Royal Dessert (Chung On Street)

平時好少出荃灣，今日同朋友喺荃灣行街食完飯之後想食甜品，然後搵到呢間唔錯就去咗試。門店都係普通糖水舖嘅裝修， 夜晚10:30在場仲有五六台客十分熱鬧一坐低就見到幾多岩食嘅嘢，重點係覺得價錢幾抵🤑留意到呢間嘢西式嘅話就有好多芒果類甜品， 而中式嗰啲有返一定嘅質素， 例如芝麻糊同埋合桃糊都係自家磨製， 我哋就叫咗一中一西試吓✍🏻白雪公主椰汁河粉條芒果雪糕芒果肉$36 芒果雪糕係普通嘅雀巢雪糕， 唔算特別吸引芒果河粉爽口嫩滑，掛埋芒果汁底超級消暑解渴芒果肉甜得黎有香味🥭✍🏻北海道牛奶燉蛋白$28去糖水舖唔想食得太甜驚唔健康， 好多時我都會食燉蛋白因為比較原材料亦都少啲糖， 如果每月唔舒服嘅日子叫熱嘅食一樣咁好味佢呢個燉蛋白食落去奶香味都夠濃， 仲食到一陣煉奶嘅味， 有可能係用煉奶當糖， 有少少雙皮奶嘅風味🥛唯一係覺得啲紅豆太甜 如果紅豆係咁甜嘅話個蛋白其實可以少番啲糖佢有冇紅豆嘅版本， 或者大家可以試吓嗰個…Read More

傳聞老闆娘有獨門秘方，晚上秘密調制絕不外傳，今日親自到來一試。八點半有多飯後甜品時間，人流不多，環境乾淨企理光猛，唯獨相信店主原想裝修添置一些英式時尚感，並掛上一些掛畫擺設，但好像有點模仿不足，又欠有特色的感覺。《白雪公主》$32椰汁粉條＋芒果＋芒果雪糕名字可愛特別易記，但係白雪公主有整啲芒果黃色落去又有點……椰汁粉條加上芒果蓉汁恰到好處，有點兒像河粉感覺，不易段開，和芒果搭配得宜， 略嫌芒果質量稍遜，雪糕正常普通。《榴槤銷魂》$38（ 有機會真係想請教下 老闆娘點解改呢個名）榴槤蓉＋雲呢拿雪糕＋綠茶啫喱＋芋圓但顏色黃黃綠綠，唔知係唔係雪糕溶咗？或是榴槤太過水，有啲飲湯羹的賣相，不過甜品都不可以貌相，吃起來榴槤蓉雖然好似好少，但配埋雲呢拿雪糕，食得出榴槤果王嘅香味， 至於相信為咗顏色嘅配搭嘅青BB啫喱亦可以，芋圓煙韌有咬口。整體嚟講皇室甜品，種類繁多，看得出有用心思，下次順路會過嚟再試下其他甜品，希望有驚喜！！食物賣相＝(滿分20) 15食物味道＝(滿分20) 16服務質素＝(滿分20) 14裝修整潔＝(滿分20) 16性價比率＝(滿分10) 7回頭指數＝(滿分10) 8總評分（滿分100）76分…Read More

番完老豆度食飯之後,我提議阿肥不如試下一齊行高速天橋落大窩口再穿過去荃灣搵甜品食,順便當散吓步啦~結果行吓行吓,原來同荃興徑嗰邊都有一段距離,所以阿肥就話帶我去一間比較就腳嘅,喺眾安街嘅地舖"皇室甜品",佢話佢幾年前同同事收咗工食過都唔錯,我記得我都好似食過九龍城分店吖~入到裡面嘅第一感覺就係地方比九龍城嗰間大好多,所以坐得比較寬敞舒服啲,睇睇menu都一樣新派舊式任君選擇,芒果控嘅阿肥又叫咗碗<白雪公主>,而我就俾芋圓嘅魅力而吸引咗,嗌咗呢碗<紅豆相思>happy吓紅豆相思($30蚊)：紅豆加上芋圓呢個組合基本上都迎合我嘅心意,再加上有雲呢嗱mix椰汁作為"湯底",味道確實唔錯,而另外竟然會仲有台式仙草凍混入其中,感覺糖水之中再加一份清熱作用,唯一美中不足就係裡面有我最唔鍾意嘅西米如果下次我再叫呢款嘅話我一定會厚住面皮問佢可唔可以走西米白雪公主($32蚊)：阿肥之所以食過翻尋味嘅原因就係佢有齊椰汁粉條+芒果+芒果雪糕呢三項無敵得寵食材,佢仲猛咁叫我試下啲椰汁粉條啦因為佢覺得整到好似河粉形狀咁,口感好得意同椰汁味都幾濃。…Read More