Imperial

今次同朋友黎食呢間私房菜慶祝生日, 位置好隱蔽, 唔係朋友介紹都唔會識黎 😆 佢本身有好多唔同款式套餐, 除此之外都可以叫師傅為你度身訂造套餐, 有驚喜之餘亦可以食啲平時較少點既餸菜 😚以下係今晚菜單, 供4個人食, 總數$2,096:極黑豬叉燒白胡椒爆炒南非鮑魚香煎龍蝦茅台紅蔥油蒜子碌白鱔荷羽雞上湯浸時菜仲有凡慶生都會送1碟滷水鵝肝鵝腎, 可以用黎做頭盤 😊基本上食物都好有水準, 尤其南非鮑魚, 煙韌 彈牙, 白胡椒醬又香又惹味, 我地將啲醬汁飲晒 😋 香煎龍蝦煎到金黃色, 成隻蝦醃到連殼都入晒味! 白膳同樣有脆炸口感, 加上用蒜頭一齊煎, 白膳充滿爆香過既蒜味! 餐廳有廂房可能訂, 無最低消費, 客人可以自行攞酒水, 而且唔會收切餅費, 絕對岩一班人黎慶祝生日。…Read More

餐廳提供粵式私房菜, 餐單可以自己選擇, 也可以交給師傅全權負責, 粵式Omakase大家又試過未 🤭 餐廳不會囤積食物, 絕對確保食材新鮮, 所以打自來吃之前最好諮詢問一問, 如有需要, 最好預先訂貨 😉 設計菜單 4人份 $2,080滷水鵝肝鵝腎這個是生日優惠, 每枱只要有人生日就會送1份, 本身2款滷水都新鮮, 加了微甜的滷水汁, 帶點清爽, 最適合當頭盤!白胡椒爆炒南非鮑魚胡椒由師傅親自磨, 再研製成秘製醬汁, 包含非常香的胡椒味, 醬汁太美味, 我們都全喝了 😋 鮑魚比較軟腍, 同時有咬口, 只吃1隻有點不足夠 😬香煎龍蝦這種煮法一般餐廳比較少見, 一上碟已經嗅到龍蝦煎過的香氣 🔥 師傅已經幫我們切成一件件, 有啖啖肉的效果 🤗 不止龍蝦肉新鮮彈牙, 連龍蝦殼都醃上味, 部份位置更可以連殼都吃掉!茅台紅蔥油蒜子碌白鱔這個比龍蝦更誇張, 滿滿炒蒜香味, 茅台已經蒸發了, 所以不會有酒味。白鱔煎到脆邊, 中間白鱔肉非常厚身, 完全沒有腥味, 平時不愛吃鱔的我覺得這個菜式特別出色!! 🤩荷羽雞利用荷葉將雞包住, 雞內放入米飯, 乳鴿, 雞肉, 足足蒸了3小時多! 米飯吸收了乳鴿和雞肉流出來的精華肉汁, 結果雖然米飯偏濕, 但超入味 🥰 極黑豬叉燒即叫即燒, 燒到微微燶邊, 蜜糖醬汁完全覆蓋每一件叉燒, 不會太甜, 唯一問題是叉燒太瘦, 當中吃了件帶少少肥膏的叉燒, 味道即刻昇華 😚臨尾用綠茶布甸做結尾, 非常滿足!師傅用心煮, 菜式在其他餐廳未必吃到。另外客人可以自備酒水, 慶祝生日都不會收切餅費, 訂廂房也沒有最低消費, 適合一大班人聚會或慶祝生日!! 👍🏻…Read More

#MC帶你去觀塘.精緻菜式又唔一定得西餐或者日式Omakase，中式私房菜一樣有手工菜式，一樣考驗師傅功架～➖✨ 御膳.餐廳位於觀塘工業大廈內，開業13年，主打海鮮粵式私房菜，海鮮每天新鮮到貨，因應客人預算及人數安排菜式，包括粵菜小炒、生猛海鮮及山珍海味；店內裝潢簡潔明亮，環境乾淨整潔。➖🥢 滷水鵝肝鵝腎｜🆓 ✨生日優惠✨.鵝腎粉粉嫩嫩，質感滑嫩而軟腍，口感好軟綿；而鵝腎口感彈牙爽口又入味，鹵香醇厚，清香不死鹹。➖🥢 極黑豬叉燒｜$168／例 ✨招牌菜式✨.叉燒外皮呈紅黑色澤，肥瘦適中，外層微微焦香，焦脆燶邊口感十足；叉燒蜜汁味道濃厚，甜中帶鹹，必食推介！➖🥢 冬瓜果皮魚湯浸龍蝦｜$時價 ✨時令菜式✨.一整隻新鮮龍蝦，肉質結實彈牙又啖啖肉，加上鮮甜魚湯、韮黃、冬瓜絲、果皮絲，味道清香無腥味，清熱解暑。➖🥢 蒜蓉粉絲蒸大元貝｜$68／隻.簡單清蒸大扇貝，無多餘調味，加上蔥花及金銀蒜，鮮甜中帶少少蒜香入味，而且粉絲吸滿鮮甜湯汁，惹味滿分！➖🥢 白胡椒爆炒南非鮑魚｜$68／隻.鮑魚口感爽口彈牙，加入白胡椒秘製芡汁猛火爆炒，甜中帶點辛辣，味道突出又惹味。➖🥢 砂鍋醬香茅台炆嫩鴿｜$148／隻 .乳鴿先以生抽及醬油等醃製，上色均勻，再以砂鍋慢火炆焗，肉質鮮嫩緊致而且好入味，最後席前加入茅台料酒，味道更加香濃。➖🥢 上湯浸時菜｜$85／例.西蘭花口感清爽又無草青味，加入菇菌及紅蘿蔔，口感豐富又健康。➖🥢 蟹油銀芽炒麵｜$85／例.炒麵乾爽不油膩，而且色澤均勻，搭配清脆爽口銀芽，鑊氣十足！➖🥢 抹茶奶凍｜🆓.奶凍質感好滑溜，微甜口味加上清新抹茶香，好味又滿足！➖🥢 茶位｜$4／位.➖✖ 服務費｜Service Charge.全店沒有加一服務費。➖✖ 開瓶費｜Corkage.餐廳免開瓶費，歡迎自攜飲品。➖✖ 切餅費｜Cakeage餐廳免切餅費，歡迎自攜蛋糕。…Read More

我們為一位千里迢迢而來的朋友補辦生日聚餐。餐廳特別貼心，即使唔係生日正日，都送上滷水鵝肝同鵝腎作為生日驚喜，誠意十足。菜式可以散點，選擇多又彈性大，價錢合理，性價比非常高。手工菜式講究，海鮮現場即劏即煮，新鮮味美；叉燒更係即燒，香氣撲鼻。連炒飯都特別真材實料，有蝦球、牛柳粒和帶子。服務方面亦值得一讚，店員會細心觀察客人進食速度，適時調節上菜節奏，完全唔會催促，食得自在又舒服。仲有個小驚喜，只要影食物相打卡，就可以換汽水，呢個傳統優惠已經堅持咗13年，細節位見誠意，令人好感度大增。…Read More

星期六晚同男朋友黎左食飯， 2個人真係叫唔到幾多 , 尤其係海鮮 。我地決咗散叫小菜，首先我地點了極黑豬叉燒，店員話即叫即燒，要成20分鐘，叉燒好鮮嫩，即燒出嚟味道好好。我地得2個人，蟶子就叫咗2隻，蟶子好新鮮，蒜蓉粉絲蒸，有生蒜炸蒜，配埋啲粉絲嚟食，幾惹味。再嚟就係白胡椒爆炒南非鮑魚，因為男朋友要食2隻，所以我地點咗3隻。好香胡椒味，又唔會搶走鮑魚嘅鮮，唔錯喎。最後，叫咗個招牌炒飯，有啲蝦球粒，牛柳粒，帶子粒，炒飯粒粒分明，食得出好比心機炒呢個飯。店家免開瓶費，但我地果晚無飲酒。我地影啲餸嘅相，upload上網，就換咗2罐汽水。…Read More

家母大壽，和她去觀塘食私房菜。餐廳在工業大廈內，位置隱秘，不過師傅是粵菜高手，又常有新菜色，還可自編菜單，加上不收酒類開瓶費，所以我們在過時過節都會嚟食飯。今晚點了幾款海鮮，都是媽咪喜歡的。.白胡椒爆炒南非鮑魚用辛辣的白胡椒配搭新鮮的南非鮑魚，味道相當夾，在爆炒中發揮了鮑魚的最大風味。鮑魚肉質肥美彈牙，每一口都能感受到它的鮮甜鮮美。東星斑二食東星斑肉質細膩鮮甜，起肉炒球口感滑嫩鮮美；而將魚骨炸成椒鹽小吃，酥脆可口。上湯龍蝦斬件新鮮龍蝦肉質飽滿彈牙，簡單的上湯煨煮，更能凸出龍蝦的鮮味。蒜蓉粉絲蒸蟶子皇新鮮肥美的蟶子皇，與惹味的蒜蓉醬融合。粉絲吸收了蟶子的鮮美汁液和蒜蓉的香味，清新爽口，又充滿層次，回味無窮。士多啤梨骨酸甜的新鮮士多啤梨搭配嫩滑可口的排骨，顏色艷麗，食到啜手指。大澳蝦醬生啫通菜鹹香惹味，充滿大排檔風味。猴頭菇藥膳瘦肉湯湯底濃而不膩，飲一啖，滿口生香，喉嚨舒服，媽咪大讚。…Read More

同個老死傾開偈，原本佢都未嚟過觀塘啲廠廈食私房菜，咁就啱喇，難得三人行就一於帶佢哋嚟試吓「御膳」。因為食過好幾次，出品高質，水準穩定，永無失望，所以先夠膽推薦俾大家。仲有就喺貪佢價位唔算高，亦都做得有特色。 一出電梯對正就喺餐廳，老友嘅第一個印象就喺別有洞天嘅感覺，估唔到廠廈有啲咁類型餐廳，帶少少神秘感。而推門內進，地方唔大，夾夾埋埋都喺6、7張枱左右，裝修簡約，光猛整潔，有別一般大酒樓、大酒家嘅奢華，賣嘅喺服務同食物質素。除咗散點，仲有好多款套餐，2-12人餐都有，如果懶諗，就索性俾個「筆直」店家等佢幫你度。冬瓜瑤柱海鮮羹廣東人都喺喜歡飲湯先，所以，就先上呢個海鮮羹，估唔到我哋就只喺3個人，但份量上就俾到一大湯碗，夠每人分到兩整大碗。最正喺湯頭非常之清甜，口感綿密柔滑，加上落料一啲都無手緊，裡面有好多鮮蝦仁粒、帶子粒、冬瓜絲及大量乾瑤柱，所以，鹹鮮味十足，非常之好飲！玻璃脆皮乳鴿喺店家近嚟嘅招牌菜之一，即叫即做，師傅話推出嚟喺省一省招牌。先講外觀，炸得好靚仔，色澤非常均勻亮麗，由於新鮮炸起，咬落熱焫焫，薄薄嘅外皮夠晒酥脆，肉質就非常之嫩滑細緻，卻好有肉汁，無論用料，抑或烹煮手勢都好有水準。香煎花龍蝦好多時食龍蝦都喺上湯焗、芝士焗或蒜蓉蒸，但今次就香煎，簡單得嚟都考功夫。由於龍蝦已斬件，咁比較易分，煎得色澤金黃，啲肉一撩就起，成大大嚿肉放入口，不知幾爽，亮點喺蝦肉彈牙到不得了，又極有蝦鮮味，加點點豉油王去煎，更有提鮮之效。墊底嘅脆麵都唔好錯過，卜卜脆，過吓口癮。白胡椒爆炒南非鮑魚繼續又喺海鮮菜式，再嚟喺南非鮑魚，一上枱就散發出濃濃白胡椒香，鮑魚爆炒之後，好有鑊氣，口感軟腍得嚟仍保持一份柔韌感，雖然白胡椒味比較搶，但不失鮑魚嘅鮮甜味。溫馨提示，如果唔食得太辣嘅朋友，就事先向侍應講聲「少辣」，等師傅唔好太重手。極黑豬叉燒燒烤嘢一向梗喺即燒即食就最好架啦，呢度嘅叉燒賣點就喺即燒，加上採用西班牙黑毛豬，夠誠意又用料正。出嚟嘅成品真喺寧舍唔同，叉燒肉質極之鬆化細嫩，脂香中又滲出少少酒香，加埋少少燶邊位，老死都大讚正呀喂！上湯浸春菜春菜唔好話食，聽都喺印象中第一次，咩喺「春菜」，個樣同個口感都有少少似芥菜，但質感比較嫩啲；又似似哋菜心，有嗰份清甜味，都幾特別，加上吸滿上湯，食起嚟更為鮮味。師傅話唔喺成日有靚春菜，出一輪又可能無咗。極黑豬叉燒揚州炒飯同你講揚州炒飯就梗喺無咩特別啦，但加咗上述嘅極黑豬叉燒粒，仲有新鮮蝦仁，立時升級晒啦。的確個炒飯炒得好有水準，一來飯粒分明，二來唔好炒得好油，入口既爽身，又香口、夠鑊氣，再者，飯內混有好多叉燒、蝦仁、蛋絲，口感十分豐富。仲有，份量多，又喺每人分到兩大碗，食完真喺飽晒。 抹茶奶凍最後餐廳仲會奉送甜品，等呢餐有個甜美作結。是次甜品喺抹茶奶凍，做得唔錯，好有抹茶嘅清幽香味，個口感就做得挺身，但又夠軟滑。都話佢哋保持到水準，時隔5年再嚟，啲嘢都無令人失望。連埋酒水都喺每人四百多少少，招呼熨貼，上菜有序，速度又啱啱好，更唔會話要幾時交枱，等客人慢慢食，慢慢傾。仲有免開瓶費、免切餅費、又無加一，好啱一大班老友嚟搞吓大聚會。…Read More

逢星期六日都在觀塘做運動🥊嘅我 本周日因為約咗在朋友家團拜,又因晚上與家人飯聚便無法去打拳😂 繼續在新年期間… 食食食🍴－行9⃣️人 搵來搵去都係在觀塘，呢間私房菜最吸引我嘅食材就係芝士龍蝦🦞和蟶子😋😋😋真心講～ 必食！個碟芝士龍蝦下面還有炸面傳上來簡直像－座龍蝦山😍😍🤤🤤其餘還有魚頭豆腐湯 飲得出不味精、士多啤梨骨、芒果大蝦沙律、白胡椒南非鮑魚、麻辣鹵水拼盆、🦀油炒面、百寶鴨、西蘭花炒花之片等等都好美味出色只是唯一做錯左－味原本要花凋洒蛋白蒸龍躉球 變咗蒜蓉粉絲蒸，有少少失望！但總括用料上乘十足 新鮮，味道和外觀都唔錯👍🏼…Read More

除夕夜搵咗間隱藏係工廠區嘅私房菜試吓。老實講，環境就一般。外表就同一般工廈飯堂差不多。入面裝修就係好似舊式酒樓咁。但始終都係嚟食嘢。食物好食最緊要。今次叫咗一個二人套餐。 香芒沙律大蝦球2件東星二食，養魚（椒鹽骨，起肉炒球）什菌豆腐大蜆湯白胡椒爆炒南非鮑魚2只蒜蓉粉絲蒸蟶子皇2只士多啤梨骨經典富瑤炒飯（鮮南非鮑魚， 瑤柱 ，金華火腿，沖花，加上秘製醬汁製作而成）碧綠炒花枝另送:甜品 - 芒果布丁 全單＄9682位用，免加一 成個套餐裏面除咗士多啤梨骨比較普通，唔係太入味。其他嘅食品基本上係超額完成✅。味道非常之好食。最驚喜嘅係東星班二食。最初我都有啲擔心椒鹽骨會唔會太乾？但係出嚟嘅效果非常之好，仍然食到魚肉嘅嫩滑質感，肉汁仍然係度。 …Read More

𝙘𝙝𝙚𝙘𝙠 𝙤𝙪𝙩 𝙩𝙝𝙞𝙨 𝙝𝙞𝙙𝙙𝙚𝙣 𝙘𝙝𝙞𝙣𝙚𝙨𝙚 𝙧𝙚𝙨𝙩𝙖𝙪𝙧𝙖𝙣𝙩 𝙞𝙣 𝙠𝙬𝙪𝙣 𝙩𝙤𝙣𝙜! 𝙞 𝙡𝙤𝙫𝙚 𝙩𝙝𝙚 𝙨𝙬𝙚𝙚𝙩 𝙖𝙣𝙙 𝙨𝙤𝙪𝙧 𝙛𝙡𝙖𝙫𝙤𝙧𝙨 𝙤𝙛 𝙩𝙝𝙚𝙞𝙧 𝙧𝙞𝙗𝙨 𝙞𝙣 𝙨𝙩𝙧𝙖𝙬𝙗𝙚𝙧𝙧𝙮 𝙨𝙖𝙪𝙘𝙚. 𝙢𝙚𝙖𝙩𝙮 𝙧𝙞𝙗𝙨 𝙬𝙞𝙩𝙝 𝙛𝙧𝙚𝙨𝙝𝙡𝙮 𝙢𝙖𝙙𝙚 𝙨𝙩𝙧𝙖𝙬𝙗𝙚𝙧𝙧𝙮 𝙨𝙖𝙪𝙘𝙚, 𝙘𝙖𝙣 𝙮𝙤𝙪 𝙧𝙚𝙨𝙞𝙨𝙩?😝.平時間唔中都會想食下中菜，位於觀塘工廈嘅御膳私房菜有幾款套餐提供，什菌豆腐大蜆湯湯底鮮甜，入口絲滑，仲有大大隻海蜆同滑豆腐，冷盤麻辣手撕雞好重麻油香，爽脆青瓜絲加上芫荽根，開胃醒神，另外潮州鹵水鵝好入味，五香味十足，鵝肉肥美鬆化份量仲好多！之後到重頭戲有一系列嘅海鮮，白胡椒爆炒南非鮑魚超惹味，肉質彈牙，重口味得嚟唔會死咸，送飯一流！蒜蓉粉絲蒸蟶子皇面頭鋪滿生蒜片同炸蒜，墊底嘅粉絲索哂豉油香好食到不得了😝 蒸東星班平啲就食得多，生煎又真係第一次，口感外焦爽嫩細膩，配上煎魚豉油又係勁好送飯，另外士多啤梨骨上枱已經聞到濃濃嘅士多啤梨香味，酸酸甜甜咁襯托出肉排香氣之餘又解膩，最後蟹油銀芽炒麵鑊氣十足，炒得乾身唔油膩，食埋甜品真係要捧住個肚走～…Read More

29/9係我同老公嘅結婚紀念日，老公嗜好海鮮，原本想同老公去西貢食海鮮，但根據過往經驗，西貢地點偏遠，加上西貢嘅海鮮餐廳價格頗貴，大部份侍應態度差，無理由用錢買難受，正當我苦惱之際，突然醒起觀塘~御膳，地點近、價錢合理、服務態度良好……綜合這些優點，即刻打電話預訂。今日係正日(29/9)，同老公來到觀塘~御膳，首先裝修典雅乾淨，給予舒服既感覺。餐廳員工有禮招待，因為訂位時巳一早決定食花龍蝦餐(兩位用，全單＄1000，免加一)，所以餐廳員工詢問我們是否現在上菜，我們急不及待地回答 ： 是啊！麻辣手撕雞無骨又啖啖肉，配合爽脆青瓜絲，香辣好味，絕對係開胃前菜既好選擇。大蜆什菌豆腐湯每喝一口湯，都嘗到大蜆既鮮甜，而且超多什菌同豆腐，口感超豐富。金銀蒜蒸龍躉腩改為薑葱炒龍躉腩龍躉腩外脆内滑，肉質好彈牙，用薑葱炒好惹味。花龍蝦有3種煮法選擇 ： 芝士、香煎同上湯，我哋鍾意清清地，所以揀上湯。從賣相已睇到色香味俱全，嘩嘩嘩……花龍蝦肉質潔白細嫩，味道鮮美，份量十足，令人回味無窮。白胡椒爆炒南非鮑魚鮑魚夠稔身，鮮美Q彈，混着白胡椒，口味濃烈。蒜蓉粉絲蒸蟶子皇大大隻蟶子，蒸得剛好彈牙，粉絲入味軟身有汁，加上炒過既蒜蓉，好味道到不得了。潮州鹵水鵝(例牌)改為香芒沙律大蝦球4隻(這個只需加幾十蚊，超抵食)這個沙律好清新，味道酸甜，蝦肉甜美，非常新鮮，好適合這炎熱天氣。蟹油銀牙炒麵炒麵有光澤，用蟹油炒，特別香噴噴，食得津津有味。是日甜品~雲呢拿布丁口感綿密，香滑清甜，為這餐劃上完美句號。綜合來說，無論環境、服務態度、食物味道，都做得非常有水準，是一間值得再去既私房菜餐廳。…Read More

呢間餐廳由經驗豐富嘅中廚主理👨🏻‍🍳每日精選時令食材，製作多款海鮮、熱菜、冷菜、飯至生果甜品等。訂座前可先選擇菜單，餐廳亦會因應客人嘅要求同預算，設計合適嘅配搭，今次就叫咗個價值$9️⃣6️⃣8️⃣嘅二人份套餐。💗香芒沙律大蝦球(2件)蝦球雖然唔算好大隻，但炸得外脆內裡彈牙，粉漿再薄少少就更好🍤伴以一塊清甜嘅芒果片，底層係爽脆酸甜嘅青紅蘋果沙律，開胃得嚟又健康🥗💗東星二食•養魚椒鹽骨：將魚腩、魚旗、魚尾等部位炸至香脆，油而不膩。加入椒鹽、炸蒜同辣椒爆炒，香辣惹味得嚟唔會過鹹🌶起肉炒球：東星斑大大塊，肉質結實彈牙，夾起魚肉都唔會散，證明非常新鮮🐟底部嘅芥蘭用上薑粒同蒜蓉炒，爽脆味濃🥬💗什菌豆腐大蜆湯奶白色嘅什菌湯味道清淡，無添加任何味精，更突顯原材料嘅鮮味🍲有兩隻鮮甜嘅大蜆，脹卜卜而且冇沙，仲有秀珍菇等各種雜菌🍄少量莞茜增加香味🌿非常足料。💗白胡椒爆炒南非鮑魚(2隻）鮑魚都幾大隻，預先𠝹咗花紋，食落軟嫩得嚟有嚼勁🦪未食已經聞到白胡椒強烈嘅香氣，醬汁濃稠辛辣，特別惹味，不過略嫌蓋過鮑魚本身嘅鮮甜味🤔💗蒜蓉粉絲蒸蟶子皇(2隻）大蟶子火喉控制得啱啱好，口感彈牙，鮮味十足🐚美中不足係有少少沙。上面放咗蒜蓉、炸蒜同蔥花一齊蒸，食落更惹味🧄墊底嘅粉絲吸收哂海鮮嘅精華，仲有適量嘅豉油吊味🤩💗潮州鹵水鵝(例牌)包括咗鵝片同鵝件，肉質肥瘦相間，食落軟嫩唔嚡，鵝油甘香味美🦆祕製滷水汁帶中藥味，食得出比坊間嘅特別濃郁入味👍🏼💗經典富瑤炒飯炒飯夠哂火喉同鑊氣，飯粒分明入口，軟硬適中帶煙韌，乾爽唔油膩🍚配料非常豐富揼本，有迷你鮮南非鮑魚、瑤柱、金華火腿絲同蔥花，加上秘製醬汁調味，食落咸鮮惹味😋💗碧綠炒花枝西蘭花翠綠爽口，軟硬適中🥦加入大量韭黃同蒜蓉炒成。花枝片亦好足料，食落彈牙嫩滑，完全唔韌🦑💗芒果布丁冰凍嘅布丁口感滑溜，甜而不膩🍮芒果味唔算太假，當然要落埋花奶一齊食，如果有少少芒果肉就更好🥭…Read More

中秋節同家人過節，多數都會選傳統中菜，而一般酒樓都比較多人同吵雜，所以今次就打算試私房菜，一搜尋就發現呢間隱身係敬業街水準不俗的粵式私房菜 - 御膳，主打手工菜及新鮮海鮮菜式，最少訂二人套餐，平均四百元一位，私房菜來說並不貴，甚至我覺得是物超所值－－－－－－麻辣手撕雞一份非常開胃既前菜，雞絲同青瓜比例接近一比一，青瓜口感清爽夠味，雞去皮不油也不膩，肉質鮮嫩，醬汁麻辣有勁，愈食愈滋味，慢慢開啟了我的味蕾迎接餘下菜式什菌大蜆豆腐湯什菌湯非常足料，滿滿湯渣，幾款食材本身味道較清淡，反而更能突出什菌原味同埋大蜆鮮甜，隻隻脹卜卜而冇沙，每一啖湯都係精華，沒有添加味精，住家味道花雕雞油蛋白蒸大肉蟹預約前店員有問大肉蟹烹調方法，可選花雕雞油蛋白蒸、避風塘炒、薑蔥炒、胡椒炒、四川香辣炒，我就選了蛋白蒸，原汁原味的做法，蟹的鮮味跟花雕酒香非常搭，酒味不重但有陣馥郁芬芳，甘香但唔會搶過蟹的味道，上菜時還原原隻大肉蟹擺，十分霸氣，蟹肉質飽滿緊實，蟹鉗厚身實淨，拆出來啖啖肉，不得不提第二主角蛋白，蒸得嫩滑，完全吸哂蟹既精華，清甜美味白胡椒香爆南非鮑魚擺盤精緻，未食已經聞到白胡椒香氣，辟去鮑魚本身的腥味，而鮑魚紋理同形狀都好靚，軟韌度剛好，不用刀叉也能輕易食用，食落鮮嫩彈牙且很入味，胡椒氣味陣陣散出，少少辣幾惹味，非常值得慢慢咀嚼細味流沙黃金蝦很經典同時又很邪惡的一道菜，蝦頭至蝦尾連蝦殼都食得，每隻蝦炸得脆卜卜鬆化，厚厚鹹蛋醬附在蝦殼表面，呈流沙狀態，非常濃郁，而且火候控制得宜，蝦肉保持鮮嫩，蝦頭仲有膏，幾有驚喜士多啤梨骨士多啤梨骨外型相當吸引，腩排有輕輕煎炸過，醬汁濃稠沾滿腩排，有士多啤梨天然甜香同時又有酸的味道，具有醒胃效果，同時亦可以去除豬肉的油膩感，不過肉有點太大件，難進食同埋腩排都偏肥蟹油銀芽炒麵炒麵非常考驗師傅夠唔夠鑊氣，炒麵炒得乾身且不油膩，鑊氣十足，麵條軟硬適中，仲有不少芽菜，不過蟹油味欠奉，有點可惜蒜蓉炒時菜芥蘭保持清脆碧綠，清脆而不韌芒果布丁甜品不時都有變，店員事前有講要看師傅當晚的預備，可能會安排雲呢拿布丁/芒果布丁/芝士布丁或椰汁紅豆糕，而我當晚是吃芒果布丁，有芒果香甜，仲有藍莓做點綴…Read More

隱藏於工廠大廈的深處沒有門面沒有修飾沒有招牌提早一星期已把餐單選好先來前菜的麻辣手撕雞麻辣味配上清爽的青瓜是絕佳的開胃口前菜大肉蟹用上避風塘去炒炸蒜酥口感脆脆帶點焦香有令人有一口接一口的衝動大肉蟹巨大差不多有兩斤蟹鉗肉超飽滿沾一點香蒜入口真是天堂什菌豆腐大蜆湯有濃濃的海水味白胡椒香爆南非鮑魚有兩隻胡椒香氣在口腔內濃得化不開流沙黃金蝦緊接奉上香口惹味是非常邪惡的一道菜士多啤梨骨酸酸甜甜很醒胃三大支排骨啖啖肉吃得過癮最後是蟹油銀芽炒麵和蒜蓉炒時菜蟹油香較淡但吃得非常飽肚這晚絕對能吃得出師傅的功架…Read More

觀塘的工廈區的確隱藏了不少的隱世樓上美食，你不㑹輕易看見大大個招牌作招徠，資訊大多數是經朋友或媒體得知，然而這些私房菜館就正正有著這種待人發掘的感覺。其實私房菜的師傅都是臥虎藏龍，身懷絕技的，他們憑著過往外闖的入廚經驗帶入自己的料理，所以私房菜的菜式都很有水準。這家「御膳」私房菜在觀塘某工廈的十二樓，並以中式私房菜為主，客人可以跟據自己的喜好預先跟餐廳訂好當天的菜式。潮州滷水鵝 （$145）👍👍👍👍滷水鵝下層是鵝件，上層則是鵝片，鵝肉滷得非常入味，並輕輕滲出滷水香料的香氣。二人套餐（$968）香芒沙拉大蝦球👍👍👍👍這個沙律用了新鮮的生果粒和沙律菜，生果上面放有一隻炸至金黃色大蝦球，再加上香芒沙律醬，味道香甜又清爽，亦為我們當天的晚餐作一個清新的開始。什菌大蜆豆腐湯👍👍👍👍👍吃完一個涷食的沙律，接著一碗熱騰騰的什菌大蜆豆腐湯暖暖胃。奶白的湯底放入了什菌，豆腐和一隻大蜆，蜆肉清甜爽口，豆腐嫩滑，湯味濃厚。東星二食 - 椒鹽骨👍👍👍👍👍東星班起肉後，骨腩部分做成椒鹽骨。薄薄的脆漿包著頭胸，炸至金黃酥脆，再撒入椒鹽，味道不但惹味，香脆的口感更令人吃完一件接一件。東星二食 - 西蘭花炒班球👍👍👍👍起了肉的東星班球跟西蘭花同炒，啖啖肉的班球，肉質細緻鲜嫩，伴以西蘭花就更加健康。白胡椒爆炒南非鮑魚👍👍👍👍👍菜式用了南非的鮑魚，size 比湯匙還要大。鮑魚入口爽彈並帶點煙靱，而當中最特別是用了白胡椒爆炒，白胡椒的獨有香氣和味道令鮑魚的味道更突出。蒜蓉粉絲蒸蟶子皇👍👍👍👍👍蟶子皇簡單用了蒜蓉粉絲蒸，蟶子鮮甜的味道跟惹味的蒜蓉，蒜香味四溢，亦令蟶子的味道提升。士多啤梨骨👍👍👍👍深紅顔色的士多啤梨醬汁包著炸至香脆的一字骨，酸甜的士多啤梨骨令人胃口大開。碧綠炒花枝👍👍👍👍這個是花枝片配合菜芯，薄片的花枝片爽口又不靭，菜芯炒得碧綠，鑊氣十足。經典富瑤炒飯👍👍👍👍這個足料炒飯用了南非鮮鮑魚、瑤柱、金華火腿、蔥花再加上秘製醬汁搭配而成。多種不同的配料配合得宜，而且份量十足。芒果布丁👍👍👍👍套餐還包括甜品，當天是芒果布丁，可以配合花奶同吃。室內環境Menu…Read More