我愛慢煮 (Closed)

在灣仔大街軒尼詩道的樓上鋪，有間有戶外又有室內的露營慢煮餐廳，主題是露營，有很多帳篷等的佈置，座位寬躺私密度又高。【日式燒牛肉他他沙律】嫩滑的燒牛肉輕輕燒過後很香口，中間還有半熟溫泉蛋撈勻後蛋汁流滿沙律。【白酒煮藍青口】白酒和洋蔥調味充足，青口質地彈牙亦夠入味。【慢煮原條豬肋骨】半份的份量亦夠每人分到三條，酸酸甜甜的醬汁很開胃，如果配菜切成一小塊會更加容易調味。【小食拼盤】食物種類很多而且全部都炸得香脆，最吸引是吉列蕃茄芝士，中間的蕃茄蓉撈勻薯仔加上芝士，味道好濃郁口感又滑；日式紫蘇豚肉腸亦很入味，特別是中間的紫蘇香葉加分不少。【榛子慕絲蛋糕】軟熟的榛子慕絲，有點像Kinder朱古力的味道。【熱情果水果茶】熱情果味香濃配上紅茶解渴冰涼。【Lemongrass Lime】杯子是雪凍後拿出來的，欣賞餐廳的認真和細心。

比我搵到一間好chill既餐廳食飯😍放工同老公過黎撐枱腳。▫️美式蜜糖芥末豬仔脾 (4件 $118)轉套餐 (+$32)有粟米湯、法包、飲品慢煮豬仔脾 肉質鬆嫩，容易切開，拎住食都好正，唔鞋口又易咬。配上本來既BBQ醬或蜜糖芥末醬都好好食。仲有配菜翠肉瓜、胡蘿蔔、薯仔，好豐富。▫️特濃朱古力 (+$8)好靚玫瑰拉花，朱古力味好濃郁，甜度適中。▫️白酒煮藍青口 ($148)好多粒青口，每粒都厚肉肥美，加上好香既白酒蒜蓉洋蔥汁，味道好好。▫️炸蕃薯條配黑松露沙律醬 ($78)食落有啲似炸洋蔥既味道，但的確係蕃薯條，點黑松露沙律醬食特別香口惹味。▫️榛子咖啡 ($40)聞到好香榛子味，比咖啡味濃烈，味道偏甜一點。▫️千層蛋糕拼雪糕 ($88)千層蛋糕既忌廉好滑，餅皮夠薄又有濕潤感，味道唔係好甜，會好想繼續食落去。雪糕有幾款選擇，我地揀左雲尼拿，仲有朱古力漿同彩色朱古力粒條😋環境方面呢到真係好chill，露營風格，有露營枱凳，仲有個tent添。店員都好有禮貌，上菜都快，坐窗口位望出街嘆杯咖啡都幾寫意。