G One Sushi Japanese Restaurant (Tai Pa Street)

老公就黎生日, 但因為正日出trip大家又忙就諗住之後先補祝但都係諗住近近地落樓食番餐啦又想食日本野所以就揀左鮨一啦～ 店鋪細細但確實係幾驚喜既૮꒰˶ฅ́˘ฅ̀˶꒱ა見到有套餐咩都有 散叫又唔係平師奶仔反覆考慮但都係想揀自己想食既所以都係散叫ㅎㅎ📍鮨一千層海膽飯（小）最先黎到 好打卡able ꒰˙Ꙫ˙꒱其實我都唔識分咩叫靚或者點先叫好食但自己食完無唔鍾意既味道就係好食🤤叫左小份但都好澎湃📍日本真蠔一人一隻 好大隻好creamy老公表示好滿意😀📍甲羅燒配左多士 味道都唔錯呀📍蟹肉牛油果凱撒沙律有蟹肉，蟹籽仲有牛油果 配搭食落好fresh 📍真鯛、油金魚、帶子壽司散叫左3款壽司正常表現 ʚဝိူɞ本來仲想再茶漬飯，估唔到食完都飽晒整體用餐體驗唔錯食物質素覺得好唔錯的坐係bar枱睇住師傅整野食好似覺得自己食緊omakase ꒰ ´ิ(ꈊ) ´ิ꒱餐廳7-8成滿座，但都好寧靜幾好唔太嘈唯一想講 如果可以唔一次過上晒菜就好啦雖然難d ._.…Read More

又去荃灣覓食，想食日本野，記得行過大壩街有間小店，裝修都幾有居酒屋feel，今次就去睇下正唔正先~✨上十貫目 - 有10款唔同嘅壽司，擺盤都幾有心思☺同朋友share左每人5件，魚生都好新鮮，而我自己最鍾意燒左口魚裙邊同帆立貝😚✨西班牙蠔 - 望落已經好肥美，質感滑嫩，而且好juicy好鮮甜🦪✨活赤貝刺身 - 擺碟好靚，口感好爽滑，鮮得嚟唔會腥👍✨秋刀魚刺身 - 呢個係時令刺身，勁特別啊，原條切好左咁上枱，而且切得好靚！食落幾爽口，仲食到魚肉嘅彈性😋✨日本赤雞翼 - 原隻大大隻雞翼燒得幾入味，火喉啱啱好😻✨免治雞肉棒 - 又係居酒屋必叫的，撈埋個生雞蛋食，食到蛋香同燒雞肉棒香味融合左，亦食到少許雞軟骨粒，口感唔錯~✨燒鮮冬菇 - 個冬菇好多汁，食完肉肉同海鮮食返d菇感覺好似健康dd😂✨甲羅燒 - 好吸睛呀，勁耐冇食甲羅燒，將d蟹膏撈埋個蛋，再塗上烘過嘅麵包上一齊食，真係幾夾🤤✨壽喜燒牛肉烏冬 - 牛肉夠薄切好易入口，稻庭烏冬煙韌嫩滑，而且份量幾足😁P.S.上網搵完原來大埔同尖沙咀都有分店，下次近近地去下尖沙咀先😝…Read More

「鮨一」位於荃灣西食街裡面，地理位置好方便，地鐵站行過去好近。入到餐廳，店員安排我地坐bar枱，可以睇住師傅製作美食。餐廳食品種類多元化，其中有刺身、壽司、爐端燒同一品料理等，店員都推介左招牌菜式比我地，態度好友善❤️鮨一千層海膽飯 (小) $198必食推介！呢個份量十足嘅千層海膽飯送上枱時已經相當驚喜！海膽堆成一座小山，海膽好肥美，口感細膩綿軟，味道鮮甜，底下仲鋪左一吞拿魚蓉，口感綿綿，啖啖飯都食到海膽同吞拿魚蓉！季節白身魚薄造 $98今日嘅時令白身魚刺身係剝皮魚😊剝皮魚肉質比較煙韌彈牙，片成薄片後魚肉呈奶白色；由於味道較為淡雅，清甜中帶魚香，蘸一蘸柚子鼓油，多了一重清新的柚子香味，口感清爽但又帶豐腴潤澤口感。真鯛刺身 $68刺身厚身，真鯛味道清淡優雅，肉質鮮甜富有彈性，愈嚼愈釋放出油脂甘甜。上十貫目 $218有10款用料新鮮嘅壽司😊例如海膽、帶子、三文魚同油甘魚都新鮮肥美，魚類壽司充滿魚油香，其餘都鮮甜美味。甲羅燒 $98裝滿蟹膏的蟹蓋上面放左一隻生蛋黃，混和蟹肉、蟹膏同蛋黃再塗上多士到，食落同時有蟹鮮味同脆口既口感，食落滑溜，蟹味濃郁，滋味非常！清酒煮蜆 $62蜆肉用上白蜆，味道清甜無沙，蜆肉脹卜卜，而清湯亦滲出微微清酒味道，清酒加上蜆的鮮味，味道香濃美味。…Read More

❀ 鮨一日本料理 #荃灣 ❀❗️平價食居酒屋 千層海膽飯大滿瀉❗️——————————————————呢間居酒屋喺荃灣、尖沙咀、大埔均有分店，開業多年人氣依舊頗高🔥有多種特色打卡日本菜式，當中一定唔少得「鮨一千層海膽飯」，另外仲有多款手卷、串燒選擇，而且價錢都算幾抵👍🏻.✷𝑀𝑒𝓃𝓊✷☞ 鮨一千層海膽飯（升級日本海膽 ) $248 (3.9/5)招牌✨有成六七層高嘅海膽，底下仲有吞拿魚蓉。配上壽司飯，再用紫菜夾住，海膽嘅鮮甜味喺口中爆發，絕對係大滿足🥰.☞ 甲羅燒 $98 (3.8/5)蟹膏份量多，不過當日個蛋黃可能比較大，所以撈勻之後質地偏稀，不過依舊品嚐到蟹膏嘅鮮味，搽埋上一口即烘多士就perfect 👍🏻.☞ 香蔥拖羅反卷 $82 (3.8/5)☞ 牛油果軟殼蟹反卷 $78 (4/5)兩款手卷都非常足料😚特別推薦牛油果軟殼蟹，軟殼蟹新鮮即炸，非常香脆。配埋熟透嘅牛油果、魚子，幾惹味。另外鍾意吞拿魚嘅就要試吓拖羅反卷，表面有成2cm高嘅吞拿魚蓉，飯中間居然唔係青瓜絲，而係有吞拿魚蓉！☞ 子持魷魚筒 $68 (4.2/5)第一次品嚐，有驚喜😆魷魚包着魷魚鬚、魷魚卵，口感幾爽口又帶點creamy。非常特別，一定要試！☞ 鹽燒活白鱔串 $68 (4/5)☞ 鹽燒牛舌串 $45 (3.5/5)串燒就推薦活白鱔串，表面香脆，內裏肉質爽口鮮嫩多汁，烤得出色。相反，牛舌串就硬咗少少🙈——————————————————✨整體味道: 3.8/5 ✨環境裝修: 3.8/5 ✨服務態度: 3.8/5✨性價比: 4.2/5 ✨再訪興趣: 3.8/5 .💞整體來講呢間係抵食質素唔錯嘅居酒屋，想平平哋食到好味日本菜，可以嚟呢一間！…Read More

話說有親戚由英國返香港，佢聲稱英國嘅日本嘢好難食，所以就叫我搵間日本嘢入到去我就直頭當佢係居酒屋咁酒盜芝士 同螢光魷魚 夠味送酒正再去一定返o桌炸雞軟骨 普通料燒鱈魚乾 唔會再叫甲羅燒 好好味，好味到要申條利洗乾淨個蟹殼🤤蜆肉麵豉湯 食咗咁多年，咩嘢覺得佢味道好清淡冇乜特別千層海膽飯 好味係真係好味，但係個份量真係少得好可憐燒白鱔串 唔使諗，總之飲酒就一定要叫唔好意思，因為同個親戚傾偈，傾得太開心啲嘢食一落枱就起筷都成日唔記得影相不過總括而言，呢間嘢啲食物質素係值得再去下次去到希望我記得影多啲相再放上來…Read More

曾經去過尖沙咀分店，相當不錯。所以再到荃灣分店，跟尖沙咀分店一樣，好像是日本居酒屋的小店，店內外都以木質為主。必吃之選：大船渡真蠔 $88 買1送1 大大隻生蠔！還有買1送1優惠，真的不要錯過有別一般生蠔，這個是少許調過味的，提升了生蠔的味道而且蠔夠肥美，真的必吃特上十貫目 ：共有10件壽司有呑拿魚腩、海膽、深海池魚、帶子、魷魚、 甜蝦、油甘魚等。刺身新鮮👍甲羅燒 $98濃郁的蟹膏，配上脆多士。如果有點丼，除多士外，可把白飯放在蟹蓋，更可以吃盡所有蟹羔😆😆季節白身魚薄切(上) $98雜錦魚生飯定食(下) $98 白身魚真的很薄，配上豉油鮮味更突出魚生飯定食性價比高，只需$98，還包沙律、麵豉湯及前菜。多款刺身，挺新鮮的。清酒煮蜆 $62蜆煮得十分滑，湯加上蘿蔔吸收了蜆湯精華，正！定食的前菜、沙律、麵豉湯…Read More

今天趕著要於傍晚時，到荃灣沙咀道相熟的售賣日本火車模型店訂購新推出的心儀火車模型，故又再到荃灣廣場附近。訂購完火車模型後，向來又懶走動的我，又想試下新食店，唯有以100~200米為目標。今天的個人主題是找日本食店，就揀到了這一間，對正荃灣廣場其中一個主要地面出入口的正對面位置。今天因為是背著另一半偷偷過來，所以只慳家地隨便點了約一人份量。頭盤先嚟一個清酒大根水煮蜆，味道清新。微微的煮蜆水更可以當作薄薄的海鮮味清湯飲用。隨後再嚟特上十貫目，當中通常都抱括有甜蝦，海膽，吞拿魚等等。總言之，每個壽司海產都挺好，夠鮮味。重要的是，壽司飯不會太過巨大，個人不太喜歡如爭X連鎖店那些。另外的數個菜式是:松葉蟹肉伴蟹味噌，味道超濃郁，塗麵包一流。意外極為驚喜是，日本岩手縣大船渡市(日本東北部離福島超過200公里)的生蠔，蠔鮮味極好，肉質份量巨大，強力推薦。錦繡魚生飯定食，海產和飯量恰到好處，大食量食客醫肚必選。季節白身魚薄切，刀功不俗，口感挺像日本當地吃的河豚。埋單計數，原來我今晚，食咗一套日本製火車模型的等價落肚。今晚買一套，食一套，勁!…Read More

收工同老婆2人世界, 又唔想去太遠, 就去咗荃灣大壩街呢間鮨一日本料理！一入去見到大割引-大船渡真蠔買一送一$88咁抵！即刻叫左1份！真係大大隻好creamy好滿足! $298既特上十貫目, 有海膽, 吞拿魚腩同其他當造既刺身壽司！梗有一款啱你口味！另外佢哋個季節白身魚薄切（$98）亦都好鮮甜！老婆鐘意食蟹膏, 就叫咗個甲羅燒（$98）！蟹膏嘅鮮味沾滿細細塊麵包度, 一啖一塊好好味！最後食埋佢個錦繡魚生飯定食（$98）同清酒煮蜆（$62）就真係飽到行唔喐啦！整體環境服務都唔錯, 啲嘢食都嚟得好快！下次會再嚟食過！…Read More

朋友話大壩街係荃灣真正食街，所以我決定要橫掃大壩街所有食店。今日去咗街角既鮨一日本料理。荃灣分店比較細，大概容納到六枱客人。鮨一實在太受歡迎，全晚坐無虛席。- 千層海膽飯（大）🏴千層海膽飯係鮨一既名物，平時見到朋友影住千層海膽飯打卡，我今次當然都唔例外😬。面層鋪上厚厚既海膽，底層仲有吞拿魚蓉同醋飯，並且有金萡作點綴，非常壯觀。海膽非常新鮮，吞拿魚蓉非常肥美。鮨一亦有提供紫菜，包住海膽同吞拿魚蓉一齊食好滿足。- 甲羅燒甲羅燒係我每次去居酒屋必點嘅食物，滿滿既蟹膏加上蛋黃令人垂涎欲滴🤤。味道鹹甜適中，配上香脆既多士可謂天作之合。- 辣酒煮廣島蠔日本既廣島蠔果然高質，外表非常飽滿，酒能夠帶出蠔既鮮甜。另外蘿蔔一樣咁鮮甜，不過我覺得湯可以再辣多少少😝- 火炙碟魚邊手卷呢個壽司轉手卷要額外加$20，好彩味道冇令我失望😍。蝶魚邊火炙後魚油豐富，味道更甘香。- 軟殼蟹手卷紫菜脆度十足，壽司飯帶有微微醋意非常開胃，加上香脆既軟殼蟹，令人一啖接一啖停唔到口😋- 上貫目一共有十款壽司，包括熟蝦、甜蝦、帶子、蟹柳、三文魚，海膽。海膽同赤身既味道比較深刻，赤身口感軟稔，海膽保持水準依然鮮甜。- 黑松露鵝肝反卷入面有兩大主角黑松露鵝肝同埋玉子，簡直係奢華嘅享受😎不過黑松露味道太「鋒芒畢露」，加上鵝肝唔算特別充滿油脂，所以我唔太食到鵝肝既味道🤔鮨一既千層海膽飯必叫，其他卷物同壽司都有一定水準。下次會選擇返尖沙咀分店，東區友嚟到荃灣真係好遠🤣…Read More

又完成了一個重要的deadline，終點在望，繼續努力前還是要先喘息一下，吃頓好的打打氣第一次來這家居酒屋，原來已經有數家分店，質素有保證。看門面覺得很有和式風味，而門口放的餐牌也不會令人覺得很有距離感。晚市有套餐，主食的丼飯便宜一點之外，也有些額外刺身壽司拼盤。套餐包括前菜、沙律和麵豉湯，基本上也夠飽。不過是晚算是慰勞，還是要吃好一點，所以只點一個套餐，其他在餐牌中散點有更多款式。丼飯要了火炙，師傅在準備的時候已經傳出香氣，上枱時刺身燒焦的地方剛剛好，非常漂亮。有三文魚、油甘魚、左口魚邊、帶子、蟹棒及海膽！有海膽實在是物超所值啊 左口魚邊的油脂很豐富，火炙過後魚油甘味更濃 醋飯有漬香菇伴著吃，更為香口。另一個主食要了很多人推介的招牌千層海膽飯，果然是名不虛傳 即使我們要了小的份量，堆砌起來的海膽山真的不是蓋的 足足有半板海膽！海膽非常非常的鮮甜滑溜，竟然還有金箔在上面，很是矜貴 下面還有拖羅魚蓉，肥美綿密，伴飯再放在脆口紫菜上包裹著，一口吃下去實在是非凡享受這個甲羅燒的性價比也很高！配烘得脆脆的多士吃很是滋味滿滿的蟹膏和蟹肉，伴著日本雞蛋，變成非常濃郁的麵包醬，吃多士也可以很奢華稱讚一下用的碟子全都不一樣，但十分漂亮，簡潔得來很有和風，而且擺盤也很出色今天剛好沒有我們最愛的油甘魚腩，於是點了肥美爽口的劍魚腩和牡丹蝦。牡丹蝦的鮮甜比海膽又是另一種程度，肉質的爽而腍也很討好牛油果軟殼蟹卷用上完熟綿滑的牛油果片，而中間包裹著的炸軟殼蟹竟然有黃黃的蟹膏 再加上蟹籽更是多重口感，整件就像藝術品一般，而且用料也很上盛小食要了明太子雞翼，這裡的雞翼切開了讓人更容易吃，而且也看得到海量的明太子將雞翼裡面完全塞滿，非常足料實在是一頓盛宴，而選址這裡也真的很不錯 高質而性價比高，冷冷熱熱都很對胃口餐牌：…Read More

尖沙咀居酒屋開到去荃灣，見到主店有唔少好評，襯有慶祝巧立名目去試食。日本野食碟碟細細份叫左好款唔詳細講，只係講下比較有印象既餐點。.1️⃣日本海葡萄蕃茄沙律 💲128 ⭐️3.8/5一粒日本蕃茄確係比一般既鮮甜好多，幾好味。但沙律份量唔大，就係一粒蕃茄再加唔算多生菜，亦即係話一粒日本蕃茄連加一接近要$150 😅😅😅。2️⃣千層海膽飯（大 ）💲298 ⭐️4.2/5全晚份量最大最抵食既竟然係呢個海膽飯，份量好多好慷慨，海膽食左好耐先食完。3️⃣日本真蠔 💲88 x 3 ⭐️3.5/5正常質素生蠔，有海水味厚身有肉地。比普通自助餐生蠔既高質少少，但連加一差唔多收$100隻實在幾overpriced 。4️⃣甲羅燒 💲98 ⭐️3/5轉：“甲羅，即是蟹蓋；蟹味噌，即是用日本調味品味噌／麵豉調製過的蟹膏。 “本身幾有期望既一味菜，但原來唔多岩口味，我自己都鍾意食蟹膏但甲羅燒蟹膏似腥腥地既水😂 配多士食，最好食係塊多士，因為唔飽我獨立地食哂。5️⃣中拖羅吞拿魚腩壽司 💲88 x 3 ⭐️2/5 以接近$100一件既價錢黎講非常失望，正常尺寸拖羅，唔太肥味🥲… 上次去日山前菜個塊普通吞拿魚刺身都仲好食過佢。6️⃣明太子雞翼 (每客兩隻）💲45 ⭐️3/5正常發揮，細細件還好唔貴。7️⃣手打牛肉烏冬 💲72 ⭐️4/5除左海膽外全晚最好食既竟然係呢個手打牛肉烏冬。食到尾大家都依然好肚餓，所以share完一個之後，要即刻再加多個頂肚。8️⃣鹽燒油甘魚鮫 💲98 ⭐️3.5/5正正常常，都係偏貴。.🔸除左吞拿魚腩性價比令大家好失望之外，其實每個菜式純講質素還ok。但地方非常淺窄無咩服務用餐體驗唔算好，份量偏細但用高級居酒屋定價。埋單人均700up 都唔多夠飽，所以覺得overpriced 列入後悔系列🥲。用呢個價錢，我至少期望會有甚少環境加服務，唔係係逼係舖頭仔三檯客坐一張大長檯間膠板咁玩法。.…Read More

今日朋友帶我往荃灣西鮨一日本料理慶祝小弟生日, 我們點了火炙魚生飯定食, 甲羅燒、牛肉稻庭湯烏冬、吉列炸蝦卷、炸雞軟骨、軟殼蟹手卷、燒芝士年糕和八爪魚燒餅。火炙魚生飯定食配味噌湯, 沙律和前菜螺肉, 味噌湯夠熱, 味道適中, 沙律菜食落新鮮, 車厘茄食落開胃、螺肉食落爽口, 火炙魚生飯賣相吸引足料, 有三文魚, 白身魚、帶子、蝶魚邊和海膽, 三文魚和白身魚食落肉質鮮甜帶點焦香, 帶子和蝶魚邊食落彈牙, 海膽味道香濃, 配上爽口青瓜和軟綿白飯, 口感豐富；甲羅燒生雞蛋混著蟹膏,配上香口的多士,同時帶出蟹膏的鮮和多士的脆；吉列炸蝦卷用紫菜及香飯包著炸蝦,減少了炸蝦的油膩感, 蝦食落爽口彈牙, 增添了多層的口感；炸雞軟骨炸得金黃, 食落香脆彈牙, 佐酒一流；軟殼蟹手卷紫菜香脆, 軟殼蟹炸得金黃, 食落惹味；燒芝士年糕芝士香濃,食落口感有層次而不油膩, 最後八爪魚燒餅一口咬下的燒餅裡,除了混雜著木魚和紫菜的味道外,還食到粒粒的八爪魚粒,加上翠綠的賣相, 惹味的燒汁,為視覺和味覺帶來雙重的享受。餐廳座位闊落, 交通方便,環境整潔,職員態度友善, 食物質素高, 份量十足, 適合朋友慶祝聚會, 我和朋友食了一頓高質慶生日本菜。…Read More

之前知道荃灣開左間日本野，朋友叫我試下就約左去食，一開始聽個名同睇裝修咁日系風，仲以為好貴，原來都唔貴，我覺得仲係平民價tim，一個茶漬飯最平$45就有❗️一定番黎食🤪不過座位比較少，如果想試，建議訂位呀💓✨另設加一-🤍吞拿魚丼定食 $198🤍特上三色丼定食 $178🤍甲羅燒 $98🤍吉列炸蠔 $72🤍牛油果軟殼蟹反卷 $68🤍炸雞軟骨 $48🤍水蜜桃梳打 $28-🤍吞拿魚丼定食 $198[滿星］⭐️⭐️⭐️⭐️⭐️‼️[赤身、中拖羅、大拖羅、拖羅蓉］依個丼食落會有種幸福感😚😚 赤身係比較瘦既紅肉，所以食落不含油脂，口感肉質實、有咬口，而中拖羅油分適中而筋位不算多，亦都有咬口，入口即溶而魚味濃郁🥰🥰，大拖羅偏白小小，魚油脂甘香，入口即溶，脂肪精華味道濃郁，不過真係罪惡感好大呀，食2塊真係夠唒🤣.🤍特上三色丼定食 $178[海膽、三文魚籽、拖羅蓉］[滿星］⭐️⭐️⭐️⭐️⭐️‼️好抵食！海膽份量比我預計多😳食落冇腥味，質感細膩， 入口即溶，同拖羅蓉好夾，一樣入口即溶，很不錯🥰🥰.🤍甲羅燒 $98⭐️⭐️⭐️⭐️甲羅燒有滿滿嘅蟹膏，同有一隻蛋黃，加左蛋黃口感濕潤，配多士減低咗個鹹度，鹹甜適中，不錯🤪/環境：8/10服務：8/10好味指數：8/10回頭率：8/10…Read More

今日去鮨一食日本菜, 地點都好方便, 響西鐵站, 穿過一系列的高空天橋,往荃灣大會堂方向行到大壩街,都好易找到, 裝修以木色為主, 店員招呼好有禮貌, 我地先叫了五品刺身定食, 以為午餐先會有呢類抵食定食, 估唔到晚餐都有, 刺身包括帶子、三文魚、甜蝦、八爪魚、白身魚, 而且每款兩切, 好厚身, 尤其係三文魚超厚切呀, 帶子也好鮮甜都至係 $118, 非常新鮮呀! 定食還包了麵鼓湯, 沙律同前菜。沙律叫了蟹肉牛油果凱撒海律($78), 蟹肉及青瓜一絲絲的, 夾了牛油果粒和沙律醬食, 又滑又鮮, 沙律菜也好新鮮爽脆。另一款都係蟹, 如見餐廳有這款菜色, 我通常都會叫, 因好似去左外國食野咁, 就係甲羅燒 （$98）蟹蓋上的日本雞蛋, 非常大隻, 好黃初時以為會好腥, 但原來一啲都冇, 反而覺得好重蛋香味, 以前食會有個爐燒一燒, 但呢個黃太新鮮, 就咁撈埋啲蟹膏食, 令到更加滑, 好好味, 搽上焊過的方包, 好味。炸物方面, 叫了雞軟骨, 有嚼口, 脆卜卜; 吉列炸蝦$48 , 好鬆脆, 明太子雞翼 $42, 漲卜卜, 好彈牙, 外皮又脆又香。燒物叫了雞泡魚干, 這是我的至愛, 超鮮甜, 外脆內軟$68; 仲有燒冬菇$16湯物叫了辣酒煮廣島蠔 （$78）， 一大碗, 有5隻,蠔味都鮮, 最夾係伴了白蘿蔔, 索晒啲湯, 飲品叫了支裝的白桃梳打 ($28), 好清甜呀。…Read More

朋友介紹黎新開既鮨一食飯，之前睇相就知道有個海膽吞拿魚飯，終於可以試下一坐低員工已經俾口罩袋，茶，同埋最重要既菜單。打開第一眼就已經望到傳說中既千層海膽飯裡面仲有好多其他想試既野。整體黎講份量細細份，可以試多啲唔同野，唔知有冇做omekase，如果有，都會想試下。裝修都企企理理，收野都快手，員工都感覺幾friendly甘。一定會encore 既就會有個海膽飯，試下下次點個大份既唔知會點樣樣，同埋啲小菜啊，茶漬飯個啲…Read More