CROWN SKY RESTAURANT

九龍灣酒家選擇不多，這間位於國際展貿中心三樓的酒家空間寬敞，我和家人間唔中都會在中午來飲茶食飯（午市：11點半-3點）。酒家的午市套餐相當抵食，手造點心、炒粉麵和小菜都有高水準，還有幾款潮洲食物都不錯。今日食咗3款點心：水晶蝦餃皇、蟹籽鮮蝦燒賣、豉汁蒸排骨。全部都新鮮好味。炒粉麵選了沙荼牛肉炒河粉，甚有水準，非常驚喜。首先河粉有口感和米香，不是那些碎濕濕，一挾即斷的貨色。其次是用潮洲式炒法，潮州沙荼醬較鮮香，比馬來沙嗲甜一些，而潮式做法屬於濕炒，先炒香河粉，沙荼牛肉淋上面，食時才拌勻，這個與港式乾炒牛河完全不同。最後是牛肉夠嫩滑，所以非常美味。見到鹹菜豬肚湯如此深色就知道非常夠味，鹹菜和豬肚都好食，胡椒可以再下多點，飲完好暖胃。最後來一碗福果芋泥作結。芋泥軟滑，口感粉糯，加上煙韌的白果，口感豐富。…Read More

潮州菜多以大排檔同比較舊式既老店比較為人知曉今次黎呢間就係一間酒樓格局而環境闊落舒適想不到九龍東都有咁高質的潮州菜做完功課見環境唔錯就同拉埋爸爸一齊黎想必中年男子對小菜是有一種鍾愛(其實我都係...👦🏻兩小口潮洲菜的紀錄 Lets get start_ʕ-ᴥ-_ʔ┈┈┈┈┈┈┈┈┈┈┈┈┈┈┈┈𓅿 沙茶牛肉芥蘭 $128蔬菜類中爸爸既top 1 就係芥蘭所以order而沙茶醬調味則是係潮汕食品較為常見的食落花生味香濃，辣味卻偏淡芥蘭食落不苦澀而炒得相當幼嫩牛肉質感食落唔會醃到林晒 沙茶醬莎莎嘅質感保留到喺度但係又唔會蓋過原材料嘅味道𓅿菠蘿咕嚕肉 $108佢揀芥菜我都唔弱揀左樣中菜入面我的favourite炸粉一啲都唔厚，甜酸味適中啖啖肉而相當脆口仲有菠蘿同青椒紅椒洋蔥配料味道上可以作一個中和🤤𓅿香煎蠔仔酪 $108潮州菜必選呢個蠔餅新鮮炸起所以相當酥脆而蠔仔的份量都相當之多𓅿 竹笙北菇燉菜膽(位）$48可以Order 每人一碗湯底相當之清足料而不乏燉湯入口應有的厚度𓅿 反沙芋頭 $68新！鮮！炸出黎！咬開砂糖外皮包圍著的是炸至金黃色的芋頭芋頭咬落相當粉呢個緊記要襯熱食 超級好正🫠🫠🫠💕💕💕💕不過要注意既係同部長傾計多口講好好食 佢就反映返由於工序較為繁複所以晚市先有得供應喇～(-□-□)✧𓌉𓇋 ‎𓅿 福果芋泥 $48鍾意食芋頭嘅朋友想必一定會愛上呢個食落去一啲都唔甜而且芋頭黏黏質感 令你不禁想食完一口又一口芋頭始終比較飽腹感重 建議兩人一同Share🤩𓅿絲苗白飯 $18小菜同靚仔🍚應該都係perfect match 啦～？我地Order 一碗兩份食💕💕=͟͟͞͞♡ 其實有好多傳統潮沖州菜式都好想食, 好似蝦棗, 鱔糊咁都好想試埋🥹…Read More

太太來九龍灣接我收工，在Megabox行左一陣，就過九展覓食，最後去左之前去過的新潮樓食晚飯😎✏️位置（7/10）： 九展三樓，交通尚可✏️環境（9/10）： 店面廣闊，座位夠多✏️衛生（8/10）： 乾凈企理，餐具衛生✏️服務（8/10）： 禮貌有加，掃碼下單✏️食物（8/10）： 精緻中菜，味道唔錯🌟客家黃酒雞(半隻) - $138黃酒味十分香濃，半隻雞肉份量也很多，肉質嫩滑惹味😄🌟自家製蝦蟹棗 - $148包括蝦棗及蟹棗兩款各四粒，炸得香脆，豬肉味香，口感幾好🥰🌟蠔仔肉碎粥 - $108大大煲潮州知名的蠔仔粥，米粒煮得綿滑，蠔肉飽滿，配合肉碎令粥很有鮮味😍🌟竹笙北菇燉菜膽 - $48/位一人點一碗，是用大白菜、竹笙及北菇煮的湯，清甜滋潤，有家的味道😜🌟椒鹽鮮魷 - $108香口的椒鹽鮮魷又點可以錯過呢，外皮炸得香脆，內裡鮮魷水嫩鮮甜，不會感覺油膩😚🌟福果芋泥 - $48傳統潮州甜品，非常幼滑的芋泥，和潮式芋泥月口感相似，味道不算甜，值得一試😃🌟反沙芋頭 - $68另一款潮州甜品，先炸香的芋頭條，然後加入糖及水反覆翻炒而成。餐廳炒得香而不甜，食落去外脆內軟，芋頭口感香糯，相當唔錯😄🌟夏枯草/竹蔗茅根 - $22/杯汽水飲得多，這一次就選擇了兩款涼茶，清涼解渴😘🏠新潮樓 📬地址： 九龍灣展貿徑1號國際展覽中心3樓319-329號舖…Read More

好耐無食潮州菜，星期日去九龍灣展貿睇展覽，順便上3樓「新潮樓」食飯。這兒有齊各種潮州小菜、滷水、打冷，還有點心供應。潮州菜的風味是清淡鮮美，我覺得這間潮式餐館的菜式普遍都少鹽少糖，小菜不會過鹹，甜品又不是好甜。餐廳空間闊落，免費泊車，啱曬全家眾動員。不過注意它只有午市（11點半-3點）和晚市（6點後）。🔶滷水鵝片（$168）潮州菜必點鵝片，例牌也很大碟，除了表面的十幾塊鵝片外，底下還有鵝肉和酸菜。滷水甘香醇厚，滷水和酸菜都不過鹹，酸菜爽甜無渣，特別好食。🔶油鹽水九肚魚（$108）九肚魚鮮美嫩滑，略嫌份量較少，粉絲湯好美味，清曬。🔶自家制蝦蟹棗（$148）分別用蝦肉和蟹肉加豬肉打成的蝦蟹棗，非常香脆，配帶點甜酸的桔油同吃，不覺油膩。🔶普寧蘿蔔灌漿（$68）用腐皮包着清甜的蘿蔔絲炸到金黃，外脆內軟又有口感，是簡單美味的潮州小食。另外我們叫了兩款非常地道的潮州甜品：🔶福果芋泥（$48）芋頭泥質地軟滑，口感粉糯，加上煙韌的白果，每一啖都有幾層口感，而且少油少糖，十分出色。🔶反沙芋頭（$68）反沙是指糖由粒狀轉成液態後再轉回固體的過程，是一道很講究烹調功夫的甜點。芋頭非常粉嫩，每條外層都有硬脆的糖霜，很有趣。茶錢（$12/人）鐵觀音甘而不苦，回甘嘅感覺令人特別醒神和解膩。…Read More

一通關即刻有親戚返嚟，仲住埋喺我屋企，於是乎就近近哋去EMAX搵食。外國返嚟當然想食中菜，最後就揀咗新潮樓。呢度地方夠大，如果鍾意環境寬敞有空間感嘅，呢度真係不二之選。星期五六日仲有Live Band喺度演出，夠晒氣氛。每次食潮州菜，有兩款必點嘅菜式，其中一款就係滷水鵝片，而且仲有得揀選自由配搭雙拼同三拼。滷水鵝片當然就係主打，佢嘅鵝片唔算有太多肥膏，但係食落口感仍然係軟滑唔會太韌，加上佢嘅秘製滷水汁又唔會過鹹，整體感覺都好好。墨魚都係另一款受歡迎嘅滷水菜式，墨魚既彈牙又爽口，每片都夠大塊，揀呢個配搭完全唔會後悔。原本想揀豆腐，不過店員話豆腐唔靚，最近冇做滷水豆腐，最後我哋就揀咗豬耳，脆卜卜嘅軟骨，配上入味嘅豬皮，呢個份量淺嘗一下啱啱好。另一款潮州菜必點菜式就當然係香煎蠔仔洛，佢嘅做法同出面有啲唔同，粉漿嘅比例比較多，所以就零瀉脆口，但我個人就比較鍾意蛋漿比例多啲嘅口感，不過佢都勝在每隻蠔仔夠大隻，所以整體都唔錯嘅。自家製蝦蟹棗粒粒都夠晒大粒，蝦棗彈牙而蟹棗就夠鮮味，最鍾意佢有得雙拼，人數唔多都可以食到。潮州嘅蔬菜類就一定揀排骨春菜煲，呢個春菜煲嘅湯相對較清，仲有好多薑粒，可以驅走芥菜嘅寒氣。一般乾炒牛河就食得多，但呢個沙茶牛肉炒河粉都係第一次食，原來牛河混入沙茶醬係咁特色咁驚喜，牛河大大碟，牛肉份量又多，而且口感又夠腍，仲加入咗幾條芥蘭，下次一定要再嗌！最後當然要食個甜品，我哋喺反沙芋同芋泥之間揀咗呢個福果芋泥，果然好滑好香，而且又唔會太甜，認真一流。…Read More

星期五晚放工買咗戲飛喺九龍灣展貿睇戲，所以就順便喺嗰度食埋晚飯。商場有美食廣場，但收得早，最終我哋幫襯咗位於3樓嘅中菜館🇨🇳「新潮樓」。餐廳環境好大，係一般酒樓格局，望落仲幾適合擺酒席🥂。但始終係平日晚上，同埋位置隔涉，晚市相對靜局。我哋差唔多成九點先入座，不過店員們絕無一絲不耐煩，並樂意介紹菜式，而且廚房出餐好快，整體服務態度非常抵讚👍！除此之外，食物份量多亦係另一賣點。滷水三併，食潮州菜當然唔少得滷水🥢，滷水定價相宜，最貴嗰款嘅鵝片都只係$168，雙併則每款加$20，等同可自由組合併盤。我哋要咗鵝片、鵝腸(原價$98)同墨魚(原價$98)，另外再加咗隻滷水蛋🥚($12)。滷蛋幾入味，睇蛋黃色水就知。滷水鵝片肉質細嫩，🦢鵝皮煙韌，肉散發住鵝香，每片切得厚薄適中，富口感。滷水鵝腸烚完都無縮水縮得好勁，鵝腸處理得乾淨，無乜肥衣同無內臟味，食落爽脆🤤。好耐無食過呢種滷水墨魚片🦑，質感爽爽的，味道本身比較清，所以能突顯滷水香味。黃金大蝦($168)，驟眼睇覺得菜式賣相其貌不揚，因為完全睇唔出係大蝦🦐，反而似蠔餅多啲；而實際上係因為炒鹹蛋黃碎碎將大蝦埋藏。🍳鹹蛋黃流沙效果一流，鹹度啱啱好，唔會過火。大蝦有六隻，同虎蝦大小相若，肉質十分爽彈，証明食材新鮮。潮式炒麵線($108)，🍜麵線係其中一樣潮州特色食品，佢畀人一貫印象都係好淋、好爛，但我偏偏又好想食🙈。估唔到餐廳嘅炒麵線一改刻板印象，麵條唔易截斷，炒得夠鑊氣兼乾爽。麵線用足料炒，包括有叉燒🐷、蛋絲、韮菜同芽菜等，口感豐富。題外話，麵線激大碟，我諗分到成十個酒樓碗仔，唔係講笑。我哋食唔晒，打包咗返屋企。啫啫蝦乾蝦醬通菜($108)，通菜煲好惹味💚，皆因用上蝦醬同蒜頭爆香，味道恰到好處，唔會過份濃烈或太鹹。通菜菜莖脆卜卜，菜葉就索盡精華，用瓦煲作為器皿能夠有效保溫🔥。竹笙北菇燉菜膽($48)，本身想嗌大湯窩🥣，但肚皮有限，所以只能嗌一人份嘅燉湯，如果胡椒豬肚都有得點碗裝就好了。竹笙瘦肉燉湯清清哋，一滴油都無，簡簡單單都唔錯。福果芋泥($48)，我第一次食正宗潮州芋泥🍠，原來係咁好食。芋泥口感綿密滑溜，同台式甜品舖嗰啲唔大同，芋頭香氣四溢，唔會太甜，白果則能稍為解去膩度。甜品記得要襯熱食，否則凍咗就爭好遠。飲品方面🥤，我哋要咗夏枯草($22)同竹蔗茅根($22)，兩杯都好清涼，能消暑解滯。夏枯草甘而不苦；竹蔗茅根則可口甜蜜。總括嚟講，新潮樓嘅食物出品好高質😋，食潮州菜都唔一定要去九龍城或者名牌店。除咗味道好之餘，餐廳性價比仲好高，我搵唔到可挑剔嘅地方💯，下次會帶埋屋企人嚟試吓！…Read More

已經很久沒有吃過潮州菜了，所以就去了位於九龍灣新開的新潮樓嚐嚐。餐廳地方很大，桌椅之間都很寬敞，空間感十足。裝修用色簡約優雅，屏風、枱布帶中式元素。餐牌食物選擇很多，菜式也很吸引～早午市有提供點心、腸粉。而除了一些常見的潮州菜式外，還有一些比較罕見的菜式，例如梅膏骨和黃酒雞。餐廳可以用QR code下單，也可以職員幫忙下單，即使不懂科技，年紀大一點的人都能照顧到。職員都非常細心，時刻留意到客人需要，服務殷勤。〰️潮州菜必吃的滷水♡滷水鵝片$168 拼 +$20鵝腸+$20$墨魚鵝片肥瘦恰好，鵝味香濃，鵝腸、墨魚也很出色，配上醬汁更加惹味。底部有大量韮菜，浸泡在滷水汁中，非常入味。♡客家黃酒雞(半隻)$138 🥢必點🥢上菜時已經有陣陣的酒香味，湯底用上黃酒、紅棗、木耳等，湯底好香，忍不住都喝了幾口！雞件肉質幼嫩，淡淡酒香，容易入口。♡潮汕梅膏骨$118 🥢必點🥢伴碟很精美✨️山炒骨、沙拉骨就吃得多，第一次嚐梅膏骨，本來都在想用梅會否酸味很重，但吃起來味道不會很酸，而且有梅的香味，再用上肥瘦各半的肉質，口感味道都非常好～♡黃金大蝦🦐$168蝦很大隻，肉質新鮮彈牙。連蝦殼炸的，炸得金黃酥脆，蝦頭的膏味道很香，可以整隻連殼放進口吃掉呢！配上黃金咸蛋的咸香味，十分邪惡😈重口味的我😛覺得咸蛋味道，如果可以再濃郁一點會更加正呢！♡鹹菜豬肚湯$128 🥢必點🥢足料火候夠👍鹹菜豬肚份量好多，胡椒味濃郁，喝後胡椒香味道遺留在口腔，令人回味～♡福果芋泥$48面層有白果作點綴，芋泥蓉夾雜點芋頭粒，芋頭味香濃，不甜不膩。*另收加一服務費 …Read More