Café on M

今次生日提早搵間好buffet 慶祝，要搵一間有靚景，又好食既確實唔係咁簡單。有時候食自助餐，食物質素當然重要，但亦有一部分係食埋「環境」。所以我就搵左唔少餐廳比較，最終訂左海景嘉福州際酒店既 Cafe on M。當我地預訂時，同左餐廳講低我地會慶祝生日。餐廳得悉後非常友善地為我們準備左一個祝福碟，會寫低「Happy birthday」，同時亦都會提供埋蠟燭。加上，餐廳亦都主動安排左一個 window seat ，可以令我地坐得舒服，又可以影到靚相。自助餐方面：💕 1. 海鮮海景嘉福海鮮選擇正常，我們當日都是不斷食麵包蟹和生蠔。麵包蟹非常多蟹膏，而且餐廳亦都不斷refill ，可以夾到比較靚的麵包蟹。出奇地生蠔並不是好多人排隊，生蠔亦都是正常水準。遺憾是沒有長腳蟹供應。💕 2. 即燒乳豬（限定）餐廳有個小玩意，就係每到特定時間就有限定食物。印象中，7:30 就係即燒乳豬，差不多時間就會有不少人在排隊，所以建議大家要先行一個圈，知道幾點有限定食物，做好計劃先。乳豬燒得非常爽口，要排隊都是值得的。💕 3. 焗龍蝦、芝士焗帆立貝（限定）每人都有一份焗龍蝦和芝士帆立貝，店員會在你入座後送上。兩樣食物始終都比較heavy，所以份量就剛剛好，因為要留力主打自助餐。💕 4. 熱食其他熱食就不逐一點評，可以自行睇圖，整體味道和選擇都是不錯的。💕 5. 甜品來到最期待的甜品環節。同樣，餐廳會有兩個限定環節，有黑松露芝士蛋糕和火炎雪山。比起乳豬，甜品來得更多人排隊，想食的確實要早少少排隊，我都覺得是值得的，亦都可以消化一下。不過，我覺得餐廳的甜品選擇不算太多，對於愛食甜品既可能會有少少失望，惟有食多兩個 H記雪糕補補數。值得一讚的是，餐廳知道我地生日，特意送了兩杯香檳和一些飲品俾我地慶祝。整體來說，海景嘉福的海鮮、熱食種類和質素其實相當高質，我想到可以改善的地方就是甜品區吧。…查看更多

自助餐來說，Cafe on M 算是平靚正，位置在尖東，餐廳外面有少許維港夜景，食物質素OK呀，今個月主題生蠔，晚餐有三款生蠔可以選擇，其中一款都幾Creamy，我亦都開咗一支酒，咁啱這晚招待的餐廳主管服務非常之有禮貌專業，真是有賓至如歸的感覺，所以今天晚上吃得很開心…查看更多

海景嘉福嘅自助餐不嬲都係我同家人嘅至愛今次男朋友生日我就同左佢嚟試吓今個月有啲特別 因為Cafe M做咗蟹宴有好多平時冇 各式各樣蟹嘅菜式價錢比平時貴少少 但大家記得出示OpenRice上面的優惠劵 就會有discount生蠔一向係我喺呢個自助餐嘅主打 甜品亦係另一個佢哋做得出色嘅環節 其中我最喜歡就係佢嘅waffle 至於蟹宴方面有長腳蟹 麵包蟹 蟹肉雪糕 蟹羹 蟹粥 炸蟹殼 蟹玉米餅 蟹肉蒸玉子多到數都數唔晒而質素亦都相當唔錯整體來講我都好推介大家試就算唔係蟹宴 平時嘅自助餐亦都相當之唔錯…查看更多

週日和家人到海景嘉福酒店海景咖啡廊享用自助午餐，首次到訪，餐廳環境一般喇，擺位略迫。服務方面，整體印象亦只是一般水準。不過計及食物多樣化及質素，加上會員咭(七五折；最多十二人)及信用卡優惠(八折)，感覺都算抵食。午餐有澳洲生蠔供應，體積略瘦小，海水鹹香度中度，口感滑身，蠔肉鮮香合預期。魚生刺身有五六款，鮮度對辦；壽司同樣有數款，未曾品嚐。凍海鮮有長蟹腳、翡翠螺、青口、小龍蝦及海蝦等等，品種算多，長蟹腳及青口比預期鮮甜肥美。沙律菜有兩三款，算上鮮爽，另有薯仔沙津及吞拿魚沙津等選擇。其餘冷盤以煙三文魚及開心果火腿為較有水準之作。熱食方面，有粥粉麵檔、意粉檔、點心檔、燒烤檔等等，加上其他熱盤，選擇不少。當中以燒烤檔較吸引小弟，燒雞烤羊架都幾美味，豬肋骨腍身OK，燒牛肉亦算多汁味濃。辣酒煮螺夠惹味亦可一試。甜品普遍賣相精緻，並富水準，有胃納的話可試多一兩款小蛋糕甜品。餐廳另有雪糕供應，口感幾滑亦可試試。…查看更多

傻仔敏和豬頭人看來已忘記減肥計劃，或許是忘記，又或許是從未上心。7時到達酒店，我們只是碰碰運氣，因為早了一個星期訂位，已說FULL了，死心不息試試WALK-IN，想不到居然有位，在沒期望下得到的，更見興奮。 傻仔敏愛BUFFET，因為可以有無限選擇，甫坐下…傻仔敏便出動，第一個目標是即開生蠔，第一ROUND先來半打。生蠔SIZE雖然細細，但鮮味十足，令人半打接半打再半打。冷盤方面還有長腳蟹和凍虾，長腳蟹肉質夠嫩夠鮮甜，不錯!!但凍虾就無味，食左兩隻就算。刺生、壽司款式唔多，不過刺生還算新鮮。傻仔敏當然唔會錯過巴馬火腿，還配上哈蜜瓜。芝士有約十款，傻仔敏款款試下，其中的羊奶芝士最為好味，傻仔敏和豬頭人兩個爭住食。熱葷方面，傻仔敏首推鐵板燒，牛仔骨、牛肉串、雞肉串等都是好選擇。不得不提即點即煮的意大利粉，醬汁香濃惹味，意粉的軟硬度剛剛好，我們分別來了一碟白汁虾意粉，一碟肉醬扁意粉。Buffet最後的一個環節是甜品，細細件…可以試多幾款，傻仔敏的主力是haagen dazs，豬頭人取下雪糕和即焗的心太軟，兩者合二為一，真是滋味享受。…查看更多

前日剛剛和Jennifer 一班friend去重新裝修既Cafe試一試菜, 真係好難book位, 但...最後都book到. 阿john 一開始就勁食生蠔, 更係啦, 有三款蠔任揀, 唔怕悶親, vinca 就揀沙律和魚生做頭盤, 主菜就選了即煮意大利粉.......掂! 意粉夠彈牙, 新鮮又有人serve埋檯, 佢話唔要再食蒸意粉. janet 就反而甜品大大力, 有很多款甜品揀, 又有個大雪櫃裝住, 我就只能試幾款甜品......因只怪我頭盤和魚生大大力, 下次......要食平均D, 要再食過.…查看更多