢間同朋友慶生~丼瀛門口掛上了2個日式紅燈籠門口擺放了餐牌餐牌上的食物種類都算多樣化,有沙律,主食,爐端燒,蔬菜類....仲有人氣推介既海膽杯,築地壽司杯和龍蝦刺身爆丼入面已佈置了聖誕裝飾餐廳地方很寬敞，有Indoor也有Outdoor龍蝦刺身爆丼賣相好美呀，色彩繽紛的龍蝦刺身爆丼除左有龍蝦刺身外，仲有帶子，吞拿魚，鱆紅魚和北寄貝刺身再加埋粒糖心蛋和飛魚子粒，真係非常足料龍蝦刺身好好食，大約有5粒龍蝦刺身咁上下，食到龍蝦既鮮味，味道咸咸鮮鮮撈埋d沙律醬食，正呀糖心蛋都好好味，夠晒流心築地壽司杯這個用壽司杯上都幾特別，賣相也不錯~佢有7個壽司杯，其中一個係紫薑，其餘6個壽司杯分別有海膽，甘蝦，帶子，吞拿魚，拖羅紫菜圈同三文魚壽司杯~甘蝦同帶子都幾鮮甜海膽有少許苦苦地其它都正正常常安格斯牛肉壽喜鍋壽喜燒係本人至愛，湯底甜甜的正呀，加埋粒蛋，冇得輸呀牛肉又唔會韌配料還有豆腐，金菇，冬菇，菜等等。。紐西蘭羊架呢個又係冇得輸，羊架好香香草味熱吃又唔so芝士雞翼這個芝士味不太出，但都幾好食，雞翼外層脆口味道咸咸的，雞肉肉質都好嫩新鮮熱辣，食個時仲係出煙的油甘魚頭連鮫這個整得好香口，外層都好脆魚肉肉質都可以吱埋d檸檬汁食都唔錯員工都好有禮貌整體食物，環境，服務都可以…Read More

又到周年記念日，又到年度食好味野，真心工廈係一個非常不錯既選擇，上年係工廈食西餐慶祝，今年就選擇左呢間日本菜，入面既裝飾就好似日本既居酒屋，室內室外任君選擇2個人order左以下幾款食物，全部都好有質素好滿意油甘魚牛油果洋風海膽沙律~油甘魚同牛油果切粒上,再加上原塊海膽,蔬菜亦夠新鮮,配上柚子醋汁,我認為係一1個唔錯既STARTER...燒物~選擇左4款...牛舌， 茄子， 煙肉露筍，日本蓄薯仔...全部都係即燒--牛舌好爽口,燒得岩岩好--茄子每邊都"查"滿左面豉醬,味道更上1層--煙肉露筍, 薄燒煙肉包住幾條露筍,菜與肉既perfect match--日本蕃薯仔,3件1串,夠晒甜丼瀛龍蝦刺身爆丼..呢個不得了,又睇得又食得, 龍蝦好鮮味,龍蝦頭&腳分3件上, 可以就咁食, 至於龍蝦身,師傅就用黎做左沙律,食落都係啖啖肉.再加不同款既魚生片,呢個丼, 飯同魚生+龍蝦既比例好似1:1咁...物超所值!! 仲有流心蛋~~~~築地壽司杯~一共有7杯,分別係 (wasabi +酸薑 //  拖羅手卷 //  海膽杯 // 拖羅杯 // 魷魚杯 // 三文魚加魚子杯 // 甜蝦杯) 咁多款入面最鍾意就係海膽, 其實夠新鮮就已經係王者, 呢個杯令我諗返起北海道既味道!! 拖羅就係第2最愛, 好欣賞丼瀛對主角既份量豪不吝嗇, 拖羅同壽司飯比例係完美, 坊間有好多壽司/放題店既飯肉比例.....你懂的!!鍋燒烏冬~~鍋燒烏冬份糧好多, 配上2件炸雞、1件炸蝦天婦羅、日式魚旦片、半生熟蛋...岩晒寒流襲港既時候食...食完暖笠笠~~不得不提,炸雞好入味既,一定要未淋之前趁熱食!!!我對呢個拍拖周年飯好滿意,…Read More

好好味！這間很有日式居酒屋風味的小店❤️是中環人氣食店S2旗下的分號，現到觀塘工廈區開業位置較隱蔽，但食材質素好，而且價格也合理身為觀塘友當然要去試試啦😊來這裡有兩大招牌菜：1是龍蝦丼，2是海膽杯，因為太想吃燒海鮮，我和朋友決定二選一，選了邪惡的海膽杯😍北極光海膽杯：賣相一流的海膽杯😍一共有七層，彩虹🌈色的海膽杯不單視覺效果一流，味道也有驚喜，首先插狂海膽上的是香脆銀魚乾，喜歡香口的朋友一定愛！第一層是主角-鮮甜的海膽和黑魚籽，兩者皆鮮甜無腥苦味，然後夾到一串串翠綠色的海葡萄，卜卜脆口感很新鮮，二層是嬌豔欲滴鮮紅色的三文魚籽😋下面是海膽口味的玉子，然後夾雜絲絲清甜可口松葉蟹肉🤤還有微甜港女最愛的紫薯！混和蟹肉和雞蛋一起吃意想不到這樣夾🤗築地壽司杯：除了賣相極佳的海膽杯和龍蝦丼外，不妨選這份壽司杯，因為可以試齊多款鮮甜的刺身😍最適合花心鬼！有海膽（沒錯！海膽Again🤣)、甘蝦、三文魚併魚籽、蟹籽墨魚、吞拿魚茸和吞拿魚小卷，下面有一小杯飯，胃口不大的人也很合適。之後當然是燒物時間☺️☺️☺️全部即叫即燒，而且爐灶都很開揚，可以看到師傅即場燒製，聞到陣陣香味，未吃到已唾涎三尺🤤牛舌+蒜香燒一口和牛：牛舌和和牛粒是店家推介，的確是香口又有牛味👍🏻軟稔不靱。還有自家製芝士魚餅燒是朋友推薦的，微燒過後芝士半溶很美味😋明太子雞翼：❤️私心覺得必食，飽滿香脆的雞皮，因為咸香的明太子釀入雞翼確是特別好吃😋再來是火燒連環鮮😈每款海鮮都是數十元有交易～丼瀛蟹膏甲羅燒：甲羅燒份量不大，但如此邪惡之物🤣細細份也合適啊！活鮑魚殼燒：鮑魚本身無味，沾秘製醬汁好吃，燒得軟稔可口👍🏻活貴妃蚌殼燒：爽口鮮甜，價格也較便宜北海道松葉蟹腳燒：好鮮甜😍秋冬必吃時令松葉蟹！原味帆立貝殼燒：比較普通，但也鮮甜。喜歡的話再開一瓶清酒慢慢歎😚就更棒了！另外不得不提開胃菜香桃蟹籽沙律：青瓜絲和青蘋果新鮮清甜爽口！配上甜甜的糖水蜜桃和蟹籽非常夾！份量大，四個人分享也足夠！有風味，價格又合理，最重要是食物質素好，終於找到一個吃燒海鮮不會吃到窮的地方了！…Read More

又到週末都係時候食啲好嘢獎勵下自己。 經過觀塘巧明街， 成日見到好多工廈樓上食肆派傳單。 這間丼上網search過 唔少好評， 一於試試。餐廳唔係特別豪華裝修， 不過甚具特色， 唔夠六點已經有客人開餐。望住餐牌已經有選擇困難症。 好多特色小食，串燒，刺身料理可選擇。北極光海膽杯 $198 ( 試食價)鍾意食海膽嘅我見到有款北極光海膽杯做緊試食價。所有材料就放喺隻香檳杯裏， 顏色層次分明， 好似一杯色彩繽紛嘅芭菲新地。 最頂層的是黑色嘅蟹子， 仲有一塊炸得香口嘅脆脆， 有魚乾嘅味道。 接著是 甘甜嘅海膽， 質地唔会好糊身， 新鮮冇腥味。 味蕾一下子被打開了。海膽下面是海葡萄， 還有粒粒 晶瑩通透的三文魚子， 份量唔少。 再深層的是蟹肉;蟹膏豆腐， 最底層紫色嘅係紫薯蓉， 嘗試把蟹肉和紫薯撈勻吃， 估唔到味道好夾， 鹹甜溫和融合。築地壽司杯 $148另外我們也叫了推介的"築地壽司杯"每隻杯都 盛載著唔同款式的刺身和飯。先吃第一杯黑魚子和海膽。 海膽仍然都是那麼甘甜， 飯嘅份量原來都唔少。 感覺每杯有三件壽司饭份量。跟著是2隻大頭赤蝦， 鮮甜味美， 米飯份量比例剛剛好。接著是橙色系列三文魚子和三文魚。 三文魚有甜味， 唔錯，好新鮮! 蟹子魷魚 魷魚好滑好煙韌， 配上醬油 特別滋味。 吞拿魚蓉杯， 上面灑上蔥白和一些 蘿蔔乾， 好特別好有口感， 吞拿魚蓉更見鮮味。 再來就是迷你紫菜 吞拿魚蓉卷， 包上紫菜兄是另一種傳統食法。 吞拿蓉幼滑!除了刺身壽司 杯， 當然還選了其他串燒。 一口甜薯， 日本一口小甜薯， 即烤即食軟糯香甜。 豚肉露筍卷。 露筍爽嫩， 配上少少鹹香嘅豚肉好惹味。燒鰻魚外皮燒得香脆， 仍保留鰻魚的肥美油香。 推介燒牛舌， 很爽嫩， 一啲都唔乾唔韌。 簡單灑上鹽已非常美味。 燒茄子都很特別， 但茄子上的燒醬 過多， 茄子能夠燒耐一點更good fit.…Read More