冰室小菜館 (彌敦道) (Closed)

1. 豉椒炒蜆香濃好食，雖然有幾隻冇開，但係鑊氣搭夠。2. 半斤白灼蝦，完全冇投訴，蝦肉爽彈，蝦味濃郁，一定要新鮮下先至可以用嚟白灼。3. 蒜蓉粉絲蒸扇貝好大隻好多粉絲蒜蓉，啲汁朔晒入啲粉絲度，極鮮甜，仲要只係$24隻。點解話係新鮮海鮮唔擺得，一定要日日清所以來貨唔多，想食一定要預訂。4. 豉汁果皮蒸鮑魚又係好大隻，每隻$12…又係新鮮即蒸，無話可說。5. 小炒王好夠鑊氣，韭菜爽甜，海味味足。6. 咕嚕肉特價$58一定要食，即叫即炸，淋左汁上去10分鐘，個皮仍然係脆。總結:其他食物我食得少，冇試真味就唔評論，但係整體而言，呢個價格，喺彌敦道油麻地地鐵站旁嘅地舖，加上呢一個質素，無得輸。食飯嘅時候隱約聽到店家話請唔夠人，我心諗你呢個地段呢個質素收咁樣嘅價錢，梗係做到踢晒腳啦。我會喺店主醒覺加價之前瘋狂幫襯…Read More

外面係茶餐廳既格局，但原來入面晚市係有小菜食又有海鮮，2個人叫左4個餸，都係每人$120，有湯有飯。一坐低就有碗菜乾湯，幾濃味又夠味，應該冇味精，因為飲完唔會口渴。白灼蝦$58，都有成半斤，d蝦夠大隻又新鮮，蝦頭膏好甘香，豉油有放辣椒，幾有誠意，好抵食沙巴龍躉，$98，好普通既魚，不過不失，今晚蒸過左龍，但個豉油幾鮮既。咕嚕肉，$58，肉多過d椒，d肉炸漿唔厚，幾鬆脆，入面肉都好林，甜酸醬較得幾適中，可以試下。豉椒炒蜆，今晚做特價$28，足半斤超抵食，個醬似沙嗲醬多d，但撈飯都幾好食。$28真係抵到爛，枱枱都叫。d侍應又勤力又有禮貌，晚市爆滿哂都好爽手。見好多枱都係一條友自己去食小菜。除左d枱迫少少，整體質素唔錯，會再同朋友去。…Read More