Lotmee

平時香港食拉麵食得多，來來去去都係果幾款，今次試下香港品牌拉麵店，仲加入左香港元素同拉麵都係搵香港麵廠去整，誠意十足就試下啦真熬雞白湯拉麵平時喺日本都好鐘意食雞白湯拉麵，因為好濃郁但無其他湯底咁鹹，樂麵哩個拉麵用咗永樂粉麵廠出品嘅麵嚟做拉麵，本身有買開永樂嘅麵係屋企煮，拉麵就未食過，口感幾似日本拉麵，軟硬適中口感有啲彈牙，都幾掛湯湯底其中部分用咗悅和醬油，欣賞餐廳願意喺傳統中保留香港獨有味道，湯底濃而不膩，有濃郁雞味，似熬咗幾耐變濃縮嘅湯肉質算嫩，肉味充足同行朋友叫咗胡椒湯，我比較重口味，試完覺得胡椒湯啱我啲，有啲胡椒香，下次再食吧本身個位已經唔闊，果日用大概A4 Size嘅袋，店員無指引有籃放袋 （或者真係無提供？），全程都要攬住食有啲唔方便，如果係櫈底加番個位放野會好啲…Read More

今晚喺葵青劇院睇舞台劇，簡簡單單食碗麵醫醫肚～平時麻麻地食拉麵，不過依間｛樂麵🍜｝就幾深得我心🫶🏻主打雞白湯拉麵同雞叉燒，好食過豚骨拉麵好多😝✴️麻香胡椒豬肚絲✴️豬肚絲好長一條，如果可以切一半就更方便食用😅調味較鹹，食完少少口喝～✴️花雕醉雕湯拉麵✴️好香花雕酒味，有驚喜！不過酒落得唔算多，飲幾啖後就無哂酒香味🥲雞肉叉燒超嫩口，索咗湯底好多汁，好食wor😍✴️真熬雞白湯拉麵✴️有幾款唔同嘅雞叉燒，肉質依舊細嫩有彈性👍🏻雞白湯濃稠度剛好，唔會太杰身難入口，整體嚟講係一碗好不錯嘅拉麵🧡…Read More

真熬雞白湯拉麵($98)✅賣相好睇，有雞湯泡沫喺面🫧✅配料齊，有蔥花、京蔥、洋蔥、辣椒絲、竹筍、溏心蛋🍲✅有齊三款唔同嘅肉，三種唔同嘅口感，雞豬鴨大滿足🍖✅豬肉有兩大片，三肥七肉，似係豬梅肉，唔鞋有肉味🐖✅鴨肉並非即食鴨胸，真鴨肉帶點鴨膏，有炙燒過，有咬口🦆✅自家研發嘅雞白湯極濃郁，每一啖湯頭都有濃烈嘅雞骨味，有一種屋企煲竹絲雞湯嘅味🐥✅唔係入口順滑嘅傳統日本雞白湯，而係每一啖都可以食到雞肉絲勁足料嘅雞「啡」湯🤤👌🏻糖心蛋有少許部份熟咗，但整體都有糖心效果🍳👌🏻雞肉應該用咗雞胸位，相對無咁滑同普通🐓👌🏻面身用咗香港永樂製面廠嘅藜麥拉麵，明顯食到有藜麥顆粒，好有風味，但非爽口彈牙的拉麵，粉感較重🍜~⭐️總括而言…如果你希望喺哩度可以食到日本風味嘅雞白湯麵🇯🇵，你應該會失望😔。但如果係試吓香港製麵🇭🇰，香港出品嘅雞骨濃湯日式拉麵🍜，我認為哩一碗麵合格有餘🤚🏻。四片肉，三款口味，配料齊全，個人認為價錢都合理喎😮。雖然個麵質唔中我個人口味🙈，但哩我食嘅哩一碗麵，會有下次🙆🏻‍♂️Btw鋪頭冷氣唔太夠，而且張枱都感覺上好痴立立，大家留意下👀…Read More

第一次試呢間喺新都會新開嘅拉麵入到去先知原來唔係平時日式嗰種佢哋溶入咗一啲港式元素例如有用咗悅和醬園嘅花雕醉雞湯永樂麵廠嘅藜麥拉麵同伊麵今次試咗兩款麵，都係揀咗藜麥拉麵1️⃣真熬雞白湯拉麵一碗麵有晒豚肉鴨肉同雞肉麵嘅質地唔錯，同平時嘅拉麵冇太大分別兩片豚肉好大塊，但係比較鞋鴨肉雞肉，各有一片，但全部肉係凍嘅似啱啱喺雪櫃拎出嚟就放喺麵旁邊同日式叉燒真係兩回事，冇得比糖心蛋就中規中矩，湯底都算OK2️⃣胡椒豬肚湯拉麵豬肚絲整得夠淋夠入味，份量都幾多豚肉都係有兩大片，不過都係似普通火腿咁3️⃣另外仲試咗再叫多咗個日式餃子都係似平時急凍日式煎餃子，無咩特別不過都煎得幾香口總結💭💭要比較日式拉麵，同呢款港日fusion嘅拉麵個人都係比較鍾意傳統嘅日式拉麵因為塊叉燒好味啲，麵嘅質地比較啱我口味…Read More

港式fusion特色拉麵真熬雞白湯拉麵🍜有慢煮豚肉、雞肉同鴨肉同半隻溏心蛋雞湯濃郁，偏鹹同重口味用雞殼雞腳熬足8小時上面仲打咗層白泡麵條係永樂製麵廠嘅藜麥拉麵有咬口，都幾掛汁，有啲驚喜👍🏻日式煎餃🥟脆口煎得靚仔下次會想試吓胡椒豬肚同花雕醉雞湯底😆…Read More

拉麵店試業中所以座位没有全部開放，好彩我哋早到唔洗等好耐，拉麵款式只有3種，我就試最平嘅$98真熬雞白湯，雞湯真係幾香，口感濃厚，藜麥拉麵可以自己選擇硬度，我覺得正常硬度幾啱我，麵質彈牙，碗內仲有兩片慢煮豚肉，雞肉及鴨胸肉各一片，3款肉都算軟林，由於湯底濃郁，感覺比較飽肚，老公就試$108嘅胡椒豚肚湯，豚肚份量較少但湯嘅胡椒味超勁，適合冬天食，因為好暖胃，呢個晚餐整體都算唔錯，下次有機會我想試埋花雕醉雞湯及煎餃子。…Read More

琴晚咁啱同朋友經過新都會，見到有間新開嘅拉麵舖就入咗去試吓～ 雖然個餃子就無乜特別，但係個醉雞湯幾有驚喜，雞湯濃得嚟又唔會遮蓋咗花雕嘅香味🤤 見到仲有個胡椒豬肚湯，幾特別，下次可以嚟試埋！…Read More