eatstreet@pentalounge (Closed)

這間自助餐已經訂咗一個月。因為之前疫情停止咗自助晚餐。雖然自助餐款式唔多。😋不過總算海鮮都新鮮。生蠔都幾肥美又冇沙，每次每人只可以取三件。呢度仲有鴨肝食，不過鴨肝質素就麻麻。長腳蟹同埋凍螺都好味仲有炸蠔添。👍甜品區，所有甜品都好一般。雪糕有只四個味選擇。佢仲有燒肉粉面、蠔仔粥、炸蠔仔餅、黑椒牛仔、魚肉燒賣、馬拉糕丶冬陰湯、少量刺身……等等，總括嚟講價錢與食物質素尚可。但係環境好寬敞。員工都好細心😍不停幫你收食完嘅碗碟。值得一讚。每個客人出去拎嘢食都要戴返口罩。餐廳衛生情況眼見都乾淨。…Read More

潮食街係位於工廠區的酒店西餐廳，裝潢充滿新派本土味鐵閘和調味料筷子筒都是懷舊裝飾，成個格調同一般四、五星酒店非常唔同，新潮而燈光較暗，幾有feel既自助餐坐位亦好特別，有似cafe咁既梳化(好舒服)，亦有美式長大枱一班人食，設計不錯先試生蠔，法國既，望上去size較細但入口幾creamy蠔味幾濃而且新鮮，海水咸度適中，值得一攞再攞凍海鮮吧要有既都有，凍蝦偏紅色，一開即離殼，算新鮮但唔知點解蝦味好怪，而無乜蝦味，拎左一次都無食了蟹腳相當普通，新鮮度ok但又係蟹味無乜，怪怪的送上人頭數既蒜茸蒸鮮鮑，幾鮮甜而口感爽得黎唔會硬或者韌如果多少少醬油就更好跟住試下佢嘅燒和牛，係肩位黎既，所以期望唔高，但結果比想像中嫩和牛酒份夠既，配少少芥末牛味已經好出九唔搭八地食下佢既蟹肉扒伊麵因為見好多人排住拎，結果係一個普通而淋到爆既麵完全無特別，再拎個象拔蚝燉湯，鮮甜而飲落幾舒服既，我都飲左兩盅但唔知點解湯料好多菜日本刺身時間，拎左三文魚、呑拿魚、甜蝦，無乜人排既時候佢會俾你一次拎多啲幾好三文魚脂肪唔算多但肉質不錯，呑拿魚夠新鮮而無乜筋甜蝦就正正常常，刺身整體算不錯既德國菜都有，有脆咸豬手同幾款香腸，香腸質素普通而無乜醬係特別既，而咸豬手就做得幾好，皮非常香脆肉質唔實而幾嫩，味道都好好如果有得加少少酸菜薯蓉就正最後幫襯埋佢嘅即炒意粉，揀pasta，揀料，佢就會即炒俾你，食左個帶子蝦蒜茸炒意粉，意粉質地係真係al dente既，食貫港式意粉就會覺得偏硬，味道就真係一般般中、西、日、意、德、港菜式都有，都算好多選擇既，普遍質素就中上啦，如果想食幾味好正既就唔太啱，多選擇既中價中質自助餐就算不錯既服務同氣氛都正#附近坐既長者話依度又暗啲櫈又淋xd#隔離有兩間娛樂室唔係度住都玩得#仲有個好靚既吧杯Gin tonic都ok…Read More

今次已經係第二次嚟食潮食街了, 趁12月頭之前仲有優惠，主要係為咗食生蠔, 我食過咁多間酒店佢嘅生蠔，我同老公認為佢係最好食，重海水嘅鹹味，而且非常之鮮甜！今日去發覺冇上次咁多人，最起碼拎生蠔嘅時候唔需要排隊，我同伴侶最起碼共吃了9碟生蠔(吾記得)！另外去熟食，我最鍾意飲去中式燉湯如姬松茸瑤柱花菇燉螺頭湯，非常之足料，我食咁多冷盤飲個燉湯就最滋陰暖胃！另外推介佢嗰白切雞，個滷水港人摯愛小食區，勝在乜都有，個滷水味不錯，連我最愛吃少麻辣花椒皮蛋都有！另外好少有酒店自助餐大到提供遊戲室，呢個遊戲室係主要俾我放仔用，玩下蘋果電腦、桌面足球機、桌球、積木層層疊及鱷魚拔牙遊戲，另外當然畀我selfie用。…Read More

以前同開朋友食放題，但黎黎去去都係日式野又真係有啲悶，今個月就同左一班朋友去食自助餐提早慶生，去左pentalounge既潮食街擦一餐，我地既肚皮已經準備好！黎到酒店上幾層樓梯，就會見到eatstreet依個字，環境非常之大，除左自助同用餐區，仲有休閒比大家放鬆心情，篤下波傾下計咁～入面全部分左好幾個區域，可以行到邊食到邊，由早餐至海鮮都應有盡有，我地都會乜都食下試下～飲品選擇唔算多，都係正常既茶、咖啡同汽水，不過汽水落得太多冰，搞到冇咩條又冇咩味。仲有港式特色風味，仲有象拔蚌燉盅，燉盅既數量有限需要排隊輪候呢～象拔蚌燉盅，湯味夠濃又帶鮮，飲落去幾滋補，象拔蚌口感煙韌，材料都幾豐富。除左港式西式食物之外，日本刺身都有嫁，有師傅即場幫你切件，每人係分得岩岩好既份量。龍蝦海鮮汁燴意大利飯，意外地有驚喜，龍蝦汁做得好到位，溫熱既口感，充滿陣陣鮮香味，意大利飯顆粒感重，海鮮料唔多但出奇地好食，不過自助餐飯類方面都係少食為妙xd(你懂的)仲有一啲西蘭花、扭扭粉、焗薯可以拎，我就樣樣都拎左啲番去試～除左以上野食外，自助餐又點少得海鮮依個咁重要既一part呢？我相信大部份人黎到，都會瘋狂食海鮮食到夠本，而海鮮依一part就係一個盡頭處，岩岩黎到已見到好多人排隊，有專人師傅幫你即場開蠔，每人每次拎生蠔都有限數量！想食生蠔既朋友真係要襯早喇～生蠔，尺寸中等，肉質唔算厚但勝在夠晒鮮甜，口感嫩滑，難怪個個都咁愛食！非常值得再排多轉，可以加上茄汁同檸檬汁去一去個腥味，very good～其實有一邊係熟食區，但因為海鮮區太受歡迎，依邊顯得格外無人問津呢～另外一邊，依然係大家好喜歡既海鮮！有松葉蟹腳、田螺、青口等等，真係手快有手慢冇特別係蟹腳！轉個圈就會唔見晒，又要等下一批喇q_q松葉蟹腳食落去非常之新鮮，有咸咸既海水味，反而令其更加鮮，食落去啖啖肉，比想像中多肉呀！田螺同青口都唔錯，味道雖唔夠蟹腳黎得鮮甜，但勝在有口感。芝士焗龍蝦，凡食自助餐都會每人送一隻芝士焗龍蝦，誠意度加晒分，賣相好吸引，不過味道則有啲失望，龍蝦焗得比較老，肉質偏韌，芝士味唔多，比較一般。牛排，烤至岩岩好7成熟，口感依然嫩身，肉質香口，牛味尚濃，唔錯～清酒煮蜆，唔算太入味，而且蜆肉都唔厚，比較上冇得突出。食到咁上下，就黎輕盈部食番啲生果平衡一下，唔同既生果分時段上，種類都幾多～原本都仲有西瓜同菠蘿，但出面行一轉之後就冇左喇，所以拎個蜜瓜同火龍果~最後既最後，當然就係唔少得出動另一個甜品胃！！有好多蛋糕同奶凍，雖然嗌晒飽，但都拎左唔少既甜品番去食xdd女人果然係有第二個胃...hahaha大部份都唔錯，最中意係佢個抹茶奶凍，質感做得好滑，抹茶味偏甜～如果仲頂得順可以食埋雪糕，或者甜品雪糕二揀一，係Häagen-Dazs出品的喔!今次慶生真係好圓滿～大家都食到飽死咁濟先番去，難得一次自肋餐都幾值既～食物質素同種類都唔錯，有好有壞，最起碼重頭戲海鮮部係好食就回本了xddd…Read More

要不是朋友知到我最愛吃自助餐，就介紹這裡，我真的完全不知到新浦崗開左一間酒店囉！既然知到了，就當然第一時間來試試，見星期日有brunch buffet 時間仲係11：30 至3：00，且價錢才一位$268， 諗都不諗就要來，搵笨整極都不到$300元一餐，試得過。而且有驚喜，Facebook add like 有25% discount “讚“一來到酒店，設計和空間都好吸引，予客人好有輕鬆隨意的感覺，擺脫一般到酒店的華麗，堂熿和摳緊感覺，很不錯，有些像台北西門町那間“意舍“,好relax 的感覺。餐廳格局寬趟，空間好大，而且開放式廚房，擺放食身區拉得好長，不會聚埋一個區域，不會取食物時太迫。這裡就像大型food court, 到每個檔口取食物般。我們4人在開始用餐時間早到10分鐘，但待應都好早安排入坐，而且未夠鐘都已經通知客人可以開始用餐。食物算幾豐富，雖不是貴價食材，但未道真的好好，而且好岩本地人口味，不會像好多酒店般，空得賣相，但實則沒那個食物的味道。我吃足兩個半小時，但仲可以多坐半小時嘆吓咖啡同茶，真的好好享受。這裡有生蠔供應，雖不是好飽滿，但很新鮮，而且即開速度都好快，每次四隻，不算小家。這裡食物味道絕對出色，我這人眼闊肚窄，好小可能吃足兩小時，除非食物好味，但今回我竟然吃到兩個多小時，可想而知食物幾好味道。…Read More

同一班同事聚會黎到依間酒店食自助餐~一入餐廳已經有個著t恤+牛仔既侍應招呼我地第一印象完全系 「形」撇開酒店自助餐既古板形象 入面既裝修都系超級新潮((大鄉里一入去既5系一堆枱/野食 而系一張大桌球枱同埋有個bar枱 完全5似食自助餐既地方~一入去先見到一個個既野食攤檔,與其話似酒店自助餐,不如話更加似美食廣場既感覺(y)一入去即刻5汁輸跑去生蠔到排隊~可能時間尚早~排左2,3分鐘就有~佢地果度有專人即時開蠔+洗蠔,成個過程比你睇住~完全感覺到果種新鮮感用差整一整開之後 配埋d汁一齊吸入口果陣海水味同鮮味完全5系其他海鮮可以比擬e度既魚生種類都有好多有三文魚八爪魚甜蝦北寄貝白立魚之類而且都十分新鮮(y)三文魚既鮮味同板長差5多 絕對將大部分酒店自助餐既三文魚比下去~北寄貝同甜蝦就相對地雪得略乾, 鮮味失色不少八爪魚就feel到入面d汁仲流緊~比起坊間其他壽司鋪既八爪魚更好食~翡翠螺絕對要一提!! 我去親食自助餐都一定會食翡翠螺~ 大大舊既肉食落口真系好爽e間酒店仲貼心地幫你整走埋塊殼~ 直接用差差佢出黎食就得 其他酒店都要自己慢慢切走其實仲有好多野食值得一提... 但系都一放上自己枱就比人清走哂lol煎鵝肝餅乾(y) << 特色食品, 都突顯到e間自助餐既新穎長腳蟹 >> 又系自助餐必食物品~佢長期都有refill (y)芝士焗大蝦 >> 蝦膏好香芝士味略淡汽水咖啡茶 >> 自己出去斟(y) 5駛淨系飲清水窩夫 雪糕 >> 唯一既失望點:( 窩夫焗得唔靚 穿哂窿 搞到d雪糕溶哂落碟 加上雪糕只系雀巢:(總括而言依間野系同類既酒店自助餐中絕對算系中上游~…Read More