Thai Perfect

係銅鑼灣行街，咁啱見到附近有呢間泰式料理就過黎食下😚🍽️用餐人數：2▪️馳名冬陰功湯-小（二人份量）$78📌推薦湯好濃郁，味道酸酸辣辣都幾開胃，入面都比得幾多蝦👍🏻▪️皇宮大蝦蛋網炒貴刁$108📌推薦呢到餸嘅賣相好好睇，有啲唔捨得整散佢😂佢會有三種配料：花生碎、砂糖、辣椒粉，而我就會三樣一齊上😋隻🦐係好大隻同埋好新鮮唔會梅，蛋網口感好脆，貴刁夠乾身▪️沙嗲串燒（雞）$72/4串雞肉串都OK，肉質幾實淨，有少少難咬，味道同沙嗲醬都夾▪️椰青大菜糕（3件）$38📌推薦❗️❗️椰青嘅味道好夠，好原汁原味😋入面仲夾雜咗椰子肉，就算食飽都開啟到第二個胃😚…Read More

今次星期六夜晚去到 唔洗等位就入得 仲比左好大個卡位好闊落😆所以坐得幾舒服 皇宮大蝦蛋網炒貴刁 $108 其實就係炒金邊粉😛賣相都幾靚 撈埋花生、糖一齊食 酸酸甜甜好開胃 炒得幾乾身 幾好食 泰式青咖喱雞$98青咖喱都唔錯 好香椰奶味 不過就比較重口味 雞就正常水準 係冇骨既雞髀肉 薄餅$30叫左咖喱點可以唔叫薄餅🤪一份有4塊 我地叫左2份 好鬆軟 煙煙韌韌 點解咖喱食一流 泰國椰菜苗$90炒得好惹味 辣辣地 椰菜苗都幾嫩 但份量就比較少 性價比低左啲 …Read More

3個女仔食生日飯，座位闊落又唔嘈(我地訂左枱被安排坐卡位)，啱傾計。叫左個佢好多人推介既皇宮蝦蛋網炒貴刁，賣相好靚(同佢餐牌一樣既)，同埋真係好好味，份量足，三個女仔分大家都飽既。椰青荔枝雞湯有驚喜，我超鍾意！平時出面食泰國菜淨係見椰子雞湯，有荔枝我係第一次見，做唔到個味好夾，同埋令個湯清新又唔會好油膩，值得一試生菜包有得揀微微辣，啱我呢啲完全唔食辣咁滯既人既口味。蝦醬炒通菜都好惹味，不過嫌份量少左啲。嘢飲就普通，朋友既芒果沙冰幾吸引，我自己杯椰汁冰普通，另一個朋友叫椰青都係同出面既差唔多。…Read More

眾所周知~位於銅鑼灣的金百利有不同國家料理的餐廳匯集平時最常吃的是越菜，但好像吃得有點多~所以這天就想不如吃吃泰國菜吧！升降機到達8樓 ~ 一打開就看到 「 泰式食 」 的招牌 ( ﾟ∀ﾟ)σ 進到餐廳看著店內的裝修與擺設，會否有一種錯覺去了泰國呢？還發現有一架篤篤停泊在店中喔！！而且有些座位也滿適合一班朋友坐著用餐聊天。不過就冷氣有點大，坐坐下會覺得有點冷 (飲了熱茶會好點/// 除了散點外，晚市時間亦有一些套餐可供選擇 套餐當中包括湯、小食、主菜、蔬菜，還配有白飯和甜品不過由於想吃的咖喱和湯也不在選擇之中，最後決定散點好了 (ﾉД`)原個椰青荔枝湯 ($105/個) ( ﾟДﾟ)ﾉ 平時將椰青當作飲品就很多，變成湯品還是第一次見湯頗清澈～配合荔枝喝起來更為清甜。還有椰肉、荔枝可以吃的喔蝦麵卷 ($108) -  脆卜卜的外層與放置隃一會兒才吃亦是很香脆內層的蝦肉在對比下有點單薄，不過吃落是頗鮮美的盲曹魚 ($168)這魚的名字是第一次聽到  (๑• . •๑)  聽店員說這種的魚骨比較少不過這碟在製作時已經拆掉了魚骨，所以吃的時候很方便，連小朋友也可以吃調味稍微偏濃，所以完全沒吃到魚腥味。如果用來送飯吃就剛剛好吧黃咖喱焗士兵雞 ($148/原隻) 配 泰式香酥餅 ($30)會叫作 "土兵雞 " 那是因為使用了春雞，牠的英文名 Spring Chicken 譯過來的雖說這是咖喱 (｡・ω・｡)  但並沒有真的很辣那樣子惹味來形容會較為貼切，所以為了不浪費便點了帶煙韌口感的香酥餅來配是說雞肉煮得很軟，輕輕一刀已經能將肉拆出來~嫩滑的雞肉為這道菜加添幾分美味最後還點了 - 皇宮大蝦蛋網炒貴刁 ($108)就貌相來看是頗不錯的 （￣︶￣） 那大蝦的肉很厚實但可能之前吃的都太濃味，所以這顯得有點遜色甜品方面當然也要吃！而且點了兩款都是我喜歡的 (●´ω｀●)ゞ椰汁千層糕 ($38/3件) & 芒果糯米飯 ($60)一層層的千層糕很鬆軟且帶煙煙韌韌的口感，充滿了椰香卻又不會太甜另外對於煙韌的糯米飯就是沒辦法抗拒，再加上香甜的芒果和椰汁就更愛吃了！飲品也有點 - 泰式奶茶 ($28)橘紅色的奶茶與我們平時飲開的港式奶茶不一樣的喔茶香較重～飲的時候又不會很澀，大概是加入了煉乳的關係!?…Read More

星期日與同行女友人去完街, 佢話想食泰國菜, 一於openrice search下先:)目標鎖定香港區附近, 見銅鑼灣就腳, 又係地鐵站附近,  一於揀呢間! 食評反而無睇太多見未肚餓, 特登係附近行左陣先上去, 晚上6時多到達, 食客不足一半(如果唔係見到食評都唔識走上去)先黎一個泰式蝦醬炒通菜 , 夠味又炒得香口必點!再黎一個皇宮大蝦蛋網炒貴刁, 大蝦肉結實, 貴刁酸酸甜甜, 十分開胃!伴碟有花生碎,辣椒粉, 砂糖, 青檸, 可按個人喜好加入其實友人話食泰國菜既主要目的就係佢, 酸辣生蝦!日本既甜蝦就食得多, 今次係第一次食泰國既生蝦, 附上既青色酸辣汁好開胃!加埋蝦肉爽口, 一流!食泰國菜點可以無咖哩, 太多選擇, 一於選擇咖哩雞上菜時店員問要唔要叫埋薄餅, 食得咖哩, 汁當然係重點啦, 唔好浪費, 一於要埋佢仲嗌左三色冰, 椰汁冰. 食完真係大滿足加一服務費, 2人埋單$472雖然唔係平到笑, 但以如此質素, 頗為抵食!…Read More

》在炎炎夏天真的讓人懶得在街上找好東西吃呢。於是某一天的下午跟朋友逛街後，朋友提議去吃這一間，對於我來說，新的嘗試也是不錯的 ~~ 》位於金百利廣場 8 樓的《泰式食》，我倆在下午 6 點半左右到達，入座率大約一半，在旺區來說算是比較清靜呢。服務員領我倆到餐廳後面一張四人桌，正正對著廚房門...放眼一看沙發位或是前面一點的空桌子多的是，奇怪為什麼硬要帶我們去坐那麼礙眼的位置呢 ?算了不管了。看一下餐牌有什麼好吃的 ~~ 》不知道份量有多少，於是隨意地點了一些，兩個小吃一個主食還有兩個飲料。》待上菜 ~ 面前的盤子也滿有特色。》飲料先送上，左邊的是椰汁紅豆冰、右邊的是珍多冰。我喝的是椰汁紅豆冰 ~ 椰汁味道很濃郁，不過沒什麼紅豆味呢。價錢記得在 HKD$20 - 30 左右一杯，感覺不太值耶。》小食上菜了！先來的是軟殼蟹春卷 (HKD $75) 以 HKD$75 的菜來說我覺得是不太值得的 ... 上菜是春卷的溫度很微妙，似冷不冷，像是放久了涼了的感覺。咬上去一口，其實幾乎沒有咬出什麼味道，咬到蟹的話才會有少許蟹的味道，於是那盤泰式汁原來是這碟菜的精華 ... ( 不點醬汁的話就是什麼味道都沒有的感覺 =_= )》第二個小菜就是沙嗲串燒，我們叫的是雞肉串 (四串)，價錢忘記了，大概在 HKD 60 左右。嗯！這個有加分 ~~ 燒的肉嫩度剛好，沙嗲醬料從上菜開始已經有很大的香味 ~~ 點了一下真的很好吃！不太辣的沙嗲醬料 ~ 》主菜上場了，就是皇宮大蝦蛋網炒貴刁 (HKD 90)！可是想不到大蝦居然是這樣上場的啊哈哈 XD 起初只是覺得它就是一個很普通、一個方形的蛋包麵 ... 可是之後才發現好像又有一點特別呢。在麵的旁邊有三種配料：辣椒碎、砂糖、花生碎，吃的客人可以按自己的喜好加配料，好像不錯呢！不過我跟朋友不想吃太辣，於是選了甜甜的砂糖。麵的本質本來就有少許的酸辣，加上砂糖真的不錯的感覺！》吃完了上面的那些之後，我跟朋友都覺得好像不太夠，如果又點了一個泰式的西米糕，HKD$32 四件。比在外面買到的西米糕大顆一點，椰汁的味道也重一點，但如果平均來說一件要賣 HKD$8 的話好像是不太值得。》總結來說這一間店的食物並不是全部都合格，環境跟服務還有進步空間才能對得起那個價錢，如果始終留在原地的話，大部份客人像我都只會來一次就夠了。…Read More

5月8日, 母親節夜, 媽媽喜歡食泰國菜, 一行七人來到金百利的泰式食吃晚飯~ 一入門口就見到架泰國篤篤, 周圍環境暗暗地, 又有d霓虹燈咁嘅裝飾, 充滿泰國街頭氣氛!::: 馳名冬蔭功湯 ::: $58叫咗個細嘅冬蔭功試下, 份量大概夠兩至三人食~ 味道酸香帶微辣, 有少少雜菌同兩三隻蝦, 料唔算話足, 但風味搭夠啦! 只係細兜咗少少…::: 招牌清炒雜菜 ::: $54呢個雜菜$54就真係好唔抵! 種類係多~ 有芥蘭、西蘭花、椰菜花、紅蘿蔔、蓮藕、雲耳、 荷蘭豆、粟米仔、雜菇、番茄仔咁, 真係乜都有! 可惜份量超細碟, 樣樣都得一、兩舊… 感覺好似將d剩菜炒埋一碟咁. 味道亦只如一碟普通炒雜蔬, 毫無泰式風味!::: 泰式青咖哩牛 ::: $68呢個青咖哩竟然唔係辣野! 睇顏色都feel到佢個椰奶味有幾濃重, 而且真係唔辣, 只有少少咖哩香. 質地少少杰身~ 點薄餅同飯都易撈! 牛肉份量一般, 唔算韌, 但鮮味欠奉. 反而欣賞佢d配菜如茄子同番茄仔, 唔會煮得過淋, 索埋d咖哩汁食夠惹味~::: 泰式香酥餅 ::: $20叫得做香酥餅仲以為係油鬆餅… 點知原來係扁韃韃嘅薄餅… 講真真係毫無香酥可言! 因為太扁, 中間位置口感太實, 又唔太食得到麵粉香… 又唔太索到咖哩, 麻麻地…::: 菠蘿炒飯 ::: $80菠蘿炒飯不嬲都係裝假狗架喇! 一大個菠蘿殼其實只滑空咗一半多少少, 飯量絕對唔多~ 不過貪佢難食極都有個譜~ 撇除份量, 炒飯都算做得對辦! 飯粒鮮明乾爽, 料亦兜得均勻. 只係d菠蘿同蝦碌切得略為大粒, 有d難入口.::: 皇宮大蝦蛋網炒貴刁 ::: $90幾乎食親泰國野都要叫pad thai! 呢度嘅pad thai就擺明sell靚樣~ 蛋網做得好好! 又薄又脆又靚仔!! 面頭隻大蝦都相當大~ 肉質彈牙有鮮味~ 收貨啦! 主角貴刁亦夠鑊氣~ 鮮橙顏色令人開胃, 味道亦佳! 而且唔會炒得太油膩~ good!::: 椒鹽軟殼蟹 ::: $98O wor! 估唔到呢個唔算泰國菜嘅椒鹽軟殼蟹可以整得咁好食! 一來d蟹新鮮, 又好肉地~ 炸得外脆內嫩之餘, 部份咬下更流出少量蟹膏! 加埋面頭嘅大量炸蒜, 呢d惹味香口野真係令人食不停口~ 送酒應該一流!::: 白飯 ::: $10@ x3算係呢度比較抵食架喇! 大大碗咁囉~是夜母親節都唔係好多人, 相信食物質素係主要原因之一~ 但論環境氣氛呢度絕對有好高分! 充滿泰味嘅佈置、私隱度高嘅舒適廂坐、泰國電視節目… 仲有隊live band現場演唱~ 對於講究環境多於食物味道嘅人嚟講呢度都係個唔錯嘅選擇.…Read More