風雲丸

Open Now

Now Closed

11月份開始成為尖沙咀人，午餐時間去到風雲丸，人唔多等幾分鐘就入座餐廳環境麵舒服，一般日式拉麵店格局。同事叫了「石燒辛辣豚骨魚介沾麵」，而我自己就叫咗「辛辣豚骨魚介拉麵」兩款食物味道差唔多，但石燒熱辣辣食起上嚟感覺比拉麵真係開心啲既。講辛辣味既辣度其實唔算好辣，大家可以當係韓國辛辣麵左右既程度。但如果你同我一樣想食辣又唔係真係好食到辣既朋友嚟講，我會推介大家試下，真心好味道！麵底口感適中，普普通通正常發揮。但係啤酒唔係Craft Beer，只係細支裝啤酒收$32就覺得有啲唔抵飲不過辛辣唔飲酒又真係無咁開心，大家又覺得呢？論整體感覺我覺得ok既，應該間唔中都會返食！

行尖沙咀既時候經過個好多次呢間風雲丸，今日終於去試一試佢既沾麵！沾麵原個石鍋咁上，仲出緊煙滾緊🤤呢度係可以自己揀麵既份量，可以揀200g或者300g，400g 以上就要加錢。但係其實300g真心都已經好多好夠食😂食完之後覺得呢度既沾麵唔算特別出色，但係就真係絕對食得夠曬飽。而且呢度做左會員之後好似成日都有唔同優惠，有時有得送餃子有時有得第二碗麵半價，真係幾抵食。1️⃣石燒野菜豚角豚骨魚介沾麵（$108）果日諗住食啲菜健康啲就揀左呢款。一上到枱啲湯仲滾緊🤩勁正。沾麵湯汁用石鍋上可以更加保溫，冇咁易凍左。野菜既份量比我想像中多，本身諗住淨係個湯既面頭有啲椰菜咁，點知係食極都仲有，個底撈既都仲有菜🥬好少可出街食會食到咁多菜😂除左椰菜之外佢仲有啲芽菜、木耳，食落夠爽口新鮮。而且麵上面都有啲菜、翠玉瓜同埋粟米筍。  湯底比我想像中淡，本身諗住會係好濃既魚介湯味，但係質感同味道都比較稀。另外佢仲有啲切粒既叉燒，每粒都係大約有一半肥肉，食落夠肥夠香😌  麵揀左300g既冷麵，但係比較失望既係雖然佢係冷麵，但係其實都唔係凍既...食落一啲都唔煙韌彈牙，好淋身，仲要好唔掛湯。不過就勝在夠曬大份抵食。  2️⃣石

風雲丸係灣仔開左一斷時間，每次經過都大排長龍 所以都未有機會試到。終於等到佢係尖沙咀開第二間店。今日行完街9點幾 見到佢門口唔太多人等 就一於試下。睇睇個menu 除左沾麵之外仲有飯。佢既炸雞同煎餃子🥟睇落亦好吸引。而沾麵既麵底仲可以選擇份量，好岩我 食得唔多又唔怕浪費第一次食 就叫左最受歡迎既石燒濃厚豚骨魚介味玉沾麵。沾麵既湯係用石鍋裝住，上枱既時候仲係好滾。沾麵麵底彈牙，湯底好濃魚介香味，每條麵都掛上湯汁 好好味👍🏼 上面既豚肉極度鬆化，入口即溶，玉子亦夠流心。食到最後沾麵既湯都唔會凍哂，好保溫而朋友就叫左個石燒辛辣豚骨魚介沾麵，試左一啖，湯底好夠辣，魚介味都好香濃。不過真係幾辣，食得辣既朋友先可以食哂成碗風雲丸可以話係我暫時食過最好食既沾麵，價錢合理，下次會再試下其他口味！