渣華軒 (Closed)

😋😋新一年，黎緊好多朋友都要約開年飯、春茗或者團年飯等等，就等我地黎介紹一個你估都估唔到有野食，但係又非常值得推介嘅隱世高質私房菜啦😍點解話估唔到呢? 原因係呢間私房菜位於渣華道體育館樓上，你真係可以睇住人打波一路食飯架🤣🤣 海景餐廳就見得多，體育館餐廳大家又點睇呢?😆 (不過去嘅最好睇清楚地址，佢唔係渣華道街市入面架).雖然體育館，好似唔太吸引，但係渣華軒食物嘅質素絕對值得一試再試，無論你係想影相打卡，定食好西，呢到都滿足到你😉 (其實我地黎左三四次，絕對誠意推介😎)咁到底有咩好食呢? 呢到其實同一般私房菜一樣，要事先訂位，包場都係7-8圍左右，店舖唔大，但係黎到一定要試佢個12人阿拉斯加大蟹粥全包宴🦀。12道菜，包埋一個20人份成個洗手盆咁大阿拉斯加大蟹粥真係唔講得笑😮 (覺得太誇?可以掃右➡️睇圖架😂真係無扼你😂 )，泥鯭粥底，加上成隻淡淡肉嘅阿拉斯加蟹，份量十足加上味道真係一流，抵食夾大件，岩哂一班人黎食👍🏻👍🏻.除左個勁吸晴嘅阿拉斯加大蟹粥，其他菜式都值得推介😋豬肺湯椰汁非常清甜，豬肺又滑又爽口，飲落真係夠哂潤👍🏻🦐其中蒸蝦新鮮就唔洗講，佢仲用左藥材去蒸，蝦身入哂味，正😋仲有羊鞍鮮嫩得黎又唔羶，仲要用石燒上菜，保證熱辣辣，真係忍唔住食多兩件😳🐤貴妃雞麻油味非常出眾，又唔會太咸同油膩😍😍.仲有值得一提大廚嘅得獎菜黃金裹蒸粽，煎到金黃色嘅裹蒸粽入口外脆內軟，面頭加上柴魚同素鮑魚增加口感，值得一試👍🏻👍🏻.🦀阿拉斯加大蟹粥全包宴( 一至五 $2980, 六日及假期 $3,180, 12位, 每加一位$120，免加一)🔹京淮五小碟🔸古法滋補桑拿蝦🔹回彊熱石火焰羊鞍🔸碧綠蝦子鮮菇鮑汁螺片🔹阿拉斯加大蟹粥🔸薑蔥麻香貴妃雞🔹海底椰杏汁玉肺湯🔸翠林白雪伴櫻花 (富士山之回憶)🔹清蒸生猛大海斑🔸黃金裹蒸粽🔹脆炸越式素菜春卷🔸椰汁官燕大團圓湯圓附送一渣橙汁，壽桃包.總括黎講，野食水準非常高，加上每位都只係大概$240-270左右，私房菜呢個價錢絕對CP值超高😍😍而且現場氣氛唔錯，大廚中段會走出黎同客人交流，食到尾餐廳會全場熄燈，disco 燈四射，唔理有冇慶祝都會生日歌四起，送上燭光壽包一碟，仲會有道具同客人影相留念，約生日飯都唔錯架😁😁…Read More

「渣華軒」位於渣華道市政大廈內，其貎不揚，餐廳內外沒有多餘的裝潢，賣的就是烹調功夫與親民的價錢。 晚市時份，「渣華軒」會變作一間私房菜館，只供應特定套餐。 「海底椰杏汁玉肺湯」是最先送上的湯品，雪白的湯汁質感微稠，並洋溢突出的杏仁香氣，味道不俗。「古法滋補桑拿蝦」是第二道送上的佳品。吃前店員會在鍚紙面上刺穿多個小孔，頓時蒸氣一湧而出，令四週充滿一份濃郁的藥材香氣。海蝦選材十分新鮮，肉質爽實，配合小編喜愛的當歸藥材味道，十分合意。「回彊熱石火焰羊鞍」是另一道既富視覺效果，又富豐味的菜式。羊鞍羶味不濃，略乾身，軟嫩感合理。「碧綠蝦子鮮菇鮑汁螺片」製作實而不華。蝦子芳蹤不見，失分；而厚肉的鮮菇與甜美的螺片則為菜式爭回分數。 「薑蔥麻香貴妃雞」評價中規中矩，薑蔥麻香雖搶香討好，但雞件不夠嫩滑。 「清蒸生猛海上鮮」吃得出一份鮮味，蒸煮時間拿揑準繩。「磯燒元貝炸海蝦芝士燴伊麵」是席間的主食之一，元貝味道一般，鮮度稍遜。海蝦經炸煮處理基本上與天婦羅海老無異，剛炸起份外香脆。因剛才的菜式普遍大碟量足，來到此時此刻再吃芝士燴伊麵實在有點吃不消的感覺。「黃金裹蒸粽」是得獎菜式，裹蒸粽經蒸熟後再壓平煎至金黃色，外皮帶脆，中心保持黏糯，味道佳，亦予人新鮮感。「椰汁官燕大團圓湯圓」説穿了就是椰汁芝麻湯圓，官燕份量極少。其實以飯餐的價錢，不會期望有官燕享用，但「寫得出就要俾得到」，就只有這個要求。臨近飯局的末段，餐廳會全場「dim 燈」，disco 燈四射，生日歌四起。不論是否有喜慶，全場勻當生日飯局處理，每枱燭光壽包一碟！主廚陳師傅更會跑到每枱攪攪氣氛，借出道具拍照，氣氛一流。整體而言，小編對「渣華軒」的評價正面，可以試試！ …Read More

晚飯消費每位$150又石斑又燕窩？我見過，我直頭食過.....是夜作客參加了某武林派别一年一度的英雄宴。 今年已是該武林派别第三年在這裡舉辦英雄宴了。肯恩的英雄朋友去年亦有參予飯局，對食物讚不絕口，所以今年肯恩亦決定抽空出席，順道與一班平時甚至有機會一同吃飯的英雄朋友聚舊一番。食店位於北角渣華道市政大厦。大家都知道一般的市政大厦都會有一層樓層提供價錢較為親民的餐飲服務。渣華道市政大厦亦不例外，很多平民化的食肆都開在市政大厦二樓的位置。而渣華軒特別之處，是自成一隅地開在市政大厦的五樓，跟其他食店走的路線不太相同。食肆走的是全包宴套餐路線。有6人餐及12人餐的選擇，並可按人頭加位。價錢已包茶芥及免收加一。百多元已可以吃到12道包含有蝦有羊有海斑的菜式，再加百多元甚至可以去吃乳豬全體及佛跳牆，便宜得有點不可思議。今次主辦派别為各路英雄預備的是$1780的特色私房菜全包宴。不過傳聞除非整枱客人都有練開增強胃納的內功，否則是很難把整頓套餐的食物清掉，所以主辦單位決定把第一道的京淮五小碟預先取消了，好像是把套餐價錢再調低了百元云云(此資料未經仮面證實)。市政大厦的食肆，也不會講究甚麼環境裝修。甫埋位坐下，大大碟的豉油，辣椒油及芥辣早已待在餐桌上，大排檔的飲食風格。既是大排檔格局，出菜次序也不用太跟餐牌編排。先上場的，是一大窩滿滿的豬肺湯，足夠每人喝兩大碗。豬肺湯處理工序繁複，平時也很少有機會在家喝。最重要是把豬肺徹底洗得乾淨。這裡的豬肺也做到這點，嚼時不留內臟腥味。豬肺湯入口順滑，味道鮮甜濃厚，杏香撲鼻，應用了數小時熬製才有這種火喉。雖然說菜式上桌不跟餐牌次序，但若仔細看真點，其實這道菜更像主菜前的頭盤小吃，放在第二道菜上桌也似乎更合於禮。每人分得一只鳳尾蝦春卷。沾少許魚露再以生菜捲起春卷去吃，吃法既正宗亦減煎炸膩氣。春卷皮做得透薄，嚼時很有脆感。不過裡面的蝦就略嫌做得不夠爽口，蝦味略欠。貴妃雞皮薄肉厚，用麻油同煮後更覺入味。不過烹稠時間略嫌長了點，不然雞肉肉質應該可以更滑溜。桑拿蝦的做法，是在瓦鍋上放滿燒得灼熱的石頭，透過石頭及蒸氣的熱力把大蝦蒸熟。所謂的滋補古法，便是加入中式葯材與蝦同蒸，道理跟國內的中葯蒸身桑拿差不多。食店放進鍋內的，是一種叫川芎的中葯。"川芎主治月經不調，經閉痛經....." 好像對肯恩沒甚麼幫助....不過席上也有不少女中豪傑，多吃大有裨益。其實川芎也有活血行氣，祛風止痛之效。跟中葯一同焗過桑拿的基圍蝦，既吸收了中葯材的香氣，亦保留了原來的蝦鮮味，蝦肉飽滿彈牙，水準之作。用灼熱石頭焗蝦還可以，烤羊鞍應該沒甚麼可能，雖然羊鞍上桌時火光熊熊，中間部份純粹增强視覺效果，石春是作為保温用途。羊鞍雖然是回疆風味，卻沒有用上預期的孜然粉調味。簡單的調味，卻更能吃到羊肉的真味。羊鞍烤得外脆內軟，肉味濃郁。油脂都被迫了出來，没有令人壓迫的羊臊味，平實中顯功架。一大條斤兩十足的石斑上桌，單看賣相已知道煮得不錯。大排檔式的服務即是沒甚麼服務，拆魚的工作也要DIY。不過只要魚能蒸得夠靚，拆魚肉的過程其實不會有甚麼難度。石斑魚肉幼滑，味鮮不柴，大顆兒都趁新鮮趕快拿起筷子動起來，連公筷也懶得用上！！不消兩三下子手段，桌上整條石班被一掃清光，連頭顱也消聲匿跡，只剩下空蕩蕩的魚骨。滿桌英雄盡是識飲識食的人，單憑石斑被扒光的速度及徹底度，可以判斷這尾石斑的美味度，是這夜整圍菜中最佳的菜式。第三道以蝦入饌的菜式，一大盤伊麵上桌，務求要大家捧着肚子離開方肯罷休。在這裡吃晚飯的時候，大厨(老闆？)也不時會走出來跟一眾食客大打牙較，也會提點大家應該怎樣去吃才最滋味，為自己的菜式落力傾銷 (喜愛與否見仁見智)。伊麵上的海蝦，即炸即上碟。據大厨說，為了避免炸蝦被芝士浸得太久變腍，要儘快先吃掉。剩下的伊麵，當然要先跟芝士撈勻才去吃。由於芝士已是油膩之物，食店在煮伊麵時刻意免去走油步驟，麵質會稍欠爽滑口感，但就相對健康，還有大大粒元貝，用料十足。吃得太多肉，大家也需要來點蔬菜中和一下。菜式又名富士山の回憶，大厨也不得不到來吹嘘一下。為了要欣賞富士山的風景，大家要稍稍把頭部向下壓，才能從水平線看到舖上白雪的富士山的美態。 來點較少油份的菜式，清清口腔很是合適。開始同意主辦單位把五小碟删走的決定絕對正確。來到飯局尾段，還有一大碟菜上來，其實一眾英雄已經飽得七七八八。肯恩向來對蔬菜類食物來者不拘。不過横看竪看，好像看不見有蝦子在裏面....吃到這裡大家差不多已鳴金收兵，大厨看見大家開始放慢了手腳，再一次親見出馬為大家打氣。還拿出了相薄為大家介紹這道菜的光輝歷史。這道菜乃家傳得獎菜，就算多飽大家也要一嚐真味。不過可能大家真的太飽，只可說裹蒸粽的賣相的確與別不同，但味道便沒吃得出有甚麼亮點，面不脆，心不軟。吃到最後還有一大窩椰汁官燕糖水。也不要對官燕二字太寄予厚望，糖水中的燕窩成份可謂少得可憐。椰汁糖水只是普通質素，不過每人分得一粒大芝麻湯丸，算是人人有份。來到最後驚喜位。忽然全院熄燈，原來還有壽包殿後。據菜單上所說若果訂座時說明是辦壽宴便免費贈送，大概說成是預辦補辦壽宴食店也不會加以深究。怪不得壽包上桌時要先把燈熄掉。重新亮燈後，壽包裂紋處處，賣相不算漂亮。畢竟免費贈送，不能有太多奢求。壽包裡面的蓮蓉餡倒也可以香滑，包身卻欠軟熟感，味道稍遜。飯局未完，主辦派別好像已篤定下年也會繼續在這裏舉辦英雄宴。綜合以論，食店菜式質素平均，其中桑拿蝦，火焰羊鞍及蒸海斑更是水準之作。以每位約$150的價錢，吃到既多款式又夠大份的菜色，真的夫復可求。不過不得不提的是，食店的餐牌菜式開業至今似乎也沒甚麼大改變，銳意求新並不是這間食店大厨的風格。一張菜牌走天涯雖然可以維持食物穩定質素，但亦很難吸引一批喜愛嘗新的食客短期內二度再訪。魚與熊掌，有時真難進捨。…Read More

參加朋友的生日晚餐，地點是北角街市的渣華軒。先來杏汁豬肺湯。一喝便知足料。鮮磨的杏汁，入口非常濃郁。喝到老闆的心機。(尤其是第二日在第二間酒樓喝到同一款湯，卻是稀稀的)老闆每一道菜都會介紹一下，例如黃金糭就是老闆的得獎之作。 說是將糭壓平再用了煮生煎包既方法煎成，既有心思又有創意，是以超越其他山珍海味而成了中華厨藝大獎。每一樣餸都大件頭。壓軸就是蟹粥了，老闆介紹是來自亞拉斯加的長腳蟹。 巨大的碗盛着巨大的蟹，沐浴在濃稠的粥內，真的非常鮮。幽默的老闆更親自剪開蟹殼，露出肥美的蟹肉“來見識真正的蟹柳吧！”拉出長長的"肉腿"。蟹粥太大碗，加上其他食物，10個人也吃不完。老闆已見慣這場面，建議我們盡量先吃蟹肉，之後把膠碗幫我們把剩餘的熟練地分在碗內，已盛滿4碗讓我們帶走。最值得一讚係老闆既好客之道，每一枱吃的進度差不多，剛巧每一枱都有人生日，吃著突然發現水吧上一盞disco light 亮起，耳邊也響起生日歌音樂，只見侍應們端上一盤盤壽桃包，其中一個包上點着爉燭，此時見到老闆衣著不同了，原來他頸上掛著得獎既獎牌，手上拿著一個紙盒，從內取出蛋糕，party 帽，兔耳朵等道具，和每一枱影相。滿載而歸。不單是味覺上，更是心情上既大滿足。今時今日既香港得到咁樣既食物質素、價錢同服務態度，老闆，你係得既！…Read More

之前女朋友介紹過我這間餐廳 話好好食 於是我約了班朋友諗住去食啦,原來發現要大約一個月前book定位,無得walk in 的 :( ,我心諗係咪真係咁好食架,要提前一個月book定 運動場內有私房菜食我都係第一次聽咋, 所以就決定去食 ,套餐分6位餐一款，12位餐三款，可加位。我們訂左阿拉斯加大蟹粥全包宴(12位),由於我們13人去,所以要加位啊 日子終於來臨 我們去到渣華軒,發現環境十分整潔 ,有部巧大既電視機 ,但地方不算大,看見只有8張枱左右咋 :( 但發現一樣事情係好攪笑的 主廚穿著制服高帽, 很認真的招待客人.           1.京淮五小碟:有海蜇，海參，木耳，面根，青瓜. 木耳同青瓜有少少辣,味道算還可以. :(            2.古法滋補桑拿蝦: 用石紙做低，加上桂圓及紀子，好有藥材味啊， 肉質好甜,但d蝦好细隻囉. :(            3.碧綠蝦子鮮菇鮑汁螺片:冬菇螺片炆得夠淋,但生菜一般啦,同平時食開既無分別. :) 4.回彊熱石火焰羊鞍: 中間有火 熱辣辣香噴噴，羊肉嫩滑,出奇地唔羶.    5.翠林白雪伴孆花: 西蘭花加賽榜蟹,榜蟹肉夠入味,西蘭花都算可以. 6.阿拉斯加大蟹粥:主菜出場, :) :) :) 好大煲粥啊, 好誇張！d粥吸收哂蟹肉味，超級鮮甜，主廚仲好好服務，用剪刀逐隻蟹蚶,蟹腳剪開，又長又滑 蟹粥就唔洗多講啦,一個字.... 正     7.薑葱麻香貴妃雞:無麻香味,雞又唔滑,好差. :(      8.海底椰杏汁玉肺湯:好有杏仁味,又夠熱. 豬肺湯濃度夠,落足料. 9.清蒸生猛大海斑: 條海斑好大條，但唔夠滑.     10.脆炸越式素菜卷；生菜加素菜卷一齊食，個卷炸得巧鬆脆，素菜夠爽囗. :)      11.黄金裹蒸粽: 煎成金黃色一餅，好似pizza. 再加上日本魚乾,好香囗又唔會太油膩. :)      12.椰汁官燕大團圓湯圓:無椰汁味囉,仲要d湯圓唔熱既,好差. :( :( :(…Read More

外母食過話好食，就介紹畀我哋，但呢度係要訂枱至有得食，唔做walk in喎套餐分6位餐一款，12位餐三款，可加位。菜式相差不遠，價錢表面似好抵食，食過你就知係咪抵囉:(今晚就同外母食6位餐:)：1)先嚟個湯，杏汁味尚可，豬肺夠白夠滑，但味道就不過不失咁啦；唔好同名店比較。2)好香當歸味，仲有杞子及龍眼肉，有綽頭蝦就隻隻新鮮又大隻，吸咗當歸香味，鮮甜不特止，最正係火喉控制得一絕，蝦肉爽口彈牙到腦震盪呀；好食到停不了，讚3)嚟到時火光迸列，又一綽頭菜件羊鞍無整燶，肉夠嫩仍有肉汁，而且一啲羶味都無，但有羊肉味喎，哈哈，厲害、好食之作:4)火喉控制得宜，美中不足係葱絲唔夠5)好咸，無芝蔴香味，雞肉唔滑又無咩雞味，失敗之作:(6)即係將隻粽切件再沾上蛋漿去炸，小弟唔識欣賞，我情願食炒飯或原隻傳統蒸裹蒸粽呀:(但係姨仔話好食到停唔到口喎 (其實只有佢一個鍾意食咋...個人口味囉:))7)其實個餸好簡單，但佢整得算差:(，生菜尚算爽脆，但鮑汁唔夠味、真係似用鮮冬菇整，因為啲菇肉無冬菇味又唔香外，仲「淋pat pat」最奇怪係一片片嘅明明係「齋鮑片」嚟，但就話係螺片，咁都吹水？唔爭幾遠啫8)伊麵「淋pat pat」，芝士汁又係唔夠芝士味，粒日式帆立貝何來磯燒過？雪藏貨，無嚟味道。個蟹蓋仔無咩講:(9)全港最難食嘅湯丸，唔滑唔糯不特止，仲竟然係嚡口嘅，又無米香，而且個甜湯好似漿糊咁，又無椰香成個餐整色整水，菜名好聽，但部份都唔係嗰回事，味道參差。明白到無一間食店嘅食物會樣樣都出色、好味，所以除咗個糖水實在係難食外；尚可一試嘅:(…Read More

本來今晚想食豪啲的一餐, 可惜原來最豪個套餐一定要有12人先致有得食@@期望中的佛跳牆幻滅了!! 不過塞翁失馬……個海底椰杏汁玉肺湯超正~~~~6人餐再加2人份量先來個海底椰杏汁玉肺湯 = 杏汁味唔重, 連其中一個人唔係好食杏汁味嘅都食到; 個湯真係好潤。豬肺都洗得好光淨, 點一點辣椒油更是美味之作!!!回疆熱石火焰羊鞍 = 一個火焰架子連石卵一起上枱, 保溫是也!!羊鞍肉質嫩滑, 不過羊味不夠羶, 或許是為着香港人口味罷!! 再羶味一點也可算是回疆風味吧!!古法滋補桑拿蝦 = 上枱時如水滾蒸汽出場, 每隻蝦身形差不多一致; 中蝦是也。蝦肉鮮味爽滑彈牙而且更帶着一點點藥材味, 應該是當歸、元肉、杞子等藥材。我想是蝦與藥材放進水中白灼，這份藥材味才能從蝦肉渗出來!!!薑蔥麻香貴妃雞 = 雞肉嫩滑配上薑蔥及麻香, 剛好就襯出個味來!!清蒸生猛海上鮮 = 魚約有斤來重, 咁大條魚, 都可以蒸得如此爐火純青; 真是值得一讚!! 魚肉保持鮮嫩滑溜, 配上一點蒸魚豉油, 更是調出個味…. 鮮味!!黃金裹蒸粽 = 可能有木魚碎在面所以外觀似薄餅, 但其實是把裹蒸粽以扁身形狀示人。裹蒸粽蒸得很乾身, 餡並沒有什麼肥豬肉; 所以無肥膩之感。糯米粘粘的且帶點煙韌, 咬下時好有質感。碧綠蝦子鮮菇鮑汁螺片 = 生菜爽口, 螺片都好鮮甜, 其中一個人重食到以為係素鮑魚。但冬菇黏著一點蝦子有着說不出的怪味!!:(磯燒元貝釀蟹蓋芝士燴伊麵 = 元貝雖是雪藏貨, 但都是彈牙之作。蟹蓋內釀蔥花和魚肉, 味道一般。而伊麵加上芝士汁都係一般做法, 但芝士汁好似唔係好夠; 所以芝士汁撈伊麵時並不是每吋角落都有!!椰汁官燕大團圓湯圓 = 啊姐佢果然食慣好嘢, 撈出一小梳官燕都無自己要重俾我影相。 不過影完相一陣, 所有官燕就俾其中一個人自己撈哂, 所以唔知係咪真官燕定素官燕!! 我無食湯圓, 佢哋話一般; 椰汁我就飲咗一啖, 漿糊汁是也!!最後燈光全熄, 打上鐳射燈在牆上照耀. 再配以生日歌播送, 隨即有壽桃送上, 連大廚都出囄拍照; 果然夠卓頭!!!埋單都只是 HK$9xx, 啊姐好豪咁放下壹仟圓大鈔就走出去; 想唔收我哋錢都幾難, 講明AA制!!…Read More