Lotmee

日系向濃厚雞白湯好飲到可以飲晒成碗雖然中途師傅出咗去冇人整餐，但只要通知聲店員就會即刻出嚟整到醬油溏心蛋嘅醬油味略嫌不足，雞油味好出好香，重口味人士必試。肉嗰方面少少「鞋」但都保留到鮮味。麵質選取正常硬度都夠，普通拉麵就足夠掛汁。下次會再試其他。…Read More

另一半帶我去呢間食拉麵。之前食過葵芳、甚至係香港好多間嘅拉麵，間間份量都係少到喊，麵少、肉得一塊，薄到紙咁，未試過香港食拉麵可以食得飽同食得滿足。本來都抱住0期待嘅心情食，但結果呢間樂麵令我喜出望外。首先入去，裝修好有風格、幾特別，不過個枱面唔知點解好油、好污糟咁，希望可以清潔下。至於員工方面，就見仁見智啦，有人唔鍾意啲後生仔女員工，話佢哋態度唔好，我自己就覺得無問題，幾好。咁我叫咗碗真熬雞白湯拉麵，啲肉真係多、厚度正常，唔係紙片，麵都好多、湯又好飲，食得幾飽。個人認為香港平民拉麵嚟講，呢間算係有良心。至起碼佢啲肉真係有7－8塊係度，唔係好似其他黑心店得一塊肉紙係到。不過可惜我叫咗好多洋蔥，搞到味好濃，下次都係唔叫咁多蔥😅。如果樂麵可以維持呢個水準，維持呢個份量，我絕對會繼續幫襯。…Read More

🩷餐廳結合日本拉麵元素同埋香港美食風味🇭🇰 製作出創新既fusion拉麵 獨一無二！而且聽聞佢哋d拉麵係係香港廠製作 而且係同本地品牌合作出拉麵 大家要多多支持💪🏼平均一碗唔過百 性價比夠嗮高 重點係真心好食😋 唔怕醜講 係我係香港數一數二食過最好食既拉麵🙈 重點係睇得出廚師係花左好多心思去設計每一款湯底🥹先講講佢個麵底🩶 兩款麵都非常掛湯！- 伊麵： 食落去超級幸福 好重油炸/油麵既味道 而且麵條非常彈牙 就算放耐左都唔會漲🌟- 拉麵：佢哋既拉麵擁有淡淡既蕎麥味 食落去唔會覺得好肥膩！我覺得佢哋既麵偏淋身 即使我選擇硬麵 我覺得同其他拉麵舖既普通硬度差唔多👀拉麵湯底通常係每碗麵既係精髓😍～真熬雞白湯🐔（$98）湯底：唔係誇張 真心呢個係我試過頭三名既雞白湯底😚真係拍得上中環$150-200一碗既雞白湯拉麵！湯底好重骨膠原味 同埋好香既雞皮油香味 好足料 而且湯底仲睇到一粒粒既骨髓 飲完唔會過鹹 而且嘴唇仲會有少少痴笠笠既感覺 應該係雞既骨膠原😌 呢個麵仲配埋幾款肉 如果第一次食想咩都試下既話可以叫呢個🤓鴨肉🦆有一塊 絕對唔鞋 而且面頭有微微燒過叉燒🐷份量都唔少 仲有兩大塊！豬肉好似有用少少花雕酒醃過既味道👅 豬肉口感夠淋 切得好薄 肥瘦比例平均 雞胸🐔 我覺得呢個正常發揮 都係好食既慢煮雞胸胡椒豚肚湯🐽（$108）湯底：呢個味道既拉麵湯底真係第一次試 好特別🌞廚師好成功將日本豬骨湯同港式胡椒豬肚味混埋一齊 胡椒味唔係超級出 但係我覺得好夾✨呢碗麵叉燒同上面一樣 為了配合胡椒豬肚湯主題 肉類都有豬肚 佢既豬肚既特別 係一粒粒 而且配埋d肉碎同埋胡椒粒🧂令到個湯底更佳重胡椒味！味道：🍜🍜🍜🍜🍜/5 （滿分💯！）…Read More

好耐無食拉麵，因為係香港食親唔係d麵有梘水味，就係啖湯肥膩到想嘔。香港永樂製麵廠製的藜麥拉麵，好難得是沒有梘水味的拉麵，感動。好食。湯都好味，無味精，亦不膩。希望水準可以一直保持。店員服務爽快，到位。雖然座位比較窄，及有加一，不過我覺得可接受。…Read More

FAVILLA Cafe X 永樂製麵廠 X 悅和醬園 由香港品牌聯乘嘅香港拉麵，終於嚟試吓啦！地址係葵芳地鐵站新都會廣場😎 📌試業期間，推出三款不同湯底嘅拉麵（詳情🔎請睇menu) 今次就試下兩款先 🥳🍜花雕醉雞湯 $118 👆🏻一上枱就聞到陣酒味 🤩 湯底非常濃稠，而且麵量極多，我男朋友未食晒碗麵已經話好飽😂😂 可能係湯底太濃郁 😌 但整體嚟講都好滿意，咁嘅份量，性價比都唔錯👍🏻🍜真熬雞白湯 $98 👆🏻雞白湯底就好 creamy, 食食下，我覺得似忌廉雞湯咁😅 另外，配料都幾豐富，豚肉、鴨肉、雞肉都有，三款都好嫩滑，係好食嘅👍🏻 🍜日式煎餃 （麵套餐加 $25 ）👆🏻份量有6 隻，價錢幾公道；每隻餃子嘅餡料都多，漲卜卜嘅；味道同口感都好好！🍜…Read More