Kam Shan Seafood Restaurant (Closed)

一行13人假期約食晚飯，唔想次次打邊爐，朋友提議食小菜，人多可以叫多幾款餸試多啲。最後決定提早一星期book定金山，一齊試下呢間老飯店中菜😋今次我地坐2樓，房內都係大圓枱，當晚入座率都有8成，好彩唔係好嘈，可以慢慢食慢慢傾計。環境係一般老飯店格局，房內夠光乾乾淨淨，空間足夠，唔洗背貼背坐。侍應笑容親切，落單速度快。就算喺2樓都長期有侍應喺到睇住，唔怕搵唔到人。小菜夠鑊氣，整體唔錯，只係部份菜式偏咸。食飽飽仲有一人一碗中式糖水送。今餐平均每人200蚊。…Read More

一路都知油麻地多食市，就約班fd去尋食，行行吓見到呢間好似幾多，當商議緊入唔入去，侍應就出來叫我哋入去試吓，好即管入去試一次店內都幾多人冇乜位剩，侍應忙到唔得閒等你想食乜，叫你想好先過來既然大家想飲啤酒吹吓水，就叫d送酒菜，另外叫侍應介紹d特式菜首先就試吓侍應介紹既雲英雞和上湯中蝦煎米粉底雲英雞，比平時食既雞更嫩滑，雞腎好爽上湯中蝦煎米粉底，平時上湯龍蝦伊麵就食得多，呢個餸都係第一次食，需然中蝦冇龍蝦噤啖啖肉，但中蝦都幾大隻，肉都好新鮮彈牙，米粉就冇伊麵噤滑，但煎過既米粉再索左過汁，食入囗有雙重感覺，脆得來又稔稔地，好跟住就到我哋選既送酒菜，豉椒炒花甲，豉椒好嘢味，辣辣地，花甲食落冇沙黃金墨魚餅，好厚好大件，墨魚餅超彈牙炸大腸拼京都骨，炸大腸炸得乾身左d，京都骨用半肥瘦肉排，入口唔覺鞋幾軟滑窩貼鮮蝦小棠菜，未見真身以為係窩貼，見到真身就覺得似春卷，食落囗先知係用蝦溝埋切碎小棠菜打成蝦膠再沾脆漿炸成，口感外脆，內裏蝦肉彈牙而又食到小棠菜，幾重口感馬拉盞通菜，熱辣辣超嘢味最後就係砵酒焗蠔，一開錫紙散發出陣陣砵酒香味，咬落口蠔味濃而帶微微既酒香今餐真係冇得頂…Read More

一貫舊式酒家的環境，如果要骨致請客的，請另選別家。這兒價格合理，質素比大排檔好。游水海鮮，都不是甚麼貴價貨。若著重鑊氣小菜、平實海鮮的包君滿意。每次都先來一個煲暖胃，總有溫吞的感覺。，(1) 魚卜粉腸薑蔥煲。本人少吃豬雜，但吃進口，粉腸皮軟像剛劏開的，乾淨沒異味。一口魚卜已經滿口膠質。(2) 炸大腸拼京都骨 。京都骨肉質不過不失，半肥瘦。醬味太濃且杰身，吃幾條已經夠。炸大腸上桌還有油泡，炸的乾身，最欣賞他配甜酸醬。(3) 窩貼鮮蝦小棠菜。店名菜，蝦膠配小棠菜打得彈牙，沾漿炸的外皮脆。至於是否特別出色，也並不見得，總之比別家做得好。(4)牛油白飯魚。椒鹽白飯魚吃得多，牛油炸的比較油膩，白飯魚的味道較單一、不及椒鹽出眾。(5)清蒸海班。一直覺得，魚，還是鑊氣酒家做得好。魚蒸出來不熟透，是對的。中間的骨頭還黐著肉，今次我算幸運，時間剛好，吃得津津有味。看起來很普通的家常菜，煮炒賣相實而不華，放入口直接品嚐得到原味才是王道，海鮮明買明賣，這是我欣賞金山的地方。…Read More

霸氣係由啲員工《流露》出黎！！！我都去咗食個好幾次，我好鍾意呢度嘅服務態度，有一種似曾相識既感覺---澳牛！我一早已經諗好晒食乜嘢，入到去即刻叫，跟住再同啲朋友吹下水。呢個時候有幾個大姐（嬸）行入嚟，夥計就帶去埋去坐低，坐低之後佢哋又話張枱細又話迫又話熱，跟住有第二個夥計同個同事講"唔L使理嗰的C9！麻L煩"，雖然唔係好大聲，但係我哋聽到嗰班C9都一定聽到,食花生^^（雖然我都覺得個班C9好煩）個班C9即時黑面，想爆又唔敢爆，笑死。跟住我啲嘢食話咁快就到，先來左雲英雞，雞肉香滑，搭埋幾舊雞腎，送啤酒一流。再嚟豉椒炒花甲，豉椒味差少少，但係花甲肉尚算鮮甜都係送啤酒之選。砵酒焗蠔用錫紙包住焗，一開咗淡淡既砵酒味，但係食落就淨係食到蠔嘅鮮味，贊！上湯中蝦煎米粉底，係上次個夥計叔叔介紹我食嘅，上湯中蝦，蝦肉鮮甜爽脆，加埋個咪粉底煎得通透，再沾埋啲上湯一齊食，贊讚！鍋貼鮮蝦小棠菜，如果你以為係鍋貼，少年你太年輕了。其實係啲蝦膠溝啲小棠菜粒再沾脆漿炸，咬落外邊香脆入邊嘅蝦膠彈牙，加埋小棠菜粒三重口感。炸大腸拼京都骨，京都骨用半肥瘦肉排，肉質幾軟滑，炸大腸偏乾身，有少少柴皮嘅感覺。黃金墨魚餅，餅身偏厚，漲漲的，咬落同啲墨魚膠一樣咁可口彈牙，又係要黎送啤酒。-----完----- …Read More

這個周末吃過美味的生蠔 <<查看按我>>，我們也吃了另一番風味的砵酒焗蠔。我在附近完成了工作，就跟隊長相約在油麻地金山試試這裡好吃的「砵酒焗蠔」。▲ 例湯用小瓦煲端上。我們先點了是日例湯 (小$40、例$60、大$80)，原以為小號大約是一碗，差點想要過例號，店家說小號已經有8湯碗，本身還在懷疑，上枱後就發現真的很足夠我們兩口子。是晚是霸王花豬肺豬展湯，只是略為偏咸。湯碗比飯碗大一點，我們兩個湯精，把湯喝完，真的有足足8碗！隨湯附上湯渣一碟，生在富貴年代已經很少有吃湯渣的時候。這碟豉油伴豬肺豬展，感覺經典，豬肺豬展亦夠滑，不「鞋」，老一輩吃著吃著想必會回味那些年的日子。▲ 窩貼鮮蝦小棠菜先來了「窩貼鮮蝦小棠菜」，原以為是伴煲窩貼，哈哈，端上才發現是炸物，(我被菜名誤會了)份量不少有10片，最適合4-5人共吃。外皮很脆下，就算放涼了，皮依然脆卜卜。內餡的蝦膠彈牙，略帶蝦味，小棠菜的份量不多。最欣賞是窩貼先以腐皮包裹，才拿去炸，吃下時帶一絲豆香，是這道炸物令人回味之處。不過略嚴偏油，窩貼下的吸油花紙整張都是油笠笠。▲ 黃金墨魚餅墨魚餅一客 6 件 (隊長太餓就先吃一片嚕~)墨魚餅炒得不油，上枱時馬上聞到墨魚香氣，十分吸引！一口咬下時仍是熱騰騰，而且有墨魚的香味，爽口彈牙，很適合一家歡的小菜。▲ 砵酒焗蠔用錫紙包裹，上枱時才打開，一陣熱熱的蒸氣過後，就看見焗蠔呈現眼前。蠔肉先炸後焗，伴以蒜頭、蔥頭和砵酒焗過後，帶微微的砵酒香，而不太濃，蠔肉結實，帶蔥爆香，很有小館風味，佐飯最開胃。只是份量較少，有六顆大蠔，還有零碎的數顆小蠔。砵酒焗蠔值得 encore，大伴兒來吃記得多點數份。每個周末金山也是滿滿的食客，可能因其價位不高吧。這裡的確性價比高，很適合大伴兒良朋好友、合家歡。我們兩人再次已俏瘦的身型，吃掉 3-4人的份量， (我們每次的特大胃口也把店家嚇壞)這次三餸一湯只是3百幾元 (正常的2人組合真的不會吃這麼多)…Read More

本想打電話去訂位, 但唔通, 所以去到等. 點知一等就好耐, 仲要係無飛? 佢就咁MARK底你幾多人就當係MARK左, 好無安全感. 係咁追要等幾耐, 仲有幾多張枱, 只係知我地前一張係咩人等緊… 等我地諗住放棄食其他野時, 佢終於話下一張到我地. 最後仲有張紙仔俾我地, 叫我地唔好上住, 叫先上~守得雲開見月明, 終於等到~上左兩層, 原來上面幾闊落, 四個人叫左雲英雞, 4隻椒鹽瀨尿蝦, 豉椒炒蟶子, 墨魚餅, 窩貼鮮蝦小棠菜.雞我覺得普通左D, 無話真係特別嫩, SOSO.必食椒鹽瀨尿蝦! 好味! 大隻就唔係好大隻, 但勝在肉多, 鮮甜, 加埋YIP得好, 唔太咸, 非常滋味, 係咁啜隻蝦~~墨魚餅好正, 用料十足, 加上爽口彈牙, 外皮又炸得唔太油, 好味!窩貼鮮蝦小棠菜, 本身以為係小棠菜上面有D蝦, 結果大錯特錯, 係窩貼咁既樣炸左裡面有蝦肉同小棠菜, 賣相出人以表, 炸得脆, 肉都彈, 但唔係好食得出蝦味.豉椒炒蟶子豉椒味普通, 但係彈牙.食左瀨尿蝦大家都覺得等係值回票價~ 可惜沒有糖水, 因為送完了.今餐推介必食: 椒鹽瀨尿蝦, 墨魚餅~ …Read More

十一黃金周，適逢好友由北京遠道而來回港渡假，聚舊飯局當然不能少。最後連主角約好一行十一人來到佐敦的金山吃海鮮。金山一向人頭湧湧，今日更是周末夜，所以早早致電訂座時也只有晚上八時半的第二輪時段，當然準時到達後亦要多等一會才可入座，而今次我們同樣被安排坐在三樓的大檯。金山海鮮的質素一向有保證，可惜很多款式在第二輪已售罄，包括桶蠔、瀨尿蝦王、蟶子王、花螺等，就連非海鮮的田雞及炸大腸亦不能幸免。 例湯：為羅漢果鯪魚煲野葛菜豬踭，例湯味道濃郁，除了喝得出魚鮮外，還有羅漢果的清甜。喝湯其間店員奉來一碟雜草似的東西，其後才知是湯渣的大量野葛菜。 陳皮蒸飽魚：連生鮑不算十分大隻，但鮮甜肉厚，煙韌而不硬，口感一流。 :) 蒜蓉粉絲蒸貴妃蚌：最初店員稱貴妃蚌已售罄，但後來原來還有，所以來了每人一隻。貴妃蚌很鮮甜，鮮味沒有被重味的蒜蓉蓋了，值得推介。 蒜蓉粉絲蒸扇貝：硬殼扇貝不是當造，所以大小參差，雖然仍是新鮮，但略欠口感。 豉椒炒蜆：大路的豉椒炒蜆，蜆肉不太突出，但豉椒汁料香濃惹味，如果再添些鑊氣便一流。 雲英雞：雞肉嫩滑，而且雞味頗濃，作為招牌菜確沒有失禮。 :) 窩貼鮮蝦小棠菜：每次來均要點的小菜，把切粒鮮蝦及小棠菜蓉釀入蝦膠中，炸成金黃色的窩貼狀。外觀看似很油膩，但入口爽脆之餘也不會太油，內裡盡是啖啖蝦肉，絕對非吃不可。 椒鹽九肚魚：九肚魚炸得很乾身，顏色偏淡但味道出奇地惹味，外層香脆但內裡魚肉仍是棉軟，口感與味道皆好。 :) 薑蔥粉腸魚卜煲：粉腸及魚卜一羶一腥，不是每個人也有興趣。但這裡的粉腸及魚卜不但沒有那股難聞味道，反而滲滿濃郁的薑蔥味，邊緣位置還帶點香口，連不好此道的朋友也忍不住一吃再吃。 生煎蓮藕餅：蓮藕粒混在魚膠內，份量不算多，但整體味道還不算差。 沙拉醬燒排骨：排骨肉不算厚，但肉質尚算嫩，味道甜中帶微酸，有點似糖醋排骨，可以吧。 生炒排骨：排骨炸得外脆內軟，肉仍不厚但口感比之前一道稍佳，但卻多了點油膩。 婆參鮑片北菇柚皮：海參與柚皮份量不多，乍看以為是普通的北菇鮑片扒時蔬。 海參發得恰到好處，軟硬適中，柚皮棉軟還帶特有香味，北菇肉厚卻不會太硬，鮑片雖然現成罐貨但品質也不錯。整體味道很好，加上汁料鹹淡適中，不稠不稀，很健康的一道菜哩。 :) 瑤柱琵琶豆腐：琵琶豆腐口感與味道只屬一般，加入少量瑤柱絲略添貴氣，但始終不見突出。 椒絲腐乳通菜：店員為「點甚麼沒甚麼」而贈送的一道菜。鑊氣雖欠奉，但通菜青綠無渣，加上腐乳味道濃郁，算是不錯。今次雖然有很多想吃的海鮮缺貨，但其餘菜式味道仍屬高水準，以百多元價錢算是足料，但似乎下次要選個平日頭輪時段再來，方可盡點一眾生猛海鮮哩。 …Read More

閣別近一年，今晚為慶祝舊同事榮休，再來到佐敦的金山食海鮮。雖然是平日，但這裡一樣座無虛席。我們今次被安排坐在三樓，未開餐就要練練腳力。 店內環境沒有太大的變化，同樣是那樣樸素的舊式酒家，和那班年紀稍大的侍應們。這裡海鮮的質素一向靠得住，所以隨便點自己喜歡吃的已可。最後我們點了海鮮、雲英雞和幾個小菜，當然還有老火湯吧。 青紅蘿蔔煲豬展陳腎：是日老火湯，材料火候十足，味道一流，我們一行五人每人分得一大碗，正！ 豉椒蟶子皇：蟶子皇鮮甜肥美，以豉椒炒後切成小段，既方便又好吃。 蒜蓉粉絲蒸扇貝：扇貝大隻，乾淨無沙，鮮味沒有被蒜蓉蓋過，值得推介。 陳皮蒸鮑魚：鮑魚肉厚彈牙，簡單以陳皮蒸，已能帶出鮮味。以刀叉吃鮑魚，感覺很豪哩！ 蛋白花雕蒸蟹：有點像吃凍蟹，蟹肉味道很鮮甜，但花雕味不重，就算吃蛋白也不會醉吧。 雲英雞：除海鮮之外這裡另一招牌菜。雞肉嫩滑，雞味頗重，很好。 窩貼鮮蝦小棠菜：炸得香脆卻不油膩，雖然蝦肉切成碎，但入口仍啖啖蝦肉，味道一流，又一推介之作。 炆斑頭腩：枝竹炆斑頭腩，還有火腩冬菇等材料。斑頭腩嫩滑得來也很入味，味道也不會太鹹，不錯。 :) 魚滑魚湯浸皇帝菜：除火鍋外，少有以皇帝菜主打的菜式。除皇帝菜外，還有數件魚滑及墨魚滑。魚湯算是香濃，但連同魚滑等味道偏淡，這也突顯皇帝菜特別的味道。 綠豆沙：附送的糖水為陳皮綠豆沙，不太甜，尚可。整體食物質素超卓，味道也能保持到，仍然是小弟在市區吃海鮮的心水店。但要避免在周五周末等旺場日子，否則吃得太趕，而且店員服務態度會明顯不同哩。 …Read More

與舊同事敘舊，無論如何也要食好些。今次選了佐敦的金山。這間食店以海鮮最有名，之前到過一次，味道確不錯，但由於是星期五，訂了位亦要多等近半小時，而且吃得有點急促。今次選在星期三晚，希望可以真真正正享受一下豐富海鮮餐。這店除了兩個地鋪，還有二樓三樓雅座，座位頗多，但食客始終絡繹不絕，經常爆滿。鋪內乃一般酒家裝潢，桌椅也普普通通，不花巧。侍應年紀較大，一如一般老鋪模式；是日由於是閒日，所以亦有花時間向我們作推介。貫徹「食好些」的宗旨，我們除例湯外，全部選了海鮮菜式。例湯：霸皇花煲豬肺湯，標準老火湯，一飲再飲。 豉椒蟶子皇：洗得乾淨無異味，而且非常肥美，啖啖肉，一流。 椒鹽瀨尿蝦皇：一隻分為三件，肉質爽口，味道鮮甜，加上重料椒鹽，正！ 陳皮蒸鮑魚：侍應特意奉上刀叉，正因鮑魚肉厚兼彈牙，再配以淡淡陳皮香味，清香味美。 蒸蓉蒸扇貝：巨型扇貝，貝殼有一隻餐碟般大，粉絲吸滿蒜蓉汁，與扇貝一同入口，正！ 茄汁大蝦碌：一樣鮮甜味美，但之前幾道實在太出色，這個顯然稍稍比下去。 :)辣酒煮花螺：用上類近冬蔭功湯底辣汁，辣味十足，要邊吃邊飲啤酒，花螺略嫌太細，不能有「啖啖肉」的口感。喜歡挑戰辣度可試試吸滿辣汁的粉絲及芽菜！ 砵酒焗桶蠔：桶蠔大大隻，以錫紙包裹用砵酒焗，雖然嘗不到酒味，但桶蠔本身已夠鮮味，不錯。 :)窩貼鮮蝦小棠菜：壓軸好菜！！！自己對小棠菜感覺一般，加上一向在外面點相近菜式也是一口油和太多粉漿。但這個絕不油膩，小棠菜切碎混在蝦肉中，必食推介！ 紅豆沙：陳皮味頗重，不過不失吧。 :)名正言順的海鮮餐，埋單也不需三百元，最重要是海鮮夠新鮮，可說是平靚正！…Read More