今次食咁嘅哩間泰國 真心好味😋我哋2個人叫咁多嘢食 就知佢咩料啦～每樣都好食！連飲品、甜品都係！所以最後就算好飽 都忍唔住外賣個芒果糯米飯返去做宵夜好痴線😂.🥥椰子沙冰 $59 （❤️）先嚟就講飲品，係因為好好飲！原個椰青加椰奶去打成沙冰，飲落成口都係椰味，而且啲冰打到好滑，入面仲有啲椰子肉，超好味！.🔸皇牌咖喱炒蟹 $369（❤️）、蒜蓉包勁正，個咖哩好香，食落我覺得有少少似係泰式咖哩加咗啲印度香料咁，好惹味！蟹好肥美，好大隻蟹鉗！香噴噴嘅咖哩汁配脆蒜蓉包，一流！.🔸 清邁酸辣飛天羅非魚 $209（❤️）出奇地好味，同埋好多肉！佢似係咕嚕魚咁，外皮炸脆咗，再用泰式醬去煮，甜甜酸酸辣辣，仲有啲香茅味👍🏻。魚肉幾大舊，肉質唔會鬆散，好好食！.🔸 泰式青檸燒牛肉 $125（❤️）哩款嘅牛肉比串燒嘅靚，肉質鬆軟，燒完特別香口，再配泰式酸辣醬，超惹味！.🔸泰式椰汁雞湯 $89（❤️）好滑好香濃，飲落好舒服！入面有唔少嘅雞肉、菇類、洋蔥、番茄、香茅，好足料！味道少少似唔辣嘅冬陰公。.🔸泰式拼盤S $138（👍🏻）有雞卷、蝦餅、魚餅、春卷，熱辣辣炸起好好食！我最鍾意春卷同蝦餅，春卷粗身餡了多，蝦餅入面有啲蝦肉，好彈牙！.🔸泰式生蝦刺身 $119生蝦新鮮爽彈，肉又厚身大隻，正！.🔸串燒沙嗲 $85叫咗三串雞、三串豬，醃得好夠味，燒得好香。我比較喜歡雞肉多啲，肉質嫩滑彈牙。.🔸馬拉盞炒椰菜苗（👍🏻）除咗馬拉盞仲有啲蝦米一齊炒，所以好香，好惹味，啲菜都好新鮮，好味！.🥭芒果糯米飯 $59（❤️）好好食！芒果又香又甜，椰汁好香濃！而且唔會太甜！個糯米飯好煙韌，外賣返到屋企攤凍左食，都仲係好味！必食！…Read More
