SHIAWASE (Ocean Terminal)

呢間餐廳裝修環境一流入門口時有鳥居隧道可供拍照留念⛩️大部分坐位都可以望到香港人最自豪的維港美景🌃地方寬敞舒適可以把簾子放下增加私隱度及減低病毒傳染風險前菜- 北寄貝沙拉酸酸地好開胃鱈魚干$48口感鬆脆香口黑松露滑蛋豬扒丼$198滑蛋豬扒丼有唔同嘅煮法有啲人會將豬扒連埋湯汁加蛋一齊煮，會比較入味。但我本人就比較喜歡將炸豬扒放面，咁樣豬扒就會好脆身。夾開左豬扒後就會聞到濃烈的黑松露味，好香。水準之作。雞皮串燒$38雞油香味配上青擰汁，非常邪惡，好想要杯啤酒吖。鳥盛合 （雞翼、免治雞肉串2串、雞胸脆骨2串，山葵雞腿肉，鹽燒雞腿肉）$328好岩同朋友分享，可以一次過食到唔同的口味。個人好喜歡免治雞肉串，裡面有D軟骨，口感好得意。如果可以配上蛋汁就好了🤤白燒活鰻$98鰻魚肥美，燒到皮脆肉嫩，魚肉彈牙。高質👍🏻福岡豚肉野菜卷配士多啤梨🍓$58用五花腩包住草莓的串燒食嘅時候可以點煉奶一齊食味道並沒有違和感有啲似中菜嘅菠蘿咕嚕肉聽侍應講平時一串兩粒因為今日的士多啤梨比較細所以一串三粒士多啤梨可以解油膩感味道几得意，都有D新鮮感👍🏻整體來說，呢度係一間高質的居酒屋，但價錢略貴，我地每人食左大約$250，但係未飽。😝😝😝…Read More

串燒專門店位於尖沙嘴LCX，有得一覽維港景色💯 座位舒服，卡位之間可以落簾，有番d私人度，食得更加自在👍🏻 一開始首先有鯊魚骨作為開胃菜，酸酸地，鯊魚骨好脆口，口感幾得意！雖然話主角係串燒，不過今次都有試其他野食，特選刺身五品盛 ($288) 賣相好靚🥰 全部都厚切，非常鮮甜💯 另外仲有天婦羅盛盒($238)，炸粉唔會好厚，非常鬆脆，款式都有好多，有南瓜、蘆筍、蝦、冬菇等等👌🏻串燒方面，個人最鍾意白燒活鰻 ($98)，白色魚肉好吸睛😍 鰻魚肉肥厚，唔會食到細骨，皮都燒得好香口💯另外仲要左和牛舌串同埋雞軟骨都唔錯👌🏻黎到嘅福岡豚肉卷都好出名，好多人點，今次試左芫荽卷 ($48) 同埋草莓卷 ($58)！作為芫荽控，我見到佢個束芫荽就雙眼發光🤩但係個人覺得有d 乾，食落好痴牙，同埋芫荽味唔係好濃🤔 我反而鍾意草莓串多d，草莓酸甜加上豚肉鹹香，仲可以點煉奶食，無論係口感定係味道都有層次👍🏻另外一個好吸睛嘅就係九州槍魷魚燒 ($168) 原條魷魚上，燒得好香😍 口感彈牙，唔會好韌👌🏻cocktail 方面staff 介紹左杯蜜瓜味嘅比我，個人覺得麻麻地，味道有少少假🙈 反而mocktail 味道好d，peach rose lady 同埋oolong colonel都ok👌🏻整體黎講，環境同埋服務都好好，食物性價比唔算高，但係未試過都值得試下😂…Read More

❀ 幸匠燒 #尖沙咀 ❀❗️可能係最靚嘅爐端燒居酒屋 ❗️——————————————————再次到訪呢間位於尖沙咀海港城嘅爐端燒居酒屋！門口打卡滿分嘅鳥居設計⛩️！酒吧位置可以望到師傅煮食，內裏嘅卡位就可以飽覽整個維港景色，環境一流💯主打日式串燒及燒物，價錢以呢個位置、環境及服務質素來講尚算合理，味道都算不錯👌🏻.✷𝑀𝑒𝓃𝓊✷☞ 明太子幸福玉子卷 $98 (3.9/5)厚厚嘅玉子卷讓人非常滿足🥰剛剛熟透，在夾雜着鹹香嘅明太子喺中間，但又唔會蓋過本身嘅蛋香。.☞ 鰻魚鴨肝飯 $268 (3.5/5)肥美嘅鰻魚配上邪惡入口即溶嘅鴨肝🤩配上鰻魚汁同埋山椒粉，同埋少許青蘋果片，食落更加開胃。不過略嫌份量有啲少🙈。.☞ 白燒活鰻 $98 (4/5)第一次食嘅時候，最令我印象難忘就係呢串燒鰻魚！外皮依然帶有香脆，而肉質就夠嫩滑，入口即溶🤤。.☞ 免治雞肉棒 $48 (4/5)免治雞肉串加入左爽脆嘅雞軟骨。點上日式甜燒汁及蛋黃，夠晒惹味，只係鹹咗少少🤏.☞ 九州槍魷魚燒 $168 (3.7/5)成條上嘅燒魷魚的確幾吸睛，分量夠足。口感介乎彈牙於腍身之間，不過不失。表面加上甜甜地嘅醬料，略勾出魷魚嘅鮮味。.☞ 福岡豚肉京蔥/青蔥/蘆筍/士多啤梨卷 $38-48 (3.7/5)用上福岡豚肉包住野菜或者士多啤梨，分別有芫荽、京蔥、青蔥、蘆筍，同埋日本草莓選擇。因為唔太鍾意芫荽所以就無選擇到。當中京蔥、青蔥就更加香口。但冇諗過士多啤梨居然同豚肉咁相配，燒後嘅士多啤梨更多汁、更甜！——————————————————✨整體味道: 3.8/5 ✨環境裝修: 4.5/5✨服務態度: 4.2/5✨性價比: 3.7/5 ✨再訪興趣: 3.5/5 .💞整體來講餐廳環境可以望住整個維港景色真係一流，內裏亦富有日本鳥居嘅感覺，枱與枱之間仲有帳篷，提高私隱度！食物大致不過不失，鍾意食串燒燒物嘅朋友都可以試吓。…Read More

The Food Story 旗下嘅餐廳都好高質，今次呢間主打日本菜/串燒，好食得黎位置仲可以望到靚靚無敵大海景，唔怪之得平日都吸引到咁多人黎啦 👏🏻 另外呢到嘅service 都值得一讚 👍🏻 幾友善幾快手白燒活鰻 📍$98一開始諗住呢條魚應該有好多骨，食落先知道原來廚師好細心咁筴走咗大部份嘅骨，個皮燒得好脆，咬落亦好多魚肉汁九州槍魷魚燒 📍$168魷魚勁新鮮，好彈牙 👍🏻份量都好多 😋 上面啲醬汁令到佢更惹味，好有驚喜免治雞肉棒 📍$48/each我哋一向都好鍾意食免治雞肉棒，呢個都唔例外，呢個雞肉棒裡面加咗少少雞軟骨，好脆脆哋嘅感覺，加埋傳統嘅日式燒汁同蛋黃，一流嘅組合福岡豚肉野菜卷 📍$38-48我哋揀咗4款野菜卷，包括芫荽、青蔥、蘆筍、京蔥，每款外層都係用香煎豚肉包住，而最令我哋印象深刻嘅一定係芫荽，鐘意食芫荽嘅朋友一定要試明太子幸福玉子卷 📍$98蛋嘅中心夾雜着明太子，味道好突出，廚師專登拎埋個秘製酸汁俾我哋同呢個玉子卷一齊食，鹹鹹哋嘅明太子同個秘製酸汁嘅味道好夾，值得一試鰻魚鴨肝飯📍$268鰻魚嘅份量充足，鴨肝煎得啱啱好，而醬汁，微微就用返鴨肝個種醬汁帶酸，食落好開胃，加埋青蘋果一齊食，口感唔會太油膩…Read More

呢間係海港城嘅串燒店，由門面到鋪頭入面都好日式，仲要望住個維港食串燒真係嘆🤤┄┅┄┅┄┅┄┅┄𖣒 免治雞肉棒 $48雞肉棒好juicy，入面有d雞軟骨，食落好有口感，點埋蛋漿食味道更加香。評分：🌕🌕🌕🌖🌑-𖣒 九洲槍魷魚燒 $168魷魚一啲都唔韌，燒到好入味。特別係魷魚鬚好爽脆，會好想一口接一口咁食！評分：🌕🌕🌕🌗🌑-𖣒 福岡豚肉野菜卷¸.·´¯❧ 草莓 $58 👍🏻¸.·´¯❧ 芫茜 $48¸.·´¯❧ 露荀 $48 👍🏻¸.·´¯❧ 京蔥 $38四款野菜卷都係用豚肉包住黎燒，樣樣都好爽口新鮮！最驚艷係草莓豚肉卷，草莓勁甜，點埋煉奶仲好食，但又會食到豚肉嘅油脂香🤤🤤評分：🌕🌕🌕🌕🌘-𖣒 白燒活鰻 $98鰻魚燒到好香，如果個可以燒得再脆d就好啦～評分：🌕🌕🌕🌗🌑-𖣒 鰻魚鴨肝飯 $268鰻魚好肥美，配埋鴨肝真係好香口！上面仲有青蘋果片，夾埋一齊食清新又解膩。評分：🌕🌕🌕🌕🌑-𖣒 明太子幸福玉子卷 $98玉子卷入面包左明太子，食落除左有蛋嘅甜味仲有明太子嘅鹹香味，好惹味。評分：🌕🌕🌕🌗🌑…Read More

上星期臨近中秋，帶媽媽去尖沙咀搵食，見到幸匠燒門面華麗就入去試下，店員安排咗海景位，店內簡潔舒適因為我同媽媽食量唔多，就叫咗個午餐定食同幾碟串燒share定食份量適中，味道過得去，有麵豉湯同沙律，沙律入面有帶子刺身，醬汁酸酸甜甜好醒胃，我哋將飯加10蚊換了讚岐烏冬，彈牙份量少。但串燒比較出色，由其和牛脷、活鰻、魷魚。要讚一下店員非常有禮細心，見到我杯漏水主動換，會一路跟貼但又不會俾到壓力。整體黎講食物質素高，望住維景食得開心，服務態度也值得加許😍👍🏻食完之後都一直回味…Read More

🇭🇰靚靚維景 x 爐端燒🇯🇵推介指數 ❤️❤️❤️❤️🤍放假去尖沙咀刺激香港經濟，行行下撞到朋友，真係有無咁啱呀～而且大家已經有戰利品，咁不如坐低食下野、傾下計😌商場好多食肆都大排長龍，臨走時爐端燒店員告知剛有人客取消，好好彩有位～店舖門面鳥居設計都幾吸晴，旁邊酒吧坐位可以欣賞食物製作，窗邊位置飽覽維港。🍹Peach Rose Lady HKD68 (Non Alcohol)✨以Peach Juice、Rose Syrup、Ginger Ale製成，飲落桃味濃郁又幾fresh~🥒前菜 & 茶芥HKD20/pax - 芝麻涼伴青瓜、紅蘿蔔絲伴海蜇🌊 燒物 - 海鮮：🦑九洲槍燒魷魚燒 HKD168 - 份量正常，熟成度剛好，醬汁鹹甜適中… 諗起响日本食嘅時光🥲🔹白燒活鰻 HKD98 - 外脆肉嫩🔥串燒 - 福岡博多華味鳥：🐥手羽先 HKD48 - 燒得香脆內juicy🐥雞皮 HKD38 - 超脆🐥雞腿肉 HKD48 - 同樣燒得酥脆唔乾，串竹韱時都幾高技巧🤣🗣佐酒小食：🐡雞泡魚乾HKD78 - 正常水準🐽福岡豚肉野菜卷：🍓草莓 HKD58 - 招牌草莓卷配上練奶上菜，店員提醒只需要點少少中和士多啤梨酸度，配搭特別不過個人較喜歡食新鮮士多啤梨🔥天婦羅 - 天婦羅盛盒 HKD238✨盛盒帶海老、帶子、椎茸、蕃薯、露荀、南瓜，外層炸得酥脆只有少少油膩感，食材食落不過不失🇯🇵和食：🍙燒飯團 HKD58 - 熱焫焫外層脆口，內層飯軟熟，減低肚仔空虛感😂🥚明太子玉子卷 HKD98 - 食落質地軟熟，蛋味濃郁，配上最愛嘅明太子🍶清酒煮蜆 HKD108 - 蜆肉肥美，可惜清酒味較淡🥬辛辣豚肉炒椰菜 HKD78 - 炒菜脆口，正常水準🍨甜品：▪️芝麻雪糕，質地軟滑，芝麻同奶味同樣濃厚～整體食物質素良好，而份量較精緻。服務態度有禮，特別要讚下幫忙推木門供食客去戶外位嘅男店員，道門好重呀！埋單計多咗份量同漏上嘅食物，值得一讚店員好快就處理好！總結：-食物 ❤️❤️❤️❤️🤍環境 ❤️❤️❤️❤️🤍服務 ❤️❤️❤️❤️🤍.··🏠幸匠燒 (尖沙咀)📍尖沙咀廣東道3-27號海港城海運大廈4樓OTE402號舖…Read More

❀ 幸匠燒 #尖沙咀 ❀❗️望住激靚維港 嘆爐端燒居酒屋 ❗️——————————————————位於尖沙咀海港城嘅爐端燒居酒屋，門口採取極度吸睛嘅鳥居設計⛩️，酒吧位置可以望到師傅煮食，窗邊位就可以望住成個維港景色，環境一流💯主打日式串燒及燒物，價錢以呢個位置、環境及服務質素來講尚算合理，味道都算不錯👌🏻鍾意串燒嘅朋友都可以一試。佢哋嚟緊仲會喺沙田聯同日山有新分店，新界嘅朋友都有福啦！.✷𝑀𝑒𝓃𝓊✷☞ 串燒:♥ 雞心 $38 (3.7/5)♥ 雞尾 $38 (3.5/5)♥ 雞膝軟骨 $38 (3.7/5)♥ 免治雞肉串 $48 (4/5)♥ 福岡豚肉草莓野菜卷 $58 (4/5)♥ 福岡豚肉芫茜野菜卷 $48 (3.8/5)♥ 白燒活鰻 $98 (4.1/5)咁多款串燒當中最令我印象深刻絕對係鰻魚！肉質嫩滑，入口即溶，外層仲要有少少香脆🤤。免治雞肉串都唔錯，內裏有少少雞軟骨嘅爽脆口感，點上日式甜燒汁及蛋黃，雖然係鹹咗少少但係夠晒惹味！另外，用豚肉包住日本草莓嚟燒都幾有驚喜🍓冇諗過一鹹一甜又幾夾。草莓燒後更加多汁，亦能更帶出當中嘅甜味，唔錯。至於豚肉芫茜野菜卷既芫荽味真係非常突出，鍾意食芫荽嘅朋友一定要試。雞心雞味雞軟骨等等就主要用鹽胡椒調味，唔算好特別，不過都幾香脆。.☞ 九州槍魷魚燒 $168 (3.8/5)始終串燒份量唔係好多，所以嗌多個燒物飽肚啲🤣。口感正正常常，唔係最彈牙/腍身，而係介乎中間，又唔會過韌。加啲燒汁甜甜地味道不過不失。.☞ 天婦羅盛盒 $238 (4/5)分別有海老、帶子、椎茸、蕃薯、露荀、南瓜，第一次見帶子天婦羅🙈。炸皮厚薄恰到好處，非常酥脆，一啲都唔會油，不俗。——————————————————✨整體味道: 3.9/5 ✨環境裝修: 4.5/5✨服務態度: 4/5✨性價比: 3.8/5 ✨再訪興趣: 3.5/5 .💞整體來講環境咁靚嘅日式爐端燒居酒屋應該都只有呢一間😆望住個維港景色同朋友食餐飯都開心啲。食物大致不過不失，鍾意食串燒燒物嘅朋友都可以試吓。…Read More

二訪尖沙咀爐端燒 幸 • 匠燒特別鍾意靠窗位置 可飽覽維港景色，打卡一流！而嚟緊八月底，幸 • 匠燒SHIAWASE 仲會聯乘同屬food story嘅日山HIYAMA 係沙田新城市開分店！岩晒我呢啲新界人。▪️福岡豚肉草莓卷 $58果香滿溢的日本新鮮草莓 碰上油脂豐腴的豚肉，再沾上煉奶，鹹酸甜交集，清新不油膩。▪️福岡豚肉芫茜野菜卷 $48豚肉燒得充滿焦香，肉汁油脂滲透芫荽之中，食落唔會太乾。芫荽清新爽口，份量十足，芫荽控可以一戰呀！▪️白燒活鰻 $98活鰻外皮燒得超香脆，魚肉肥厚 軟腍帶彈性，入口充滿魚脂香。▪️九州槍魷魚燒 $168每一條魷魚都裹滿甜甜地嘅醬汁，質地彈牙，一啲都唔韌。▪️天婦羅盛盒 $238 天婦羅盛盒有齊海老、帶子、椎茸、蕃薯、露荀、南瓜。天婦羅炸皮薄身 香脆唔油膩，由頭食到尾都好難得keep到脆身。海老嫩彈蝦味濃，椎茸爽彈，番薯軟綿濃薯香，南瓜香甜，唯獨帶子炸得偏乾左啲。▪️雞尾 $38燒得香口，油脂感重。▪️雞膝軟骨 $38軟中帶脆，調味十足。▪️Smoky Angel $88iichiko, Mezcal, Bianco, Orange Biter用上日本著名的燒酎「Iichiko玉極閣」，酒味濃得嚟好易入口。…Read More