牛川日本和牛專門店

📍 牛川日本和牛專門店Happy Friday 想食返餐好，今次黎到銅鑼灣覓食🤓呢間餐廳主打日本和牛，仲可以任食！佢哋提供4個放題set🤩今次就豪食佢哋最貴嘅set😋和牛、刺身、海鮮等等全部都係任食🤤✨D餐 至尊日本和牛燒肉&刺身放題 （180分鐘） $598 @1成個套餐會包黎自熊本同岩手既A5和牛、刺身、海鮮、壽司、炸物等，一共有齊139款既野食，任君選擇！真係花多撩亂啊😋🐂 至尊日本A5和牛拼盤頭盤會先上和牛拼盤! 會有齊曬所有A5和牛，一次過試曬唔同和牛既部位，仲有埋卡紙寫清楚，好貼心❣️一次過滿足曬我想試曬嘅願望🤩 當日有提供一共7款既和牛部位：牛肩胛、牛五花、牛小排、牛冧、牛柳、牛肋粒同埋西冷片～▶️各個部位既肉質都幾唔錯！我最推薦既係：👉西冷片：油脂分怖好平均，燒10幾秒就食得，食落入口即溶，質感柔軟，係口裏面充斥著滿滿嘅油香🤤👉其次既係牛小排：牛小排筋位比較多，食落比較有咬口，更有口感👉牛肩胛亦都係牛經常運動嘅部位，肉質會相對結實，富有嚼勁！🍣壽司餐牌𥚃有唔少壽司同埋火炙壽司可以揀～試過火炙油甘魚壽司、火炙三文魚壽司、火炙左口魚壽司、火炙和牛壽司同鰻魚壽司，每件壽司嘅尺寸都唔會好大嚿，大概係一口壽司，唔會食完就覺飽，令我試到更多嘅壽司🤪▶️壽司款式嚟講算多，基本上冇食到伏嘅壽司👉 火炙油甘魚壽司：油甘魚本身油脂比較重，炙燒之後油脂冇咁重，冇咁容易覺得膩👉 火炙和牛壽司： 牛肉juicy到滴曬汁，燒完之後唔會變到乾身或者食落韌，值得一試🥗前菜款式幾多！試左燒和牛沙律、牛川蟹籽沙律、味付螺肉、芝麻八爪魚、泡菜、麻辣鮮魚皮（期間限定）▶️比較推薦既係：👉 和牛沙律：沙律真係幾有驚喜，塊和牛既質素都唔差，亦有額外調味過，食落幾開胃👉 麻辣鮮魚皮：呢個必叫！！！係期間限定既菜式，想食既話要睇好唔好彩😆中意食麻辣既朋友一起啱你，辣味幾足；而魚皮好爽口，唔係淋既，好食到encore 左3次！🦞海鮮質素幾唔錯👍🏻分別試左甲羅燒、牛川虎蝦、辣酒煮蜆、北海道半殼帆立貝、青口、魷魚件，基本上都新鮮▶️比較推薦既係：👉 北海道半殼帆立貝：帆立貝幾大隻！！！食落完全冇雪味，亦唔需要特別調味都已經好食👉 牛川虎蝦：蝦肉係彈牙，燒完之後都冇縮水👉 甲羅燒：滿滿既蟹膏，好香！要試～🍤炸物種類繁多！試左炸雙皮奶、炸榴槤炸彈、章魚小丸子、炸芝士蝦球～▶️比較推薦既係：👉 炸雙皮奶：幾出色！必試，但要趁熱食！炸粉完全唔覺厚，雙皮奶有流心既效果👉章魚小丸子：味道唔錯，唔會覺得多粉漿，同市面買到既有得輝✨個人建議：食物款式真係好多，基本上冇伏既野食😋和牛既質素好唔錯，仲可以俾你任食！表示會二訪🤩⭐️好味指數： 9.7/10📍 牛川日本和牛專門店 (銅鑼灣)銅鑼灣謝斐道496號金利文廣場3樓#銅鑼灣 #牛川日本和牛專門店 #金利文廣場 #牛川 #和牛 #熊本 #日本 #牛肩胛 #牛小排 #帆立貝 #甲羅燒 #期間限定 #Wagyu #わぎゅう #hk #hkfood …Read More

天氣凍想食日式燒肉，聽人講牛川有靚牛食，即刻book黎慶祝一番！♥️燒和牛沙律店家自家烹調燒和牛，肉汁多濃，入口不會太硬，配上新鮮沙律，味道清甜又爽口。♥️牛美人配玉子唔好睇佢得幾塊野，肉質細嫩幼滑，配上美味滑溜的雞蛋，牛美人吸入不少雞蛋汁，美味極了！♥️A5和牛拼盤擺盤超掂！打卡一流，拼盤內有黑椒牛柳、牛本筋、後腰肉、牛肩梅花、牛冧、牛頸脊、壺漬牛肋條、牛五花及牛小排，應有盡有！牛頸脊、牛冧、牛腰肉有口感及肉質厚實。最好食較為濃味，壺漬牛肋條，一咬落去醬油味重，好正！♥️刺身依到除左燒肉，滿足一班為食友，有不同的刺身壽司，件件都新鮮肥美，好好食！♥️海鮮&甲羅燒配蒜蓉包新鮮海鮮，啖啖鮮味！依到竟然仲有甲羅燒，蟹肉滿多多，蟹味香濃，配上美味蒜蓉包，好滿足。…Read More

午膳時間有朋友請食呢間和牛放題 仲要係A5級和牛任食 款款和牛唔同部位都色香味俱全 值得推介🤪我地叫左最高級別既A5和牛套餐 開始會送上幾款頭盤 由和牛沙律到海鮮拼盤 再到A5和牛拼盤 擺盤精緻用心 和牛方面亦專登標示唔同種類唔同牛既部位 對比市面上其他燒肉放題 清晰知道食緊邊個部位 認真品嚐唔同部位既口感 值得一讚 特別深刻推薦 #熊本黑毛和牛 呢款牛肉質較實又有彈性 最鍾意食肩膊、頸椎、肋條部分 少脂肪又厚實 又會入口慢慢溶既感覺 重牛味又香享受完頭盤之後 可以用餐廳二維碼任意落單 繼續叫返牛又得 叫其他刺身、壽司、熟食又得 包羅萬有過百款既選擇相當豐富 每款和牛再加新鮮既刺身 真係令人欲罷不能🤤自助飲品吧 汽水、茶、罐裝啤酒應有盡有 仲可以加錢享受高質啤酒 鐘意飲啤酒既朋友真係唔可以錯過特別提醒返4人同行食和牛放題 餐廳仲會即送龍蝦刺身 約埋啲朋友仔一齊享受海鮮和牛之樂…Read More

"𝐵𝑒𝑒𝑓 𝑖𝑠 𝑏𝑒𝑠𝑡 𝑠𝑒𝑟𝑣𝑒𝑑 𝑤𝑖𝑡ℎ 𝑠𝑡𝑒𝑎𝑘."今次同大家介紹一間銅鑼灣新開嘅日式燒肉店～牛川日本和牛專門店🥩🔥依間燒肉店主打多款和牛烤肉套餐牛嘅質素十分高質💯❗️食完嗰個都變牛大人😂另外佢午餐都有好多優惠定食 CP值超高👍而佢環境方面都做得十分舒適座位間頗為闊落 快啲約朋友去火熱升溫啦🔥==============================〖 日本產A5黑毛和牛烤肉套餐 Set B🥩 〗💰268講到和牛 點可以唔提起日本呢🤩依份和牛烤肉套餐又好味又抵食👏總共有 牛三角 牛五花 外腹肉三款選擇😍 每款肉啲油花同紋路都好正外腹肉就比較韌身 不過牛味香濃另外兩款入口即融🤤所以話 有得揀真係好重要😤真材實料嘅 總會有人欣賞😚又點會出現負數民望呢😏〖 日本和牛肉眼扒烤肉套餐🔥 〗💰398有咩開心得過食A5和牛烤肉？😏就係食兩份和牛啦😂😂真係幸福過食幸福傷風素❤️平時我地梗係唔想自己脂肪咁多 但食牛就愈多油脂愈吸引🤤依一塊和牛肉眼脂肪比例均勻 肉質實而不韌 入口即融 今次真係結他斷弦 冇得彈😂〖 甲羅燒🦀 〗💰48前方優惠注意⚠️ 依家可以用48蚊追加一隻甲羅燒👏 將啲蛋漿 蟹膏 蟹柳同蟹籽 仲有葱撈埋一齊落去燒🔥 嗰陣蟹味香到收都收唔埋啊🥳 而且今次小蟹柳 雖然都仲係扮晒蟹😏不過令到個口感更豐富 依個甲羅燒 真係好食到要Kero Kero kero 😂今次我問你啊❗️ 你食飯撈唔撈依個甲羅燒？Yes or 撈❓〖 三文魚腩壽司🍣 〗💰12/件雖然冇最靚嘅豬腩肉 但係仲有最靚嘅三文魚腩🎵 好新鮮 又厚切 咬落十分肥美🥰——————————————————————————————評分🌟(10分最高💯)價錢💰: 7/10 味道👅: 7.5/10環境🌱: 7/10回頭❣️: 7.5/10人均消費: $350想睇多啲好西就記住🔅Follow @hknous.foodie🔍 店舖資料🥩 牛川日本和牛專門店📍 銅鑼灣謝斐道496號金利文廣場3樓⏰ 𝗠𝗼𝗻-𝗦𝘂𝗻: 𝟭𝟭:𝟯𝟬-𝟮𝟭:𝟬𝟬------------------------------想搵同類型嘅餐廳🍴👇🏻#eatwithnous_燒肉#eatwithnous_銅鑼灣 #foodie #hkfoodie #hkig #hkfood #instafood #beef #likesforlikes #hkgirl #hkdaily #photography #hongkong #hkdaily #hkdesserts #foodoftheday #sushi #wagyu #美食 #相機食先 #和牛 #燒肉 #吃貨 #打卡 #手機食先 #銅鑼灣美食 #牛川…Read More

相信大家最近都會襯機會食好啲，朋友都有這個想法，於是相約去新餐廳開餐食燒肉！ #牛川日本和牛專門店提供燒肉 ，環境都舒適，而店員態度都好友善，叫套餐仲會附送前菜、沙律和飯，夠哂飽肚！◽️ 美國安格斯烤肉Set C $128有一口牛、牛頸脊、牛五花、牛肋肉及西施扒，牛味濃郁，一次過可以食哂唔同部位，有選擇困難症的話不如叫套餐，保證滿意！◽ 日本A5黑毛和牛烤肉Set B $268見到有和牛當然食埋啦！有牛三角、牛五花和外腹肉，油分會更豐富，燒至轉色就食得，配一口飯吃更滋味。◽ 美國安格斯牛肋肉 50g $32以為50g好少，原來都有成4塊，燒一燒就聞到肉香，燒至自己喜歡的熟度就食得。◽ 甲羅燒 $48特別喜歡吃甲羅燒，所以見字即叫！蟹蓋盛載著蟹膏、蟹籽、鵪春蛋及蟹柳絲，撈勻後燒熱食得，蟹籽為鹹香蟹膏增加口感，拌飯一流。◽ 燒蠔 $12@蠔都算脹卜卜，有蠔味。◽ 燒三文魚頭 $68
睇落份量都幾大，魚皮燒至香脆，魚肉帶有油香，鍾意食燒魚的話一定滿意！食物以外，只要加$4-$8就可以飲茶、汽水、啤酒等等，而雪糕都好抵食，只要加$12就食到Movenpick，點可以唔叫呀？餐牌參考～～～…Read More

銅鑼灣站📍 牛川日本和牛專門店 -今次去到呢間新開既牛川食燒肉😋日本A5黑毛和牛烤肉Set A（$198）呢個set有一口牛、牛肩頸、牛三角三款肉，共120g。和牛牛味濃，油脂分布均勻，牛脂一入口大爆發😍一口牛就算燒耐左都唔會韌🤪不過上台未完全解凍。呢個set包沙律同飯。日本佐賀名水豚肉（$68@100g）豚肉相對上較瘦，中間有少量油脂。燒蠔（$12@1）叫左兩隻燒蠔試下，不過不失，再肥美d更正。扇貝（$18@1）扇具大大粒，幾清甜，不過一開始燒得太熟，技術方面再進修下😂甲羅燒（$48@1）滿滿蟹膏、蟹籽、蟹柳絲，上面仲有隻雞蛋，搞勻一齊燒。整體味道比較甜，唔腥，好creamy🙌🏻👍🏻七味一口雞翼（$12）一口雞翼炸得香脆，微辣，惹味，共有4隻😋飲品甜品方面，Movenpick一杯只需加$12！超抵👍🏻👍🏻👍🏻野飲有汽水、茶類飲品、啤酒，仲有樽仔奶茶，價錢好相宜，只需加$4-$8😎樽仔奶茶味道唔錯，不過女朋友話味道較甜。建議店舖可以加推蔬菜比客人燒，食肉獸食下菜平衡下更加好🤪環境方面，座位好闊落，坐得舒服，最岩同朋友黎慢慢燒肉，飲下啤酒。…Read More

四月難得仲可以有十幾度，捉緊低溫嘅尾巴，去食好耐冇食嘅燒肉，有一間燒肉店，價錢超抗疫，可以食得好放肆好似呢個黑毛和牛套餐，已經有牛三角、牛小排同內側腿肉等等靚肉雖然未解凍，但就咁放上烤爐冰油交融激起熱情嘅火花，咁煮法雪花封得更有油香而另外一個餐可以試勻三種風味，有日本A5和牛肩胛、美國牛肩胛同日本名水豚肉質好嫩，油汁口中四濺，稍為加啲岩鹽吊味，滋味更上一層樓如果咁都唔夠食，追加項目絕對係跳樓價，牛頸脊出面閒閒地都三位數，呢度竟然$40有找就有50g海鮮又唔係海鮮價，係明碼實價地平，蠔$12一隻帆立貝廿蚊都唔使，大胃捽咗幾次眼先肯定冇睇錯甲羅燒$96蚊出面都未必食到一隻呢度已經可以食到兩隻，仲要勁足料每個餐都會配白飯、漬物同沙律，有啲飯素喺上面，燒肉送飯簡單又好味加幾蚊就有飲品，仲有日式樽仔奶茶揀𠻹…Read More

日本產黑毛和牛烤肉套餐，跟餐包小食，而且餐飲，燒烤單點可以無限加配。今次點選套餐有牛三角，牛五花，外腹肉。和牛雪花均勻，燒烤後油香滿滿，入口溶化，肉味濃郁。加配日本A5一口和牛，同樣粒粒都雪花均勻，口感十足。追加尚鮮燒蠔，生蠔非常新鮮又大隻，烤到外面少少乾身就食得。另外，磯燒元貝，自己調味，加少少粉紅岩鹽，份外鮮味。推薦甲羅燒，滿滿蟹膏，加入鵪鶉蛋，蟹子及蟹柳，配以清酒味醂減低腥味，鮮甜滿分，送飯一流。…Read More