KILN CHICKEN

Happy Friday! 一於去試下元朗必食既窯燒雞😋店內雖然只得3-4張堂食枱，地方不算太大，但老闆與食客既互動令到氣氛非常融洽，在此環境進餐令人有家既感覺❤️眼見到老闆係有幾百度高溫既窯取出新鮮香脆既燒雞，真係流哂口水😋 皮非常之脆，用剪刀一剪開係好似薯片咁既聲，剪開見到滿滿既雞汁雞油，雞肉非常滑，真係好美味❤️❤️ 另外老闆推介窯燒野味骨，係一排排豬肋骨，月剪刀一剪開肉汁係爆哂出黎，果然名不虛傳👍👍另外，還有桂花車厘茄，一咬落去又係爆汁，好清新既味覺❤️❤️同老闆言談之間，發現他真是用心去準備食物給客人，真係非常難得，值得極力推介👍👍👍👍…Read More

大棠荔枝柴燒雞就聽得多，咁耐以黎都只係食過一次，位置太偏僻實在太少入去🥴而家屋企附近開咗間都係用個窯即燒嘅雞，同埋可以提早WhatsApp預訂趁屋企人生日就試吓過下口癮🍽️預約咗6:30pm拎雞，啱啱好去到就見到師傅係個窯到拎出嚟啱啱出爐真係新鮮滾熱辣🤤返到屋企仲係熱辣辣老人家表示好開心，可以食到即燒即食嘅雞都唔容易，畢竟花嘅時間太多，而家好少舖頭會做咬落去雞皮脆卜卜，雞翼尖直程脆到連骨都食得，燒嘅火候啱啱好🤗裏面嘅肉質都好夠滑，唔會燒得太老而嚡口，個皮比較有味我個人鍾意多d，老人家就鍾意肉滑易咬同埋有雞味👍🏻絕對有下次我見舖入面有個櫃專係風乾d雞，食完就明左點解咁花功夫同時間…Read More

內地呢一兩年興起窯燒雞，宜家香港都陸陸續續開窯雞啦！唔駛專登返大陸食。平日18:30到訪，已有很多街坊在等窯燒雞，好彩我一早預訂左，去到即刻有得拎。店內有好幾個窯燒爐窯緊雞，師傅們都好忙碌燒雞，務求每隻燒雞每一面都烤到金黃色。返到屋企急不及待打開，熱辣辣香噴噴既窯雞！噢！店家仲好貼心附送交剪同即棄手套。隻雞外脆內軟，肉質嫩滑，肥膏唔多，燒得好均勻，剪開入面好多汁！雞胸裏面塞左d香草，散發出一陣煙熏味，令人垂涎欲滴。…Read More