Sang Kee Restaurant

哩間「生記」同區內另一間「星記」都係有點名氣，米芝蓮推介不在話下，餐廳重保留左好多傳統廣東菜。今日諗住lunch食中餐，可惜「星記」疫情後捱唔到執左，所以就同朋友黎生記食餐好既！午餐選擇唔算話好多，但總有一樣合乎你口味。我地四個人叫左二人餐，再加幾樣小菜。餐前附上例老火湯，暖一暖個胃先！二人餐重附有小食咖哩豬皮魚蛋、蜜汁叉燒同埋一份油菜。咖哩豬皮魚蛋—好入味，而且小食黎講份量幾多，唔好唔記得佢原先係二人餐。蜜汁叉燒—係好考功夫的一道菜，叉燒外皮有微焦香，蜜汁完美包住叉燒，非常出色。要挑剔係叉燒切得較薄身，口感差點。黑椒茄子豬頸肉—黑椒搭豬頸肉一定係香口架啦，茄子煮得較腍身，冇走油，所以顏色都會差點點。蔥油白切雞—雞有雞味，滑！南乳甜竹炆齋—哩樣比預期差，以為係好多出面的南乳齋，但佢四條菜心就霸左半碟，亦冇用南乳處理過。香煎蓮藕餅—煎到金黃色，好香口，而家啖啖混著蓮藕粒，有層次感，是日最佳！ 最尾重有個懷舊白糖糕，甜度適中，畫上完滿句號。餐廳：生記飯店 Sang Kee Restaurant地址：灣仔軒尼詩道107-115號協生大廈1至2樓 Address：1-2/F, Hip Sang Building, 107-115 Hennessy Road, Wan Chai #肥誠 #肥誠搵食 #fatshinghk #instagram #instagramhk #food #餐廳 #香港美食 #香港 #香港餐廳 #灣仔 #金鐘 #旺角 #早餐 #午餐 #晚餐 #hongkong #hongkongfood #hongkongfoodie #foodblogger #food #hkfoodie #foodie #foodiehk #wine #steak #灣仔Lunch系列 #中菜 #生記飯店#SangKee…Read More

幾年後再訪生記，懷舊餸菜水準依舊，仍然要訂位先有得食。今日兩個人叫咗三味餸菜：1）生炒骨（$148）～依舊冇得輸，上枱一段時間仍然係舊舊香脆，的確係必食推介2）梅菜蒸菜心 （$108）～係呢度有得食，今日就一般，因為菜心蒸得未夠淋，所以菜心未能掛到梅菜味3）蒸蟶子2隻 （$146）～ ok大隻夠新鮮，味道中規中矩4）白糖糕（免費）～來生記梗係唔少得食佢嘅白糖糕，又係冇得輸系列之一今晚餐飯加10%加埋茶錢$500有找…Read More

一整個季度，大家都在艱難中苦苦支撐。是，困境總會過去，但我又能捱到太陽再出來的日子嗎？「要活下去」，想「生」，就會有「機」。把自己多年受主顧們喜愛的菜式，變成放題「盡地一煲」，就是這坐擁多年「米記」稱譽老店的招數。最初反應淡靜，後來經媒體曝光，便引來不少初試的客人，也不乏忠粉撐場，總算有了成績。今天連假，便把補祝和預祝生日、母親節等一次過同慶 - 就四個人！我們甫安頓不久，已經有菜式上桌！不用點，送的：每人一隻新鮮炸起的乳鴿！四人中有兩位不吃，那我不客氣，多吃一隻了！熱騰騰的脆皮，咬落滿有肉汁，對餓著肚子到中午的我，真是及時的慰藉。除了乳鴿，放題還有幾款每人一份的菜式，包括羹湯和粥，把這些都吃完，您大概已飽了一半！接著是「當店自慢」、每枱必點的生炒排骨。既是一饗老饕的「名物」，評鑑的水準自然要提高一些。個人覺得若汁少一些、排骨炸得更脆身，效果會比較好。我心中的標竿，是原位於中環金華燒臘旁商廈樓上的革新會，其貌不揚、售賣兩餸一湯、白飯任裝的打工仔套餐，但做出連食慣好嘢、那天「紆尊降貴」陪我們同去的主管，都大讚「好食到耳仔郁」的生炒排骨！可惜金華現在已經消失，至於革新會，還是當日去吃飯那個模樣？接下來是吃齊放題內的「三雞」：南乳碎炸雞、招牌鹽焗雞、東江沙薑雞。一直都是吃肉，不吃到撐才難！這放題難得的是，把一些平時不易吃到的菜色，都放到任點清單之上：梅菜扣肉固然是令人又愛又不敢亂來，還有蝦子柚皮！席上長輩說自己做得比這更好，不過畢竟是工夫多，我們還是乖乖先吃完面前這碟，不欲老人家辛苦了！云云菜式中，值得特別一提的是兩款魚類菜式，特別是煎黃花魚，店方選用了較細條的魚，做出來效果相當不俗，甚至超越了凡到小南國等上海菜館必點的小黃魚！腸胃已傳來訊號，但還有些想吃和「翻兜」的，要勞煩一下肚仔再接再厲了⋯由頭帶到尾，盡興的代價是：食滯了，之後胃脹了幾天！下次再去吃，會點多幾碟菜吃，做好平衡⋯哈！…Read More

今晚同客食飯，佢想食得地道又夠鑊氣，於是就諗起之前曾經食過嘅生記枸杞豬潤～真係冇得輸枸杞獨有嘅味道加上爽彈豬潤，真係正到不得了。生磨煎蓮藕餅～蓮藕爽口，加上豬肉彈牙，再加上其他材料一齊煎，超有驚喜。蜆介鯪魚球～彈牙嘅魚球充滿魚香，吃得出是用純鯪魚肉打成，蜆介醬咸香惹味，令人食唔停口；不過，今次嘅魚球稍稍咸咗少少！生炒排骨夾咕嚕肉～脆漿頗薄且炸得夠脆，酸甜汁較得好味；咕嚕肉夠軟滑，但排骨就略嫌肉簿骨大。泥鯭肉丸粥～拆了肉的泥鯭混在軟綿的米粥中，每一口都鮮甜好好味，肉丸有咬口，跟魚粥竟十分相配。酥炸桶蠔～脆醬調得剛剛好，又薄又酥脆，內裏淡淡鮮甜蠔肉。白糖糕～清甜彈牙，略嫌帶點酸味。…Read More

今晚同2位弟兄慶祝生日，訂了這間餐廳，我們5個人食。星期五這裡好多客人，差不多每張枱都好客人，好彩我們一早訂位了。8點前就比我們入坐。我們坐一樓，這裡都好多選擇，也有好多推介食物。我們叫了好多菜，有：例湯： 冬瓜黃豆豬骨湯 唔會太咸 好清甜 幾好飲 有住家感覺的湯水 菠蘿生炒骨好脆好夠味好開胃 配飯一流 不過就細碟咗少少鹽焗魷魚好香口 有魚露汁（少辣）好彈牙 細碟鹽焗雞 半隻好滑好夠味 都唔錯鯪魚餅好脆好薄 但又不會乾豬潤九杞好大塊豬潤 好爽好好味 菜都好好 又有湯飲粥好滑 好鮮甜 配牛脷酥 好開心呀！送了甜品：白糖糕我覺得普通 但彈牙不太糖…Read More

之前聽人講生記唔錯，有日同朋友們行過，想 walk in 去食，點知話 full booking，今次終於約齊人，預早打電話去預約，可以試到啦! 鹽焗雞好滑，有雞味，外皮好香脆，唔錯，但美中不足係待應喺差唔多食完嗰陣先上醬料，夾埋醬料食，味道係更上一層。蜆芥鯪魚球魚肉陣牙，食到陳皮味，無魚腥味，夾埋蜆芥醬，好鮮好香。椒鹽鮮魷係薄粉嗰種，我鍾意，無咁油膩，同埋魷魚都夠爽脆。小炒皇有蒜芯、蝦乾、腰果同榨菜，加埋辣椒炒，好香好惹味，送飯一流。梅菜扣肉係瘦嗰種，所以啲肉食落就會乾啲硬啲，唔夠油香同鬆化，梅菜應該加咗好多糖去煮，所以食落都幾甜。雙菇扒時蔬啲冬菇同草菇都夠爽口，好味，生焯得剛剛好，好爽脆，但可惜打獻嘅油落得多咗啲，食得有啲膩。飯後送咗白糖糕，比較特別，出面酒樓一般都係送糖水或生果。白糖糕味道偏酸，質地都彈牙，但唔夠軟滑，不過送嘅無所謂啦! 呢餐飯果然無失望，可以加入去我個 encore list! …Read More

已經忘了多久沒有來，不是生記不好，不過不知道為什麼就是去附近的榮興比較多。今次回來，發覺其實環境與服務而言，生記好像勝一籌。滑蛋炒牛肉，本身不太吃炒蛋的我都很喜歡這一個，蛋炒得僅僅熟，加上葱花，很香，牛肉足料。我的至愛紅燒豆腐，豆腐非常之滑，加上不咸不淡剛剛好的獻汁，喜歡豆腐的朋友不可不試。 最後當然少不了鹽焗雞，少少咸，雞嫩滑，果然是這兒的招牌菜。本身我是頗喜歡白糖糕的，聽說做得酸的就代表不好。這兒送的軟硬適中，少少甜，做得不錯。 生記果然是中餐的首選。…Read More

一行兩圍枱到生記晚飯，大家一起點菜，高高興興點了好多道菜一定要推介係豬潤，非常好味，好滑！不像一般的比較「鞋！」一定要試。其他小菜不過不失、不是特別驚喜   甜品只有一款「白糖糕」，但又真係做得好好，不會有一般的酸味。…Read More

成幫人飯聚,朋友提議到灣仔生記.印象中此店食物水平還可以,不過服務只屬一般.當然以這類食店而言,尚算不難接受的程度.是晚預訂了六時半,八時交枱;可是多人的飯宴,總有人會遅到,到正式上菜時已七時多了..起初時間還早,店員大叔仍很友善,不過見遲遅未能上菜,大叔們面口開始有變,態度亦顯得𣎴耐煩..到臨近七時四十分,進餐到泰半,他們開始收拾桌面,並不斷提醒我們八點正要交枱!這下可惹惱了在座某些食客,眼見現場空置率達七八成之多,不満服務員態度不佳並連番催促.臨尾席中有人不知是有心還是無意,意慾加菜時,大叔們的面色是徹底的黑咻咻!我只有合十希望他們不會"贈慶"或"加料"..最終在氣氛崩張的情況下,結束這場飯宴.我明白店員是責任使然而已,奈何其手法彈性不足,假如軟性些,顧客也是明理人,自會願意配合..不過這種老店,這樣素質服務員,永遠不會明白這個道理,依舊一副"唔憂做"的嘴臉.生記餸菜素質多年來都保持一貫水準,就是沒有退步,也不會進步.椒鹽鮮魷,苦瓜抄蜆,魚湯莧菜,蓮藕餅,鹽焗雞,蒸肉餅,泥鯭粥,大部分水平屬於中規中矩,跟一般類近食肆差無別幾..其中"白飯魚煎蛋",如此簡單菜式,雞蛋過老,倒有點令人意外..而"勝瓜豬肝",豬肝十分爽口,生熟恰到好處,勝瓜也鮮甜,很是不錯!從前試過其他招牌菜,如"焗魚腸"和"生炒骨",沒有留下太深印象.香港各區大街小巷都可以找到水準類近或更好的食店,地點方便和明淨環境是這裡唯一優勢,但我們還未至於為此而再次光顧,始終氣氛和服務很重要,這點你明白的.…Read More

這晚相約了Agnes與Ponnie補祝我的生日，有心唔怕遲，大家又可以聚聚談談近況。這兒由Agnes推荐，所以這夜菜式由她決定。 因為我還是第一次來，來之前也沒看過這兒食評，所以不知有什麼招牌菜呢! 最後，當然都是選招牌菜呢! 梅菜蒸菜心，真的沒想過這個配搭，但又出奇的合拍，好味。煎藕餅，我還以為是一塊蓮藕再加肉碎，原來是用蓮藕粒，真好味! 蒜蓉蒸茄子，茄子配上蒜蓉增添了茄子的鮮味，很驚喜。梅菜蒸肉餅，這個很多飯店也有提供，水準也不錯。想不到甜品是我喜愛的白糖糕，幸好不太甜，只嫌有少許酸味，但味道總算不錯呢! 臨離開前，Agnes才告訴我們這天身體有點不息，所以胃口不佳。 她為了這餐飯不會一拖再拖，所以勉強赴會。 真的不好意思，萬分感謝Agnes及Ponnie送上這窩心的生日宴。 身體還是最重要，我深信我們三人的友情長存，有心唔怕遲呢! 幸好Agnes飯後還趕及看醫生，朋友，千萬不要看輕自己的健康呢! …Read More

食神夫婦再次邀約食飯, 師傅當然應約, 不問原因, 只求開心! 而地點就揀左呢間食店, 可惜師傅喺監房生涯真係一d都唔易捱, 好唔容易先可以鬆人, 正因為如此師傅就變成左大班, 姗姗來遲!去到食店, 五決缺一, 可幸是大家深明大義, 並冇詐型, 道歉過後還是謝過算了! 師傅一到就已經有得食喇, 眼見有鹽焗雞, 煎藕餅, 酥炸魷魚, 咕嚕肉, 西洋菜湯, 豬潤浸豆苗, 再加泥鯭粥, 煎釀三寶同咸魚肉餅, 樣樣都好似好好味, 所以師傅亦亳不客氣, 開餐!先講下鹽焗雞, 雞身夠鬆夠滑, 鹽焗後皮香脆, 但不會過咸, 味道不錯; 煎藕餅師傅一向都好少吃, 所以唔多識講, 不過好肯定就係煎得一d都唔油, 而藕餅夠鬆, 都幾好味; 酥炸魷魚就炸得好鬆脆, 魷魚夠爽口但一d都唔韌, 味道吸引, 真係食完一條又一條, 停唔到口呀; 咕嚕肉酸甜味適中, 絕對係開胃食品, 加上咕嚕肉嘅肉身唔係太肥, 所以入口唔油, 幾好!西洋菜湯煲得好濃好夠火喉, 味道夠甜, 加上冇味精又大碗, 勁正; 豬潤浸豆苗呢道菜亦確係一絕, 豆苗好嫩而豬潤好大塊, 加上豬潤煮得唔老, 夠爽口, 絕對好味; 泥鯭粥嘅粥底確實夠綿, 而泥鯭亦唔算腥, 不過師傅略嫌多骨少少, 所以一般啫; 而煎釀三寶就勁大碟, 份量勁多, 有青椒, 茄子同豆腐, 坦白講真係冇咩特別但勝在味道唔錯, 正呀; 最後咸魚肉餅又煎得好香, 食得到有咸魚粒, 但又唔會死咸, 不錯! 甜品係白糖糕, 味道唔係太甜加上鬆軟無比, 仲有整到細細舊, 不錯!總括黎講食物質素出色, 環境舒服, 服務亦頗好, 價錢唔多清楚, 不過師傅絕對相信係抵食; 亦順便多謝食神夫婦一次, 而全晚最開心亦莫過於孖妹, 皆因呢餐飯亦係一餐生日飯嘛; 師傅覺得呢間食店係以家常小菜為主打, 而水準確實不錯, 所以有機會師傅一定會再黎, 而笑臉值得一比! …Read More