OS Plus (Maritime Square)

成日行過見到十蚊一隻生蠔好吸引, 終於去試下。openrice訂座正價餐牌食夠500有折, 但去到其實無用, 因為基本上唔會叫正價餐牌野, 好貴。佢有一d set, 抵食好多。我地就叫左個豬手set, 包兩杯生啤, 都係$258重點生蠔黎啦!! 本來$10一隻不抱期望,但估唔到都幾新鮮,有海水味, 我地每人食左一打, 另外加左兩份魚子, 真係好平好抵食$10隻仲抵過自己買番屋企開,質素好過buffet, 絕對係愛蠔之人首選…Read More

之前吃過晚餐,價錢貴好多,午餐比較多推廣和優惠,現在只要點餐就每人送一隻生蠔.我們自己就額外叫了半打生蠔,有一隻升級大好多.味道我個人不是特別愛生蠔,覺得不過不失!三文魚薄餅配菜用黑醋我個人比較喜歡,三文魚吃入口感覺到煙熏味不錯,薄餅同三文魚之間其實還有芝士加分很多,如果薄餅在薄D款會更好!西冷就最正!炭燒味好出,加埋荷蘭汁超配!完全不會掩蓋肉味,重點吃完完全無攝牙.👍甜品成日都會轉款,所以不怕吃厭.BB櫈好高質.遇到吃飯高峰期服務質素會慢小小,所以大家想安靜吃飯聊天,最好避開高峰期,唔系就會好吵雜!…Read More

睇到fb 介紹，即book位今晚食，打電話去時店員會先問要唔要預留$88 刺身拼盤同埋$10 嘅黑松露扇貝，店員表示刺身上限係兩份，扇貝佢就冇講，雖然好抵，但人數有限，都只係預留左一個拼盤同兩隻扇貝啫早左45分鐘到，因為太肚餓喇，所以直接問店員可唔可以入，當時只有一兩枱客，所以店員都帶左我地入去坐店員放低餐牌同餐具，就問我地要唔要上左預訂嘅拼盤同扇貝先，然後我地再慢慢睇餐牌點野食。刺身拼盤好快就上，$88真係超級抵食，三文魚、八瓜魚、左口魚裙邊、生蝦、赤貝同翡翠螺，每樣都有三四件，而且好鮮甜冇雪味，絕對超晒值，建議各位真係叫兩個食，因為我地後來單叫一份三文魚刺身（6片）都要$98！重點黎喇，$10生蠔，店員話今期推廣嘅係愛爾蘭蠔，其實都預左細隻，所以先叫一打，一上枱我地就好似扒飯貢扒，一分鐘唔駛就食晒，所以又encore，前後叫左三打，其實可以再食，但想留肚食其他野，就停一停啦。蠔係細隻嘅，但係新鮮，甜，帶有淡淡海水味，個人鍾意就貢食，咩都唔點唔落，但食左三打都唔覺得腥，適合初試或者喜歡淡口味嘅朋友。黑松露扇貝，好香好香，上面嘅黑松露一啲都唔欺場，扇貝又大隻，汁好香濃creamy，喺食完一堆生冷野之後再品嚐呢隻扇貝，真係另一種享受，又香口又暖肚。晚餐點都要有啲澱粉質先飽肚嘅，叫左個tomato & mozzarella cheese pizza，大概8寸，批底好薄脆，蕃茄同芝士鋪滿批面，拉絲效果令人興奮，每一口都層次豐富，酸、甜、香、脆，值得推介！樓面4個店員，2個掛住㩒電話，另外2個就一直望住門口等客黎，但就忽略左已經入座嘅客人，每次點餐舉左好耐手都冇人理，要大叫真係好樣衰。除左蠔比較細隻，所有食品都好滿意，三個人埋單$7xx連加一少貴…Read More