Yumemiya

放工時橫風橫雨, 索性坐的士去搵食... 阿的士司機話"吓? 係呢度轉出去就係啦喎!", 我答"係呀!", 坐定定唔郁等開車咁款... 咁大風大雨, 唔好話轉出去, 過對面馬路都濕晒啦, 吓話... 返到吉豬島, 時間實在太早, 好飽, 食唔落... 唸o黎唸去, 決定去好耐冇食嘅「夢見屋」... 佢嘅Set Dinner有餐湯同沙律, 之但係根據以往嘅經驗, 餐湯好似糊仔咁, 沙律又唔多掂, 所以我地決定散叫再加甜品... 咖哩奄列蛋飯--咖哩似平時係超市買的即食中辛咖哩, 味道尚可... 執相時好想KEY對閃閃眼睛落D白飯度, 再KEY埋個髮簪就即時變身日式古裝小美人啦, 嘩咔咔咔~ 野菜蕃茄飯--只食到酸蕃茄味, D野菜都幾油, 仲唸住叫呢個酸酸地嘅飯可以開胃D, 結果都係冇胃口... 食唔晒果D... KEKE... 塞埋比HONEY食咪得囉... 白玉寒天甜點--甜品一向幾飽都食得落... 「寒天」係用海藻整, 食物纖維非常豐富, 口感QQ的, 配同樣QQ的白玉(湯圓), 加埋紅豆, 簡直天衣無縫!!! 食兩啖甜到漏嘅紅豆, 又飲一啖甘濃嘅抺茶, 好MATCH呀... I LIKE IT!!! 時間尚早, 有梳化位坐之餘, 仲唔使同迫生人迫埋一齊坐, 繁忙時間時就冇坐得咁舒服o架啦...服務方面就唔好太大期望, 侍應生都係「阿夢」一族...同Italian Tomato一樣, 甜品係佢地嘅強項, 其他食物就...…Read More

記不起有幾多年沒去過太古，從食友 facebook 中得知康怡鐮倉和茶房夢見屋的 Carbonara 水準不俗，作為卡邦拿那狂迷，當然要去試試。夢見屋是 Italian Tomato 的另一支線，環境裝修略有不同，內裡帶點日系小店色彩，定價不貴，一個 set dinner $68 有齊主菜、湯及餐飲，擺明主攻年青人市場。由於是日 set dinner 的選擇不合心水，遂散叫了和風煙肉雞蛋意粉 ($48) 及日式蘑菇意粉 ($48)。先來的是和風卡邦拿那，除了煙肉外，還灑上不少蔥花芝麻，略為花巧，意粉煮得不錯，濃濃的蛋汁剛好掛在意粉上，色、香、味皆在水準之內，以此價錢計合格有餘。另一日式蘑菇意粉 ($48)，味道比較清淡，放上一些紫菜絲後，賣相不失別緻，也有一定吸引力。甜品時間，由女友單挑白玉寒天甜點 ($40)，碗內盛滿紅豆、寒天、抹茶丸子及糖浸栗子，灑上黑蜜，再倒入抹茶，拌混後放入口，甜蜜度可想而知，各式配料的口感皆不同，據說是這裡的招牌作之一。總結，雖然這店加入不少心思的和風元素，整體味道卻仍跟 Italian Tomato 有如倒模一樣，經過的話可以一試，專程前往就．．．不如去番 Italian Tomato 啦！…Read More

本來黎食lunch，但朋友有事遲來了，變了係tea time時間食，依個時間無咩人，得兩枱客。平時夜晚見到好多人係到排隊呢!之前都係睇食評見到好多綠茶的食物先特登就黎食。又係成日未食過野，大食的一餐，同朋友幾個月無見，係咁傾慢慢食就食左兩個鐘1. 蕃茄海鮮意粉 - good2. XXXXXX飯 - ingredients係vegetable，有點寡..3. 三文魚XXX pizza - 中間有隻蛋，整個到好好味! Yummy!4. 白玉寒天甜點 - 有碗好正中的抹茶點黎食，Nice! =]每人埋單百幾…Read More

因為老公臨時決定上太古城老爺屋企食晚飯, 但係距離晚飯時間還有2個鐘, 老公又好肚餓, 所以我們偷偷地去夢見屋先吃少少食物 老公點了白汁忌廉蘑菇烟肉意粉, 好靚仔而且食落仲好好味道, 老公大讚 我怕再點意粉, 我會食唔落晚飯, 所以點了甜品白玉寒天甜點 賣相真係好靚, 最喜歡白色和綠色的小丸子, 連紅豆同吃, 煙煙韌韌甜甜好滋味, 寒天好似無味嘅大菜糕, 即使與紅豆同吃, 亦是味道分離, 唔係太欣賞, 綠茶好濃, 個人問題, 唔太喜歡這種苦澀味老公好想點多碟和風煙肉雞蛋意粉, 但係我們還要上老爺屋企食晚飯呢, 最後都係打消了這個念頭, 還是下次再吃過吧 …Read More

趕工一晚之後, 還未未正式食早餐就要返教會, 散場後已餓到不行, 反正又想試夢見屋, 就來吉之島食食個唔駛同人逼的 Sunday Brunch。10:40 am 來到，還以為未開，只有兩個姐姐在打點; 只是 11 點前未叫得食物，唯有坐下先。所以以下這三樣東西就分了三次叫：夢見屋有機咖啡 ($22) － 咖啡杯極漂亮, 不過咖啡本身比較濃酸，所以我少有地要下奶和代糖（以前的奶是用個上的，今之只有 Key West 的盒仔奶，真頹）。杯底有咖啡渣, 證明非開粉貨色, 有誠意。和風煙肉雞蛋意粉 ($48) －不就是日式 Carbonara了，蛋已混在意粉中, 有香濃的芝士和奶油味, 好肥膩也好 creamy 呢; 意粉大大份, 也夠 al dente，我以為我吃不完, 結果可能是我太餓, 清了碟! 要彈的話, 就是蔥花洒得不大勻稱啦。白玉寒天甜點 ($38) －大受歡迎的甜品，來到當然要吃了。有紅豆蓉、栗子、綠色和白色的糯米丸子，下面是半透明無味但爽口的寒天啫喱；另有一兜黑糖漿供調味和一碗抹茶（是用日式攪法泡出來的）供飲用。這幾樣東西放在黑色木盤子內, 挺賞心悅目。紅豆蓉偏甜, 用來拌寒天吃都吃不完, 但是做得很軟滑; 白玉丸子雖有嚼頭但有點點過韌。寒天像大菜糕, 在一片甜海中顯得特別難能可貴, 口感 QQ 的, 很好呀, 果然無介紹錯。好歎地又食又坐了一個鐘, 慢慢欣賞簡約日式裝修, 到時近中午, 附近街坊開始扶老攜幼的來到, 店外也現出人龍, 正是時候走為上著。連加一約 $110, 幾款鎮店之寶水準不錯, 在西日餐廳吃是要差不多價錢的了, 只是不好要我排隊來吃!…Read More

以前在日本吃過美味的紅豆甜點，見這裏的賣相幾吸引，價錢又不貴，就叫來一款試試。名叫白玉寒天甜點($38)，其實是紅豆配上苣蒻、栗子及湯圓。味道對我倆來說已很夠甜，用不着附上的糖漿。紅豆夠腍，丸子又煙韌，加上一杯熱熱的濃抹茶，相當滿足了。意粉也似乎是此店主打之一，吃了莧菜忌廉蟹肉意粉($55)，加$10試埋杯咖啡。熱辣辣的意粉軟硬適中，creamy的白汁也不令人感覺「漏」，蟹肉頗多，雖發現有兩小粒蟹殼碎，不過只算是瑕疵，未有影響滿意的評價。這個set lunch還包吞拿魚碎沙律及餐湯，一般水準。至於咖啡就香濃但偏苦澀，不算很好。試業期間免加一，埋單不過$103，更覺抵食。…Read More