瀛豐放題料理專門店 (Moved)

第一次食有大閘蟹和生蠔嘅日式放題。大閘蟹即叫即蒸所以需等候二十分鐘。唔緊要，係等候期間食住其他主角先。今日主角是大閘蟹、生蠔和海膽帶子。大閘蟹唔算好大隻，有膏、新鮮，蟹肉清甜。蘇格蘭生蠔正是當造，飽滿鮮甜，肉質爽口。海膽的鹹鮮味和鮮甜的刺身帶子是天作之合。雖然任食上述三個主角都需加錢，但是質素咁高我覺得是抵的。放題基本版是日、泰式料理。刺身、壽司、卷物，種類豐富又新鮮。串燒、小菜、生蝦，全地道泰國風味。這間放題還有一個我比較喜歡的安排，除了飲品甜品要起身自取外，全程都是安坐等食物送上來，落單後上菜和收骨碟都勤快。…Read More

好耐無食過放題喇, 最近食刺身同壽司時發現食極都唔夠喉, 所以 book 咗 ❥⧽瀛豐放題料理專門店 ❥⧽ 止一止渴。餐廳位置方便, 地鐵站行過去唔使1 分鐘。𓊈晚市放題 $𝟚𝟜𝟡 升級$𝟙𝟛𝟠𓊉呢個放題都好多選擇, 除咗刺身同壽司之外, 仲有好多唔同嘅熟食, 因為我地想食生蠔, 所以就升級埋, 估唔到連生啤都可以任飲, 有Stella 同 1664 Blanc 任你斟。除咗啤酒, 仲有好多唔同款式嘅飲品提供。𓊈海膽火焰帶子𓊉見到呢個海膽帶子已經流曬口水, 粒粒都好飽滿, 海膽同帶子都好鮮甜, 夾埋一齊食真係好好味!𓊈刺身拼盤𓊉隻刺身船好誇張呀, 大大隻, 刺身種類好多, 可以一次過試曬咁多款, 有赤蝦, 三文魚, 油甘魚, 希靈魚, 冰山蚌, 八爪魚, 鮑片, 馬刀貝, 角螺, 赤貝, 醬油吞拿魚。我特別鍾情冰山蚌, 好爽口鮮甜。𓊈即開生蠔刺身𓊉生蠔好大隻肥美, 個人比較鐘意落多d 檸檬汁, 可以帶出生蠔嘅甜味。𓊈壽司 ✧ 一口海膽 ✧ 花之戀 ✧ 火灸和牛 ✧ 芝士蟹籽 ✧ 火灸三文魚 ✧ 軟殼蟹卷𓊉壽司種類幾多, d 飯細細舊, 唔會撐飽曬, 估唔到呢度有我最鐘意食嘅芝士蟹籽, 可以瘋狂食, 好開心。𓊈熱食 ✧ 大蝦天婦羅 ✧ 黃金豆腐 ✧ 牛柳串燒 ✧ 泰式燒元貝𓊉熱食全部都熱辣辣, 特別推介大蝦天婦羅同黃金豆腐, 2 樣都外脆內軟。✧✧ 食物同飲品款式都好多, 用 qr code 落單好方便, 抵食。…Read More

好好好好好耐無食過放題喇😆所以特登揀咗呢間又有生蠔又有海膽食嘅樓上店放題價就睇日子時段 由$209-$259不等加生蠔+海膽帶子就按時段價錢+$138@如果淨係加海膽帶子就 +118@即係加埋生蠔先係加多$20@我哋一場嚟到就梗係加晒佢先啦🤤港日泰式放題 $249@升級版每次限點人頭數x3生蠔🙆🏿‍♀️ - 隻隻都好肥美 有少少海水味 爽口 小妹一個戈食咗半打🦪海膽帶子🙆🏿‍♀️ - 大大隻帶子夾住海膽 鮮甜美味 而且估唔到又幾夾喎 小妹又encore😌刺身🙆🏿‍♀️珍寶赤蝦、三文魚刺身、油甘魚刺身、希靈魚、冰山蚌、八瓜魚刺身、鮑片、馬刀貝刺身、北海道角螺刺身、赤貝刺身、醬油吞拿魚刺身一開波就嚟一round雜錦先乜都叫幾塊試吓最欣賞係珍寶赤蝦 長過筷子 又大又爽又鮮🦐其次係三文魚同油甘魚 帶有少少肥邊 食落更美味另外馬刀貝、角螺同赤貝都妹爽脆鮮甜小馬仲encore咗角螺 好正最後不得不提係醬油吞拿魚 有少許鹽味🤏🏻肉質較似赤身☺️壽司花之戀壽司🙆🏿‍♀️ - 叫返最原始嗰款 水準之作龍蝦膏甜蝦壽司🙆🏿‍♀️ - 睇個樣仲以為好平庸好dry咁 點知一咬落去好重蝦膏味海膽親子花之戀🙆🏿‍♀️ - 海膽都唔少 出手幾闊綽 再加上三文魚籽 2樣都鍾意嘅就唔好錯過喇雙色拖羅蓉花之戀🙆🏿‍♀️ - 超夾 又香又食到吞拿魚落嘅滑溜 私心大推！！！蟹肉沙律花之戀💁🏿‍♀️ - 相對地味道無咁出 可以中和返 無咁重口味鵝肝帶子壽司🙆🏿‍♀️ - 幾鍾意佢連飯都係細細粒 燒香咗嘅鵝肝又無搶咗有子嘅鮮👍🏿原條穴子壽司🙆🏿‍♀️ - 無呃秤 穴子足足有2嚿飯咁長 燒完帶啲焦香火炙左口魚邊🙆🏿‍♀️ - 左口魚經高溫燒過會好香 仲會咇晒啲油出嚟 入口即溶 大推！！！蟹肉蟹膏軍艦💁🏿‍♀️ - 佢嘅蟹肉都唔少 幾好食和牛火炙壽司🙆🏿‍♀️ - 我呢嚿帶有少少肥膏 燒完好好食 再加上佢嘅口感好特別 有咬口得嚟又唔韌 恰到好處 推！炸物大蝦天婦羅🙆🏿‍♀️ - 炸粉唔算厚 蝦肉都爽口彈牙 唯一缺點係無跟天婦羅汁七味雞軟骨🙆🏿‍♀️ - 炸到脆卜卜 再加上調味啱啱好 大推！！！泰式蝦餅🙆🏿‍♀️ - 小妹獨自solo咗2件 覺得佢啲泰式嘢食普遍都較出色 點埋佢嘅醬汁 推！燒物泰式燒元貝🙆🏿‍♀️ - 已起肉 加咗炸蒜去燒 而且大大隻 好好食😋 大推！！！炭燒豬頸肉🙆🏿‍♀️ - 一客4片左右 我哋都encore咗一次 燒到條邊燶燶哋 好惹味串燒雞肉（沙嗲）💁🏿‍♀️ - 不過不失 有少少乾 但啖啖肉都串燒牛柳（沙嗲）🙆🏿‍♀️ - 成日驚會好韌 呢個又唔會喎 搭少少肥膏 好味😋串燒豬柳（沙嗲）🙆🏿‍♀️ - 豬柳食落好香口 肉質又夠腍 推！燒菠蘿 💁🏿‍♀️ - 再燒燶少少較為好湯品冬陰公蝦湯🙆🏿‍♀️ - 細細碗 正 入邊仲要有蝦添 而且味道都ok 少少辣 啲香茅同其他配料嘅味道都好出 推！飲品 (自助)Watsons白檸燒仙草爽樂天蘆薈道地烏龍茶加分欄⭕️ 店員反應快 喺唔阻你情況下迅速收碟⭕️ 氣氛輕鬆 店員有講有笑 又會哼歌⭕️ 地理位置✅ 加一服務費✅ 經OpenRice訂座 16:00-16:15/ 22:00-22:15人頭費88折 (升級價錢除外)…Read More

二訪呢間日式放題餐廳，感覺一次比一次抵食。朋友最鍾意食生蠔，覺得今趟啲蠔更大隻算係新鮮，呢度係加個價錢任食、朋友真係好放任係咁食！自己較喜歡海膽帶子，上次我哋encore咗好多碟、今次仍算keep到水準，帶子creamy彈牙，海膽水準正常仙氣嘅刺身拼盤個配搭同上次差唔多，有巨型珍寶赤蝦、油甘魚、三文魚、希靈魚、冰山蚌、八爪魚、鮑片、馬刀貝、北海道角螺、赤貝、泰式生蝦，各樣刺身狀態還好，最鍾意食醬油吞拿魚調味唔錯熟食都多特色選擇，燒菠蘿又甜又多汁、我哋不斷添食！日本番薯仔天婦羅細細粒煙韌甜糯、唔食對唔住自己！ 飛天炒通菜惹味、泰式魚露燒蝦、燒元貝和秋刀魚好香口好食、皇帝蟹棒天婦羅較細粒都okay啤酒汽水任飲，甜品櫃有泰式甜品和迷你糕點，我較like韓國雪糕，個人獨食兩杯雪糕、好味好滿足…Read More

自從晚市開返之後👏🏻， 報復式地出來吃晚餐🤟🏻。 今晚突然想食放題， 就到瀛豐放題料理專門店， 位於銅鑼灣駱克道491-499號京都廣場10樓。 店內地方不算大， 但勝在整潔光猛😃。 我們六點到達，每位$229 (兩小時任食) ， 另外我們加$138升級任食海膽火焰帶子和生蠔， 還可以飲生啤🍺。 餐廳有日式、泰式和港式， 我推介要加錢升級食生蠔🦪， 新鮮肥美🤤。海膽火焰帶子味道鮮甜， 一啖一粒好滋味。雜錦刺身拼盤有三文魚、油甘魚、赤貝、冰山蚌、馬刀貝、榮螺、八爪魚、希靈魚、珍寶赤蝦和鮑片， 每款都新鮮，我最喜歡珍寶赤蝦🦐大隻又鮮甜。 壽司方面🍣我最喜歡海膽壽司，好甜美。另外推介泰式魚餅、 泰式豬手、泰式炒菜、 串燒、天婦羅和三文魚湯， 味道都不錯。最後記得食甜品和雪糕， 芒果布甸和海鹽雪糕兩者都好味。 瀛豐是一間價錢相宜， 性價比高的放題料理， 喜歡吃放題的朋友可以來一試😊。…Read More

生蠔放題🤩放題＄189（頭場優惠88折）時間：1600～1800（2小時）另加生蠔＄138（包含＄118海膽帶子）不包折扣日式放題，有刺身壽司，熟食以泰國食品為主。2個老伴想周圍食生蠔，所以就搵左間放題，都知道平價放題，都唔好話要求去邊。但除左熟食外，刺身、生蠔都係有驚喜，主要生蠔，在放題餐廳，生蠔雖然細類，唔太夠生蠔味，但食落口唔會有種腥味或者老既口感，所以生蠔值得推薦比大家刺身壽司就無太大特別，係壽司飯比較大粒，可能食其他放題都細粒／一口可以放入口不過熟食就有點失望，冬陰功湯比較水，無咩辣既味道，味道較淡，燒物有少許燒過頭，所以都比較小叫熟食。整體可以推薦比大家，但唔太食生冷野，就唔好期望熟食好食，只係可以放入口，但刺身壽司及升級類都可以推薦比大家，海膽帶子本身唔太喜歡就無特別介紹。下一次試下個大閘蟹在睇下推薦邊樣比大家😜…Read More

.‼️❤️ 記得CLICK我PROFILE關注我呀 ❤️‼️.😋 𝐀𝐥𝐥-𝐘𝐨𝐮-𝐂𝐚𝐧-𝐄𝐚𝐭 𝐃𝐢𝐧𝐧𝐞𝐫 HKD 347 @ 🌟 瀛豐放題料理專門店《👽食神大媽愛任食》.👽 追蹤大媽足夠耐嘅老友記都會知道大媽好少介紹任食同自助餐，因為質素普遍都將貨就價。但最近竟然發現左呢間性價比超高，竟然可以只係加 HKD 118 就可以升級任食生蠔、海膽、帶子，同任飲 1664 嘅日式任食餐廳 😱 位置仲要超方便，咁當然要黎試下呀！.👀 呢個價錢，真係以為會普普通通，甚至呃秤。點知，呢間餐廳透光度一流、食足90分鐘、服務有禮貌、性價比堅高！🤩.🦪 既然選擇升級，就當然一定要介紹可以任食嘅生蠔，同帶子海膽啦。生蠔係來自法國嘅，海鮮味濃郁，雖然尺寸唔係特別大，不過勝在新鮮唔會覺得霉喔 🤩 帶子則真係非常大粒，非常厚身，中間仲要開口笑夾住大大PAT海膽！呢個價錢仲要俾你任食， 天呀！本身包埋飲1664 㗎，但係因為要揸車就無緣了。.🦐 刺身方面，完全唔吝嗇，唔會落單後慢慢拖唔上菜，同埋會幫你慳時間直接上拼盤，食材包羅萬有：鮑魚、珍寶赤蝦、翡翠螺、等等。絕對唔係求其比幾舊三文魚搪塞你，尤其是非常大隻嘅赤蝦，好彈牙新鮮，呢個真係非常之落本呢！必點！👍.🐂 食完海鮮做頭盤開胃，就當然要試吓肉類啦！餐牌入面幾特別，好多泰式嘅烹調肉類。好鍾意個串燒同埋炒牛柳，完全鮮嫩無筋！除左牛牛仲有豬手同雞，款款都好新鮮嫩滑。重點係，D肉類完全無雪藏臭味。.🍡 肉類以外有多種選擇，連泰式炒金邊粉都有，又或者清清地炒淮山亦有！炸物、壽司呢類就更加係非常多😋.🍰 甜品有多款自助自選，汽水又多選擇，成個雪櫃任你攞！🤪 味道唔特別不過一定唔會難食，而雪糕有誠意有好多選擇。.🌟 呢間任食應該係性價比奇高嘅之一，最適合大家約齊D朋友仔黎呢度一齊擦餐勁就最啱喇！❤️.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.📍 銅鑼灣駱克道491-499號京都廣場10樓☎️ +(852)2891-6928.…Read More

幾經辛苦，4⃣️表姊妹終於就到時間出去一齊食晚飯🍴鍾意食日本菜嘅我哋去食放題就可以放肆咁食😆我地主攻係刺身，所以就加錢upgrade仼食埋爽口鹹鮮嘅生蠔同大粒肉厚嘅海膽火焰帶子😍想試吓多啲款嘅刺身，所以一嚟就點咗個 #雜錦刺身拼盤 😋包括有肥美嘅三文魚、甘香嘅油甘魚、爽甜嘅赤貝、北寄貝、馬刀貝、煙韌嘅榮螺、八爪魚、希靈魚、巨型又鮮甜嘅珍寶赤蝦，仲有比較少見嘅赤身醬油漬，肉質軟腍，唔算🈶️渣渣。壽司嘅款式都唔少，用料亦都唔會孤寒，放面嘅刺身都大大塊。尤其是海膽甘蝦三文魚籽手卷，🈵️口都係食材～除咗日式食物之外，仲有泰式食物，例如冬陰功湯、泰式燒羊腩、泰式炸蝦餅、泰式生蝦同沙嗲串燒等。食到咁上下就去甜品同雪糕櫃度嘆攞杯雪糕同雪條，就完美啦😌…Read More

▫刺身拼盤一坐底直接叫咗個刺身拼盤 超大盆😳😳 每款刺身都有2-4片 可以一齊過試晒咁多種 有三文魚 赤蝦 油甘魚 希靈魚 象拔蚌 螺片 北寄貝 角螺 鮑片～～ 三文魚夠肥美啖啖肉 角螺同象拔蚌都好爽口😚.▫升級放題 +$118▫生蠔🦪 海膽帶子刺身可以任食愛爾蘭生蠔🦪同海膽帶子刺身 仲有得任飲生啤 幾吸引所以就諗住試下佢😚 本身以為好普通 點知同酒店無異 生蠔口感順滑 食落都幾creamy～～ 可以任食好爽🤭▫海膽帶子刺身會唔會太過份🥺 大大隻帶子夾住海膽 邪惡之最🤤 帶子口感爽彈 好鮮甜同肥美😍 中和佐海膽陣腥味🙆🏼‍♀️ 一咬每啖海膽就會跑出黎迎接我 味道濃郁而略帶黏稠 夾埋食好飽滿😛 又可以encore🤭.▫晚市放題 $229好少放題會有埋泰式料理 所以我又嗌到成枱都係🤭 泰式燒物好似偏多 試咗佢個冬陰功蝦湯都幾夠味 酸酸辣辣咁 仲有埋兩隻蝦仔😚 招牌泰式魚餅蝦餅幾香口 仲有燒元貝 落佐蒜蓉同蔥花都好惹味🤤 就連生蝦都有～～ .總結，如果黎食既話 我會建議升級😍 因為有得任食蠔同海膽帶子刺身 兩者味道都唔錯 可以回本了😛 而且食物質素唔錯 同上菜速度都幾快🙆🏼‍♀️ 日式方面壽司刺身天婦羅等居多 泰式就偏多燒物類 沙律就有口水雞同涼拌青瓜etc 一次過滿足到三個願望😚 仲有甜品同飲品～…Read More

已多年沒吃過放題今日偕朋友來回味加錢升級有愛爾蘭生蠔和海膽帶子愛爾蘭生蠔味道非常新鮮海水味十足配上清新的檸檬汁可謂一絕海膽帶子亦是另一升級項目帶子配海膽絕配不會喧賓奪主帶子鮮甜有淡淡的鮮味能把海膽的鮮味充分的襯托出來甫坐下就送上刺身拼盤三文魚肥美充滿油脂油甘魚及鮑片亦鮮嫩美味牡丹蝦體積超大肉質很鮮甜壽司飯軟硬適中酸味也合宜火炙三文魚油脂味味道突出蟹肉蟹膏軍艦的蟹味濃郁海水味在口腔內齒甲留香熟食方面有日式有泰式小食除了泰式炒金邊粉外還有天婦羅等泰式燒羊腩肥瘦相間脂香味濃芝麻雞翼炸得香脆但有雪味炭燒豬頸肉香口泰式調味不錯炸物方面有皇帝蟹棒大蝦天婦茄子南瓜等炸粉香脆不會太油膩甜品方面款式略嫌少雪糕只有一款椰子菠羅口味味道清新但略嫌人工化其他甜品有粟米椰汁糕木糠布甸等…Read More

同女朋友一齊放假嚟咗銅鑼灣食放題加咗錢食法國生蠔同海膽帶子上蠔速度都叫快，好明顯食得出真係即開生蠔，起碼唔係呃人先，最後一人食咗打半蠔海膽帶子啲海膽多到瀉晒出嚟，鋪頭好似真係唔怕蝕抵咁🤔😂剌身方面不過不失，都係啲大路嘢，呢到特別在有珍寶赤蝦，但食兩三隻就好滯🥴熟食個啲就有泰式同日式嘢食，日式炸嘢就都係個啲，不過泰式嘢食就真係有啲驚喜，特別係個燒扇貝，燒得好香，總括嚟講呢間嘢幾抵玩，可以再去💯…Read More

好耐冇食過放題平時都好少放題店會有海膽同生蠔食今次就為咗呢兩樣嘢專程過海嚟試銅鑼灣呢間日式放題💛-首先環境真係唔太好 店舖面積唔大但好多張枱坐落比較迫～食物質素方面我哋加錢升級咗可以任叫生蠔同海膽帶子生蠔真係好有驚喜！大大隻好肥美仲好新鮮完全唔腥 放題嚟呢個質素真係好滿意可惜呢個海膽帶子就麻麻哋入面嘅海膽唔係好鮮甜嗰啲 所以呢個冇再encore了另外刺身嘅質素都唔錯 我哋叫咗三文魚 赤貝甜蝦等等 都幾新鮮不過我哋叫咗其他熟食就一般 結果全晚最推介嘅都係生蠔🦪呢間都算值得一試-味道：4/5環境：2/5服務：4/5抵食：3/5…Read More

呢間放題最近都幾出名，於是都book左去趁下熱鬧~一入去侍應就會問你要唔要加錢升級做任食生蠔同埋海膽帶子我地一話加，兩分鐘左右已經有生蠔同海膽帶子食生蠔我地叫左3 round，有d真係幾咸，但有d又冇事好鮮甜所以我估係睇下好唔好彩生蠔帶子大隻同鮮甜，海膽完全冇腥臭味呢個又係encore左一次嘅~海膽帶子之後當然就係叫左刺身啦~佢地嘅刺身都幾多選擇，由平時食開嘅三文魚到象拔蚌都有而且全部刺身都好新鮮，仲唔會有未溶晒雪嘅情況出現!我最欣賞就係佢地真係跟你寫嘅數量出比你刺身拼盤至於壽司方面，佢地有普通魚生壽司、卷物、軍艦同埋火灸壽司，種類好多我最滿意係佢呢度嘅火灸壽司有好多選擇，個人超中意!火灸壽司軍艦花之戀熟食方面佢地都有好多選擇架，特別佢地有好多泰式食品例如佢地個金邊粉就炒得超香，而且份量好多不過真係人多先好叫，如果唔係飽死泰式金邊粉泰式鳳爪當然仲有其他常見小食啦~…Read More

📍#瀛豐放題料理專門店.🇭🇰香港銅鑼灣駱克道491-499號京都廣場10樓🇭🇰10/F, Kyoto Plaza, 491-499 Lockhart Road, Causeway Bay, HK.#銅鑼灣 #日本菜 #MFJ銅鑼灣 #MFJ日本菜 #CausewayBay #JapaneseFood #MFJ_CausewayBay #MFJ_JapaneseFood .人均消費: HKD229+88.味道: 👅👅👅👅賣相: 👀👀👀👀價格: 💰💰💰💰環境: 🌹🌹服務: 👨🏻👨🏻👨🏻性價比: ⭐️⭐️⭐️⭐️回頭率: 🔆🔆🔆.銅鑼灣放題選擇多，瀛豐可以加錢任吃生蠔，海膽帶子，任喝啤酒，沒可能不加吧！餐廳地方比較小和迫，放題來講食物選擇唔多，但整體真心覺得食物質素好不錯.刺身類:刺身勁新鮮！海膽帶子超吸引！大大粒帶子，加拿大海膽，絕對超值，不過好膩😂生蠔是美國生蠔，十分新鮮，以價錢來說已經十分好！甜蝦巨牡丹蝦更大隻😱泰式生蝦都超正啊！.壽司類:超喜觀三文魚籽海膽花之戀呀啊！壽司細細，吃完不過太飽壽司類CP值都幾高！.小食類:椒鹽豆腐和炒牛肉都很好味！還有燒扇貝🤩燒蝦串都好惹味天婦羅就正常👌🏻.#sashimi #sushi #seaurchin #seafood #oyster #tempera .#mfoodjournal #instagfood #foodstagram #foodie #hkfoodie #fooddiary #foodblog #hkfoodblog #tastyfood #foodphotography #相機食先 #吃貨 #食好西 #香港美食指南 #美食推介 …Read More

以前中學時期尤其熱愛日式放題，但食物款式萬變不離其宗總會容易生厭。在香港，最為人熟悉的放題店定非大喜屋莫屬，往往覺得質素較有保證而甚少嘗試其他餐廳，但這次發現這間位於銅鑼灣的瀛豐放題料理專門店，比起一般放題更具特色。日常港日泰美食放題每位收費由$179至$239不等，正值大閘蟹當造季節更有供應大閘蟹放題，我們選擇平日到訪每位只需$399；另外更可以加$98任飲任食美國太平洋生蠔、海膽帶子、Asahi生啤及Blanc 1664生啤，而加$118更可將美國太平洋生蠔升級至法國皇家生蠔。點餐需以手機掃描桌上QR Code，另外甜品及飲品則可到外面自取，飲品選擇不多但甜品方面有紫糯米雪條、椰汁西米糕及榴槤糯米糍等較少見的款式。大閘蟹即點即蒸，每隻約三両半至四両，蟹膏油潤甘香。生蠔每隻均有手掌之大，肉身飽滿而且鹹鮮味重，值得一提的是服務態度一流而效率亦令人滿意，絕不會拖慢大閘蟹和生蠔這些比較昂貴的食材的上菜速度。刺身方面三文魚腩和白玉豚同樣肥美豐腴，巨型赤蝦肉質亦夠爽彈。海膽帶子將帆立貝切半夾上海膽猶如漢堡一樣，不過略嫌海膽鮮味不足，兩者同吃只能嚐出帆立貝的味道。除了一般日式料理外更有多款港式及泰式美食，例如鹹蛋黃薯條、炭燒豬頸肉、沙嗲串燒、冬蔭功蝦湯、泰式乾炒金邊粉等等，不能一一盡錄。當然放題食物款式繁多難以一一兼顧、保證每一樣菜式的水準都能媲美外界專門餐廳，但勝在能夠滿足三心兩意，而且更可以嚐遍大閘蟹生蠔和海膽，大快朵頤，絕對令人捧腹而回。…Read More