Ramen House Hototogisu

成日返工搭車都會經過呢間佈置幾特v別嘅粉紅色餐廳，原來入面係食日本蠔同拉麵的！入面格局舒服，座位好有空間感。個人覺得呢到嘅小食真係好有心思，值得一食！🍢菇燒牡蠣串（2串）係日本廣島蠔配上紫蘇葉，食落去更能突出蠔本身肥美且鮮甜嘅口感😋外層係汁燒風乾火腿，口感有層次感。旁邊係玫瑰外型的白蘿蔔，酸酸的好開胃！🍤牡蠣野菜天婦羅同樣非常有心思，食材亦好創新！除了2個大大嘅日本蠔肥美新鮮外，還有鮮粟米、尖椒天婦羅都好特別！鮮粟米🌽天婦羅粒粒外層脆香入面juicy，而尖椒內竟然食到明太子，真係好有驚喜 😋可以話係脆香不油膩之餘，增添多份口感。🍜拉麵都幾有水準：🌟白豚骨拉麵好濃湯味，鹹度適中，配上少肥薄片豬肉+幼身拉麵，味道不錯🍜豚骨辛拉麵辣味幾重，而且惹味，幼身拉麵texture 軟淋，吸曬湯嘅辣香濃味😋有機會一定再來食日本蠔特色小食！…Read More

呢間係日本有米芝蓮一星既拉麵店果然有質素🌟座位唔似一般拉麵店咁迫 四處既裝修都帶點Modern既藝術感🎨 但係最吸引我既都係佢主打既牡蠣🦪由拉麵去到小食都見到佢既影子🤪 味道濃郁帶點點鮮味 彷彿去左日本既魚市場咁呢🎏⭐️ 牡蠣鹽味拉麵 🍜主打既蠔拉麵一定要試💛 湯底清澈但係帶濃濃蠔味🫶🏼 香得好天然 加上蠔醬可以溶入湯底中 一啖食到曬牡蠣既精華🌊 配菜用左洋蔥同Parsley等調味🥬 混入Fusion既元素令湯底更加清爽 蠔味更加容易接受👍🏻⭐️ 白豚骨拉麵 🐷豚骨湯濃厚得黎仍然好清澈🤍 比起一般既豚骨湯勝在少了一份油膩🥰半肥瘦既豚肉特別充滿油香🥓⭐️ 醬漬牡蠣一口飯 🍙醬油調味過既牡蠣鮮味更加濃🤩 配上蠔湯煮成既蠔飯 🍚 更凸顯出唔同層次既鮮味💙⭐️ 牡蠣野菜天婦羅 🍤炸漿技巧做得好 唔會太厚太重油膩感🔥 野菜既鮮甜好豐富 特別係粟米有驚喜🌽 炸過既蠔同樣不失Creamy既口感⭐️ 紫蘇雙檸洛神花茶 🌺⭐️ 蘋果焙茶 🍎飲品既水準同樣令我驚訝🥳 洛神花茶帶典雅濃濃既花香 加上檸檬同青檸既酸 味蕾好豐富🍋 蘋果焙茶唔會只有糖水味 蘋果味好清香配上濃郁既焙茶甜味好自然☕️…Read More

過江龍米芝蓮一星拉麵店金色不如帰姊妹店─牡蠣不如帰，全港首間「牡蠣黃金湯」湯頭拉麵店，以「蠔」湯作為主打嘅拉麵店今日我地黎到銅鑼灣全新分店，叫咗兩款拉麵同兩款小食，果然係米芝蓮一星金色不如帰嘅姊妹店，真係無令人失望白豚骨拉麵：除咗牡蠣拉麵都想試下啲傳統口味，湯底味道夠濃郁之餘唔會太油，啱晒香港人口味，拉麵同金色不如帰一樣用同款拉麵牡蠣鹽味拉麵：介紹係數十斤生蠔熬製嘅湯底再加埋自製蠔醬及蠔油，飲得出真係無偷工減料蠔味十足，另外重有兩片豚肉、火箭菜、紫洋蔥、京蔥等作為配菜，非常豐富- 菇燒牡蠣串無燒到乾晒之餘食落啲蠔汁真係爆出黎，另外牡蠣係連埋秘製直菇、鮮嫩紫蘇菜、風乾火腿一齊燒，口感非常豐富- 牡蠣野菜天婦羅日本蠔天婦羅炸到外層脆扑扑但入面啲蠔重係爆晒蠔汁；野菜分別有新鮮栗米、明太子釀尖椒同蕃薯，粟米同蕃薯都非常甜，尖椒食落有驚喜，入面竟然釀咗明太子食落辣辣地呢度嘅天婦羅做得非常好，炸衣一啲都唔厚而且入面嘅食材依然keep到juicy- 日本直送木村梳打汽水完熟白桃同信州巨峰，有10%果汁成份，兩款都非常唔錯…Read More

尤記得幾年前《米芝蓮 東京版》終於認同日本國民美食拉麵，首次將東京拉麵店「蔦」評定為一星餐廳。自2015年底摘星後，2017年進駐香港，曾經風頭一時無兩，在尖沙咀及銅鑼灣黃金地段開設兩間分店；後來不知什麼原因相繼結業，在今年年中撤出香港。「有人辭官歸故里、有人漏夜趕科場」，另一間位於東京新宿地區、只有10個座位的小拉麵店在2006年創業後，經過幾年辛苦經營，逐漸被日本權威飲食雜誌吹捧，並終於在2018年底首次摘星。跟著在2019年底就在香港開店，只用了一年多時間連開三間分店，風頭較𨦫羽而歸的「蔦」更勁。至於日本本店那邊，則仍然維持一間小店，並連續三年摘星；如無意外，今年年底會再度蟬聯。寫到這裏，應該已知道所講的正是「金色不如帰」。上次行經百德新街，留意到第四間分店正在裝修，原來今年年中已正式開業，但招牌卻換成「牡蠣不如帰」。到底是什麼一回事？今日就探個究竟。可能店舖名字改了，裝修風格有别於其他三間分店。門面採用灰色石牆，如果不知道底藴，會以為是一間高級日本料理；偏偏又襯以一大幅反光單面玻璃及半透明金色日式暖簾，與低調的石牆門面有點格格不入。推門入內，見到粉橙紅色的牆身及天花，配搭泛黃色燈光設計，顛覆了日式拉麵店的室內設計，甚至可以用夢幻來形容。面積較香港其他三間分店細，但仍然較東京本店大，約有20多個座位，偏偏沒有日式拉麵店必有的吧枱座位，但就仍然保留了開放式廚房格局。其實也是迫於無奈，舖位凹凹凸凸、地方並不好用，根本冇辦法安排一列吧枱式座位。小店一角僻有一間小室，牆上繪了一幅色彩繽紛的壁畫，畫中少女正在品嚐推介名物牡蠣鹽味拉麵。這幅壁畫及獨特裝修風格，已引人急不及待、躍躍欲試拉麵店的各款出品。「金色不如帰」以貝汁、魚湯及豚骨湯混合而成的獨特湯底，再加上自家製黑松露醬及牛肝菌油，突破了傳統日式拉麵框框，並且大獲好評。創店人兼大廚山本敦之先生再接再厲，研製蠔汁湯底，並在香港開了此店「牡蠣不如帰」。據店員透露，香港四間店雖然由香港人參與投資，但山本先生全權主理廚房出品。之前三間分店開張時，山本先生甚至親臨香港，因應香港的水質及湯底材料，重新調節配方，以求盡量做到同日本本店的味道一模一樣。至於今次開業的「牡蠣不如帰」，雖然因為疫情關係，山本先生無法來港；但仍然遙距與員工緊密溝通，務求湯底味道盡善盡美。餐牌簡單，但印刷精美。主打四款拉麵，另有三款丼飯及八款小吃；小吃中有四款用牡蠣為主要食材。全部小吃都很吸引，但實在冇辦法一次過品嚐，只好嚴選兩款。要更貼切去形容醬漬牡蠣一口飯（$68），應該是醬漬牡蠣手卷。事實上，一口要鯨吞整個手卷有點難，但分開兩啖又有點麻煩 ⋯⋯ 只不過，手卷實在幾大件，冇辦法。先講賣相，滿分。咬下去又可聽見「嗦嗦」聲，賣相加美味鬆脆紫菜已惹人好感。濕潤而淺啡色的飯粒用蠔湯煮制而成，飯粒也充滿濃郁海水味及蠔鮮。棕色的醬油漬廣島蠔予人濃郁蠔香觀感，視覺已經感受到蠔味滿瀉。咬下去果然飽滿多汁，瀝乾了醬油的牡蠣倍覺甘香爽口，既有蠔的鮮甜、亦有醬油鹹香。更加不能錯過表面那一小抹墨綠色的自家製蠔醬，用鮮蠔磨爛、加入調味熬煮而成，蠔味較醬油漬廣島蠔更濃。一個飯糰用上四種材料，其中三種皆用了蠔（牡蠣），蠔味還有不同濃郁程度 ⋯⋯ 只要喜歡食蠔，冇可能不給予滿分。只稍嫌味道太濃，醬油漬廣島蠔亦有點鹹（牡蠣的海水味）上加鹹（醬油）之虞，未必人人接受。以「金色不如帰」的湯底基礎為藍本，用蠔湯取代貝汁，牡蠣鹽味拉麵（$118）的湯底用蠔湯、魚清湯及豚骨清湯混合而成。由於係清湯，膠質含量低，湯頭沒有傳統豚骨濃湯的稠身起膠。之前未有機會品嚐「金色不如帰」的出品，沒法比較。啖一口湯底，味道充滿驚喜。淺啡色源自豚骨清湯成分，但豚骨湯味道不明顯；美味源於牡蠣鹹鮮及魚肉清甜，有別於傳統日式拉麵的豚骨濃湯或者鹽味 / 醬油豚骨清湯。根據品嚐指引，嘗試混和少許拉麵內的鮮蠔油及自家製蠔醬再品嚐拉麵湯底，由於湯頭蠔味已經很濃，分別不太明顯。幼身麵條沒有鹼水味，入口滑溜，軟身帶咬口、少少彈牙，小編正好最鍾意這種日式拉麵質感。兩片低溫叉燒入口軟滑腍身中帶少少爽口，又有少少豚脂軟膏，好吃；再連同叉燒上的蠔醬一齊品嚐，味道更添鮮美。京蔥及紫洋蔥雖然並非日式拉麵常用材料，都算係日式口味，不太明白點解會配搭火箭菜、意大利番茜及蕃茄？可能想中和湯底的超濃郁鮮味？或者刻意加入西方食材，突破日式拉麵傳統？無論如何，麵條、湯頭及叉燒皆非常出色，這碗牡蠣鹽味拉麵實在太好食。日式拉麵始終不能缺少經典口味白豚骨拉麵（$115）。湯底沒有加入蠔湯及魚清湯，豚骨香氣來得更明顯。即使沒有稠身起膠，味道依然濃郁，炒香了的紫洋蔥碎更進一步提升湯頭香氣。另一個同牡蠣鹽味拉麵的分別之處，白豚骨湯底味道稍淡，似乎較適合香港人口味。採用另一款用豬腩肉炮制而成的日式料理叉燒三層肉，切得薄身的間花豬腩肉腍身軟滑，鬆化的豚脂味道香濃，只得薄薄兩片實在唔夠喉。第一道小食已先聲奪人，蠣泡茶漬飯（$65）就有點給比下去了。其實味道也很好，只不過醬漬牡蠣一口飯先入為主，所以將標準提高了。與其他茶漬飯相同，加入了蔥花、紫菜碎、芝麻、炸米花等佐口材料；與別不同之處在於飯粒用蠔湯煮制而成，並且伴以一隻蒸廣島蠔。倒下牡蠣黃金湯，芳香撲鼻而來。顏色較牡蠣鹽味拉麵的湯底來得比較清澈；飲一啖，蠔味鮮美，味道亦偏近單純的牡蠣清甜，不似拉麵牡蠣湯底的濃郁。儘管如此，每一啖湯飯仍然有如啖了一隻蠔。再食蒸廣島蠔。與醬漬牡蠣的甘香爽口不同，蒸牡蠣剛剛熟透，爽甜滑溜、帶少少 creamy，蠔汁更多；是另一種不同口感，但同樣令人回味的美味 。拉麵定價不便宜，但在香港要找一家更貴的日式拉麵店亦沒有難度。比較之下，「牡蠣不如帰」勝人一籌之處在於無論拉麵湯底及自家製小食全部充滿特色，亦配合牡蠣主題，味道更是一絕，實在不能錯過。…Read More