羊滋味

今次我地食既呢間家庭式經營蒙古菜主打進口內蒙古放牧黑頭羊肉和黃牛，係香港都幾少見，我地覺得好好食！超級值得推薦👍🏻👍🏻涼拌羊肉($78) | 8.5/10調味好似平時川式涼拌咁酸酸辣辣麻麻非常惹味，配搭羊肉估唔到咁夾，食食下有羊肉少許既羶香，比平時川式涼拌多左一股獨特既滋味砂鍋羊肉米線($58) | 7.5-8/10奶白色既羊骨湯配上粗糯米線，砂鍋上熱辣辣湯頭仲滾緊冒緊泡泡羊骨湯用上大量羊骨熬煮而成，味道好香醇濃郁不過無咩羶味米線唔係平時食開果種，粗粗的又好軟糯呢碗暖笠笠既羊肉湯米線食落好舒服，清淡得黎又好好味，等天氣涼d再黎食一定好正內蒙羊肉串($45)雞翼($18) | 7.5-8/10想食蒙古草原風味一定要食羊串燒羊串燒既羊羶味比較重更正呀💛羊肉粒同脂肪隔住食，配上孜然調味超級惹味雞翼都好好味，甜甜地有蜜糖味牛肉餅 2個 ($48) | 8.5/10呢個絕對係我地食過數一數二好食既牛肉餅第一次覺得牛肉餅個皮好食👍🏻，平時牛肉餅既focus點係個餡、多唔多湯汁呢個牛肉餅既皮非常香脆，而且調味好惹味，第一啖咬落去已經好驚艷，我地覺得比個餡更出色茄子($30) | 7.5-8/10估唔到呢度都有燒烤茄子食蒜味非常重，茄子嫩滑👍🏻比出面專食燒烤串燒既餐廳都不遜色整體而言，所有食物都好好味😋完全無伏期待冬天再黎食羊腩煲～…Read More

喜歡食羊嘅朋友唔太多，不過有啲老死就確係幾鍾意食羊，記得好似上年冬天就一齊晌大角咀嘆羊腩煲。今次嚟到太子所試嘅「羊滋味」，一睇就知主打喺羊啦，又一齊擦番餐先。走進鋪內環境好街坊，無話太花巧裝修，頂多喺牆上掛上唔少跟蒙古嘅裝飾，最街坊就喺餐廳尾有部大電視，正正播緊奧運直播，啱晒我哋，而幫襯嘅亦好街坊，聽落有唔少都喺熟客，同啲店員打成一片。枱上放咗餐具、餐紙、調味料，自由取用。落單方面用二維碼，或向店員下單都可以。雖然話主打喺羊嘅菜式，不過，呢度都有好多其他選擇，唔食羊嘅都唔使擔心，而且，有辣有唔辣，涼拌小食、砂鍋米線、超多款碟頭飯餐，一系列內蒙古草原原始風味、特色煲類、串燒、麻辣燙，選擇多元化，最緊要喺定價實惠嘛！涼拌羊蹄筋 $68 牛孖筋食得多，羊蹄筋幾敢肯定喺第一次食，佢哋啲涼拌小食可以揀辣或唔辣，我哋就要咗微辣，所以食落去有少少辣勁，但已經有點刺激感，而調味方面除醬油就仲有好多芫茜、蔥蒜，味道豐富，而啲羊蹄筋非常之咬口，有韌勁，食落真喺幾過癮！羊肉煎餃 $48牛肉、羊肉餃可以揀蒸、煮或煎，分兩個份量：7隻賣$48，10隻賣$68，咁嚟得梗嗻揀羊肉餃啦，要煎嘅香口好多，咬開嗰層皮薄到好似紙咁薄，而餃底就好脆口，咬落裡面羊肉味好突出，而且，肉汁勁豐富，非常好食。砂鍋羊肉米線 $58老友就想濕濕地揀過砂鍋米線，因為，仲可以飲啖羊肉湯，唔喺講笑，嚟到個砂鍋真喺超級熱焫焫，啲湯仲喺噗吓噗吓滾起嚟，而啲羊肉好鬆化，好有羊味卻唔會好羶，裡面仲有好多清甜嘅白蘿蔔、爽脆嘅木耳同埋豆卜，而米線份量十足兼且滑溜非常。爆炒羊雜飯 $68另外仲叫咗一個飯餐，有幾款飯餐都好想試，結果就揀咗呢個爆炒羊雜，同樣因為豬雜牛雜就食得多，羊雜真喺好少有，不過，其實都喺大同小異，都喺啲腸臟、肝臟之類，食落去好有鑊氣，醬汁香濃，撈飯一流。燒原條茄子 $30最後再追加多一份燒茄子，補充下啲纖維質，條茄子夾起啲茄肉已感受到燒得好透，非常之軟滑，並滿滿蒜香，正呀喂。汽水$5、康師傅酸梅湯$10飲品有跟餐優惠，晌門口棟出嚟個飯餐更喺包飲品。小弟就要咗支酸梅湯，解吓啲濃味嘢，飲落又寧舍清爽。食到啱心水，合口味嘅嘢就會覺得自然好食，今晚全羊宴，試咗好款以羊入饌嘅菜式，又有不同部份，非常之唔錯，值得翻兜。…Read More