Fuunmaru

今日父親節當然要食啲爸爸鐘意食嘅而👦🏻都食嘅野😬 就係拉麵🍜啦！🍜 石燒濃厚豚骨魚介味玉沾麵 魚介湯係石鍋滾住出來，真係好吸引呀！然後將粗身啲拉麵點落啲湯到一齊食，啲湯掛係麵上，彈牙有香魚湯味。我地揀咗豚肉叉燒做配料，叉燒燒得很香，但略嫌太肥。仲有溏心蛋，味道不錯。🍜 雞叉燒魚介拉麵湯底相對沾都無咁咸，同埋用幼拉麵來配襯，仲可以揀少油，不錯。雞叉燒就一般，略嫌味道不足底，質地有點嚡。👦🏻 👧🏻 子供豚肉魚介拉麵湯底比較清，拉麵份量大概一半正常拉麵。跟餐有橙汁、玩具和朱古力，啱哂小朋友🤭 🐥唐揚炸雞新鮮炸出嚟很香很好味的炸雞！肉質非常鮮嫩多汁，必點推介😍！…Read More

🧑🏻‍🍳 呢間係位於尖沙咀K11 Art Mall附近嘅日式沾麵店，主打各款豚肉魚介沾麵🍜—————————————————————🍴 石燒濃厚豚骨魚介味玉沾麵 ($98) 「沾麵加少許檸檬汁 味道層次昇華🍜🍋」沾麵湯底係用石鍋盛載嘅，可以保持湯底嘅溫度，沾麵湯底以大量野菜及豚角煮，湯底好濃厚，豚角油唔會太膩，湯底完全可以掛落麵條上面 👍🏻；而沾麵有得選擇凍或熱，凍就比較煙韌同有口感，所以我揀咗凍嘅麵，將凍嘅麵放落熱嘅湯汁就啱啱好暖暖地，如果想食熱辣辣嘅沾麵，麵底就揀返熱啦🍜；餸方面，有一塊好厚嘅豚肉，肥瘦比例大概係4/6，有微微蕉香，好香口，食一啖已經覺得好滿足🥩；另外「味玉」即係温泉蛋，温泉蛋就不過不失🍳。食完之後可以叫店員加湯落個沾麵湯汁度，不過佢並唔係加木魚湯，只係加熱水。另外✨，旁邊有一塊檸檬，係可以將檸檬汁加落麵條一齊食，檸檬嘅酸味可以令沾麵冇咁膩，食落去就多一個層次🍋。😋 美味指數: 7/10—————————————————————🍴 富士山萬年水 ($25) 「雲尼拿雪糕味嘅汽水🥤」見佢個名好搞笑，心諗係咪放咗一萬年嘅水，所以就叫咗🤣。一嚟到已經俾佢個外表吸引咗，好有日本feel。飲落去係雲尼拿雪糕味嘅汽水，好特別，好奇心重嘅就去試下啦！😋 美味指數: 7/10—————————————————————🤤 整體食物質素: 7/10🥂 環境: 7/10💡 性價比: 7/10🔥 推薦指數: 7/10…Read More

曾經食過日本特式沾麵，感覺好濃味唔係人人啱。今日同朋友經過尖沙咀「風雲丸亅， 又再試唔同口味嘅沾麵， 估唔到有另一番體驗。:)場內氣氛唔錯， 有拉麵店，居酒屋嘅氣氛。石燒濃厚豚骨魚介味玉沾麵$98店家主打的濃厚豚肉魚介湯底， 混合了魚介，中和番豬骨湯嘅濃味， 感覺唔算太鹹，呷過一口竟然想追住「 沾亅～ 加上熱石嘅威力，逼出豚肉魚介的香氣。選了冷麵條， 雖然麥味可能冇咁重，但係口感較實淨。 另外竹筍也是超入味，好爽囗，凍冰冰遇上熱辣辣沾麵汁好過癮。「味玉」蛋白好滑， 蛋黃唔會流心但質感軟綿綿的啱啱好， 而且非常入味！慢煮叉燒竟然係厚切 一塊過， 肥瘦相間，肉味好濃又夠腍。石燒鰻魚飯$88這份鰻魚口感好煙韌， 唔會好腍， 肉質鮮味。喜歡不會淋上太多鰻魚汁， 以較乾身嘅紫菜碎， 飯素，蒜粒，蔥，蛋等乾身配料作調味， 所以整體唔會比鰻魚汁蓋過。下午茶時段更抵， 包括飲品和小食， 下次較啱時間來一轉吃濃湯沾麵～😋✨…Read More

再次跟太太來到尖沙咀，想一試這家以石鍋沾麵為招徠的風雲丸餐廳以傳統的入單模式點餐:)首先點了兩款小食，先是辛口沙拉羽根餃子，非常香辣，配合皮薄的餃子很是美味而唐揚炸雞炸的香脆且充滿肉感到了主食，點了石燒肉盛豚骨魚介沾麵，用非常滾燙的豚骨魚介湯作沾麵之用，湯味濃郁齒頰留香豚肉很是嫩滑石燒濃厚豚骨魚介味玉沾麵用了同樣的魚介湯，厚切豚骨很入味，而味玉則是剛剛好的流心蛋，整體配合得宜飲品點了三矢蘇打及可樂甜品方面，點了日本柚子雪葩，有非常香及清新的柚子味而日本紅茶雪糕則是伯爵茶的雪糕口味，很特別整體來說此餐廳主打的石鍋沾麵不止有特色，且香濃美味，小食及甜品同樣出色，值得一試…Read More

今日同朋友出去尖沙咀Shopping，行過呢間店，個肚又咁啱打起鼓來，見他的環境好有日本的拉麵店Feel，所以就行入去醫肚了。入到去都見全滿座，侍應要我們等一等，她說好快有位，等了一陣，就有客人離席，我們便入座了。這裡環境好有日本風味，入面仲有個類似開放式廚房，同日本的拉麵店無異。仲有好多燈籠裝飾添。我們一行三人入座後睇下餐牌，原來呢度除左湯拉麵，仲有沾麵食，呢度仲標榜係自家製拉麵，仲有客人可以揀選溫麵同冷麵，仲會話俾你知兩者既分別，除左呢樣，食店還可以俾食客自選拉麵軟硬度同份量，可以俾客人食到自己想要的拉麵，要做到咁多野去迎合食客要求，唔係咁多拉麵店可以做到。枱面還貼上公仔，教食客點食沾麵才食到最好食的沾麵添！這裡可以揀選自己所需要的拉麵份量，除左要食到800g要加錢外，其他一律都可以唔使額外加錢！我們見呢度都推介一款豚骨魚介湯底，所以我同朋友都分別點了唔同的豚骨魚介拉麵，朋友叫了一個石燒濃厚豚骨魚介味玉沾麵，個沾麵汁係豚骨魚介濃湯，用上300度熱力的石鍋盛載，可保持濃湯的溫度，就算你揀溫麵或冷麵都唔會覺得個麵食落唔夠熱既感覺。朋友第一啖飲個濃湯，真係好濃味，好有木魚既味道，隨沾麵會有小件檸檬，如果客人怕濃湯太濃，可以加入檸檬汁，將油膩感消除。拉麵沾上濃湯，全個汁都可以掛上麵上，入到口都會食到每一條拉麵的質感同濃湯的味道，豚肉大大舊，好腍，好入味，味玉查實係隻流心蛋，配埋個麵一起吃，真係一樂也！我就叫左個石燒咖哩豚骨魚介沾麵，一上枱已經聞到咖哩香味，飲左一口，咖哩味香濃，加埋檸檬果然唔同晒，冇晒油膩感覺，豚肉一樣係好腍，拉麵沾上咖哩食落好惹味！另一位朋友就叫左碗豚肉魚介拉麵，魚介湯比起沾麵用既湯冇咁濃，因為沾麵一般要做到稠身才可掛麵，而湯拉麵就唔使，但個湯底都食得出好重木魚既味道，個豚肉都係好腍滑，朋友就選左比較硬身既拉麵，佢好喜歡呢個口感！我地還叫了一客羽根燒餃子，一客有五隻，食落入面多汁，皮薄，沾埋餃子醋就美味無比！我同朋友食完沾麵，跟著叫了侍應幫我們為濃湯加一點點木魚湯再飲用，真係好好飲，木魚味濃沃，可口無比！今餐真係食得好飽，又滿足！…Read More

成日見好多人排隊，剛好6:30pm經過未有人排就入去試下啦我叫左 “石燒濃厚豚骨魚介味玉沾麵”，朋友叫左 “石燒咖哩豚骨魚介沾麵”沾麵汁：好咸! 我食基本口味 - 豚骨魚介沾麵汁，係有d魚味，但係好咸好濃，食唔到仲有其他層次嘅味道。朋友個咖哩沾麵汁仲慘，又咸又濃，到最後都食唔到落去，咸到放棄左通常沾麵最後一個食法係可以加湯飲埋個汁，但呢到完全冇可能飲埋個汁囉….  呢間個Menu寫最後可以追加飯撈埋個汁，我地都覺得根本係挑戰腎功能極限石燒鍋：上枱時d汁都仲好滾好翻騰，呢樣係幾好，沾麵最怕食食下個汁凍晒或者唔夠熱，石鍋就唔會咁易凍晒麵底：我地都叫左冷麵，但係都唔係凍嘅，仲係微暖。質地ok，不過不失豚肉：係唯一可取之處，味道咸咸地，肉質不錯味玉：普通，冇乜特別，好似冇乜味，可能d汁太咸太濃都食唔出有味最後埋單佢送左兩張coupon俾我地下次用，我地即刻將coupon送俾排緊隊嘅人。成晚飲左幾杯大水都解唔到d咸味……Read More

呢日又要自己一個人食lunch，無啦啦想食沾麵，就嚟到K11附近，因為知道好多拉麵舖。喺個轉角位見到呢間風雲丸，就諗起好耐之前同個朋友去過佢嘅灣仔店食，都OK唔錯，就入去試多次喇～嗰陣好似係啱啱開舖，但都已經好多客人～石燒濃厚豚骨魚介味玉沾麵（$93）呢個係成個menu第一個item，又見除咗佢之外其他沾麵都係冇跟味玉嘅，所以就揀咗呢個。麵嘅分量可選：並盛 200g／大盛 300g／特盛 400g／富士山盛 800g (+$45)因為想最後加飯食雜炊，所以我揀咗最細嘅並盛。麵條揀咗冷麵，更加有咬口👍🏽 掛湯程度相當好😆湯底用熱石鍋呈上，非常熱，嚟到嘅時候仲滾緊！用石鍋嘅好處就係可以令湯底由頭到尾keep住熱👍🏽 湯底以豬骨熬咗十個鐘，再加入魚介粉。豬骨味非常濃厚，魚介粉令味道更豐富。味道濃得嚟又唔會過鹹，十分好！仲可以加入檸檬汁，更開胃！叉燒好厚好大舊。餐廳用上等豚肉慢煮超過十小時，再以明火炙燒增添脂香。好淋、好入味！味玉流心效果整得好不錯！香鬆飯（$20）最後仲叫咗個香鬆飯，加入餘下嘅湯汁度，整成雜炊。第一次咁食，好滋味，正！羽根餃子（$35）羽根薄薄嘅一層，非常脆口😛信州白桃蘇打（$28）又係我最鍾意嘅信州梳打喇！😆大滿足！♪(´ε｀ )menu：…Read More

在日本旅行時有食過沾麵，香港就真係第一次。這間風雲丸位於K11對面，掛著大大個招牌，門口裝修已經相當搶眼。我們到達餐廳已經下午3點，但仍然需要排隊，幸好不用十分鐘就排到了。座位不算多，會比較坐得迫一點，不過我一點都不介意，日本拉麵店都是這樣的，最重要是食物吧。風雲丸主打沾麵，但都有少許拉麵，飯類及小食供應。餐廳每碗份量基本只得100g，但不夠食的話，加200g, 300g及400g都是免費的，如果加$45 就有800g之多。大家可以因應自己胃口有幾大而選擇份量，那就不怕浪費食物了。我同老公就選擇了餐廳的主打-石燒濃厚豚骨魚介味玉沾麵，我們並加至400g 一碗share 食。沾麵有分冷/溫之分，冷麵會比較有嚼勁，溫麵就更有麥香，沾麵湯上枱有300度高溫，所以大家要小心熱啊!枱上都有圖介紹大家沾麵的食法，先夾起一箸麵條輕輕浸於沾湯中，提議擠入檸檬汁，更加開胃。另外食法是，可將香鬆飯加入剩下的沾湯中，拌勻成雜炊飯享用。我們加至400g的沾麵真的足夠我們2 個胃口比較少的人，沾麵的麵條比拉麵較為粗身，令湯汁易於掛上麵條上。配上一塊大而厚切，燒得香香的豚肉及流心蛋一隻。沾麵的湯汁有木魚的味道，比較濃厚，比較咸，所以圖片教加檸檬汁是對的，可減少咸度。另外，我們點了小食-沙拉唐揚炸雞，$38有5 大件，抵食，新鮮炸起，炸得外脆內嫩，仲有肉汁流出。而羽根餃子都好像每枱必點，薄薄的餃子皮，餡料丰富，菜同肉的份量恰到好處，重點面層的薄翼，脆卜卜的，點上香醋更惹味。餐廳有提供老公最愛的SUNTORY的飲品，這罐青梅酒蘇打易入口，好香梅味，連我不好酒的都要飲多幾啖。…Read More

風雲丸係灣仔開左一斷時間，每次經過都大排長龍 所以都未有機會試到。終於等到佢係尖沙咀開第二間店。今日行完街9點幾 見到佢門口唔太多人等 就一於試下。睇睇個menu 除左沾麵之外仲有飯。佢既炸雞同煎餃子🥟睇落亦好吸引。而沾麵既麵底仲可以選擇份量，好岩我 食得唔多又唔怕浪費第一次食 就叫左最受歡迎既石燒濃厚豚骨魚介味玉沾麵。沾麵既湯係用石鍋裝住，上枱既時候仲係好滾。沾麵麵底彈牙，湯底好濃魚介香味，每條麵都掛上湯汁 好好味👍🏼 上面既豚肉極度鬆化，入口即溶，玉子亦夠流心。食到最後沾麵既湯都唔會凍哂，好保溫而朋友就叫左個石燒辛辣豚骨魚介沾麵，試左一啖，湯底好夠辣，魚介味都好香濃。不過真係幾辣，食得辣既朋友先可以食哂成碗風雲丸可以話係我暫時食過最好食既沾麵，價錢合理，下次會再試下其他口味！…Read More