堡品牛腩 (Closed)

天寒地凍，最適合打邊爐！🥘咁啱又想食牛腩，但係坊有得打邊爐又有得食牛腩嘅舖頭少之有少。今次過嚟食喺石門京瑞一期嘅「堡品牛腩」。牛腩麵 、五香牛雜麵 、牛肚麵、牛筋麵…… 除咗可以喺度食粉麵，最令人驚喜嘅係居然有得打邊爐！牛腩煲定牛雜煲？你想食邊樣就揀邊樣！而今次就食咗呢度嘅（秘製牛腩煲$308）套餐包括：白魚蛋、牛丸、墨魚丸、魚腐生菜一碟同魚皮如果覺得唔夠喉，仲可以追加更多火鍋食品！但係重點當然係牛腩煲本人啦！整體成個牛腩煲都絕對唔失色，牛腩非常之容易入口，加上湯汁充滿蘿蔔嘅鮮甜，所有配料都格外入味！大讚！同時記得要試埋佢呢度嘅手炒辣椒油，啖啖配上香濃嘅牛腩，絕對唔少得。想打邊爐？又想食牛腩麵？唔使諗啦，推薦大家搵日嚟試吓！再唔係，買返屋企同屋企人些牙仲得添！

最近石門京瑞一期開左一個同平時牛雜粉麵不一樣的食肆，平時嘅牛雜粉麵呢間舖頭都有，佢嘅牛腩有唔同嘅部位，崩沙腩，牛沙瓜，牛坑腩，五香牛雜，各式丸類等等都好出色。你哋梗係會問到底點樣飛一般呢？登登登鄧⋯⋯秘製牛腩煲套餐 $308包括有：魚腐，白魚蛋，牛丸，墨魚丸生菜一碟魚皮唔夠仲可以追加材料真係荒間好少有粉麵檔，將牛腩牛雜用打邊爐形式上枱，別有一番風味，而且個湯底都好正，食完唔會好口渴！再配埋特製辣椒油，一試難忘

最近氣溫急降，每日都凍冰冰，令到個人好想食一些熱騰騰的食物，雖然好少會去石門，但今次經過見到這裏的商場已經開了很多食店，就決定找其中一間有火鍋吃的食店試一試。秘製牛腩煲$308一個餐有一煲牛腩（以生菜及白蘿蔔墊底），另外額外有牛肉、墨魚丸、魚蛋、魚腐（各2粒）、及一份炸魚皮、生菜。牛腩煲好足料，牛腩份量比條想像中多，肥及瘦的部位都有，個人就最喜歡有肥肉位的牛腩，一口咬落充滿油脂香味，如果鍾意食辣既朋友可以配埋佢地既秘製辣醬，同行朋友食完話好食，不過我本身唔食得辣，所以覺得原味已經夠味，牛腩既湯會比較清，所以食完都唔會覺得膩。當你食完本身個牛腩煲，就可以好似食火鍋般加入其他配菜加熱來吃，我個人幾欣賞他們的炸魚皮用袋分開裝，這樣上桌之後，你就可以選擇甚麼時候倒入碟中，以保持炸魚皮既脆度；牛肉丸一咬下會有少少爆汁（要小心燙），牛丸的牛味夠濃郁、墨魚丸食落質感有些像魚蛋，但就多了一些墨魚粒，質感會比較爽口，魚蛋就及魚腐則跟平日吃的差不多。如果本身不算大食，2個人食一個煲已經好夠飽，而且食完之後個人都會即刻感到暖笠笠的。飲品方面就比較岩不好甜的人仕，樽仔奶茶（跟餐$12，單點$24 ）茶味香濃，