The Corner Coffee

平時喺灣仔通去會展嗰條橋嗰度都見到呢間好有人氣既餐廳，今次決定過嚟見識吓😌 原來係一間幾有特色嘅樓上cafe，都幾多人喺度飲緊咖啡👍 佢係一個比較自助形式嘅餐廳，喺counter度落單，跟住自己可以揀bar枱，梳化位或者普通枱，嘢食準備好嘅時候就可以過去counter度自己攞嘢食，個感覺好舒適😊香煎咖啡漬三文魚扒配泰式酸辣汁拌法式扁豆及蔬菜 🐟 第一次試咁樣調味嘅三文魚扒，都幾特別㗎，少少甜甜地再配埋泰式酸辣醬好惹味😍 配菜嘅擺設都好靚😄秘製辣醬炸雞芝士漢堡配黑松露醬薯條 🍔 另外都試咗佢嘅芝士漢堡，用咗秘製嘅辣醬調味都係好惹味，配菜可以揀薯條或者沙律 🥗竹炭黑芝麻 Basque Cheesecake 🍰 甜品有我最鍾意食嘅芝士蛋糕，黑芝麻味可濃郁，唔會太甜，啱啱好😌Peanut Butter Caffe Latte (Nutty) 🍹飲品有我最鍾意嘅花生拿鐵，仲有粗花生粒添 🥜 Columbia 百香果 ☕️呢度有好多唔同嘅drip coffee揀，試咗呢隻比較甜啲啲嘅百香果口味😛 呢隻烘焙會比較light少少，但係個Aftertaste啱啱好😊…Read More

環境5分：樓上西餐廳响舊樓一樓入面，近地鐵站夠方便，地方好大好四正。門口果邊有好多野賣。坐响度望住玻璃出面嘅行人天橋人來人往都幾過癮，感覺自己正在慢活嘅節拍，可以畀五分。衛生5分：梳化位非常整齊闊落，廁所响𨋢位隔離，非常獨立。點完餐會有個搖控器，等响就可以去落野食，牆邊有任攞飲用水，餐具同紙巾，好乾淨企理，衛生一樣畀五分。服務 5分：侍應生解釋咖啡飲用次序好清楚，落單同備菜時間都快，效率高，滿分。味道5分：1)    個啖啖蜆肉辣味明太子意粉份量足，Ｄ意粉好al dente，蜆肉超級多，鮮甜肥美，少少辣味帶起個胃口，非常好食。2)    個秘製辣醬炸雞芝士漢堡配黑松露醬薯條個漢堡包大大個，視覺上非常震撼，包夠鬆，面層有大大塊芝士黐住，雞扒好脆又唔嚡，中間仲有幾圈紫洋蔥，生菜同蕃茄，全部夾埋黎食非常豐富飽肚。另外上嗰個黑松露醬好重菇味，點薯條一流。3)    熱Black Sesame Charcoal Latte拉隻狗仔花非常得意，個芝麻味好重但又唔搶，有少少奶香，一定要encore。 4)    杯凍木瓜乳酪味Columbia Hand Drip Coffee清香又清涼，飲完成杯咁清澈嘅咖啡晚黑都瞓得好好。5)     甜品威士忌提拉米蘇好軟熟，少少甜又唔溜。抵食5分：每人兩舊幾水响非常舒適嘅環境食飯嘆咖啡，有得畀手機叉電，自己個人都可以叉埋，心靈同個胃都一樣咁滿足，都係滿分。…Read More